Salmos 28
28
Tatitojj mayisitanacasarojj ist'iwa
(Davidan k'ochupa)
1Arjjatir Tatitojjay, jumaruw art'asinsma,
janiquiy mayisitajjar jan ist'irejj tucumti;
janitejj ist'quitasmajja, jiwatanacamp chicäjjeristwa.
2Yanap mayiscsma ucapachajj arnakasitajjarojj ist'aquimaya,
amparanacajj kollan utam uñcatat aytancta ucapachajj jaysaquitaya.
3Janiquiy khoru jakenacamp chicajj apistati, janirac ñankha luririnacampis chicachasiyistati,
laka chuymaquiw jake masipamp sumanquirejj tucupjje, chuymapasti ñankhan phokhantatawa.
4Luratanacaparjam jupanacarojj uñjam, jan wali sarnakäwiparjam uñjaraquim;
jan wali luratanacaparjam mutuyam, ñankha lurataparjam juchañcham.
5Jupanacajj janiw Diosan luräwinacapat amtasipquiti,
janiw luratanacapat yatiñ munapquiti,
jupay jan mayampitac jupanacar tucjpan.
6¡Tatitojj kollanäpan, jupaw mayisitajjarojj ist'i!
7Tatituw ch'amajjajja, arjjatirejjasa:
juparuw takpach chuymamp iyawsta, jupasti yanapt'ituwa.
Chuymajjajj cusisitawa, Tatituruw k'ochü, yuspagararaquï.
8Tatituw marcapar ch'amañchirejja,
juparaquiw ajllit reyipar yanapirisa, arjjatirisa.
9Tatay, marcamarojj khespiyaquimaya,
jumar iyawsirinacar asquinac churam;
awatirir uñtat jupanacar uñjam,
¡wiñayapun amparamampejj irpam!
Currently Selected:
Salmos 28: AYOP
Highlight
Copy
Compare
Share
Want to have your highlights saved across all your devices? Sign up or sign in
Biblia Aymara ©Sociedad Bíblica Boliviana 1997.
Salmos 28
28
Tatitojj mayisitanacasarojj ist'iwa
(Davidan k'ochupa)
1Arjjatir Tatitojjay, jumaruw art'asinsma,
janiquiy mayisitajjar jan ist'irejj tucumti;
janitejj ist'quitasmajja, jiwatanacamp chicäjjeristwa.
2Yanap mayiscsma ucapachajj arnakasitajjarojj ist'aquimaya,
amparanacajj kollan utam uñcatat aytancta ucapachajj jaysaquitaya.
3Janiquiy khoru jakenacamp chicajj apistati, janirac ñankha luririnacampis chicachasiyistati,
laka chuymaquiw jake masipamp sumanquirejj tucupjje, chuymapasti ñankhan phokhantatawa.
4Luratanacaparjam jupanacarojj uñjam, jan wali sarnakäwiparjam uñjaraquim;
jan wali luratanacaparjam mutuyam, ñankha lurataparjam juchañcham.
5Jupanacajj janiw Diosan luräwinacapat amtasipquiti,
janiw luratanacapat yatiñ munapquiti,
jupay jan mayampitac jupanacar tucjpan.
6¡Tatitojj kollanäpan, jupaw mayisitajjarojj ist'i!
7Tatituw ch'amajjajja, arjjatirejjasa:
juparuw takpach chuymamp iyawsta, jupasti yanapt'ituwa.
Chuymajjajj cusisitawa, Tatituruw k'ochü, yuspagararaquï.
8Tatituw marcapar ch'amañchirejja,
juparaquiw ajllit reyipar yanapirisa, arjjatirisa.
9Tatay, marcamarojj khespiyaquimaya,
jumar iyawsirinacar asquinac churam;
awatirir uñtat jupanacar uñjam,
¡wiñayapun amparamampejj irpam!
Biblia Aymara ©Sociedad Bíblica Boliviana 1997.