LIVALITSWA 10
10
Visiliva Vialombwa khu Ifetsa
1Mwami Nyasaye yavoolela Musa, 2“Lomba visiliva vivili viraanywa khu ifetsa, viurumishila khulaanga vandu khwitsa khwakanila halala, nu khuvoolela vandu khurula mu maheemo ka vamenyamu. 3Lwa visiliva vivili vienevo viva niviakhakhuvwa ikulu muno, Vaisraeli voosi valiitsa khwivunjelitsa havundu, ha uliitsa khuva nuli mu vwinjililu vwi Liheemo Litakatifu. 4Navutswa niiva valiitsa khukhuva shisiliva lulala lwonyene, nalwo lwa vimilili, vimilili va vandu vi tsimbia tsiosi tsia Israeli vonyene, valiitsa khwivunjelitsa havundu, ha uliitsa khuva nuli. 5Lwa visiliva viu mwoyo mutititi vikhuvwa, vandu vi tsimbia tsia Israeli vamenyanga khuluveka luli ivukwi, valiitsa khurulayo. 6Lwa visiliva viu mwoyo mutititi vikhuvwa lwa khavili, vandu vi tsimbia tsia Israeli vamenyanga khuluveka luli ikuvanda valiitsa khurula. Shimanyilu shi mioyo mitititi, shilitsa khukhuvwa khu vandu varuli mu maheemo ka vamenyamu; 7navutswa nu wenyanga khulaanga halala Vaisraeli, uliitsa khukhuva visiliva, navutswa uliitsa khukhuva visiliva viu mwoyo mukali. 8Vaana va Haruni, vakholanga muhinzilu ku vusalisi, navo valiitsa khukhuva visiliva. Yili liliitsa khuva lilako lia munyi nende vitsukhulu venyu, valiitsa khulonda khumatukhu koosi.
9“Lwa muliitsa khuva numukwananga mutsiku, umukwananga mu shivala shienyu, muliitsa khukhuva visiliva vienevo khutsia muliihe. Inzi Mwami Nyasaye, uli Nyasaye wenyu, niitsa khumukhonya nu khumuhonyinya khurula khu vatsiku venyu. 10Lwa muliitsa khuva khandi numukholanga milukha chiu khwikhoya -- mu Milukha chiu Mweli Khwilavushitsa Vuyia chienyu, nende milukha chindi chiosi khulondokhana khu idini -- muliitsa khukhuva visiliva, lwa muliitsa khuva numuhaananga vihanwa vienyu viu khusambwa, nende vihanwa vienyu viu khulera milembe. Nalwo lwa niitsa khumukhonya munyi. Ninzi Mwami Nyasaye, uli Nyasaye wenyu.”
Vaisraeli Varula ha Shikulu shia Sinai
11Khulitukhu lia makhomi kavili, liu mweli kwa khavili, khumuhika kwa khavili, lwa Vaisraeli vali nivarula mu shivala shia Misri, malesi kali nikakhunikha Liheemo Litakatifu, kisuunda nikarulaho; 12ma Vaisraeli nivaraanga luchendo lwavo, lu khurula mu Shiangalangwi shia Sinai. Malesi kitsa nikasinjila mu Shiangalangwi shia Parani.
13Vaisraeli varaanga luchendo lwavo lu khurulaho khuvirila khu malako ku Mwami Nyasaye yali naheele Musa. 14Vandu vuluhia lwa Yuda, halala ni tsinzu nende tsinzivulu tsialwo, navo vali vu khuraanga khutsia nivachinji ipendera yavo. Mwimilili wavo yali Nahashoni mwana wa Aminadabu. 15Netsaneli mwana wa Zuhari yali mwimilili wa vandu vuluhia lwa Isakari; 16Eliabu mwana wa Heloni, yali mwimilili wa vandu vuluhia lwa Zabuloni.
17Liheemo Litakatifu lishitswa hasi, ma vandu vi tsinzu tsianga Gerishoni nende Merari, valichinga, nivarulaho.
18Vandu vuluhia lwa Rubeni, navo valondakhu, nivachinji ipendera yavo. Elizuri mwana wa Shedehuri yali mwimilili wavo. 19Shelumieli mwana wa Zurishadai, yali mwimilili wa vandu vuluhia lwa Simioni, 20khandi Eliasafu mwana wa Dehueli, yali mwimilili wa vandu vuluhia lwa Gadi.
21Vandu vuluhia lwa Levi, vu lwivulu lwa Kohaatsi, navo varulaho, nivachinji vindu vitakatifu. Liheemo Litakatifu liumbakhwa, nivashili khutukha hawenaho.
22Vandu vuluhia lwa Efurahimu, navo vasimukha nivalondakhu, nivachinji ipendera yavo. Elishama mwana wa Amihudi, yali mwimilili wavo. 23Gamalieli mwana wa Pedahuzuri, yali mwimilili wa vandu vuluhia lwa Manaase; 24ma Abidani mwana wa Gidioni niyimilila vandu vuluhia lwa Benyamini.
25Yavo vali ni ipendera ya vandu vuluhia lwa Dani, navo valondakhu lukhumalilikha, nivava vinyuma. Ahihezeri mwana wa Amishadai, yali mwimilili wavo. 26Pagiheli mwana wa Okurani, yali mwimilili wa vandu vuluhia lwa Asheri; 27ma Ahira mwana wa Enani niyimilila vandu vuluhia lwa Nafutali. 28Nindi khuli vandu vi tsimbia tsia Israeli varulaho, nivalondekhane.
29Musa yavoolela Hobabu mwana wa Yetsero Mumidiani, wali nali mukhwasi wewe, “Khwakhenya khuraanga luchendo lu khutsia havundu wu Mwami Nyasaye yakhuvoolela aliitsa khukhuha. Chenda khutsi nivi, shichila khutsitsanga khukhukholela malahi; Mwami Nyasaye walaaka, aliitsa khukholela Vaisraeli vindu vilahi.”
30Hobabu yamuvoolela, “Shinyala khutsia nivi tawe. Ngalukhanga mu shivala shianje shiandulamu, nishili shia nivulwamu.”
31Musa yamuvoolela, “Nuyaanza lekha khukhulekha. Yivi wamanya havundu ha khunyala khumenya mu maheemo, mu shiangalangwi; khandi unyala khukhwimilila. 32Niiva uliitsa khukhulonda, khulasanga nivi shia shindu shiosi shilahi, shiu Mwami Nyasaye aliitsa khukhuha.”
Vandu Varanga Luchendo Lwavo
33Vaisraeli varula ha Shikulu shia Sinai, nishili shikulu shitakatifu, nululi luchendo lwa matukhu kavaka. Lisanduku li Lilakano liu Mwami Nyasaye limilitswangwa matukhu kenako imbeli wavo, khutsia khuvikhwa havundu ha vamenyanga mu maheemo. 34Lwa varulanga mu maheemo ka vamenyamu, malesi ku Mwami Nyasaye ka vakhunikhanga mbasu.
35Shia litukhu lwa varulitsaho Lisanduku li Lilakano, Musa yavoolanga, “Mwami Nyasaye, kholakhu shindu! Usalanyinye vatsiku vovo nu khuhitsanyinya yavo va khwambakhananga.” 36Isaa yosi lwa Lisanduku li Lilakano liasinjilitswa, Musa yavoolanga, “Mwami Nyasaye, kalushila Vaisraeli mu tsiheelefu.”
Currently Selected:
LIVALITSWA 10: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
LIVALITSWA 10
10
Visiliva Vialombwa khu Ifetsa
1Mwami Nyasaye yavoolela Musa, 2“Lomba visiliva vivili viraanywa khu ifetsa, viurumishila khulaanga vandu khwitsa khwakanila halala, nu khuvoolela vandu khurula mu maheemo ka vamenyamu. 3Lwa visiliva vivili vienevo viva niviakhakhuvwa ikulu muno, Vaisraeli voosi valiitsa khwivunjelitsa havundu, ha uliitsa khuva nuli mu vwinjililu vwi Liheemo Litakatifu. 4Navutswa niiva valiitsa khukhuva shisiliva lulala lwonyene, nalwo lwa vimilili, vimilili va vandu vi tsimbia tsiosi tsia Israeli vonyene, valiitsa khwivunjelitsa havundu, ha uliitsa khuva nuli. 5Lwa visiliva viu mwoyo mutititi vikhuvwa, vandu vi tsimbia tsia Israeli vamenyanga khuluveka luli ivukwi, valiitsa khurulayo. 6Lwa visiliva viu mwoyo mutititi vikhuvwa lwa khavili, vandu vi tsimbia tsia Israeli vamenyanga khuluveka luli ikuvanda valiitsa khurula. Shimanyilu shi mioyo mitititi, shilitsa khukhuvwa khu vandu varuli mu maheemo ka vamenyamu; 7navutswa nu wenyanga khulaanga halala Vaisraeli, uliitsa khukhuva visiliva, navutswa uliitsa khukhuva visiliva viu mwoyo mukali. 8Vaana va Haruni, vakholanga muhinzilu ku vusalisi, navo valiitsa khukhuva visiliva. Yili liliitsa khuva lilako lia munyi nende vitsukhulu venyu, valiitsa khulonda khumatukhu koosi.
9“Lwa muliitsa khuva numukwananga mutsiku, umukwananga mu shivala shienyu, muliitsa khukhuva visiliva vienevo khutsia muliihe. Inzi Mwami Nyasaye, uli Nyasaye wenyu, niitsa khumukhonya nu khumuhonyinya khurula khu vatsiku venyu. 10Lwa muliitsa khuva khandi numukholanga milukha chiu khwikhoya -- mu Milukha chiu Mweli Khwilavushitsa Vuyia chienyu, nende milukha chindi chiosi khulondokhana khu idini -- muliitsa khukhuva visiliva, lwa muliitsa khuva numuhaananga vihanwa vienyu viu khusambwa, nende vihanwa vienyu viu khulera milembe. Nalwo lwa niitsa khumukhonya munyi. Ninzi Mwami Nyasaye, uli Nyasaye wenyu.”
Vaisraeli Varula ha Shikulu shia Sinai
11Khulitukhu lia makhomi kavili, liu mweli kwa khavili, khumuhika kwa khavili, lwa Vaisraeli vali nivarula mu shivala shia Misri, malesi kali nikakhunikha Liheemo Litakatifu, kisuunda nikarulaho; 12ma Vaisraeli nivaraanga luchendo lwavo, lu khurula mu Shiangalangwi shia Sinai. Malesi kitsa nikasinjila mu Shiangalangwi shia Parani.
13Vaisraeli varaanga luchendo lwavo lu khurulaho khuvirila khu malako ku Mwami Nyasaye yali naheele Musa. 14Vandu vuluhia lwa Yuda, halala ni tsinzu nende tsinzivulu tsialwo, navo vali vu khuraanga khutsia nivachinji ipendera yavo. Mwimilili wavo yali Nahashoni mwana wa Aminadabu. 15Netsaneli mwana wa Zuhari yali mwimilili wa vandu vuluhia lwa Isakari; 16Eliabu mwana wa Heloni, yali mwimilili wa vandu vuluhia lwa Zabuloni.
17Liheemo Litakatifu lishitswa hasi, ma vandu vi tsinzu tsianga Gerishoni nende Merari, valichinga, nivarulaho.
18Vandu vuluhia lwa Rubeni, navo valondakhu, nivachinji ipendera yavo. Elizuri mwana wa Shedehuri yali mwimilili wavo. 19Shelumieli mwana wa Zurishadai, yali mwimilili wa vandu vuluhia lwa Simioni, 20khandi Eliasafu mwana wa Dehueli, yali mwimilili wa vandu vuluhia lwa Gadi.
21Vandu vuluhia lwa Levi, vu lwivulu lwa Kohaatsi, navo varulaho, nivachinji vindu vitakatifu. Liheemo Litakatifu liumbakhwa, nivashili khutukha hawenaho.
22Vandu vuluhia lwa Efurahimu, navo vasimukha nivalondakhu, nivachinji ipendera yavo. Elishama mwana wa Amihudi, yali mwimilili wavo. 23Gamalieli mwana wa Pedahuzuri, yali mwimilili wa vandu vuluhia lwa Manaase; 24ma Abidani mwana wa Gidioni niyimilila vandu vuluhia lwa Benyamini.
25Yavo vali ni ipendera ya vandu vuluhia lwa Dani, navo valondakhu lukhumalilikha, nivava vinyuma. Ahihezeri mwana wa Amishadai, yali mwimilili wavo. 26Pagiheli mwana wa Okurani, yali mwimilili wa vandu vuluhia lwa Asheri; 27ma Ahira mwana wa Enani niyimilila vandu vuluhia lwa Nafutali. 28Nindi khuli vandu vi tsimbia tsia Israeli varulaho, nivalondekhane.
29Musa yavoolela Hobabu mwana wa Yetsero Mumidiani, wali nali mukhwasi wewe, “Khwakhenya khuraanga luchendo lu khutsia havundu wu Mwami Nyasaye yakhuvoolela aliitsa khukhuha. Chenda khutsi nivi, shichila khutsitsanga khukhukholela malahi; Mwami Nyasaye walaaka, aliitsa khukholela Vaisraeli vindu vilahi.”
30Hobabu yamuvoolela, “Shinyala khutsia nivi tawe. Ngalukhanga mu shivala shianje shiandulamu, nishili shia nivulwamu.”
31Musa yamuvoolela, “Nuyaanza lekha khukhulekha. Yivi wamanya havundu ha khunyala khumenya mu maheemo, mu shiangalangwi; khandi unyala khukhwimilila. 32Niiva uliitsa khukhulonda, khulasanga nivi shia shindu shiosi shilahi, shiu Mwami Nyasaye aliitsa khukhuha.”
Vandu Varanga Luchendo Lwavo
33Vaisraeli varula ha Shikulu shia Sinai, nishili shikulu shitakatifu, nululi luchendo lwa matukhu kavaka. Lisanduku li Lilakano liu Mwami Nyasaye limilitswangwa matukhu kenako imbeli wavo, khutsia khuvikhwa havundu ha vamenyanga mu maheemo. 34Lwa varulanga mu maheemo ka vamenyamu, malesi ku Mwami Nyasaye ka vakhunikhanga mbasu.
35Shia litukhu lwa varulitsaho Lisanduku li Lilakano, Musa yavoolanga, “Mwami Nyasaye, kholakhu shindu! Usalanyinye vatsiku vovo nu khuhitsanyinya yavo va khwambakhananga.” 36Isaa yosi lwa Lisanduku li Lilakano liasinjilitswa, Musa yavoolanga, “Mwami Nyasaye, kalushila Vaisraeli mu tsiheelefu.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013