EZEKIELI 17:22-23

Na atĩrĩrĩ, Mwathani Jehova oigĩte ũũ: Kũrĩ hingo ĩgoka ngetuĩra kamũtĩ ke mũthia-inĩ wa mũtarakwa o na niĩ, ndĩkahande; ngagĩtua kahonge ka mũthia-inĩ ga tũhonge twĩthĩ tũrĩa tũrĩ o igũrũ gacũmbĩrĩ-inĩ kaguo, njoke ndĩkahande kĩrĩma-inĩ kĩraya na igũrũ, gĩtũũgĩru mũno; nakĩo kĩrĩma-inĩ kĩrĩa gĩtũũgĩru kĩa Isiraeli nĩkuo ngakahanda; nako nĩgakaruta honge gaciare maciaro, na gatuĩke mũtarakwa mwega; nakĩo kĩĩruru-inĩ kĩaguo nĩhagatũũragwo nĩ nyamũ ciothe iria irĩ mathagu cia mĩthemba yothe; o kũu kĩĩruru-inĩ kĩa honge ciaguo-rĩ, nĩkuo igatũũra.