1 VAKORINZO 10
10
Muvuli Khusaala khu Misambwa
1Vasuuvili vashianje, nyenyanga mumanye kikholekha khu vakuuka veru va Musa yimililanga. Voosi valindwa na malesi, khandi voosi nivambukha khuvirila mu Inyanza Imuuchi. 2Voosi vabatiswa mu malesi nende mu inyanza khu vave valondi va Musa. 3Voosi valia shiukhulia shilala shiene shia roho, 4khandi nivang'wa shiu khung'wa shilala shiene shia roho. Vang'wa matsi karula khu lwanda lwa roho, lwa vachendanga nalwo. Lwanda lwenolo, nalwo lwali Kristo mwene. 5Navutswa khali ndio vanyishi khuvo vambakhana khuyaanzitsa Nyasaye tawe; manivakhutsila mu shiangalangwi.
6Vindu vienevo viosi viakholekha khuli vimanyilu shichila khutsi, khu khuvuli khwikomba khukhola vindu vitamanu khuli vo vakhola, 7inoho khusaala khu misambwa, khuli valala khuvo vakhola. Mahandiko Matakatifu kavoolanga, “Vandu vikhala hasi, nivalia shiukhulia nu khung'wa, manivaraanga khusieva nivakhola mwiima mutamanu kwi shifwavi.” 8Khuleshe khukhola mwiima mutamanu kwi shifwavi shiu vuheeyi, khuli vandu valala khuvo vakhola; ma vandu tsiheelefu makhomi kavili na vavaka nivakhutsa khulitukhu lilala. 9Khuvuli khuchelitsa Mwami Nyasaye#10:9 Mwami Nyasaye: Mahandiko kandi kakhale kali na Kristo., khuli valala khuvo vakhola, ma tsinzukha nitsivaluma, nivakhutsa. 10Khuvuli khwikana nu khulila, khuli valala khuvo vakholanga; ma Injelosi yi Likhutsa, nivativitsa.
11Vindu yivi viosi viakholekha khuvo, khuli vimanyilu khu vandu vandi; navutswa viahandikwa vive viu khukhuchelihitsa; lwa khumenyanga mumatukhu ki shiheeli shili himbi khutukha.
12Mundu ukanakananga wasinjila ni tsingulu, ave mucheli khu avuli khukwa. 13Machelitso ka mwavirilamu koosi, nako ka vandu voosi mu shivala vavirilamu. Nyasaye neye musuuvilwa; khandi shianyala khumulekha khuchelitswa khuvira tsingulu tsienyu tawe. Navutswa khuvirila mu machelitso, Nyasaye alamuha tsingulu tsiu khukuura khu mutsililile khwikhutsila.
14Khulwa yako, valina vaanje vanayaanza, muleshe khusaala khu misambwa. 15Manyi vulahi ndi nomolomanga khu vandu vacheliha. Kanakanikhu vene kambolanga. 16Shikombe shia khurumishilanga mu shiukhulia shiu Mwami shiukhumalilikha, khandi shichilanga nu khusanditsa Nyasaye: lwa khung'welamu, khusanganga masahi ka Kristo. Mukati kwa khutong'olanga: lwa khuliitsanga, khusanganga mmbili kwa Kristo. 17Lwa khuliho nu mukati mulala, khutsi voosi va khuli vanyishi, khuli mmbili mulala, shichila voosi khusanganga mukati mulala.
18Kanakanikhu Vaisraeli; vandu valiitsanga shihanwa shiu musango vasanganga mu muhinzilu khu vwaali. 19Ni shina shia njelitsanga khuvoola? Musango kukholelwi khu musambwa kuli nu vukhonyi, inoho musambwa kwene nakwo kuli nu vukhonyi? 20Shikali kario tawe! Kambolanga kali ndi shikholelwangwa musango khu vwaali vwa vandu vatamanu vakorwa Nyasaye, shihanwangwa khu matimoni; navutswa khu Nyasaye tawe. Khulwa yako, shinyenyanga musanje na matimoni tawe. 21Muliitsa khuvula khung'wa mu shikombe shiu Mwami, khandi mu shikombe shia matimoni; muliitsa khuvula khulia shiukhulia khu imesa yu Mwami, khandi khu imesa ya matimoni khandi. 22Inoho khunyala khuva khulombanga Mwami khuva nimbotokha? Munyala khuva mukanakananga khuli ni tsingulu khuvira Mwami?
23Vavoolanga, “Khwaheelwa vunyali vu khukhola shia shindu shiosi.” Ni katoto, navutswa vindu viosi shivili vilahi tawe. “Khwaheelwa vunyali vu khukhola shia shindu shiosi” -- navutswa vindu viosi ni shikhaya. 24Mundu avuli khwiyenyela kali malahi khulondokhana khuye mwene, navutswa khali nu vulahi khwenyelakhu vandi kali malahi.
25Muli nu vuvoholole vu khulia shia shindu shiosi, shia vakuulitsanga musokoni ya vakuulitsamu inyama, vuchila khureeva mareevo koosi, shichila tsinganakani tsienyu tsiu mukari. 26Mahandiko Matakatifu kavoolanga, “Lilova nende vindu vilimu viosi ni viu Mwami Nyasaye.”
27Niiva mulala khu vandu vatamanu vakorwa Nyasaye, aliitsa khumulaanga mulilia, mamulole ndi nu vulahi khutsia, muliitsa khulia shia shindu shiosi, shia valiitsa khumulerela, vuchila khureeva mareevo koosi, shichila tsinganakani tsienyu tsiu mukari. 28Navutswa niiva mundu wundi aliitsa khumuvoolela, “Shiukhulia yishi shimali khuhaanwa khuli musango khu misambwa,” muvuli khulia shiukhulia shienesho, khukhonya mundu wamuvoolela khandi shichila tsinganakani tsienyu tsiu mukari -- 29nakhwo khuvoola, shikali ni tsinganakani tsienyu tsiu mukari tawe, navutswa tsinganakani tsiu mukari tsiu mundu wundi woyo.
Mundu anyala khureeva, “Nu vulahi, shichila shina vuvoholole vwanje vuchehitswangwa khulondokhana khu tsinganakani tsiu mukari tsiu mundu wundi? 30Niiva nasanditsa Nyasaye, shichila shiukhulia shianje, shichila shina mundu anjayanga khulondokhana khu shiukhulia shiasanditsi?”
31Khulwa yako, kave muliitsa khulia inoho khung'wa inoho shia shindu shiosi shia mukholanga, mukhole viosi khuhaana vukhumi khu Nyasaye. 32Muvuli khukholelakhu mundu shindu shitamanu, ave nu Muyahudi, Muguriki, inoho likanisa lia Nyasaye. 33Kholi vutswa khuli kholanga. Njelitsanga khuyaanzitsa shia mundu wosi mu koosi kakholanga, vuchila khwiyenyela mwene kali malahi; navutswa kali malahi khu vandu voosi, nikanyalikha vahonyinywi.
Currently Selected:
1 VAKORINZO 10: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
1 VAKORINZO 10
10
Muvuli Khusaala khu Misambwa
1Vasuuvili vashianje, nyenyanga mumanye kikholekha khu vakuuka veru va Musa yimililanga. Voosi valindwa na malesi, khandi voosi nivambukha khuvirila mu Inyanza Imuuchi. 2Voosi vabatiswa mu malesi nende mu inyanza khu vave valondi va Musa. 3Voosi valia shiukhulia shilala shiene shia roho, 4khandi nivang'wa shiu khung'wa shilala shiene shia roho. Vang'wa matsi karula khu lwanda lwa roho, lwa vachendanga nalwo. Lwanda lwenolo, nalwo lwali Kristo mwene. 5Navutswa khali ndio vanyishi khuvo vambakhana khuyaanzitsa Nyasaye tawe; manivakhutsila mu shiangalangwi.
6Vindu vienevo viosi viakholekha khuli vimanyilu shichila khutsi, khu khuvuli khwikomba khukhola vindu vitamanu khuli vo vakhola, 7inoho khusaala khu misambwa, khuli valala khuvo vakhola. Mahandiko Matakatifu kavoolanga, “Vandu vikhala hasi, nivalia shiukhulia nu khung'wa, manivaraanga khusieva nivakhola mwiima mutamanu kwi shifwavi.” 8Khuleshe khukhola mwiima mutamanu kwi shifwavi shiu vuheeyi, khuli vandu valala khuvo vakhola; ma vandu tsiheelefu makhomi kavili na vavaka nivakhutsa khulitukhu lilala. 9Khuvuli khuchelitsa Mwami Nyasaye#10:9 Mwami Nyasaye: Mahandiko kandi kakhale kali na Kristo., khuli valala khuvo vakhola, ma tsinzukha nitsivaluma, nivakhutsa. 10Khuvuli khwikana nu khulila, khuli valala khuvo vakholanga; ma Injelosi yi Likhutsa, nivativitsa.
11Vindu yivi viosi viakholekha khuvo, khuli vimanyilu khu vandu vandi; navutswa viahandikwa vive viu khukhuchelihitsa; lwa khumenyanga mumatukhu ki shiheeli shili himbi khutukha.
12Mundu ukanakananga wasinjila ni tsingulu, ave mucheli khu avuli khukwa. 13Machelitso ka mwavirilamu koosi, nako ka vandu voosi mu shivala vavirilamu. Nyasaye neye musuuvilwa; khandi shianyala khumulekha khuchelitswa khuvira tsingulu tsienyu tawe. Navutswa khuvirila mu machelitso, Nyasaye alamuha tsingulu tsiu khukuura khu mutsililile khwikhutsila.
14Khulwa yako, valina vaanje vanayaanza, muleshe khusaala khu misambwa. 15Manyi vulahi ndi nomolomanga khu vandu vacheliha. Kanakanikhu vene kambolanga. 16Shikombe shia khurumishilanga mu shiukhulia shiu Mwami shiukhumalilikha, khandi shichilanga nu khusanditsa Nyasaye: lwa khung'welamu, khusanganga masahi ka Kristo. Mukati kwa khutong'olanga: lwa khuliitsanga, khusanganga mmbili kwa Kristo. 17Lwa khuliho nu mukati mulala, khutsi voosi va khuli vanyishi, khuli mmbili mulala, shichila voosi khusanganga mukati mulala.
18Kanakanikhu Vaisraeli; vandu valiitsanga shihanwa shiu musango vasanganga mu muhinzilu khu vwaali. 19Ni shina shia njelitsanga khuvoola? Musango kukholelwi khu musambwa kuli nu vukhonyi, inoho musambwa kwene nakwo kuli nu vukhonyi? 20Shikali kario tawe! Kambolanga kali ndi shikholelwangwa musango khu vwaali vwa vandu vatamanu vakorwa Nyasaye, shihanwangwa khu matimoni; navutswa khu Nyasaye tawe. Khulwa yako, shinyenyanga musanje na matimoni tawe. 21Muliitsa khuvula khung'wa mu shikombe shiu Mwami, khandi mu shikombe shia matimoni; muliitsa khuvula khulia shiukhulia khu imesa yu Mwami, khandi khu imesa ya matimoni khandi. 22Inoho khunyala khuva khulombanga Mwami khuva nimbotokha? Munyala khuva mukanakananga khuli ni tsingulu khuvira Mwami?
23Vavoolanga, “Khwaheelwa vunyali vu khukhola shia shindu shiosi.” Ni katoto, navutswa vindu viosi shivili vilahi tawe. “Khwaheelwa vunyali vu khukhola shia shindu shiosi” -- navutswa vindu viosi ni shikhaya. 24Mundu avuli khwiyenyela kali malahi khulondokhana khuye mwene, navutswa khali nu vulahi khwenyelakhu vandi kali malahi.
25Muli nu vuvoholole vu khulia shia shindu shiosi, shia vakuulitsanga musokoni ya vakuulitsamu inyama, vuchila khureeva mareevo koosi, shichila tsinganakani tsienyu tsiu mukari. 26Mahandiko Matakatifu kavoolanga, “Lilova nende vindu vilimu viosi ni viu Mwami Nyasaye.”
27Niiva mulala khu vandu vatamanu vakorwa Nyasaye, aliitsa khumulaanga mulilia, mamulole ndi nu vulahi khutsia, muliitsa khulia shia shindu shiosi, shia valiitsa khumulerela, vuchila khureeva mareevo koosi, shichila tsinganakani tsienyu tsiu mukari. 28Navutswa niiva mundu wundi aliitsa khumuvoolela, “Shiukhulia yishi shimali khuhaanwa khuli musango khu misambwa,” muvuli khulia shiukhulia shienesho, khukhonya mundu wamuvoolela khandi shichila tsinganakani tsienyu tsiu mukari -- 29nakhwo khuvoola, shikali ni tsinganakani tsienyu tsiu mukari tawe, navutswa tsinganakani tsiu mukari tsiu mundu wundi woyo.
Mundu anyala khureeva, “Nu vulahi, shichila shina vuvoholole vwanje vuchehitswangwa khulondokhana khu tsinganakani tsiu mukari tsiu mundu wundi? 30Niiva nasanditsa Nyasaye, shichila shiukhulia shianje, shichila shina mundu anjayanga khulondokhana khu shiukhulia shiasanditsi?”
31Khulwa yako, kave muliitsa khulia inoho khung'wa inoho shia shindu shiosi shia mukholanga, mukhole viosi khuhaana vukhumi khu Nyasaye. 32Muvuli khukholelakhu mundu shindu shitamanu, ave nu Muyahudi, Muguriki, inoho likanisa lia Nyasaye. 33Kholi vutswa khuli kholanga. Njelitsanga khuyaanzitsa shia mundu wosi mu koosi kakholanga, vuchila khwiyenyela mwene kali malahi; navutswa kali malahi khu vandu voosi, nikanyalikha vahonyinywi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013