ตัวแทน 28
28
เปาโล อุ ตัก เกาะ มอลตา
1โตะ อิห ตัก ซะร็อห แลว ซัง อิห เม็จจึด เกาะ นัน เป็น เกาะ มอลตา 2ครำ ตัก เกาะ นัน อัห ก็ เลาะ ซีเละ อัห ตึ อัง อิห ซีเละ เมียะ ก็ เล็ห เคด ก็ เคด อัห ก็ งคุม โอด อน อิห จืล วัล 3เปาโล ก็ โละ และ โอด กุญ มี มัด เน ซิห ตัก กวัห โอด ลอด มี มาล ปิด อุ ตัก มัด โอด นัน ยาก โอด เย็ห ก็ ทอก โตะ พ็อก ซิห ที เปาโล อุ แก็น 4ครำ ตัก อุ เกาะ นัน อัห เม็จ มาล มพล็อง อุ แก็น ตัก ที เปาโล อัห ก็ เค็ย นำ เป็น ครำ มเบิล ครำ วัล “อา เอา เน นำ มเบิล ครำ เด็ดคาด ปน นำ เจ็น นอก แลว ก็ ควะ มี เลือง มาล วัล ซะ ตัก ทึห ไอ มี ระ นำ รีด เตาะ” อัห อัง 5แต เปาโล ก็ นแจ็ด ซิห มาล ตัก กวัห โอด ไอ มี ซีวะ อัง เปาโล เตาะ 6แต ปึง อัห ก็ เพา ดอม อ็อญ จับ ปอง นำ ฮุ ปลุม กิล เปิล นำ ฮุ อิง อัห เพา ดอม นำ แลว ก็ ไอ มี ซีวะ อัง นำ อัห ก็ วัล กึด มี ยาง วัล อัห เค็ย “นำ เป็น ซะ ตัก ทึห วัล”
7ทาเน ตัก เกาะ มอลตา นัน มี เจานาย มี ล็อง ซือ ตัก ปูลีอัด นำ มี ตี แซ ตี ซวน อุ ติๆ พานัน นำ ก็ มพอล อิห โตะ พัก ตัก เจิง ออ นำ ตอนฮับ อิห เลาะ ซีเละ นำ เลียง อิห แพะ งิ 8แต เอา คอง นำ ก็ โซะ เป็น คัด ลง มพุล อวย อุ เปาโล ก็ เริล ดอม นำ เม็จ นำ โซะ อุ เปาโล ก็ พระ ซิห ที ตัก นำ ลด ครอ วอน เอาซาง ระ นำ งาล โซะ 9ทาเน ครำ โซะ ตัก เกาะ นัน เม็จ เปาโล แอง คือนัน อัห ก็ เลอะ โตะ รักซา ตัก นำ อัห ก็ เลอะ งาล โซะ มด จู ล็อง 10ปึง อัห ก็ นับทือ อิห ซีเละ อัห ก็ จวย อิห ดก มบลึ ญาม เล็ห งิ อิห บัก และ ต็อก เฮือ เริล ออ นัน อัห ก็ อน ซะ ดก มบลึ ตี อิห ต็องกาน นัน อัห โตะ ซิห ระ ตัก เฮือ ฮัก
เปาโล โตะ ตัก เมือง โรม
11ทาเน ปน แอ็ม แพะ ซวัะ แลว อิห ก็ ต็อก เฮือ ตี โตะ เจ็น เมือง อเล็กซานเดีย เฮือ ลำ นัน อัห จอด ระ ตัก เกาะ นัน จำปอ ปน แอ็ม นาเคด กึ เฮือ นัน อัห แกะ ซะลัก เป็น ฮูบ พะ พางลาง 12อิห ต็อก เฮือ ลำ นัน เริล อิห เล็ห ตัก เมือง ไซราคิว อิห ก็ ลด พัก อุ ตัก นัน แพะ งิ
13เจ็นนัน อิห ก็ ต็อก เฮือ เริล ติกๆ อิห โคง เริล โตะ ตัก เมือง เรกีอูม คือ งิ กรัก งกริม ก็ นทูด โตะ เจ็น เซอะ อิห ต็อก เฮือ เริล เปียะ งิ ก็ โตะ ตัก เมือง โปทิโอลี 14ตัก เมือง โปทิโอลี นัน อิห ก็ เม็จ ปึง ควน นไจ ตัก ทือ เอาซาง อัห ก็ มพอล อิห พัก อุ เคิบ ออ อิห ก็ ลด พัก อุ เคิบ อัห เจ็ด งิ เจ็นนัน อิห ก็ เริล เมือง โรม งคม 15วาล ไอ ตัน เล็ห ตัก เมือง โรม นัน ปึง ควน นไจ ตัก เมือง โรม เม็จ คาว โตะ อิห อัห ก็ โตะ ราบ และ อิห ตัก ตลาด อับปีอัด แด ตัก งวัล โรงแรม แพะ ลัง นัน แด เปาโล เม็จ อัห โตะ และ ออ นำ ก็ เลาะใจ นำ ก็ คอบคุน เอาซาง นำ ก็ เฮง มี กำลัง ใจ เล็ห ติกๆ วัล
16เจ็นนัน อิห ก็ กุด เริล ตัก เมือง โรม อิห โตะ ตัก เมือง โรม แลว ปึง ทฮาน ก็ ญอม ระ เปาโล พัก อุ ตัก เจิง มี ล็อง ฮัก อัห ก็ ระ ทฮาน เพา นำ อุ มี ล็อง เดียว
17แพะ งิ เจ็นนัน วัล เปาโล ก็ มพอล ปึง ซะ แกะ ครำ ยิว โตะ พซุม นอย โตะ อัห มด แลว นำ ก็ ไล อัห ซือๆ คือเน “ควน นไจ เฮย ครอ ระ แป ปัง เอิญ วาล ดาย เอิญ ไอ มี แอง พิด ซีวะ ซิห ครำ ยิว แอ เน เป็น ปะเพนี เอา เม เครม แอ ก็ ตึก เอิญ ก็ ไอ มี แอง พิด เตาะ แต ครำ ยิว จบ เญ็บ เอิญ ตัก เมือง เยรูซาเล็ม กำนา อัห ก็ ลด มอบ เอิญ อน ตัก ครำ โรม เติล วัล 18ปึง เจานาย ก็ ที ซ็วน เอิญ แลว อัห ก็ ไอ มี เม็จ เอิญ แอง พิด ซีวะ ตี ซมควน เปิล อัห ก็ ซีรอก พระ แอ็ม เอิญ 19แต ครำ ยิว แอ เน ก็ ไอ มี ญอม ระ เจานาย พระ เอิญ เอิญ ก็ จำเป็น ครอ ระ พะเจายูฮัว ซีซา ตัดซิน ออ ฮัก แต ไอ แมน เอิญ มี เลือง ซีรอก พอง ครำ กรอก ออ ดาย 20ตี เอิญ มพอล แป โตะ งิ นะ เน ก็ เป็น ตัก เอิญ ซีรอก ไล เลือง เน อน ตัก แป ตี อัห เอิด โซ ท็อก เอิญ เน ก็ เป็น ตัก เอิญ เจือ ล็อง นัน ตี ครำ อิซราเอล แอ วาง เพา อุ นัน” เปาโล อัง เค็ย อัห ตัวแทน 25:11
21แลว เปาโล จ็อก ออ แลว อัห ก็ ซวัล นำ คือเน “อิห ไอ มี เม็จ คาว ซีวะ เลือง มัห ดาย อิห ไอ มี กุญ จดมาย เลือง มัห เจ็น จังวัด ยูเดีย ไอ มี ควน นไจ ล็อง นเดย โป ราย ซิห มัห 22แต อิห เน ซีรอก ปัง กำกึด มัห วาล ดาย อิห ซีรอก เม็จจึด เค็ย แป กิว เจือ ซีวะ นังเลาะ เพาะวา อิห เม็จจึด แลว ครำ ตี เจือ มอก แป เน ก็ มี ครำ เซาะ ครำ โป ปึง แป มด จู ตี” ครำ ยิว ไล เปาโล ฮุนเน
23เจ็นนัน อัห ก็ นัด พซุม นอย แมะ วัล มี ลบ อัห เพีย ไล อน งิ พซุม ตัก เปาโล เล็ห งิ นัน แลว อัห ก็ เลอะ โตะ พซุม นอย เคิบ เปาโล ตัก ฮ็อง คอง นำ นำ ก็ ไล แญง เอาซาง อน ตัก อัห มด งิ เจ็น งกร็อห จำ แจ็ล นำ ไล เลือง เอาซาง โตะ ปกคอง โลก นำ เอิด นังซือ กด โมเซด เคิบ นังซือ ลาม เอาซาง ไท ไล อน ตัก อัห นำ ก็ เซียงตี ซับรวง อัห เจือ เยซู 24มี มบรัห ปัง แลว ก็ เจือ มี มบรัห ก็ ไอ มี ญอม เจือ เตาะ 25-29เปาโล ก็ ไล อัห เป็น แญง ซุดทาย วัล ฮุนเน “แป เน ก็ แอง ลืน แอง ดาน มอก เอาซาง ไล อน เจ็น อิง นัน ซีเละ ตัก อิง ซีมาล เอาซาง ไล อิซยา จ็อก เคิบ เอาจ็อง แอ จังเน
‘มัห เริล ไล ครำ กรอก อิซราเอล เน ดาย มัห ต็อง ไล อัห จังเน แป เม็จ เคิบ มัด เคิบ มุห ออ แลว แป เม็จ เคิบ นโทล ออ แลว แต แป ก็ ไอ มี เคาใจ ซีวะ ซัก มี ติด แป วาง ดอม จังนัก ก็ ตึก แป ก็ ไอ มี เม็จ
แป ไอ มี เจือ ก็ เพาะวา กรอก แป เน แร็ง ลืน แร็ง ดาน ฮาย นโทล ก็ เกลิบ มัด ก็ ญิบ กัน ไอ ปานัน มัด ก็ ดอม ตาด นโทล ก็ เม็จ แญง ใจ ก็ เคาใจ เลาะ แป ก็ วัล โตะ และ เอิญ เอิญ ก็ รักซา แป ระ เลาะ เล็ห แต แป ไอ มี ญอม แอ็ม เตาะ’ ซีมาล เอาซาง ไล จังนะ อิซยา 6:9-10
เจ็นเน ก็ ครอ ระ แป เคาใจ เลาะๆ ดาย เอาซาง ก็ ระ กรอก ซอ กุญ ปน แอ็ม เจ็น ลุห แลว อัห ก็ ปัง เลาะ” เปาโล อัง
แลว เปาโล ไล อัห คือนะ แลว ปึง ครำ ยิว ก็ เทียง นอย ออ ฮัก อัห ก็ ลด เลิม วัล แอ็ม
30เปาโล ก็ พัก อุ ตัก เจิง ตี นำ เจา เอิด นัน เปียะ วาง จู ล็อง ตี โตะ แอว และ นำ นำ ก็ ตอนฮับ อัห เลาะ ซีเละ 31นำ ก็ ไล เลือง เอาซาง อน ตัก อัห นำ ไล เลือง เอาซาง โตะ ปกคอง โลก เคิบ เลือง เยซู คริด งกี คอง แอ นัน นำ ฮาน จ็อก ซีเละ ไอ มี นำ นเจิก อัง ซีเอ ไอ มี ซีเอ มบราง นำ เตาะ
Currently Selected:
ตัวแทน 28: Prai
Highlight
Copy
Compare
Share
Want to have your highlights saved across all your devices? Sign up or sign in
Global Partners
ตัวแทน 28
28
เปาโล อุ ตัก เกาะ มอลตา
1โตะ อิห ตัก ซะร็อห แลว ซัง อิห เม็จจึด เกาะ นัน เป็น เกาะ มอลตา 2ครำ ตัก เกาะ นัน อัห ก็ เลาะ ซีเละ อัห ตึ อัง อิห ซีเละ เมียะ ก็ เล็ห เคด ก็ เคด อัห ก็ งคุม โอด อน อิห จืล วัล 3เปาโล ก็ โละ และ โอด กุญ มี มัด เน ซิห ตัก กวัห โอด ลอด มี มาล ปิด อุ ตัก มัด โอด นัน ยาก โอด เย็ห ก็ ทอก โตะ พ็อก ซิห ที เปาโล อุ แก็น 4ครำ ตัก อุ เกาะ นัน อัห เม็จ มาล มพล็อง อุ แก็น ตัก ที เปาโล อัห ก็ เค็ย นำ เป็น ครำ มเบิล ครำ วัล “อา เอา เน นำ มเบิล ครำ เด็ดคาด ปน นำ เจ็น นอก แลว ก็ ควะ มี เลือง มาล วัล ซะ ตัก ทึห ไอ มี ระ นำ รีด เตาะ” อัห อัง 5แต เปาโล ก็ นแจ็ด ซิห มาล ตัก กวัห โอด ไอ มี ซีวะ อัง เปาโล เตาะ 6แต ปึง อัห ก็ เพา ดอม อ็อญ จับ ปอง นำ ฮุ ปลุม กิล เปิล นำ ฮุ อิง อัห เพา ดอม นำ แลว ก็ ไอ มี ซีวะ อัง นำ อัห ก็ วัล กึด มี ยาง วัล อัห เค็ย “นำ เป็น ซะ ตัก ทึห วัล”
7ทาเน ตัก เกาะ มอลตา นัน มี เจานาย มี ล็อง ซือ ตัก ปูลีอัด นำ มี ตี แซ ตี ซวน อุ ติๆ พานัน นำ ก็ มพอล อิห โตะ พัก ตัก เจิง ออ นำ ตอนฮับ อิห เลาะ ซีเละ นำ เลียง อิห แพะ งิ 8แต เอา คอง นำ ก็ โซะ เป็น คัด ลง มพุล อวย อุ เปาโล ก็ เริล ดอม นำ เม็จ นำ โซะ อุ เปาโล ก็ พระ ซิห ที ตัก นำ ลด ครอ วอน เอาซาง ระ นำ งาล โซะ 9ทาเน ครำ โซะ ตัก เกาะ นัน เม็จ เปาโล แอง คือนัน อัห ก็ เลอะ โตะ รักซา ตัก นำ อัห ก็ เลอะ งาล โซะ มด จู ล็อง 10ปึง อัห ก็ นับทือ อิห ซีเละ อัห ก็ จวย อิห ดก มบลึ ญาม เล็ห งิ อิห บัก และ ต็อก เฮือ เริล ออ นัน อัห ก็ อน ซะ ดก มบลึ ตี อิห ต็องกาน นัน อัห โตะ ซิห ระ ตัก เฮือ ฮัก
เปาโล โตะ ตัก เมือง โรม
11ทาเน ปน แอ็ม แพะ ซวัะ แลว อิห ก็ ต็อก เฮือ ตี โตะ เจ็น เมือง อเล็กซานเดีย เฮือ ลำ นัน อัห จอด ระ ตัก เกาะ นัน จำปอ ปน แอ็ม นาเคด กึ เฮือ นัน อัห แกะ ซะลัก เป็น ฮูบ พะ พางลาง 12อิห ต็อก เฮือ ลำ นัน เริล อิห เล็ห ตัก เมือง ไซราคิว อิห ก็ ลด พัก อุ ตัก นัน แพะ งิ
13เจ็นนัน อิห ก็ ต็อก เฮือ เริล ติกๆ อิห โคง เริล โตะ ตัก เมือง เรกีอูม คือ งิ กรัก งกริม ก็ นทูด โตะ เจ็น เซอะ อิห ต็อก เฮือ เริล เปียะ งิ ก็ โตะ ตัก เมือง โปทิโอลี 14ตัก เมือง โปทิโอลี นัน อิห ก็ เม็จ ปึง ควน นไจ ตัก ทือ เอาซาง อัห ก็ มพอล อิห พัก อุ เคิบ ออ อิห ก็ ลด พัก อุ เคิบ อัห เจ็ด งิ เจ็นนัน อิห ก็ เริล เมือง โรม งคม 15วาล ไอ ตัน เล็ห ตัก เมือง โรม นัน ปึง ควน นไจ ตัก เมือง โรม เม็จ คาว โตะ อิห อัห ก็ โตะ ราบ และ อิห ตัก ตลาด อับปีอัด แด ตัก งวัล โรงแรม แพะ ลัง นัน แด เปาโล เม็จ อัห โตะ และ ออ นำ ก็ เลาะใจ นำ ก็ คอบคุน เอาซาง นำ ก็ เฮง มี กำลัง ใจ เล็ห ติกๆ วัล
16เจ็นนัน อิห ก็ กุด เริล ตัก เมือง โรม อิห โตะ ตัก เมือง โรม แลว ปึง ทฮาน ก็ ญอม ระ เปาโล พัก อุ ตัก เจิง มี ล็อง ฮัก อัห ก็ ระ ทฮาน เพา นำ อุ มี ล็อง เดียว
17แพะ งิ เจ็นนัน วัล เปาโล ก็ มพอล ปึง ซะ แกะ ครำ ยิว โตะ พซุม นอย โตะ อัห มด แลว นำ ก็ ไล อัห ซือๆ คือเน “ควน นไจ เฮย ครอ ระ แป ปัง เอิญ วาล ดาย เอิญ ไอ มี แอง พิด ซีวะ ซิห ครำ ยิว แอ เน เป็น ปะเพนี เอา เม เครม แอ ก็ ตึก เอิญ ก็ ไอ มี แอง พิด เตาะ แต ครำ ยิว จบ เญ็บ เอิญ ตัก เมือง เยรูซาเล็ม กำนา อัห ก็ ลด มอบ เอิญ อน ตัก ครำ โรม เติล วัล 18ปึง เจานาย ก็ ที ซ็วน เอิญ แลว อัห ก็ ไอ มี เม็จ เอิญ แอง พิด ซีวะ ตี ซมควน เปิล อัห ก็ ซีรอก พระ แอ็ม เอิญ 19แต ครำ ยิว แอ เน ก็ ไอ มี ญอม ระ เจานาย พระ เอิญ เอิญ ก็ จำเป็น ครอ ระ พะเจายูฮัว ซีซา ตัดซิน ออ ฮัก แต ไอ แมน เอิญ มี เลือง ซีรอก พอง ครำ กรอก ออ ดาย 20ตี เอิญ มพอล แป โตะ งิ นะ เน ก็ เป็น ตัก เอิญ ซีรอก ไล เลือง เน อน ตัก แป ตี อัห เอิด โซ ท็อก เอิญ เน ก็ เป็น ตัก เอิญ เจือ ล็อง นัน ตี ครำ อิซราเอล แอ วาง เพา อุ นัน” เปาโล อัง เค็ย อัห ตัวแทน 25:11
21แลว เปาโล จ็อก ออ แลว อัห ก็ ซวัล นำ คือเน “อิห ไอ มี เม็จ คาว ซีวะ เลือง มัห ดาย อิห ไอ มี กุญ จดมาย เลือง มัห เจ็น จังวัด ยูเดีย ไอ มี ควน นไจ ล็อง นเดย โป ราย ซิห มัห 22แต อิห เน ซีรอก ปัง กำกึด มัห วาล ดาย อิห ซีรอก เม็จจึด เค็ย แป กิว เจือ ซีวะ นังเลาะ เพาะวา อิห เม็จจึด แลว ครำ ตี เจือ มอก แป เน ก็ มี ครำ เซาะ ครำ โป ปึง แป มด จู ตี” ครำ ยิว ไล เปาโล ฮุนเน
23เจ็นนัน อัห ก็ นัด พซุม นอย แมะ วัล มี ลบ อัห เพีย ไล อน งิ พซุม ตัก เปาโล เล็ห งิ นัน แลว อัห ก็ เลอะ โตะ พซุม นอย เคิบ เปาโล ตัก ฮ็อง คอง นำ นำ ก็ ไล แญง เอาซาง อน ตัก อัห มด งิ เจ็น งกร็อห จำ แจ็ล นำ ไล เลือง เอาซาง โตะ ปกคอง โลก นำ เอิด นังซือ กด โมเซด เคิบ นังซือ ลาม เอาซาง ไท ไล อน ตัก อัห นำ ก็ เซียงตี ซับรวง อัห เจือ เยซู 24มี มบรัห ปัง แลว ก็ เจือ มี มบรัห ก็ ไอ มี ญอม เจือ เตาะ 25-29เปาโล ก็ ไล อัห เป็น แญง ซุดทาย วัล ฮุนเน “แป เน ก็ แอง ลืน แอง ดาน มอก เอาซาง ไล อน เจ็น อิง นัน ซีเละ ตัก อิง ซีมาล เอาซาง ไล อิซยา จ็อก เคิบ เอาจ็อง แอ จังเน
‘มัห เริล ไล ครำ กรอก อิซราเอล เน ดาย มัห ต็อง ไล อัห จังเน แป เม็จ เคิบ มัด เคิบ มุห ออ แลว แป เม็จ เคิบ นโทล ออ แลว แต แป ก็ ไอ มี เคาใจ ซีวะ ซัก มี ติด แป วาง ดอม จังนัก ก็ ตึก แป ก็ ไอ มี เม็จ
แป ไอ มี เจือ ก็ เพาะวา กรอก แป เน แร็ง ลืน แร็ง ดาน ฮาย นโทล ก็ เกลิบ มัด ก็ ญิบ กัน ไอ ปานัน มัด ก็ ดอม ตาด นโทล ก็ เม็จ แญง ใจ ก็ เคาใจ เลาะ แป ก็ วัล โตะ และ เอิญ เอิญ ก็ รักซา แป ระ เลาะ เล็ห แต แป ไอ มี ญอม แอ็ม เตาะ’ ซีมาล เอาซาง ไล จังนะ อิซยา 6:9-10
เจ็นเน ก็ ครอ ระ แป เคาใจ เลาะๆ ดาย เอาซาง ก็ ระ กรอก ซอ กุญ ปน แอ็ม เจ็น ลุห แลว อัห ก็ ปัง เลาะ” เปาโล อัง
แลว เปาโล ไล อัห คือนะ แลว ปึง ครำ ยิว ก็ เทียง นอย ออ ฮัก อัห ก็ ลด เลิม วัล แอ็ม
30เปาโล ก็ พัก อุ ตัก เจิง ตี นำ เจา เอิด นัน เปียะ วาง จู ล็อง ตี โตะ แอว และ นำ นำ ก็ ตอนฮับ อัห เลาะ ซีเละ 31นำ ก็ ไล เลือง เอาซาง อน ตัก อัห นำ ไล เลือง เอาซาง โตะ ปกคอง โลก เคิบ เลือง เยซู คริด งกี คอง แอ นัน นำ ฮาน จ็อก ซีเละ ไอ มี นำ นเจิก อัง ซีเอ ไอ มี ซีเอ มบราง นำ เตาะ
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Global Partners