LIVALITSWA 8
8
Haruni Yasinjilitsa Tsitaaha
1Mwami Nyasaye yavoolela Musa, 2“Voolela Haruni ndi lwa avikhanga tsitaaha saba, khu shikuru shi itaaha, atsilombe khwashitsa vulavu imbeli wi shikuru shi itaaha shienesho.” 3Haruni yakhola khuli yavoolelwa; yavikha tsitaaha nitsiheenza imbeli wi shikuru shi itaaha, khuli Mwami Nyasaye yali navoolele Musa akhole. 4Nindi khuli shikuru shi itaaha, shiali nishialombwa: shiali ni shialombwa khu itsahabu yiraanywa ninyundu -- khuraanjila khu vwalilu lwashio nu khutsia ikulu. Shikuru shi tsitaaha shialombwa munjila indala yene, khuli Mwami Nyasaye yali niyamanyinya Musa.
Mivaalo khu Litakasa Vandu Vuluhia lwa Levi
5Mwami Nyasaye yavoolela Musa, 6“Yahula vandu vu lwivulu lwa Levi, khurula mu Vaisraeli vandi, nu khuvakhola khuva vanihu khulondokhana khu mulukha 7munjila yiyi; vamitse na matsi ku khuvanihitsa khandi, uvavoolele vaveche liswi lili khu mivili chiavo nu khufuya tsinguvu tsiavo khu vave vanihu khulondokhana khu mulukha. 8Valiitsa khuvukula shihunwa nende shihanwa shi imu yu vusi, vwatsukanywa na makura. Uliitsa khuvukula khandi shihunwa shia khavili, uhaane khuli shihanwa shiu khurulitsaho vwoni. 9Uliitsa khulaanga halala Vaisraeli voosi, uvoolele vandu vu lwivulu lwa Levi vasinjile imbeli wi Liheemo Litakatifu lianje. 10Uliitsa khulera vandu vu lwivulu lwa Levi imbeli wi Liheemo Litakatifu, ma Vaisraeli vatiile makhono kavo khuvo. 11Haruni aliitsa khuhaana vandu vu lwivulu lwa Levi khwinzi, khuli shihanwa shilahi khurula mu Vaisraeli, nikanyalikha vakhole muhinzilu kwanje. 12Vandu vuluhia lwa Levi, valiitsa khutiila makhono kavo khu mirwi chi vihuunwa vivili vienevo. Shihunwa shilala shilitsa khuhaanwa, khuli shihanwa shiu khurulitsaho vwoni, khandi shindi khuli shihanwa shiu khusambwa, khu khuve khukholi mulukha ku khunihitsa vandu vu lwivulu lwa Levi.
13“Voolela vandu vu lwivulu lwa Levi, vasinjile imbeli wa Haruni nende vaana veve, khumba khuli shihanwa shilahi. 14Yahula vandu vu lwivulu lwa Levi munjila yeneyo, khurula mu Vaisraeli vandi, khu vave vandu vaanje mwene. 15Numwakhamala khunihitsa vandu vu lwivulu lwa Levi, khandi nu mwakhahaana khwinzi khuli shihanwa shilahi, valiitsa khukhola muhinzilu kwavo mu Liheemo Litakatifu. 16Ni vaanje, khandi valiitsa khuvukula vwiyangu vwa vaana vi shiyayi vakhulundu va Vaisraeli. 17Lwa nali nimali khwiira vaana vi shiyayi vakhulundu voosi va Vamisri, nahula haluveka shia mwana wi shiyayi mukhulundu khwivulwa mu inzu ya Vaisraeli, khuva mutakatifu khwinzi, khali khandi muruku musatsa ku khuraanga khwivulwa mu miruku chiavo, nu kwanje. 18Navutswa mali khuvukula nunundi vandu vu lwivulu lwa Levi mu vwiyangu vwa vaana vi shiyayi vakhulundu va Vaisraeli. 19Mbetsanga Haruni nende vaana veve vi shiyayi vandu vu lwivulu lwa Levi, khuli shihanwa khurula mu Vaisraeli, khukholela Vaisraeli muhinzilu mu Liheemo Litakatifu, nu khulinda Vaisraeli, khurula mu matiinyu kanyala khuvanyola, niiva vanyala khwisuunda vutswa himbi Havundu Hatakatifu.”
20Musa, Haruni nende Vaisraeli vandi vatakasa vandu vu lwivulu lwa Levi, khuli Mwami Nyasaye yali navoolele Musa akhole. 21Vandu vuluhia lwa Levi vikhola vene khuva vanihu, nivafuya tsinguvu tsiavo na matsi. Haruni yavakhola khuva vatakatifu, khuli shihanwa shilahi khu Mwami Nyasaye. Yakhola khandi mulukha ku khuvakhola khuva vanihu. 22Vandu vakhola shia shindu shiosi, shiu Mwami Nyasaye yali navoolele Musa vakhole, khulondokhana khu vandu vu lwivulu lwa Levi. Vandu vuluhia lwa Levi, vali nivatushili khukhola muhinzilu kwavo mu Liheemo Litakatifu, nivasinjililwi na Haruni nende vaana veve.
23Mwami Nyasaye yavoolela Musa, 24“Shia mundu wosi urulanga mu vandu vu lwivulu lwa Levi, uli ni mihika khuraanjila khu makhomi kavili na karanu, aliitsa khukhola muhinzilu kwekwe mu Liheemo Litakatifu. 25Navutswa aliitsa khuhulushitswa khukhola muhinzilu kwekwe, lwa aliitsa khuva niyakhatushitsa mihika makhomi karanu. 26Niyakhamala khuhulushitswa khukhola muhinzilu kwosi, anyala khukhonyanila vandu vu lwivulu lwa Levi veshie, khukhola mihinzilu chiavo mu Liheemo Litakatifu, navutswa avuli khukholakhu mwene muhinzilu kwosi. Nindi uliitsa khukavulila vandu vu lwivulu lwa Levi mihinzilu chia vakhola.”
Currently Selected:
LIVALITSWA 8: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
LIVALITSWA 8
8
Haruni Yasinjilitsa Tsitaaha
1Mwami Nyasaye yavoolela Musa, 2“Voolela Haruni ndi lwa avikhanga tsitaaha saba, khu shikuru shi itaaha, atsilombe khwashitsa vulavu imbeli wi shikuru shi itaaha shienesho.” 3Haruni yakhola khuli yavoolelwa; yavikha tsitaaha nitsiheenza imbeli wi shikuru shi itaaha, khuli Mwami Nyasaye yali navoolele Musa akhole. 4Nindi khuli shikuru shi itaaha, shiali nishialombwa: shiali ni shialombwa khu itsahabu yiraanywa ninyundu -- khuraanjila khu vwalilu lwashio nu khutsia ikulu. Shikuru shi tsitaaha shialombwa munjila indala yene, khuli Mwami Nyasaye yali niyamanyinya Musa.
Mivaalo khu Litakasa Vandu Vuluhia lwa Levi
5Mwami Nyasaye yavoolela Musa, 6“Yahula vandu vu lwivulu lwa Levi, khurula mu Vaisraeli vandi, nu khuvakhola khuva vanihu khulondokhana khu mulukha 7munjila yiyi; vamitse na matsi ku khuvanihitsa khandi, uvavoolele vaveche liswi lili khu mivili chiavo nu khufuya tsinguvu tsiavo khu vave vanihu khulondokhana khu mulukha. 8Valiitsa khuvukula shihunwa nende shihanwa shi imu yu vusi, vwatsukanywa na makura. Uliitsa khuvukula khandi shihunwa shia khavili, uhaane khuli shihanwa shiu khurulitsaho vwoni. 9Uliitsa khulaanga halala Vaisraeli voosi, uvoolele vandu vu lwivulu lwa Levi vasinjile imbeli wi Liheemo Litakatifu lianje. 10Uliitsa khulera vandu vu lwivulu lwa Levi imbeli wi Liheemo Litakatifu, ma Vaisraeli vatiile makhono kavo khuvo. 11Haruni aliitsa khuhaana vandu vu lwivulu lwa Levi khwinzi, khuli shihanwa shilahi khurula mu Vaisraeli, nikanyalikha vakhole muhinzilu kwanje. 12Vandu vuluhia lwa Levi, valiitsa khutiila makhono kavo khu mirwi chi vihuunwa vivili vienevo. Shihunwa shilala shilitsa khuhaanwa, khuli shihanwa shiu khurulitsaho vwoni, khandi shindi khuli shihanwa shiu khusambwa, khu khuve khukholi mulukha ku khunihitsa vandu vu lwivulu lwa Levi.
13“Voolela vandu vu lwivulu lwa Levi, vasinjile imbeli wa Haruni nende vaana veve, khumba khuli shihanwa shilahi. 14Yahula vandu vu lwivulu lwa Levi munjila yeneyo, khurula mu Vaisraeli vandi, khu vave vandu vaanje mwene. 15Numwakhamala khunihitsa vandu vu lwivulu lwa Levi, khandi nu mwakhahaana khwinzi khuli shihanwa shilahi, valiitsa khukhola muhinzilu kwavo mu Liheemo Litakatifu. 16Ni vaanje, khandi valiitsa khuvukula vwiyangu vwa vaana vi shiyayi vakhulundu va Vaisraeli. 17Lwa nali nimali khwiira vaana vi shiyayi vakhulundu voosi va Vamisri, nahula haluveka shia mwana wi shiyayi mukhulundu khwivulwa mu inzu ya Vaisraeli, khuva mutakatifu khwinzi, khali khandi muruku musatsa ku khuraanga khwivulwa mu miruku chiavo, nu kwanje. 18Navutswa mali khuvukula nunundi vandu vu lwivulu lwa Levi mu vwiyangu vwa vaana vi shiyayi vakhulundu va Vaisraeli. 19Mbetsanga Haruni nende vaana veve vi shiyayi vandu vu lwivulu lwa Levi, khuli shihanwa khurula mu Vaisraeli, khukholela Vaisraeli muhinzilu mu Liheemo Litakatifu, nu khulinda Vaisraeli, khurula mu matiinyu kanyala khuvanyola, niiva vanyala khwisuunda vutswa himbi Havundu Hatakatifu.”
20Musa, Haruni nende Vaisraeli vandi vatakasa vandu vu lwivulu lwa Levi, khuli Mwami Nyasaye yali navoolele Musa akhole. 21Vandu vuluhia lwa Levi vikhola vene khuva vanihu, nivafuya tsinguvu tsiavo na matsi. Haruni yavakhola khuva vatakatifu, khuli shihanwa shilahi khu Mwami Nyasaye. Yakhola khandi mulukha ku khuvakhola khuva vanihu. 22Vandu vakhola shia shindu shiosi, shiu Mwami Nyasaye yali navoolele Musa vakhole, khulondokhana khu vandu vu lwivulu lwa Levi. Vandu vuluhia lwa Levi, vali nivatushili khukhola muhinzilu kwavo mu Liheemo Litakatifu, nivasinjililwi na Haruni nende vaana veve.
23Mwami Nyasaye yavoolela Musa, 24“Shia mundu wosi urulanga mu vandu vu lwivulu lwa Levi, uli ni mihika khuraanjila khu makhomi kavili na karanu, aliitsa khukhola muhinzilu kwekwe mu Liheemo Litakatifu. 25Navutswa aliitsa khuhulushitswa khukhola muhinzilu kwekwe, lwa aliitsa khuva niyakhatushitsa mihika makhomi karanu. 26Niyakhamala khuhulushitswa khukhola muhinzilu kwosi, anyala khukhonyanila vandu vu lwivulu lwa Levi veshie, khukhola mihinzilu chiavo mu Liheemo Litakatifu, navutswa avuli khukholakhu mwene muhinzilu kwosi. Nindi uliitsa khukavulila vandu vu lwivulu lwa Levi mihinzilu chia vakhola.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013