Zekaraya 3
3
Pa bi nebi yuguyugupai nga pa Yosua nga Gbiamotumo
1Ko ki yugu Yosua fere nangia gbiamotumo ko ru ku bangiri ga Yekova maraika, Satana ki ru ku kumbabeko yo ka kita ngbanga Yosua. 2Yekova ki ya fu Satana, “Ako Satana! Yekova zá ro: Yekova naasia Yerusarema ko zá ro! A nga gburukawe i rogo ho we yo nga gi te re?” 3Were Yosua aru ku bangiri maraika, ni ukadiukadi ko na metameta aroko. 4Maraika ki ya fu agu yo narundu bara bangiriko, “Oni uru gu metameta aroko ti ko re.” Ko ki ya fu Yosua, “Mo ngére, mi di ga irairapai ku sa yo ti ro, mi aúkadi ro ni wene roko ngba ki susi.” 5Mi nga Zekaraya ki ya, “I moi gigiri kaĩkaĩ rokori ku ri ko yo.” Si du i ki moi gigiri kaĩkaĩ rokori ku ri ko yo ki ukadi ko ni aroko; ga Yekova maraika aru aru pati yo.
6Ga Yekova maraika ki fu rugute fu Yosua, ki ya, 7“Ya Yekova nga ga arimbasa ko wẽ: Ka mo apéka fuo gimi apai ki nika kuti gi rugute, si du mo azóga gimi aborokporo ki nirugu pa gimi avurukporo, mi ki idi he foro mo rimi ku dagba agu aboro rundu kina erẽ. 8Ako Yosua gbiamotumo, mo gí he awere, oni na akuaro nga agu yo susungu bara bangiro, bambiko i du wa pa wene yuguyugupai fu aboro: mo ngére, mi ayé na gi moyambu nga Bengua. 9Bambiko mo ngére, ku ri gu mbia nga gu moi mi ku bara bangiri Yosua, ri bangisa mbia na akpakpuhe saba, mi agbáka paha ni sese he ti mbia, wo poi Yekova nga ga arimbasa ko, mi ki di gu ingapai ku sa yo nga ga gi ringara re rogo bangisa uru. 10Aboro ni ba sa sa dagba roni ayámba akurayo ku tii gani bakakue na ku tii gani ngua vurumo, ni gu uru re, wo poi Yekova nga ga arimbasa ko.”
Currently Selected:
Zekaraya 3: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Zekaraya 3
3
Pa bi nebi yuguyugupai nga pa Yosua nga Gbiamotumo
1Ko ki yugu Yosua fere nangia gbiamotumo ko ru ku bangiri ga Yekova maraika, Satana ki ru ku kumbabeko yo ka kita ngbanga Yosua. 2Yekova ki ya fu Satana, “Ako Satana! Yekova zá ro: Yekova naasia Yerusarema ko zá ro! A nga gburukawe i rogo ho we yo nga gi te re?” 3Were Yosua aru ku bangiri maraika, ni ukadiukadi ko na metameta aroko. 4Maraika ki ya fu agu yo narundu bara bangiriko, “Oni uru gu metameta aroko ti ko re.” Ko ki ya fu Yosua, “Mo ngére, mi di ga irairapai ku sa yo ti ro, mi aúkadi ro ni wene roko ngba ki susi.” 5Mi nga Zekaraya ki ya, “I moi gigiri kaĩkaĩ rokori ku ri ko yo.” Si du i ki moi gigiri kaĩkaĩ rokori ku ri ko yo ki ukadi ko ni aroko; ga Yekova maraika aru aru pati yo.
6Ga Yekova maraika ki fu rugute fu Yosua, ki ya, 7“Ya Yekova nga ga arimbasa ko wẽ: Ka mo apéka fuo gimi apai ki nika kuti gi rugute, si du mo azóga gimi aborokporo ki nirugu pa gimi avurukporo, mi ki idi he foro mo rimi ku dagba agu aboro rundu kina erẽ. 8Ako Yosua gbiamotumo, mo gí he awere, oni na akuaro nga agu yo susungu bara bangiro, bambiko i du wa pa wene yuguyugupai fu aboro: mo ngére, mi ayé na gi moyambu nga Bengua. 9Bambiko mo ngére, ku ri gu mbia nga gu moi mi ku bara bangiri Yosua, ri bangisa mbia na akpakpuhe saba, mi agbáka paha ni sese he ti mbia, wo poi Yekova nga ga arimbasa ko, mi ki di gu ingapai ku sa yo nga ga gi ringara re rogo bangisa uru. 10Aboro ni ba sa sa dagba roni ayámba akurayo ku tii gani bakakue na ku tii gani ngua vurumo, ni gu uru re, wo poi Yekova nga ga arimbasa ko.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.