MACAKAYA 3
3
1NIĨ-RĨ, nĩ niĩ mũndũ ũrĩa wonete thĩna nĩ ũndũ wa rũcamiũ rũrĩa rũa matũkũya make.
2Nĩwe ũndwarĩte akanjeeria nduma-inĩ, thengia ũtheri-inĩ.
3Ti-itherũ atindaga akĩhiũria guoko nĩ ũndũ wakwa rĩngĩ na rĩngĩ o mũthenya wothe.
4Nyama cia mwĩrĩ wakwa, na rũũa rũaguo, nĩ kũgũnyaria acigũnyarĩtie,
namo mahĩndĩ akamoinanga.
5Nĩ kũnjakĩrĩra anjakĩrĩire, akanjigĩrĩria na ũrũrũ wa nyongo, o na mĩnoga mĩnene.
6Andũirie kũndũ kũrĩa kwĩ nduma, o ta arĩa maakuire tene.
7Anjirigĩire na mbarĩ ciothe, ngaremwo nĩ kuumagara;
nyororo yakwa nĩamĩritũhĩtie mũno.
8Ĩĩ-ni, ndakaya o na ndoiga mbu, ihoya rĩakwa no kũhingĩra arĩhingagĩra matũ.
9Ĩng’aratua ciakwa cia gũthiĩra acihingĩte na mahiga marĩa maacũhie, na tũcĩra twakwa agagĩtũgonyanga.
10Anduĩkĩire ta nyamũ ĩrĩa ĩĩtagwo nduba rĩrĩa yoheirie, kana ta mũrũthi ũikaraga kũrĩa kwĩgitĩtie.
11Nĩ kũhong’ora ahong’orete mĩgendere yakwa, agakĩndamburanga; andigĩte ndĩ ihooru-inĩ.
12Agetete ũta wake na aka’handa nduĩke cabaa wa kũrathagwo na mũguĩ.
13Atũmĩte ciano cia thiaka wake i’hungure o higo-inĩ.
14Nduĩkĩte wa gũthekagĩrĩrũo nĩ kĩrĩndĩ giitũ gĩothe; nĩ niĩ rũĩmbo rũakĩo rũrĩa gĩtindaga gĩkĩina.
15Anjiyũrĩtie maũndũ marũrũ, na kũhũnia aka’hũnia mũgũta.
16Ningĩ nĩang’ethũrangithĩtie magego makwa na mũthanga, na nĩ kũ’huba a’hubĩte na mũhu.
17Wee-rĩ, nĩ gũikania waikanirie ngoro yakwa ĩraihanĩrĩrie na thayũ, ngĩya kũriganĩrũo nĩ hingo ĩrĩa ndagaacĩire.
18Ngiuga atĩrĩ, Hinya wakwa nĩ mũthiru, o gwata gũtanya kũrĩa ndĩratũire ndanyĩte harĩ Jehova.
19Ta kĩririkane thĩna wakwa na kĩnyarirĩko, gwata ũrũrũ wa mũgũta na wa nyongo.
20Maũndũ macio ngoro yakwa no ĩmaririkaine, ĩkainama thĩinĩ wakwa.
21Ũhoro ũyũ nĩguo ngwĩririkania, na nĩkĩo ngũikara o ndanyĩte:
22Atĩ nĩ ũndũ wa mĩtugĩre ya Jehova, nĩkĩo tũtaninĩtwo biũ! nĩ gũtuĩka tha ciake itirĩ hĩndĩ ithiraga.
23Mĩtugĩre yake ĩrokaga ĩrĩ o mĩerũ rũcinĩ o rũcinĩ; kwĩhokeka gwaku-rĩ, nĩ kũnene mũno.
24Ngoro yakwa yugaga ũũ, atĩ, Jehova nowe rũgai rũakwa; tondũ ũcio nĩndĩrĩmwĩtanyagĩra.
25Jehova nĩaagagĩrĩra arĩa mamwetagĩrĩra, akaagagĩrĩra ngoro o ĩrĩa ĩmũrongoragia.
26Nĩ wega mũndũ atanyage ũhonokio wa Jehova, awetagĩrĩre o akirĩte.
27Mũndũ nĩaagĩrĩirũo nĩ gũikara na icoki ta ng’ombe rĩrĩa e mwanake.
28Nĩecũnjũme, ekirĩre, nĩ ũndũ nĩ Ũcio ũmũigĩrĩire.
29Nĩarũmanie kanua na tĩri; no gũgĩkorũo aahota kũgĩa na kĩĩrĩgĩrĩro.
30Nĩerekerie rũthĩa na harĩ ũrĩa ũkũmũgũtha; nĩakĩiyũre kũmeneka o kũiyũra.
31Amu Mwathani ndangĩteana iteana rĩa tene na rene.
32Thima-rĩ, o na ekanira kĩeha, no akaiguanĩra tha kũringana o na ũrĩa mĩtugĩre yake ĩrĩ mĩingĩ.
33Amu ndonagia ciana cia kĩrĩndĩ thĩna kana agaciĩkĩra kĩeha nĩ kwenda kwa ngoro yake.
34Gũthethera mĩgwate yothe ya thĩ nĩ kũmĩranga na makinya-rĩ,
35Kũhong’orera mũndũ ũndũ wake ũrĩa wa kĩhooto ũthiũ-inĩ wa Ũrĩa-wĩ-Igũrũ-Mũno-rĩ,
36Kũhotomeria mũndũ cira wake-rĩ, Mwathani ndangĩgatha maũndũ macio.
37Nũ ũrĩa uugaga ũndũ, naguo ũgakinya, Mwathani ataathanĩte atĩ ũndũ ũcio ũtuĩke?
38Githĩ kanua ka Ũrĩa-wĩ-Igũrũ-Mũno tiho hoimaga maũndũ marĩa moru o na marĩa mega?
39Mũndũ ũrĩ muoyo-rĩ, nĩ kĩ gĩgĩtũmaga atete, mũndũ agakĩng’ung’ua akĩherithĩrio mahĩtia make?
40Nĩtwĩthuuthuuriei mĩthiĩre iitũ, na tũmĩrorie, tũcokerere Jehova.
41Nituoere Mũrungu o ũcio wĩ matu-inĩ ngoro ciitũ o hamwe na moko maitũ.
42Ithuĩ-rĩ, nĩ ithuĩ twĩhĩtie tũgakũrema; wee nawe ũgakĩrega gũtuohera.
43Nĩwĩhumbĩire na marakara ũgagĩtũthingata; kũũragana nĩũũraganĩte na ndũnaigua tha.
44Wĩhumbĩire na itu, nĩ getha kũhoya gwitũ gũtikahungure.
45Ũtũmĩte tũtuĩke ta makũro na mahuti gatagatĩ ka iruka cia andũ.
46Thũ ciitũ ciothe nĩitwathamĩirie tũnua.
47Tũkorereirũo nĩ guoya o na irima rĩrĩa rĩa gĩkuũ, o gwata ũninani na wanangi.
48Riitho rĩakwa rĩikaire o rĩkĩnyũrũrũkagia maĩ maigana ta njũĩ, nĩ ũndũ wa kwanangwo kwa mwarĩ ũyũ wa kĩrĩndĩ giitũ.
49Riitho rĩakwa rĩitaga maĩ rĩtegũtumia, rĩgaikara o rĩkĩmaitaga rĩtegũtigithĩria,
50Kinya rĩrĩa Jehova arĩng’etia arĩ igũrũ, erorere e kũu matu-inĩ.
51Riitho rĩakwa no kũnduura rĩnduuraga, nĩ ũndũ wa andũ-a-nja a gĩtũũro gĩkĩ giitũ.
52Arĩa matuĩkĩte thũ ciakwa tũhũ-rĩ, manguĩmĩte na hinya o ta ũrĩa kũgũĩmagwo nyoni.
53Nĩmatinĩrĩirie muoyo wakwa nĩ kũnjikia thĩinĩ wa kanyũmba ga korokoro karĩ thĩ mũno, na makarekia ihiga igũrũ rĩakwa.
54Ndahubirũo nĩ maĩ magĩikũrũkagĩra igũrũ rĩa mũtwe wakwa; ngĩkiuga atĩrĩ, Ndĩ kũninwo!
55Ngĩkaĩra rĩĩtwa rĩaku, wee Jehova, ndĩ kanyũmba ga korokoro o kau karĩ thĩ mũno.
56Wee nawe ũkĩigua mũgambo ũcio wakwa, atĩ, Tiga kũhumbĩra gũtũ ngĩheeha, o ngĩgũkayagĩra!
57Mũthenya ũcio ndagũkaĩire-rĩ, nĩwa’thengereire, ũkiuga atĩrĩ, Tiga gwĩtigĩra!
58Ĩ Mwathani-ĩ, nĩwe wacirĩrĩire ngoro yakwa macira mayo; muoyo wakwa nĩwe waũkũũrire.
59Wee Jehova, nĩwonete ũrĩa njogogetwo; tua cira wakwa arĩ wee.
60Wee nĩwonete mwĩrĩhĩrio wao wothe, ũgakĩona maũndũ mothe marĩa maana’thugundĩra.
61Kũigua nĩũkĩiguĩte rũnyenya rũao, wee Jehova, o gwata maũndũ macio mothe maana’thugundĩra;
62Nĩũiguĩte mĩromo ya acio maanjũkĩrĩire, na meciria marĩa matindaga makĩĩnjirĩria mũthenya ũgathũa.
63Ta no kĩĩrorere magĩikara thĩ o na magĩũkĩra: no niĩ rũĩmbo rũao.
64Wee Jehova, nĩũkamarĩha irĩhi rĩringaine na wĩra wa moko mao.
65Ũkamekĩra ngoro nyũmũ: kĩrumi gĩaku kĩroikara nao!
66Ũkaingatana nao ũrĩ o na marakara, ũmanine mathire gũkũ ruungu ruothe rũa igũrũ rĩu rĩa Jehova.
Currently Selected:
MACAKAYA 3: OGKBIBLE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
MACAKAYA 3
3
1NIĨ-RĨ, nĩ niĩ mũndũ ũrĩa wonete thĩna nĩ ũndũ wa rũcamiũ rũrĩa rũa matũkũya make.
2Nĩwe ũndwarĩte akanjeeria nduma-inĩ, thengia ũtheri-inĩ.
3Ti-itherũ atindaga akĩhiũria guoko nĩ ũndũ wakwa rĩngĩ na rĩngĩ o mũthenya wothe.
4Nyama cia mwĩrĩ wakwa, na rũũa rũaguo, nĩ kũgũnyaria acigũnyarĩtie,
namo mahĩndĩ akamoinanga.
5Nĩ kũnjakĩrĩra anjakĩrĩire, akanjigĩrĩria na ũrũrũ wa nyongo, o na mĩnoga mĩnene.
6Andũirie kũndũ kũrĩa kwĩ nduma, o ta arĩa maakuire tene.
7Anjirigĩire na mbarĩ ciothe, ngaremwo nĩ kuumagara;
nyororo yakwa nĩamĩritũhĩtie mũno.
8Ĩĩ-ni, ndakaya o na ndoiga mbu, ihoya rĩakwa no kũhingĩra arĩhingagĩra matũ.
9Ĩng’aratua ciakwa cia gũthiĩra acihingĩte na mahiga marĩa maacũhie, na tũcĩra twakwa agagĩtũgonyanga.
10Anduĩkĩire ta nyamũ ĩrĩa ĩĩtagwo nduba rĩrĩa yoheirie, kana ta mũrũthi ũikaraga kũrĩa kwĩgitĩtie.
11Nĩ kũhong’ora ahong’orete mĩgendere yakwa, agakĩndamburanga; andigĩte ndĩ ihooru-inĩ.
12Agetete ũta wake na aka’handa nduĩke cabaa wa kũrathagwo na mũguĩ.
13Atũmĩte ciano cia thiaka wake i’hungure o higo-inĩ.
14Nduĩkĩte wa gũthekagĩrĩrũo nĩ kĩrĩndĩ giitũ gĩothe; nĩ niĩ rũĩmbo rũakĩo rũrĩa gĩtindaga gĩkĩina.
15Anjiyũrĩtie maũndũ marũrũ, na kũhũnia aka’hũnia mũgũta.
16Ningĩ nĩang’ethũrangithĩtie magego makwa na mũthanga, na nĩ kũ’huba a’hubĩte na mũhu.
17Wee-rĩ, nĩ gũikania waikanirie ngoro yakwa ĩraihanĩrĩrie na thayũ, ngĩya kũriganĩrũo nĩ hingo ĩrĩa ndagaacĩire.
18Ngiuga atĩrĩ, Hinya wakwa nĩ mũthiru, o gwata gũtanya kũrĩa ndĩratũire ndanyĩte harĩ Jehova.
19Ta kĩririkane thĩna wakwa na kĩnyarirĩko, gwata ũrũrũ wa mũgũta na wa nyongo.
20Maũndũ macio ngoro yakwa no ĩmaririkaine, ĩkainama thĩinĩ wakwa.
21Ũhoro ũyũ nĩguo ngwĩririkania, na nĩkĩo ngũikara o ndanyĩte:
22Atĩ nĩ ũndũ wa mĩtugĩre ya Jehova, nĩkĩo tũtaninĩtwo biũ! nĩ gũtuĩka tha ciake itirĩ hĩndĩ ithiraga.
23Mĩtugĩre yake ĩrokaga ĩrĩ o mĩerũ rũcinĩ o rũcinĩ; kwĩhokeka gwaku-rĩ, nĩ kũnene mũno.
24Ngoro yakwa yugaga ũũ, atĩ, Jehova nowe rũgai rũakwa; tondũ ũcio nĩndĩrĩmwĩtanyagĩra.
25Jehova nĩaagagĩrĩra arĩa mamwetagĩrĩra, akaagagĩrĩra ngoro o ĩrĩa ĩmũrongoragia.
26Nĩ wega mũndũ atanyage ũhonokio wa Jehova, awetagĩrĩre o akirĩte.
27Mũndũ nĩaagĩrĩirũo nĩ gũikara na icoki ta ng’ombe rĩrĩa e mwanake.
28Nĩecũnjũme, ekirĩre, nĩ ũndũ nĩ Ũcio ũmũigĩrĩire.
29Nĩarũmanie kanua na tĩri; no gũgĩkorũo aahota kũgĩa na kĩĩrĩgĩrĩro.
30Nĩerekerie rũthĩa na harĩ ũrĩa ũkũmũgũtha; nĩakĩiyũre kũmeneka o kũiyũra.
31Amu Mwathani ndangĩteana iteana rĩa tene na rene.
32Thima-rĩ, o na ekanira kĩeha, no akaiguanĩra tha kũringana o na ũrĩa mĩtugĩre yake ĩrĩ mĩingĩ.
33Amu ndonagia ciana cia kĩrĩndĩ thĩna kana agaciĩkĩra kĩeha nĩ kwenda kwa ngoro yake.
34Gũthethera mĩgwate yothe ya thĩ nĩ kũmĩranga na makinya-rĩ,
35Kũhong’orera mũndũ ũndũ wake ũrĩa wa kĩhooto ũthiũ-inĩ wa Ũrĩa-wĩ-Igũrũ-Mũno-rĩ,
36Kũhotomeria mũndũ cira wake-rĩ, Mwathani ndangĩgatha maũndũ macio.
37Nũ ũrĩa uugaga ũndũ, naguo ũgakinya, Mwathani ataathanĩte atĩ ũndũ ũcio ũtuĩke?
38Githĩ kanua ka Ũrĩa-wĩ-Igũrũ-Mũno tiho hoimaga maũndũ marĩa moru o na marĩa mega?
39Mũndũ ũrĩ muoyo-rĩ, nĩ kĩ gĩgĩtũmaga atete, mũndũ agakĩng’ung’ua akĩherithĩrio mahĩtia make?
40Nĩtwĩthuuthuuriei mĩthiĩre iitũ, na tũmĩrorie, tũcokerere Jehova.
41Nituoere Mũrungu o ũcio wĩ matu-inĩ ngoro ciitũ o hamwe na moko maitũ.
42Ithuĩ-rĩ, nĩ ithuĩ twĩhĩtie tũgakũrema; wee nawe ũgakĩrega gũtuohera.
43Nĩwĩhumbĩire na marakara ũgagĩtũthingata; kũũragana nĩũũraganĩte na ndũnaigua tha.
44Wĩhumbĩire na itu, nĩ getha kũhoya gwitũ gũtikahungure.
45Ũtũmĩte tũtuĩke ta makũro na mahuti gatagatĩ ka iruka cia andũ.
46Thũ ciitũ ciothe nĩitwathamĩirie tũnua.
47Tũkorereirũo nĩ guoya o na irima rĩrĩa rĩa gĩkuũ, o gwata ũninani na wanangi.
48Riitho rĩakwa rĩikaire o rĩkĩnyũrũrũkagia maĩ maigana ta njũĩ, nĩ ũndũ wa kwanangwo kwa mwarĩ ũyũ wa kĩrĩndĩ giitũ.
49Riitho rĩakwa rĩitaga maĩ rĩtegũtumia, rĩgaikara o rĩkĩmaitaga rĩtegũtigithĩria,
50Kinya rĩrĩa Jehova arĩng’etia arĩ igũrũ, erorere e kũu matu-inĩ.
51Riitho rĩakwa no kũnduura rĩnduuraga, nĩ ũndũ wa andũ-a-nja a gĩtũũro gĩkĩ giitũ.
52Arĩa matuĩkĩte thũ ciakwa tũhũ-rĩ, manguĩmĩte na hinya o ta ũrĩa kũgũĩmagwo nyoni.
53Nĩmatinĩrĩirie muoyo wakwa nĩ kũnjikia thĩinĩ wa kanyũmba ga korokoro karĩ thĩ mũno, na makarekia ihiga igũrũ rĩakwa.
54Ndahubirũo nĩ maĩ magĩikũrũkagĩra igũrũ rĩa mũtwe wakwa; ngĩkiuga atĩrĩ, Ndĩ kũninwo!
55Ngĩkaĩra rĩĩtwa rĩaku, wee Jehova, ndĩ kanyũmba ga korokoro o kau karĩ thĩ mũno.
56Wee nawe ũkĩigua mũgambo ũcio wakwa, atĩ, Tiga kũhumbĩra gũtũ ngĩheeha, o ngĩgũkayagĩra!
57Mũthenya ũcio ndagũkaĩire-rĩ, nĩwa’thengereire, ũkiuga atĩrĩ, Tiga gwĩtigĩra!
58Ĩ Mwathani-ĩ, nĩwe wacirĩrĩire ngoro yakwa macira mayo; muoyo wakwa nĩwe waũkũũrire.
59Wee Jehova, nĩwonete ũrĩa njogogetwo; tua cira wakwa arĩ wee.
60Wee nĩwonete mwĩrĩhĩrio wao wothe, ũgakĩona maũndũ mothe marĩa maana’thugundĩra.
61Kũigua nĩũkĩiguĩte rũnyenya rũao, wee Jehova, o gwata maũndũ macio mothe maana’thugundĩra;
62Nĩũiguĩte mĩromo ya acio maanjũkĩrĩire, na meciria marĩa matindaga makĩĩnjirĩria mũthenya ũgathũa.
63Ta no kĩĩrorere magĩikara thĩ o na magĩũkĩra: no niĩ rũĩmbo rũao.
64Wee Jehova, nĩũkamarĩha irĩhi rĩringaine na wĩra wa moko mao.
65Ũkamekĩra ngoro nyũmũ: kĩrumi gĩaku kĩroikara nao!
66Ũkaingatana nao ũrĩ o na marakara, ũmanine mathire gũkũ ruungu ruothe rũa igũrũ rĩu rĩa Jehova.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019