LITSUSHITSWA 25
25
1“Niiva likana liu khuyaalana liliho hakari ha vandu vavili, ma vatsi khumalila mushiina imbeli wu mukhalachi, kaloleshe ndi mulala khuvo avula vutamanu, navutswa wundi avoheelwi mucheela; 2niiva mundu ukholi vutamanu aliitsa khukhalachilwa shivoko, mukhalachi aliitsa khumuvoolela akone hasi, ma ashiutwi shivoko khulondokhana khu vutamanu vwevwe vwa yakhola. 3Anyala khushutwa vivoko makhomi kane, navutswa vivuli khuvira vienevo. Niiva aliitsa khushutwa vivoko khuvira makhomi kane, amwavo wenyu aliitsa khuva utamanyinywi havulavu mu vandu.
4“Muliitsa khulekha khuvoha munwa kwi ihili nu mukoye, numuchirumishilanga khuhula imu.
Muhinzilu Kukhukholela Amwiru Wakhutsa
5“Niiva vamwavo vavili vamenyanga halala, ma mulala khuvo akhutsi, vuchila khwivula mwana wi shiyayi wosi, mukhutsakhali aliitsa khuvula khuhilwa nu musatsa wundi khurula ilwanyi, nakhurulanga mu vandu vu lwivulu lu musatsa wewe wakhutsa woyo. Amwavo wu musatsa wakhutsa woyo aliitsa khukona naye; khandi aliitsa khumuhila khuva mukhali wewe, khandi arweshitsi muhinzilu kwa vakholanga na amwavo wewe. 6Mwana vi shiyayi mukhulundu khwivulwa, aliitsa khuvukulwa khuva mwana wa amwavo wewe yakhutsa woyo, khu lwivulu lwelwe lutsililile khulanda mu Israeli. 7Navutswa niiva amwavo wu musatsa wewe wakhutsa woyo, avula lienya liu khumukalushitsa khuva mukhali wewe, mukhutsakhali mwenoyo aliitsa khutsia khu vimilili vi litaala likali mavoole, ‘Mukhwasi wanje wambakhane khwivula khwinzi, vaana va amwavo wewe yali wivula; wambakhane khukhola muhinzilu kwa amwavo wewe wakhutsa, nali musatsa wanje yakholanga.’ 8Nalwo lwa vimilili vi litaala likali, valiitsa khumulaanga khandi valomolome khuye. Niiva alatsililila khwambakhana khumukalushitsa khuva mukhali wewe, 9nalwo lwa mukhutsakhali wali wa amwavo wewe, aliitsa khwisuunda himbi khuye imbeli wa vimilili vi litaala likali, amunavule shilaro shieshie shilala, nu khumusutsila maree mumoni, navoola, ‘Yaka nako kakholekhanga khu mundu musatsa wambakhananga khwivulila amwavo wewe vaana.’ 10Vandu vi inzu yeye valiitsa khumanyikhana shia havundu hosi mu Israeli khuli, ‘Vandu vi inzu yu mundu, wanavulwa shilaro mu shilenje shieshie.’
Malako Kandi
11“Niiva vandu vasatsa vavili vakwananga, ma mukhali wu mulala khuvo achelitsi khwitsa khukhonya musatsa wewe, lwa akumilanga shivelo shiu vusatsa shiu mundu musatsa wundi woyo, 12nalwo lwa muliitsa khureema mukhono kwekwe; muvuli khumulolela tsimbavasi.
13“Muvuli khuva nu vulitoho hali khavili mu musiko kwenyu, vulitoho vulala vukali na vundi vutititi. 14Muvuli khuva ni tsilaatili tsivili lukanu tsiu khupima; indala ingali na yindi indititi. 15Muliitsa khuva vutswa nu vulitoho khandi tsilaatili tsiatoto khandi tsiu vulunji, khu muhindile mu shivala, shiu Mwami Nyasaye, uli Nyasaye wenyu amuheetsanga. 16Vandu voosi vakholanga shikholwa khuli shienesho, vakholanga shifwavi imbeli wu Mwami Nyasaye, uli Nyasaye wenyu.
Lilako liu Khwiira Vaamaleki
17“Mwitsushitse ka Vaamaleki vamukhola, numuli khu luchendo lwenyu lu khurula mu shivala shia Misri. 18Lwa mwali numwakhachenda haraambi numuvwele tsingulu, vakwana na munyi khu luchendo lwenyu, niviira vandu voosi vali nivarikale inyuma; khali vambakhana khuha Nyasaye luyali. 19Khulwa yako, lwa Mwami Nyasaye, uli Nyasaye wenyu, aliitsa khuva niyakhamuha lihulukha khurula khu vatsiku venyu voosi mu shivala shia amuheetsanga, muliitsa khwiira Vaamaleki voosi khutukha lwa vativitswa. Muvuli khwivilila khukhola ndio!
Currently Selected:
LITSUSHITSWA 25: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
LITSUSHITSWA 25
25
1“Niiva likana liu khuyaalana liliho hakari ha vandu vavili, ma vatsi khumalila mushiina imbeli wu mukhalachi, kaloleshe ndi mulala khuvo avula vutamanu, navutswa wundi avoheelwi mucheela; 2niiva mundu ukholi vutamanu aliitsa khukhalachilwa shivoko, mukhalachi aliitsa khumuvoolela akone hasi, ma ashiutwi shivoko khulondokhana khu vutamanu vwevwe vwa yakhola. 3Anyala khushutwa vivoko makhomi kane, navutswa vivuli khuvira vienevo. Niiva aliitsa khushutwa vivoko khuvira makhomi kane, amwavo wenyu aliitsa khuva utamanyinywi havulavu mu vandu.
4“Muliitsa khulekha khuvoha munwa kwi ihili nu mukoye, numuchirumishilanga khuhula imu.
Muhinzilu Kukhukholela Amwiru Wakhutsa
5“Niiva vamwavo vavili vamenyanga halala, ma mulala khuvo akhutsi, vuchila khwivula mwana wi shiyayi wosi, mukhutsakhali aliitsa khuvula khuhilwa nu musatsa wundi khurula ilwanyi, nakhurulanga mu vandu vu lwivulu lu musatsa wewe wakhutsa woyo. Amwavo wu musatsa wakhutsa woyo aliitsa khukona naye; khandi aliitsa khumuhila khuva mukhali wewe, khandi arweshitsi muhinzilu kwa vakholanga na amwavo wewe. 6Mwana vi shiyayi mukhulundu khwivulwa, aliitsa khuvukulwa khuva mwana wa amwavo wewe yakhutsa woyo, khu lwivulu lwelwe lutsililile khulanda mu Israeli. 7Navutswa niiva amwavo wu musatsa wewe wakhutsa woyo, avula lienya liu khumukalushitsa khuva mukhali wewe, mukhutsakhali mwenoyo aliitsa khutsia khu vimilili vi litaala likali mavoole, ‘Mukhwasi wanje wambakhane khwivula khwinzi, vaana va amwavo wewe yali wivula; wambakhane khukhola muhinzilu kwa amwavo wewe wakhutsa, nali musatsa wanje yakholanga.’ 8Nalwo lwa vimilili vi litaala likali, valiitsa khumulaanga khandi valomolome khuye. Niiva alatsililila khwambakhana khumukalushitsa khuva mukhali wewe, 9nalwo lwa mukhutsakhali wali wa amwavo wewe, aliitsa khwisuunda himbi khuye imbeli wa vimilili vi litaala likali, amunavule shilaro shieshie shilala, nu khumusutsila maree mumoni, navoola, ‘Yaka nako kakholekhanga khu mundu musatsa wambakhananga khwivulila amwavo wewe vaana.’ 10Vandu vi inzu yeye valiitsa khumanyikhana shia havundu hosi mu Israeli khuli, ‘Vandu vi inzu yu mundu, wanavulwa shilaro mu shilenje shieshie.’
Malako Kandi
11“Niiva vandu vasatsa vavili vakwananga, ma mukhali wu mulala khuvo achelitsi khwitsa khukhonya musatsa wewe, lwa akumilanga shivelo shiu vusatsa shiu mundu musatsa wundi woyo, 12nalwo lwa muliitsa khureema mukhono kwekwe; muvuli khumulolela tsimbavasi.
13“Muvuli khuva nu vulitoho hali khavili mu musiko kwenyu, vulitoho vulala vukali na vundi vutititi. 14Muvuli khuva ni tsilaatili tsivili lukanu tsiu khupima; indala ingali na yindi indititi. 15Muliitsa khuva vutswa nu vulitoho khandi tsilaatili tsiatoto khandi tsiu vulunji, khu muhindile mu shivala, shiu Mwami Nyasaye, uli Nyasaye wenyu amuheetsanga. 16Vandu voosi vakholanga shikholwa khuli shienesho, vakholanga shifwavi imbeli wu Mwami Nyasaye, uli Nyasaye wenyu.
Lilako liu Khwiira Vaamaleki
17“Mwitsushitse ka Vaamaleki vamukhola, numuli khu luchendo lwenyu lu khurula mu shivala shia Misri. 18Lwa mwali numwakhachenda haraambi numuvwele tsingulu, vakwana na munyi khu luchendo lwenyu, niviira vandu voosi vali nivarikale inyuma; khali vambakhana khuha Nyasaye luyali. 19Khulwa yako, lwa Mwami Nyasaye, uli Nyasaye wenyu, aliitsa khuva niyakhamuha lihulukha khurula khu vatsiku venyu voosi mu shivala shia amuheetsanga, muliitsa khwiira Vaamaleki voosi khutukha lwa vativitswa. Muvuli khwivilila khukhola ndio!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013