LITSUSHITSWA 20
20
Makhuva Khulondokhana khu Liihe
1“Lwa mutsia muliihe khukwana vatsiku venyu, khandi mulole makaare nende tsifarasi, vasikali vanyishi khuvira venyu, muvuli khuvaria. Mwami Nyasaye, uli Nyasaye wenyu, wamurulitsa mu shivala shia Misri, ali na munyi. 2Lwa muvetsanga numuli himbi khutsia khukwana muliihe, musalisi aliitsa khwitsa imbeli wenyu malomolome khu mukaanda kwa vasikali; 3navavoolela, ‘Munyi Vaisraeli, muhulishitsi! Nunundi mutsitsanga khukwana vatsiku venyu. Muvuli khuriakhu vatsiku venyu inoho khurimukha ikholo inoho khutechela; 4shichila Mwami Nyasaye, uli Nyasaye wenyu neye utsitsanga na munyi, khumukwanila vatsiku venyu, nu khumuha tsingulu tsiu khukuura vatsiku venavo.’
5“Nalwo lwa vimilili vimililanga mikaanda chia vasikali vavoolela mikaanda chia vasikali, ‘Khunyala khuva khulikhuho nu mundu hanu yumbakha inzu, navutswa ashili khuchikhola khuva indakatifu? Leshi mundu mwenoyo akalushi ingo. Nikakhavele kario, anyala khukhutsila muliihe ma wundi achikhole khuva indakatifu. 6Khunyala khuva khulikhuho nu mundu hanu waraaka misala chi misabibu mu mulimi kwekwe, navutswa khali ashili khwatuulakhu matunda khurula khu misala chienecho? Leshi mundu mwenoyo akalushi ingo. Nikakhavele kario, anyala khukhutsila muliihe ma wundi vutswa araanje khwatuula matunda ki misabibu nalia. 7Khunyala khuva khulikhuho nu mundu hanu waselela mukhali, navutswa ashili khumuhila khuva mukhali wewe? Leshi mundu mwenoyo akalushi ingo. Nikakhavele kario, anyala khukhutsila muliihe ma wundi vutswa amuhile khuva mukhali wewe.’
8“Vimilili vimililanga valiitsa khutsililila khuvoolela mikaanda chia vasikali, ‘Khunyala khuva khulikhuho nu mundu hanu, waria inoho wakhutsa mwoyo? Leshi mundu mwenoyo akalushi ingo. Nikakhavele kario, anyala khukhutsa, khandi achili vamwavo veve vakhutsi khuli ye khandi.’ 9Lwa vimilili vimililanga vasikali valiitsa khuva nivamali khulomoloma khu mikaanda chia vasikali, valiitsa khurovola vimilili vu khuvasinjilila.
10“Lwa mwisuundanga himbi khutsia khukwana litaala, nu vulahi khulombela vandu vamenyanga mulio lilakano liu khulera milembe. 11Niiva valahuchilila lilakano liu khulera milembe mu khwilakhula khu munyi, khu vandu voosi vamenyanga mulio valiitsa khumukholela mihinzilu chiu khunikwa. 12Niiva vandu vamenyanga mulio, valiitsa khwambakhana khukhola lilakano li milembe, navutswa vamukwane, nu vulahi nu muvotokhane litaala lienelo. 13Lwa Mwami Nyasaye, uli Nyasaye wenyu amuha litaala lienelo, nalwo lwa mwiira shia mundu wosi musatsa wumenyanga mulio. 14Navutswa munyala khuvukula vene ni tsingulu vandu vakhali, vaana, miruku, nende shia shindu shiosi mu litaala lienelo. Munyala khurumishila shia shindu shiosi, shia mwayaaya vatsiku venyu, shiu Mwami Nyasaye, uli Nyasaye wenyu amuheele. 15Nindi muliitsa khukhola mataala koosi kali ihale wene khurula khu munyi; khandi shikali mataala ka vandu vi tsimbia tsili himbi hanu tawe.
16“Navutswa lwa muliitsa khuvukula ni tsingulu mataala mu shivala, shiu Mwami Nyasaye, uli Nyasaye wenyu amuheetsanga, muliitsa khwiira shia shindu shiosi shili mwoyo. 17Muliitsa khutivitsa vandu voosi, nivalimu Vaahitse, Vaamori, Vakanaani, Vapeerizi, Vaahivi, nende Vayeebusi, khuli Mwami Nyasaye, uli Nyasaye wenyu yavoola mukhole; 18khu vavuli khumwechitsa khukhola vindu vi shifwavi viosi, via vakholelanga vanyasaye vavo; kaloleshe mukholi vwoni imbeli wu Mwami Nyasaye, uli Nyasaye wenyu.
19“Lwa muliitsa khuvotokhana litaala khumatukhu manyishi, muliitsa khulikwana nu khulivukula; muvuli khuremeela hasi misala chia matunda chili mulio. Khali niiva muliitsa khwatuula matunda khurula khuchio, muvuli khuchiremeela hasi. Misala chinyala khuva chili nu vutsiku na munyi? 20Munyala khureemela hasi misala chindi chia mulolanga shichili chia matunda tawe. Muliitsa khuchirumishila khuvotokhana litaala lienelo, khutukha lwa muliitsa khulivukula ni tsingulu.
Currently Selected:
LITSUSHITSWA 20: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
LITSUSHITSWA 20
20
Makhuva Khulondokhana khu Liihe
1“Lwa mutsia muliihe khukwana vatsiku venyu, khandi mulole makaare nende tsifarasi, vasikali vanyishi khuvira venyu, muvuli khuvaria. Mwami Nyasaye, uli Nyasaye wenyu, wamurulitsa mu shivala shia Misri, ali na munyi. 2Lwa muvetsanga numuli himbi khutsia khukwana muliihe, musalisi aliitsa khwitsa imbeli wenyu malomolome khu mukaanda kwa vasikali; 3navavoolela, ‘Munyi Vaisraeli, muhulishitsi! Nunundi mutsitsanga khukwana vatsiku venyu. Muvuli khuriakhu vatsiku venyu inoho khurimukha ikholo inoho khutechela; 4shichila Mwami Nyasaye, uli Nyasaye wenyu neye utsitsanga na munyi, khumukwanila vatsiku venyu, nu khumuha tsingulu tsiu khukuura vatsiku venavo.’
5“Nalwo lwa vimilili vimililanga mikaanda chia vasikali vavoolela mikaanda chia vasikali, ‘Khunyala khuva khulikhuho nu mundu hanu yumbakha inzu, navutswa ashili khuchikhola khuva indakatifu? Leshi mundu mwenoyo akalushi ingo. Nikakhavele kario, anyala khukhutsila muliihe ma wundi achikhole khuva indakatifu. 6Khunyala khuva khulikhuho nu mundu hanu waraaka misala chi misabibu mu mulimi kwekwe, navutswa khali ashili khwatuulakhu matunda khurula khu misala chienecho? Leshi mundu mwenoyo akalushi ingo. Nikakhavele kario, anyala khukhutsila muliihe ma wundi vutswa araanje khwatuula matunda ki misabibu nalia. 7Khunyala khuva khulikhuho nu mundu hanu waselela mukhali, navutswa ashili khumuhila khuva mukhali wewe? Leshi mundu mwenoyo akalushi ingo. Nikakhavele kario, anyala khukhutsila muliihe ma wundi vutswa amuhile khuva mukhali wewe.’
8“Vimilili vimililanga valiitsa khutsililila khuvoolela mikaanda chia vasikali, ‘Khunyala khuva khulikhuho nu mundu hanu, waria inoho wakhutsa mwoyo? Leshi mundu mwenoyo akalushi ingo. Nikakhavele kario, anyala khukhutsa, khandi achili vamwavo veve vakhutsi khuli ye khandi.’ 9Lwa vimilili vimililanga vasikali valiitsa khuva nivamali khulomoloma khu mikaanda chia vasikali, valiitsa khurovola vimilili vu khuvasinjilila.
10“Lwa mwisuundanga himbi khutsia khukwana litaala, nu vulahi khulombela vandu vamenyanga mulio lilakano liu khulera milembe. 11Niiva valahuchilila lilakano liu khulera milembe mu khwilakhula khu munyi, khu vandu voosi vamenyanga mulio valiitsa khumukholela mihinzilu chiu khunikwa. 12Niiva vandu vamenyanga mulio, valiitsa khwambakhana khukhola lilakano li milembe, navutswa vamukwane, nu vulahi nu muvotokhane litaala lienelo. 13Lwa Mwami Nyasaye, uli Nyasaye wenyu amuha litaala lienelo, nalwo lwa mwiira shia mundu wosi musatsa wumenyanga mulio. 14Navutswa munyala khuvukula vene ni tsingulu vandu vakhali, vaana, miruku, nende shia shindu shiosi mu litaala lienelo. Munyala khurumishila shia shindu shiosi, shia mwayaaya vatsiku venyu, shiu Mwami Nyasaye, uli Nyasaye wenyu amuheele. 15Nindi muliitsa khukhola mataala koosi kali ihale wene khurula khu munyi; khandi shikali mataala ka vandu vi tsimbia tsili himbi hanu tawe.
16“Navutswa lwa muliitsa khuvukula ni tsingulu mataala mu shivala, shiu Mwami Nyasaye, uli Nyasaye wenyu amuheetsanga, muliitsa khwiira shia shindu shiosi shili mwoyo. 17Muliitsa khutivitsa vandu voosi, nivalimu Vaahitse, Vaamori, Vakanaani, Vapeerizi, Vaahivi, nende Vayeebusi, khuli Mwami Nyasaye, uli Nyasaye wenyu yavoola mukhole; 18khu vavuli khumwechitsa khukhola vindu vi shifwavi viosi, via vakholelanga vanyasaye vavo; kaloleshe mukholi vwoni imbeli wu Mwami Nyasaye, uli Nyasaye wenyu.
19“Lwa muliitsa khuvotokhana litaala khumatukhu manyishi, muliitsa khulikwana nu khulivukula; muvuli khuremeela hasi misala chia matunda chili mulio. Khali niiva muliitsa khwatuula matunda khurula khuchio, muvuli khuchiremeela hasi. Misala chinyala khuva chili nu vutsiku na munyi? 20Munyala khureemela hasi misala chindi chia mulolanga shichili chia matunda tawe. Muliitsa khuchirumishila khuvotokhana litaala lienelo, khutukha lwa muliitsa khulivukula ni tsingulu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013