LITSUSHITSWA 1
1
Vindu Vikholekha ha Shikulu shia Horebu Vitsushitswa
1Shitabu yishi shiahandikwamu makhuva khulondokhana khu vindu via Musa yalomoloma khu Vaisraeli voosi nivali mwichendanyama khuluveka ivukwi wu Muchela kwa Yorodani. Vamenyanga mu Luhoongo lwa Yorodani himbi havundu halaangwangwa Sufu, hakari hi litaala lia Parani khuluveka lulala nende mataala ka Tofeli, Labani, Hazerotsi, nende Dizahabu khuluveka lundi. 2Nuluchendo luvukulanga matukhu likhomi na lilala, khurula khu Shikulu shia Sinai nulondele mu shivala shi vikulu shia Edomu khutsia khutukha mu litaala lia Kadeshi-bareneha. 3Khulitukhu liu khuraanga liu mweli kwi likhomi na mulala nu kuli muhika kwi likhomi na khane, Vaisraeli nivakharula mu shivala shia Misri, Musa yavavoolela shia shindu shiosi shiu Mwami Nyasaye yali navooli avoole. 4Yakhola ndio, mumatukhu ka Nyasaye yali niyakuura Mwami Sihoni wa Vaamori, wamenyanga Heshiboni khandi niyakuura Mwami Ogu wa Bashani wamenyanga mu mataala ka Ashitarotsi nende Edurei. 5Lwa vali nivali khuluveka luli ivukwi wu Muchela kwa Yorodani mu lusomo lwa Moabu, Musa yavukula vwiyangu vwevwe khuvavoolela shia shindu shiosi shiahandikwa mu malako.
Yavavoolela, 6“Lwa khwali ha Shikulu shia Sinai, Mwami Nyasaye, uli Nyasaye weru yakhuvoolela, ‘Mumali matukhu manyishi khu shikulu yishi. 7Ranji luchendo lwenyu, mutsi mu shivala shi vikulu shia Vaamori khali mu tsisomo tsindi tsili himbi na munyi mu Luhoongo lwa Yorodani, mu shivala shi vikulu nende luhoongo luli mu shivala khuluveka luli ikuvanda, khandi khuluchinga lwi Inyanza ya Meditarenia. Tsi mu shivala shia Kanaani khandi mutsililile nu luchendo lwenyu khutsia khutukha injelekha wi Vikulu via Lebanoni khutukha khu Muchela Mukali kwa Efurate. 8Loli, nashio shivala shia muheele. Yinjili mushio mumenyemu, shichila nashio shia nalaaka naha vakuuka venyu Aburahamu, Isaka, nende Yakobo, nende vitsukhulu vavo.’ ”
Musa Yarovola Vakhalachi
(Khur 18:13-27)
9Mumatukhu kenako, Musa yavoolela vandu, “Muhinzilu ku khumwimilila nu mulitoho khwinzi; shinyala khukhola wonyene vutswa tawe. 10Mwami Nyasaye, uli Nyasaye wenyu wachila mwayivulana mu vunyishi khuli tsinyining'ini mu malesi. 11Saalanga ndi Mwami Nyasaye, uli Nyasaye wa vakuuka venyu, amuhe lwivulu lunyishi mu tsihelefu ni tsiheelefu khandi amukasitse khuli yalaaka. 12Navutswa nakhanyala ndina khuchinga matiinyu kenyu kukhuyaalilila? 13Rovoli khurula mu shia tsimbia vandu vu vusitsa, limanya khandi vaheelwa luyali vamba vunyali vu khumusinjila. 14Mwahuchilila numuvoola, ‘Ka uloshitsi kakholwi ni malahi.’ 15Navukula vimilili va vandu vi tsimbia tsienyu vu vusitsa khandi vaheelwa luyali va mwali numwarovola khurula mu vandu vi tsimbia tsienyu, manivakhola khuva vimilili venyu. Valala khuvo navarovola khuva vakali vu khwimilila vasikali iheelefu indala, valala vasikali imia indala, valala vasikali makhomi karanu, na vandi vasikali likhomi. Narovola khandi vimilili vandi khurula mu vandu vi tsimbia tsiosi khusinjilila vandu.
16“Mumatukhu kenako, ninzi wivaalila vakhalachi venyu, ‘Muhulishitsi viyaalo mu vandu venyu. Khalaachi katoto mu viyaalo vienevo, kave mu vandu venyu inoho mu vandu vi tsimbia tsindi vamumenyanga navo. 17Muvuli khwihonelakhu vandi, vave vakali khu vati. Muvuli khuriakhu mundu, shichila Nyasaye neye mukhalachi. Likhuva liosi lia mulolanga ni litiinyu khu munyi, nalio lia muliitsa khulera khwinzi, ninzi niitsa khuliviritsa. 18Mumatukhu kenako, namuvoolela shia shindu shiosi shia mwenyekhanga mukhole.’
Varunishitsi Varumwa Khurula Kadeshi-bareneha
(Liv 13:1-33)
19“Khuli lwa Mwami Nyasaye, uli Nyasaye weru yali navooli, khwarula ha Shikulu shia Sinai, nu khukhalakanyila mu shiangalangwi shiavambalala khandi shiu khurishitsa shia munyi mwalola, khu luchendo lweru lu khutsia mu shivala shi vikulu shia Vaamori; manukhutukha mu litaala lia Kadeshi-bareneha. 20Nalwo lwa namuvoolela, ‘Mumali khutukha mu shivala shi vikulu shia Vaamori, shiu Mwami Nyasaye, uli Nyasaye weru akhuheetsanga. 21Loli, Mwami Nyasaye, uli Nyasaye wenyu umuheele shivala. Tikulushi mutsi khushivukula, khuli Mwami Nyasaye, uli Nyasaye wa vakuuka venyu yamulaaka aliitsa khukhola. Muvuli khuria inoho khukhutsa mwoyo!’
22“Munyi voosi mwitsa khwinzi manumuvoola, ‘Leshi khurumi vandu valala imbeli weru khutsia khurunishitsa shivala, nikanyalikha vakalushi vakhuvoolele muhaanda kwa khunyala khulondelakhu khandi mataala ka khunyala khwinjilamu.’
23“Inganakani yeneyo yalolekha khuva indahi khwinzi. Khulwa yako, narovola vandu likhomi na vavili, shia mulala khurula mu shia luhia. 24Vatikulukha nivatsia mu shivala shi vikulu, nivatukha mu Luhoongo lwa Eshikoli, nivarunishitsa khwenya khumanya manyishi khulondokhana khu luhoongo lwenolo. 25Vakhulerela matunda ka vali nivanyoliyo, khandi nivakhuvoolela ndi shivala shiu Mwami Nyasaye, uli Nyasaye weru akhuheetsanga shili ni lilova linuulu.
26“Navutswa shiumwali ni lienya liu khutikulukha tawe. Mwahinganyinya lilako liu Mwami Nyasaye, uli Nyasaye wenyu. 27Mwalilila mu maheemo kenyu numuvoola, ‘Mwami Nyasaye, wa khwambakhana lwa yakhurulitsa mu shivala shia Misri khukhulera khu Vaamori khutivitswa. 28Ni hena wa khutsitsanga? Vashieru vakhwiiri mioyo, lwa vavooli ndi vandu vamenyayo vali ni tsingulu khandi ni varaambi muno khuvira khutsi; mataala kavo ni makali, khandi kayevwa na masisi katukhanga khu malesi. Ni kilikali, khwalolayo Vanakimu.’
29“Navutswa namuvoolela munyi, ‘Muvuli khutechelakhu inoho khuria vandu venavo.’ 30Mwami Nyasaye, uli Nyasaye wenyu umwimililanga ali na munyi, neye utsitsanga khumukwanila, khuli lwa yamukholela mu shivala shia Misri numurelekhu tsimoni tsienyu; 31khandi mu shiangalangwi, mwa mwalola khuli yamurulitsayo khuli mundu achinganga khu maveeka mwana wewe wayivula, numutukha hanu. 32Navutswa khali niiva namuvoolela ndio, mwambakhana khusuuvila mu Mwami Nyasaye, uli Nyasaye wenyu, 33wa mwimilila khutsia khusakala havundu ha munyala khumenya khuvirila mu mulilu kwakhanga mu vutukhu; khandi mu malesi mbasu, khumumanyinya muhaanda kwa mulondelakhu.
Mwami Nyasaye Yasalilitsa Vaisraeli
(Liv 14:20-45)
34“Lwa Mwami Nyasaye yahulila makhuva ka mwavoola, yalola vurima maniyisuuha navoola, 35‘Mundu avulakhuho khali mulala khu munyi mu likhula litamanu yili uliitsa khwinjila mu shivala shilahi shia nalaaka naha vakuuka venyu. 36Mwana wa Yefuna ulaangwangwa Kalebu neye wonyene vutswa uliitsa khwinjila mu shivala shienesho. Niitsa khumuha shivala shia aseenimu, ye halala na vitsukhulu veve; shichila nu musuuvilwa watoto khwinzi Mwami Nyasaye.’ 37Khali Mwami Nyasaye yandolela khandi vurima shichila munyi; navoola, ‘Musa, khali yivi uliitsa khuvula khwinjila mu shivala shienesho. 38Navutswa mukhonyani wowo, nali Yoshwa mwana wa Nuni aliitsa khwinjilamu. Umutinyilitsi shichila neye uliitsa khuchila Vaisraeli vamenya mu shivala shienesho.’
39“Nalwo lwa Mwami Nyasaye yakhuvoolela voosi, ‘Vaana venyu, vashili vatititi vakhanyala khumanya likhola liu vulunji nende matamanu, va mwavoola valiitsa khukumilwa na vatsiku venyu, navo valiitsa khwinjila mu shivala shienesho. Navo va niitsa khuha shivala, nu khumenya mushio. 40Navutswa munyi muliitsa khuraanga luchendo lu khukalukha mu shiangalangwi, khuvirila khu muhaanda kutsitsanga khu Inyanza Imuuchi.’
41“Nalwo lwa mwanjipa, ‘Khumali khukhola vwoni imbeli wu Mwami Nyasaye! Navutswa nunundi khwirecheshe khutikulukha khutsia khukwana, khuli Mwami Nyasaye, uli Nyasaye weru yali niyavoola khukhole.’ Shia mulala khu munyi yiyavaala shiuchi shieshie shiu khukwana nakanakananga nuvutoro khuseera shivala shi vikulu.
42“Navutswa Mwami Nyasaye yambolela, ‘Vavoolele vavuli khutikulukha khutsia khukwana, shichila shindi navo tawe. Vatsiku venyu valiitsa khumukuura.’ 43Khali niiva nali namuvoolela kenako, mwambakhana khwenya khumbulishitsa. Mwahinganyinya lilako liu Mwami Nyasaye; khandi mwatikulukha numwinjila mu shivala shi vikulu mu vwiloli vwenyu vene. 44Numuliyo, Vaamori vamenyanga mu shivala shi vikulu shia Edomu vamukwana khandi nivamukhunga khuli shituma shi tsinzushi tsikhunganga vandu. Vamukuura nivamukhungayo, khutsia khutukha mu litaala lia Horuma. 45Lwa mwakalukha, khandi numulila tsikhwili khu Mwami Nyasaye amukhonye, yambakhana khwenya khumuhulishitsa inoho khwenya khumanya shindu shiakholekhanga khu munyi.
Mihika chiu Khuhuya huya mu Shiangalangwi
46“Lwa mwamenya khumatukhu manyishi mu litaala lia Kadeshi khuli mwakhola,
Currently Selected:
LITSUSHITSWA 1: LLLPRO
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
LITSUSHITSWA 1
1
Vindu Vikholekha ha Shikulu shia Horebu Vitsushitswa
1Shitabu yishi shiahandikwamu makhuva khulondokhana khu vindu via Musa yalomoloma khu Vaisraeli voosi nivali mwichendanyama khuluveka ivukwi wu Muchela kwa Yorodani. Vamenyanga mu Luhoongo lwa Yorodani himbi havundu halaangwangwa Sufu, hakari hi litaala lia Parani khuluveka lulala nende mataala ka Tofeli, Labani, Hazerotsi, nende Dizahabu khuluveka lundi. 2Nuluchendo luvukulanga matukhu likhomi na lilala, khurula khu Shikulu shia Sinai nulondele mu shivala shi vikulu shia Edomu khutsia khutukha mu litaala lia Kadeshi-bareneha. 3Khulitukhu liu khuraanga liu mweli kwi likhomi na mulala nu kuli muhika kwi likhomi na khane, Vaisraeli nivakharula mu shivala shia Misri, Musa yavavoolela shia shindu shiosi shiu Mwami Nyasaye yali navooli avoole. 4Yakhola ndio, mumatukhu ka Nyasaye yali niyakuura Mwami Sihoni wa Vaamori, wamenyanga Heshiboni khandi niyakuura Mwami Ogu wa Bashani wamenyanga mu mataala ka Ashitarotsi nende Edurei. 5Lwa vali nivali khuluveka luli ivukwi wu Muchela kwa Yorodani mu lusomo lwa Moabu, Musa yavukula vwiyangu vwevwe khuvavoolela shia shindu shiosi shiahandikwa mu malako.
Yavavoolela, 6“Lwa khwali ha Shikulu shia Sinai, Mwami Nyasaye, uli Nyasaye weru yakhuvoolela, ‘Mumali matukhu manyishi khu shikulu yishi. 7Ranji luchendo lwenyu, mutsi mu shivala shi vikulu shia Vaamori khali mu tsisomo tsindi tsili himbi na munyi mu Luhoongo lwa Yorodani, mu shivala shi vikulu nende luhoongo luli mu shivala khuluveka luli ikuvanda, khandi khuluchinga lwi Inyanza ya Meditarenia. Tsi mu shivala shia Kanaani khandi mutsililile nu luchendo lwenyu khutsia khutukha injelekha wi Vikulu via Lebanoni khutukha khu Muchela Mukali kwa Efurate. 8Loli, nashio shivala shia muheele. Yinjili mushio mumenyemu, shichila nashio shia nalaaka naha vakuuka venyu Aburahamu, Isaka, nende Yakobo, nende vitsukhulu vavo.’ ”
Musa Yarovola Vakhalachi
(Khur 18:13-27)
9Mumatukhu kenako, Musa yavoolela vandu, “Muhinzilu ku khumwimilila nu mulitoho khwinzi; shinyala khukhola wonyene vutswa tawe. 10Mwami Nyasaye, uli Nyasaye wenyu wachila mwayivulana mu vunyishi khuli tsinyining'ini mu malesi. 11Saalanga ndi Mwami Nyasaye, uli Nyasaye wa vakuuka venyu, amuhe lwivulu lunyishi mu tsihelefu ni tsiheelefu khandi amukasitse khuli yalaaka. 12Navutswa nakhanyala ndina khuchinga matiinyu kenyu kukhuyaalilila? 13Rovoli khurula mu shia tsimbia vandu vu vusitsa, limanya khandi vaheelwa luyali vamba vunyali vu khumusinjila. 14Mwahuchilila numuvoola, ‘Ka uloshitsi kakholwi ni malahi.’ 15Navukula vimilili va vandu vi tsimbia tsienyu vu vusitsa khandi vaheelwa luyali va mwali numwarovola khurula mu vandu vi tsimbia tsienyu, manivakhola khuva vimilili venyu. Valala khuvo navarovola khuva vakali vu khwimilila vasikali iheelefu indala, valala vasikali imia indala, valala vasikali makhomi karanu, na vandi vasikali likhomi. Narovola khandi vimilili vandi khurula mu vandu vi tsimbia tsiosi khusinjilila vandu.
16“Mumatukhu kenako, ninzi wivaalila vakhalachi venyu, ‘Muhulishitsi viyaalo mu vandu venyu. Khalaachi katoto mu viyaalo vienevo, kave mu vandu venyu inoho mu vandu vi tsimbia tsindi vamumenyanga navo. 17Muvuli khwihonelakhu vandi, vave vakali khu vati. Muvuli khuriakhu mundu, shichila Nyasaye neye mukhalachi. Likhuva liosi lia mulolanga ni litiinyu khu munyi, nalio lia muliitsa khulera khwinzi, ninzi niitsa khuliviritsa. 18Mumatukhu kenako, namuvoolela shia shindu shiosi shia mwenyekhanga mukhole.’
Varunishitsi Varumwa Khurula Kadeshi-bareneha
(Liv 13:1-33)
19“Khuli lwa Mwami Nyasaye, uli Nyasaye weru yali navooli, khwarula ha Shikulu shia Sinai, nu khukhalakanyila mu shiangalangwi shiavambalala khandi shiu khurishitsa shia munyi mwalola, khu luchendo lweru lu khutsia mu shivala shi vikulu shia Vaamori; manukhutukha mu litaala lia Kadeshi-bareneha. 20Nalwo lwa namuvoolela, ‘Mumali khutukha mu shivala shi vikulu shia Vaamori, shiu Mwami Nyasaye, uli Nyasaye weru akhuheetsanga. 21Loli, Mwami Nyasaye, uli Nyasaye wenyu umuheele shivala. Tikulushi mutsi khushivukula, khuli Mwami Nyasaye, uli Nyasaye wa vakuuka venyu yamulaaka aliitsa khukhola. Muvuli khuria inoho khukhutsa mwoyo!’
22“Munyi voosi mwitsa khwinzi manumuvoola, ‘Leshi khurumi vandu valala imbeli weru khutsia khurunishitsa shivala, nikanyalikha vakalushi vakhuvoolele muhaanda kwa khunyala khulondelakhu khandi mataala ka khunyala khwinjilamu.’
23“Inganakani yeneyo yalolekha khuva indahi khwinzi. Khulwa yako, narovola vandu likhomi na vavili, shia mulala khurula mu shia luhia. 24Vatikulukha nivatsia mu shivala shi vikulu, nivatukha mu Luhoongo lwa Eshikoli, nivarunishitsa khwenya khumanya manyishi khulondokhana khu luhoongo lwenolo. 25Vakhulerela matunda ka vali nivanyoliyo, khandi nivakhuvoolela ndi shivala shiu Mwami Nyasaye, uli Nyasaye weru akhuheetsanga shili ni lilova linuulu.
26“Navutswa shiumwali ni lienya liu khutikulukha tawe. Mwahinganyinya lilako liu Mwami Nyasaye, uli Nyasaye wenyu. 27Mwalilila mu maheemo kenyu numuvoola, ‘Mwami Nyasaye, wa khwambakhana lwa yakhurulitsa mu shivala shia Misri khukhulera khu Vaamori khutivitswa. 28Ni hena wa khutsitsanga? Vashieru vakhwiiri mioyo, lwa vavooli ndi vandu vamenyayo vali ni tsingulu khandi ni varaambi muno khuvira khutsi; mataala kavo ni makali, khandi kayevwa na masisi katukhanga khu malesi. Ni kilikali, khwalolayo Vanakimu.’
29“Navutswa namuvoolela munyi, ‘Muvuli khutechelakhu inoho khuria vandu venavo.’ 30Mwami Nyasaye, uli Nyasaye wenyu umwimililanga ali na munyi, neye utsitsanga khumukwanila, khuli lwa yamukholela mu shivala shia Misri numurelekhu tsimoni tsienyu; 31khandi mu shiangalangwi, mwa mwalola khuli yamurulitsayo khuli mundu achinganga khu maveeka mwana wewe wayivula, numutukha hanu. 32Navutswa khali niiva namuvoolela ndio, mwambakhana khusuuvila mu Mwami Nyasaye, uli Nyasaye wenyu, 33wa mwimilila khutsia khusakala havundu ha munyala khumenya khuvirila mu mulilu kwakhanga mu vutukhu; khandi mu malesi mbasu, khumumanyinya muhaanda kwa mulondelakhu.
Mwami Nyasaye Yasalilitsa Vaisraeli
(Liv 14:20-45)
34“Lwa Mwami Nyasaye yahulila makhuva ka mwavoola, yalola vurima maniyisuuha navoola, 35‘Mundu avulakhuho khali mulala khu munyi mu likhula litamanu yili uliitsa khwinjila mu shivala shilahi shia nalaaka naha vakuuka venyu. 36Mwana wa Yefuna ulaangwangwa Kalebu neye wonyene vutswa uliitsa khwinjila mu shivala shienesho. Niitsa khumuha shivala shia aseenimu, ye halala na vitsukhulu veve; shichila nu musuuvilwa watoto khwinzi Mwami Nyasaye.’ 37Khali Mwami Nyasaye yandolela khandi vurima shichila munyi; navoola, ‘Musa, khali yivi uliitsa khuvula khwinjila mu shivala shienesho. 38Navutswa mukhonyani wowo, nali Yoshwa mwana wa Nuni aliitsa khwinjilamu. Umutinyilitsi shichila neye uliitsa khuchila Vaisraeli vamenya mu shivala shienesho.’
39“Nalwo lwa Mwami Nyasaye yakhuvoolela voosi, ‘Vaana venyu, vashili vatititi vakhanyala khumanya likhola liu vulunji nende matamanu, va mwavoola valiitsa khukumilwa na vatsiku venyu, navo valiitsa khwinjila mu shivala shienesho. Navo va niitsa khuha shivala, nu khumenya mushio. 40Navutswa munyi muliitsa khuraanga luchendo lu khukalukha mu shiangalangwi, khuvirila khu muhaanda kutsitsanga khu Inyanza Imuuchi.’
41“Nalwo lwa mwanjipa, ‘Khumali khukhola vwoni imbeli wu Mwami Nyasaye! Navutswa nunundi khwirecheshe khutikulukha khutsia khukwana, khuli Mwami Nyasaye, uli Nyasaye weru yali niyavoola khukhole.’ Shia mulala khu munyi yiyavaala shiuchi shieshie shiu khukwana nakanakananga nuvutoro khuseera shivala shi vikulu.
42“Navutswa Mwami Nyasaye yambolela, ‘Vavoolele vavuli khutikulukha khutsia khukwana, shichila shindi navo tawe. Vatsiku venyu valiitsa khumukuura.’ 43Khali niiva nali namuvoolela kenako, mwambakhana khwenya khumbulishitsa. Mwahinganyinya lilako liu Mwami Nyasaye; khandi mwatikulukha numwinjila mu shivala shi vikulu mu vwiloli vwenyu vene. 44Numuliyo, Vaamori vamenyanga mu shivala shi vikulu shia Edomu vamukwana khandi nivamukhunga khuli shituma shi tsinzushi tsikhunganga vandu. Vamukuura nivamukhungayo, khutsia khutukha mu litaala lia Horuma. 45Lwa mwakalukha, khandi numulila tsikhwili khu Mwami Nyasaye amukhonye, yambakhana khwenya khumuhulishitsa inoho khwenya khumanya shindu shiakholekhanga khu munyi.
Mihika chiu Khuhuya huya mu Shiangalangwi
46“Lwa mwamenya khumatukhu manyishi mu litaala lia Kadeshi khuli mwakhola,
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013