LIVALITSWA 14
14
Vaisraeli Vililila Nivang'ung'una
1Nalwo lwa Vaisraeli vililila mu vutukhu vwenovo vwosi, lwa vali ni vanyakhananga. 2Vililila shichila Musa nende Haruni, nivavoola, “Khuva nu khwakhutsa, nu khuli mu shivala shia Misri inoho hanu mu shiangalangwi, khani nu vulahi! 3Shichila shina Mwami Nyasaye akhuhilanga mu shivala yishi? Valiitsa khukhwiirila muliihe, nu khuvukula ni tsingulu vakhali veru nende vaana veru. Vunyala khuva vulahi khukalukha mu shivala shia Misri!” 4Vavoolelana vene khuvene, “Leshi khurovole mwimilili, unyala khukhwimilila khukalukha mu shivala shia Misri.”
5Nalwo lwa Musa nende Haruni, vakwa hasi mahunama imbeli wa vandu vi shikhaalo voosi. 6Yoshwa mwana wa Nuni nende Kalebu mwana wa Yefune, nivali valala khu varunishitsi venavo, varandula tsinguvu tsiavo nivavelele. 7Vavoolela Vaisraeli voosi, “Shivala shia khwa khalakanyilamu nu khurunishitsa shiakasa muno. 8Niiva Mwami Nyasaye wayaanzitswa na khutsi, aliitsa khukhuhilayo khandi akhuhe shivala shili nu vuhinda khandi lilova lilahi nende vushi. 9Numuyaanza, leshi khuhinganyinya khali hati hene Mwami Nyasaye. Muvuli khuria vandu vamenyayo. Khutsitsanga khuvakuurila vwangu mu shivala shienesho. Mwami Nyasaye ali na khutsi khandi umali khukuura vanyasaye va valindanga; muvuli khuria.” 10Vaisraeli voosi vavoolelana khuvalesa na machina khutukha lwa vakhutsa; navutswa nonoho lwa vandu valola vukhumi vu Mwami Nyasaye, nu vulolekhanga khu Liheemo Litakatifu.
Musa Yasaalila Vaisraeli
11Mwami Nyasaye yavoolela Musa, “Nuluhono shina lwa vandu yava vatsililila khunjaya? Nuluhono shina lwa vandu yava vatsililila khwambakhana khusuuvila mwinzi, khali niiva valola nikholanga viloleshitsu vinyishi muvo? 12Niitsa khuvarumila lukhutsu khuvativitsa; navutswa niitsa khukhukhola khuva kuuka wu luhia lwa vandu vanyishi, vali ni tsingulu tsinyishi khuvira vo!”
13Navutswa Musa yavoolela Mwami Nyasaye, “Nivi warulitsa vandu yava mu shivala shia Misri, khuvirila mu tsingulu tsiotsio. Lwa Vamisri vahulila vikholwa via wakholela vandu vovo, 14valiitsa khuvoolela vandu vamenyanga mu shivala yishi. Mwami Nyasaye, vandu venavo vamali khuhulila ndi uli na khutsi; shichila va khulolanga havulavu havundu ha malesi koko kavetsanga nikasinjile havundu ha khuli, nu khwimilila khuvirila mu malesi malitoho mbasu, khandi khuvirila mu mulilu vutukhu. 15Niiva unyala khwiira nunundi vandu vovo voosi, nalwo lwa vandu vi tsimbia tsindi vahulilakhu makhuva khulondokhana khu luyali lwolwo, valiitsa khuvoola, 16‘Mwami Nyasaye wayiirila vandu mu shiangalangwi, shichila yakhaywa tsingulu tsiu khuvahila mu shivala, shia yali niyalaaka aliitsa khuvaha.’ 17Mwami Nyasaye, saalanga nunundi, ukhumanyinyi tsingulu tsiotsio, khandi ukhukholele ka wa khulaaka uliitsa khukhukholela, lwa wavoola, 18‘Inzi Mwami Nyasaye, mbulakhu vurima vu vwangu, manyinyanga vandu vuyaanzi, semehanga vandu vwoni nende vutamanu vwavo. Nikhali shinyala khulekha khusalilitsa vaana nende vakuuka, khuraanjila khu vandu vi likhula lia khavaka khutukha khu lia khane, shichila vwoni vwa vivuli vavo vakhola tawe.’ 19Mwami Nyasaye, saalanga ndi usemehe vandu yava vwoni vwa vakholi vene, khulondokhana khu vuyaanzi vwovwo, khuli lwa wa varulitsa mu shivala shia Misri khutukha nunundi.”
20Mwami Nyasaye yavoola, “Mali khuvasemeha khuli lwa ureevi. 21Navutswa khusuuvilitsanga nikhutinyilitsa ndi niiva shili mwoyo, khandi lwa liiva lianje linyishi liliitsa khuva nilili mu shivala, 22mundu avulakhuho, khali khu vandu venavo uliitsa khwinjilakhu mu shivala shienesho. Vamali khulola khale vukhumi vwanje nende viloleshitsu, via nakhola mu shivala shia Misri nende mu shiangalangwi; navutswa vachelitsa khulola likhutsila lianje, hali khanyishi khandi vayambakhana khulonda malako kaanje. 23Valiitsa khuvula khwinjilakhu mu shivala, shia nalaaka naha vakuuka vavo. Mundu avulakhuho, khali mulala khu yavo vanjaya uliitsa khwinjilamu. 24Navutswa shichila murumishi wanje Kalebu, nu mundu mulahi khuvira vandi, khandi nu musuuvilwa khwinzi, niitsa khumwinjilitsa mu shivala, shia yali niyarunishitsa shienesho. Khali vitsukhulu veve, valiitsa khumenyamu. 25Lwa Vaamaleki nende Vakanaani vamenyanga mu luhoongo, mukalushi mukamba, ma muraanje luchendo lu khutsia mu shiangalangwi, khu muhaanda kutsitsanga khu Inyanza Imuuchi.”
Mwami Nyasaye Yasalilitsa Vandu Shichila Vilililanga
26Mwami Nyasaye yavoolela Musa nende Haruni, 27“Nuluhono shina lwa vandu vatamanu yava, valiitsa khutsililila khwililila khwinzi? Mali khuhulila makhuva koosi khulondokhana khuli vilililanga khwinzi. 28Muvavoolele nunundi, ‘Nzisuuhanga mu katoto ndi lwa inzi Mwami Nyasaye uli mwoyo, niitsa khumukholela vutswa khuli mureevi. Inzi Nyasaye mali khuvoola. 29Muliitsa khukhutsa khandi mivili chienyu chiliitsa khulaakalala shia havundu hosi mu shiangalangwi yumu. Mundu avulakhuho, khali mulala khu munyi uli ni mihika khuvira makhomi kavili, uliitsa khwinjila mu shivala shienesho, shichila mwilililanga khwinzi. 30Ninzi wamulaaka niitsa khumuhila khutsia khumenya mu shivala shienesho; navutswa khali mulala khu munyi avulakhuho, uliitsa khumenyamu. Kalebu nende Yoshwa vonyene, navo valiitsa khumenyamu. 31Mwalomoloma numuvoola vaana venyu valiitsa khukumilwa ni tsingulu, navutswa niitsa khuvahila mu shivala shia mwachaya, nashio shiliitsa khuva hango havo. 32Navutswa munyi, muliitsa khukhutsila mu shiangalangwi yumu. 33Vaana venyu valiitsa khuhuya huya mu shiangalangwi, khumihika makhomi kane. Muliitsa khunyakhana, shichila mwa yambakhana khuva vasuuvilwa khwinzi, khutukha lwa munyi voosi muliitsa khukhutsa. 34Muliitsa khunyakhana shichila vwoni vwenyu, vwa mwakhola khumihika makhomi kane; shia muhika kuliitsa khutsianakana na matukhu makhomi kane, ka mwali numumali nu murunishitsanga shivala shienesho. Mutsitsanga khumanya shia kavoolanga, khumbukula khuli mutsiku wenyu!’ 35Inzi Mwami Nyasaye, mali khuvoola; ni kilikali niitsa khukholela vandu vatamanu venavo vindu yivi, shichila vakanili halala khukhumbira. Valiitsa khuvwela mwichendanyama yumu; valiitsa khukhutsila munu.”
36Vandu va Musa yali niyaruma khutsia khurunishitsa shivala, vali nivakalukha vachila vandu voosi khwililila khu Musa, lwa vavoolela vandu makhuva ku vuvehi khulondokhana khu shivala shienesho -- 37vulwale vutamanu muno vwiira vandu venavo. 38Yoshwa nende Kalebu vonyene, navo vihonolokha mu varunishitsi likhomi na vavili.
Vaisraeli Vakhaywa Khwinjila Kanaani
(Litsu 1:41-46)
39Lwa Musa yavoolela Vaisraeli, makhuva ku Mwami Nyasaye yali navooli, vikhula vululu muno. 40Litukhu lialondakhu nu kushili mu mavwevwe, vasimukha nivatsia khuseera shivala shi vikulu, nivavoola, “Khwirecheshe khutsia nunundi havundu wu Mwami Nyasaye yakhuvoolela makhuva khulondokhanakhu. Khuhuchilile khwakhola vwoni.”
41Navutswa Musa yavoola, “Shichila shina mwambakhane nunundi khulonda lilako liu Mwami Nyasaye? Shiumutsitsanga khukuura tawe! 42Leshi khutikulukha khutsia khukwana, shichila Mwami Nyasaye ali ihale wene khu munyi. Vatsiku venyu valiitsa khumukuura. 43Lwa muliitsa khuva numukwana na Vaamaleki nende Vakanaani, muliitsa khukhutsila muliihe. Mwami Nyasaye aliitsa khuvula khuva na munyi, shichila mwa yambakhana khulonda malako keke.”
44Navutswa valechelitsa, nivatikulukha khutsia mu shivala shi vikulu, khali niiva Lisanduku li Lilakano liu Mwami Nyasaye inoho Musa yali nashili khurulakhu mu maheemo ka vamenyamu. 45Khali ndio, Vaamaleki nende Vakanaani vamenyanga mu shivala shi vikulu shienesho, vakwana Vaisraeli nivavakuura. Vavahitsanyinya, khali khutsia khutukha mu litaala lia Horuma.
Currently Selected:
LIVALITSWA 14: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
LIVALITSWA 14
14
Vaisraeli Vililila Nivang'ung'una
1Nalwo lwa Vaisraeli vililila mu vutukhu vwenovo vwosi, lwa vali ni vanyakhananga. 2Vililila shichila Musa nende Haruni, nivavoola, “Khuva nu khwakhutsa, nu khuli mu shivala shia Misri inoho hanu mu shiangalangwi, khani nu vulahi! 3Shichila shina Mwami Nyasaye akhuhilanga mu shivala yishi? Valiitsa khukhwiirila muliihe, nu khuvukula ni tsingulu vakhali veru nende vaana veru. Vunyala khuva vulahi khukalukha mu shivala shia Misri!” 4Vavoolelana vene khuvene, “Leshi khurovole mwimilili, unyala khukhwimilila khukalukha mu shivala shia Misri.”
5Nalwo lwa Musa nende Haruni, vakwa hasi mahunama imbeli wa vandu vi shikhaalo voosi. 6Yoshwa mwana wa Nuni nende Kalebu mwana wa Yefune, nivali valala khu varunishitsi venavo, varandula tsinguvu tsiavo nivavelele. 7Vavoolela Vaisraeli voosi, “Shivala shia khwa khalakanyilamu nu khurunishitsa shiakasa muno. 8Niiva Mwami Nyasaye wayaanzitswa na khutsi, aliitsa khukhuhilayo khandi akhuhe shivala shili nu vuhinda khandi lilova lilahi nende vushi. 9Numuyaanza, leshi khuhinganyinya khali hati hene Mwami Nyasaye. Muvuli khuria vandu vamenyayo. Khutsitsanga khuvakuurila vwangu mu shivala shienesho. Mwami Nyasaye ali na khutsi khandi umali khukuura vanyasaye va valindanga; muvuli khuria.” 10Vaisraeli voosi vavoolelana khuvalesa na machina khutukha lwa vakhutsa; navutswa nonoho lwa vandu valola vukhumi vu Mwami Nyasaye, nu vulolekhanga khu Liheemo Litakatifu.
Musa Yasaalila Vaisraeli
11Mwami Nyasaye yavoolela Musa, “Nuluhono shina lwa vandu yava vatsililila khunjaya? Nuluhono shina lwa vandu yava vatsililila khwambakhana khusuuvila mwinzi, khali niiva valola nikholanga viloleshitsu vinyishi muvo? 12Niitsa khuvarumila lukhutsu khuvativitsa; navutswa niitsa khukhukhola khuva kuuka wu luhia lwa vandu vanyishi, vali ni tsingulu tsinyishi khuvira vo!”
13Navutswa Musa yavoolela Mwami Nyasaye, “Nivi warulitsa vandu yava mu shivala shia Misri, khuvirila mu tsingulu tsiotsio. Lwa Vamisri vahulila vikholwa via wakholela vandu vovo, 14valiitsa khuvoolela vandu vamenyanga mu shivala yishi. Mwami Nyasaye, vandu venavo vamali khuhulila ndi uli na khutsi; shichila va khulolanga havulavu havundu ha malesi koko kavetsanga nikasinjile havundu ha khuli, nu khwimilila khuvirila mu malesi malitoho mbasu, khandi khuvirila mu mulilu vutukhu. 15Niiva unyala khwiira nunundi vandu vovo voosi, nalwo lwa vandu vi tsimbia tsindi vahulilakhu makhuva khulondokhana khu luyali lwolwo, valiitsa khuvoola, 16‘Mwami Nyasaye wayiirila vandu mu shiangalangwi, shichila yakhaywa tsingulu tsiu khuvahila mu shivala, shia yali niyalaaka aliitsa khuvaha.’ 17Mwami Nyasaye, saalanga nunundi, ukhumanyinyi tsingulu tsiotsio, khandi ukhukholele ka wa khulaaka uliitsa khukhukholela, lwa wavoola, 18‘Inzi Mwami Nyasaye, mbulakhu vurima vu vwangu, manyinyanga vandu vuyaanzi, semehanga vandu vwoni nende vutamanu vwavo. Nikhali shinyala khulekha khusalilitsa vaana nende vakuuka, khuraanjila khu vandu vi likhula lia khavaka khutukha khu lia khane, shichila vwoni vwa vivuli vavo vakhola tawe.’ 19Mwami Nyasaye, saalanga ndi usemehe vandu yava vwoni vwa vakholi vene, khulondokhana khu vuyaanzi vwovwo, khuli lwa wa varulitsa mu shivala shia Misri khutukha nunundi.”
20Mwami Nyasaye yavoola, “Mali khuvasemeha khuli lwa ureevi. 21Navutswa khusuuvilitsanga nikhutinyilitsa ndi niiva shili mwoyo, khandi lwa liiva lianje linyishi liliitsa khuva nilili mu shivala, 22mundu avulakhuho, khali khu vandu venavo uliitsa khwinjilakhu mu shivala shienesho. Vamali khulola khale vukhumi vwanje nende viloleshitsu, via nakhola mu shivala shia Misri nende mu shiangalangwi; navutswa vachelitsa khulola likhutsila lianje, hali khanyishi khandi vayambakhana khulonda malako kaanje. 23Valiitsa khuvula khwinjilakhu mu shivala, shia nalaaka naha vakuuka vavo. Mundu avulakhuho, khali mulala khu yavo vanjaya uliitsa khwinjilamu. 24Navutswa shichila murumishi wanje Kalebu, nu mundu mulahi khuvira vandi, khandi nu musuuvilwa khwinzi, niitsa khumwinjilitsa mu shivala, shia yali niyarunishitsa shienesho. Khali vitsukhulu veve, valiitsa khumenyamu. 25Lwa Vaamaleki nende Vakanaani vamenyanga mu luhoongo, mukalushi mukamba, ma muraanje luchendo lu khutsia mu shiangalangwi, khu muhaanda kutsitsanga khu Inyanza Imuuchi.”
Mwami Nyasaye Yasalilitsa Vandu Shichila Vilililanga
26Mwami Nyasaye yavoolela Musa nende Haruni, 27“Nuluhono shina lwa vandu vatamanu yava, valiitsa khutsililila khwililila khwinzi? Mali khuhulila makhuva koosi khulondokhana khuli vilililanga khwinzi. 28Muvavoolele nunundi, ‘Nzisuuhanga mu katoto ndi lwa inzi Mwami Nyasaye uli mwoyo, niitsa khumukholela vutswa khuli mureevi. Inzi Nyasaye mali khuvoola. 29Muliitsa khukhutsa khandi mivili chienyu chiliitsa khulaakalala shia havundu hosi mu shiangalangwi yumu. Mundu avulakhuho, khali mulala khu munyi uli ni mihika khuvira makhomi kavili, uliitsa khwinjila mu shivala shienesho, shichila mwilililanga khwinzi. 30Ninzi wamulaaka niitsa khumuhila khutsia khumenya mu shivala shienesho; navutswa khali mulala khu munyi avulakhuho, uliitsa khumenyamu. Kalebu nende Yoshwa vonyene, navo valiitsa khumenyamu. 31Mwalomoloma numuvoola vaana venyu valiitsa khukumilwa ni tsingulu, navutswa niitsa khuvahila mu shivala shia mwachaya, nashio shiliitsa khuva hango havo. 32Navutswa munyi, muliitsa khukhutsila mu shiangalangwi yumu. 33Vaana venyu valiitsa khuhuya huya mu shiangalangwi, khumihika makhomi kane. Muliitsa khunyakhana, shichila mwa yambakhana khuva vasuuvilwa khwinzi, khutukha lwa munyi voosi muliitsa khukhutsa. 34Muliitsa khunyakhana shichila vwoni vwenyu, vwa mwakhola khumihika makhomi kane; shia muhika kuliitsa khutsianakana na matukhu makhomi kane, ka mwali numumali nu murunishitsanga shivala shienesho. Mutsitsanga khumanya shia kavoolanga, khumbukula khuli mutsiku wenyu!’ 35Inzi Mwami Nyasaye, mali khuvoola; ni kilikali niitsa khukholela vandu vatamanu venavo vindu yivi, shichila vakanili halala khukhumbira. Valiitsa khuvwela mwichendanyama yumu; valiitsa khukhutsila munu.”
36Vandu va Musa yali niyaruma khutsia khurunishitsa shivala, vali nivakalukha vachila vandu voosi khwililila khu Musa, lwa vavoolela vandu makhuva ku vuvehi khulondokhana khu shivala shienesho -- 37vulwale vutamanu muno vwiira vandu venavo. 38Yoshwa nende Kalebu vonyene, navo vihonolokha mu varunishitsi likhomi na vavili.
Vaisraeli Vakhaywa Khwinjila Kanaani
(Litsu 1:41-46)
39Lwa Musa yavoolela Vaisraeli, makhuva ku Mwami Nyasaye yali navooli, vikhula vululu muno. 40Litukhu lialondakhu nu kushili mu mavwevwe, vasimukha nivatsia khuseera shivala shi vikulu, nivavoola, “Khwirecheshe khutsia nunundi havundu wu Mwami Nyasaye yakhuvoolela makhuva khulondokhanakhu. Khuhuchilile khwakhola vwoni.”
41Navutswa Musa yavoola, “Shichila shina mwambakhane nunundi khulonda lilako liu Mwami Nyasaye? Shiumutsitsanga khukuura tawe! 42Leshi khutikulukha khutsia khukwana, shichila Mwami Nyasaye ali ihale wene khu munyi. Vatsiku venyu valiitsa khumukuura. 43Lwa muliitsa khuva numukwana na Vaamaleki nende Vakanaani, muliitsa khukhutsila muliihe. Mwami Nyasaye aliitsa khuvula khuva na munyi, shichila mwa yambakhana khulonda malako keke.”
44Navutswa valechelitsa, nivatikulukha khutsia mu shivala shi vikulu, khali niiva Lisanduku li Lilakano liu Mwami Nyasaye inoho Musa yali nashili khurulakhu mu maheemo ka vamenyamu. 45Khali ndio, Vaamaleki nende Vakanaani vamenyanga mu shivala shi vikulu shienesho, vakwana Vaisraeli nivavakuura. Vavahitsanyinya, khali khutsia khutukha mu litaala lia Horuma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013