AFiripoio 4
4
Rugapai
1Wo du he tie, awirina, amangure, du nyemuroni ti re, nga gi ngbarago na kpakpari irisa, amangure, oni rú nyanyaki rogo Gbia.
2Mi nazungadi Euodia, mi nazungadi Sunduke, i dú na berã sa rogo Gbia. 3Ii, mi nazungadi ro a, ndikidi kuare, mo únda agi ade re, bambiko ani amangi sunge na yo rogo wene pangbanga, na Kuremendo a, na agu akura yo du ani na yo rogo sunge, du rimoyo rogo waraga unga yo.
4Oni ngí rogo Gbia yo dedede: mi agumba ha berewe, Oni ngí. 5Aboro ini roni dunduko ni bayee aboro. Gbia nambeda. 6Ka oni ídi nga fu pai si fudi roni wa sa ya; ono oni yúgu gaoni sanahe fu Mbori dunduko rogo kpe na zungaditise ni tambuahe. 7Na gu zereda nga ga Mbori nagasi rugatinapai dunduko, si abánda kpotoroni yo na gaoni berã rogo Kristo Yesu yo.
8Yangara ha tie, awirina, agu apai du ni rengo, agu apai rengbe na irisa, agu apai du ni ruru he, agu apai du ni wene sino, agu apai nangba bangirise, agu apai i naya ti ni si ngba; ka ngia ziazia pai dũ ho, ka ngia he ho rengbe i fu tambuahe ti ni, oni bérẽ pa agi apai re. 9Agu apai oni ata ina ha nidi he nigi he ki nibi he rogo re yo, oni mángi agi apai re. Mbori zereda ki du na oni.
Tambuahe tipa ga aFiripoio gamahe
10Ono mi nangi rogo Gbia gbe, mbiko ti gi rago re oni azingisi gaoni berã tipa re, ono wa oni aberẽ pa re ni rengo; oni azanga rago manga ha. 11Si adu nga wa mi nagumba pa zingohe te, bambiko mi aima ina pa sunga zezeredi rogo gu pai dũ mi rogo ho. 12Mi ini pa umbasiti, mi ini pa kumuko, rogo apai ni ba sa sa na rogo apai dú, mi ini gu pai nga mbi na ra na gomoro a, nga kumuko na zanga he a. 13Mi rengbe na manga apai dunduko rogo gu ko nanyakasa re.
14Wo du he tie oni amangi he wenengaĩ, wa oni adu na ani na ngbanya rogo gi rungo. 15Oni ini he tigaoni a, oni nga aFiripoio, ya rogo pa tona wene pangbanga, ho mi aguari Makedonia yo ni, a nga Kanisa sa nadu na ngbanya rogo pa fu gamahe na dia gamahe te, kina roni sa; 16ku Tesaronike yo a oni ahe nga keda he mbiko gi zingohe bara sa a te. 17A nga si wa mi nagbata gamahe te; ono mi nagbata gu zuzuhe nawisa ti rimoroni. 18Mi abi gaoni gamahe, si ki susi a. Awere ahe rengbe be re bambiko mi abi gu he naye yo du oni ni be Epafura, nga guzuguzu fuõ he, na wene motumo nangba ti Mbori. 19Gi Mbori ahisa gaoni zingohe dunduko ku sangba gako kumuko yo du rogo taarimo rogo Kristo Yesu yo. 20Awere taarimo dú fu gaani Mbori nga Barani nye anye kindi. Amina.
Yangara sanango aboro
21Mi sanango ga Mbori aboro rogo Kristo Yesu yo dũ. Agu awirina du na mi i sanango roni. 22Ga Mbori aboro dunduko sanango roni, na agu yo nga ga Kaisara aboro kporo gbe.
23Gu undahe nga ga Gbia Yesu Kristo si dú na tororoni.
Currently Selected:
AFiripoio 4: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
AFiripoio 4
4
Rugapai
1Wo du he tie, awirina, amangure, du nyemuroni ti re, nga gi ngbarago na kpakpari irisa, amangure, oni rú nyanyaki rogo Gbia.
2Mi nazungadi Euodia, mi nazungadi Sunduke, i dú na berã sa rogo Gbia. 3Ii, mi nazungadi ro a, ndikidi kuare, mo únda agi ade re, bambiko ani amangi sunge na yo rogo wene pangbanga, na Kuremendo a, na agu akura yo du ani na yo rogo sunge, du rimoyo rogo waraga unga yo.
4Oni ngí rogo Gbia yo dedede: mi agumba ha berewe, Oni ngí. 5Aboro ini roni dunduko ni bayee aboro. Gbia nambeda. 6Ka oni ídi nga fu pai si fudi roni wa sa ya; ono oni yúgu gaoni sanahe fu Mbori dunduko rogo kpe na zungaditise ni tambuahe. 7Na gu zereda nga ga Mbori nagasi rugatinapai dunduko, si abánda kpotoroni yo na gaoni berã rogo Kristo Yesu yo.
8Yangara ha tie, awirina, agu apai du ni rengo, agu apai rengbe na irisa, agu apai du ni ruru he, agu apai du ni wene sino, agu apai nangba bangirise, agu apai i naya ti ni si ngba; ka ngia ziazia pai dũ ho, ka ngia he ho rengbe i fu tambuahe ti ni, oni bérẽ pa agi apai re. 9Agu apai oni ata ina ha nidi he nigi he ki nibi he rogo re yo, oni mángi agi apai re. Mbori zereda ki du na oni.
Tambuahe tipa ga aFiripoio gamahe
10Ono mi nangi rogo Gbia gbe, mbiko ti gi rago re oni azingisi gaoni berã tipa re, ono wa oni aberẽ pa re ni rengo; oni azanga rago manga ha. 11Si adu nga wa mi nagumba pa zingohe te, bambiko mi aima ina pa sunga zezeredi rogo gu pai dũ mi rogo ho. 12Mi ini pa umbasiti, mi ini pa kumuko, rogo apai ni ba sa sa na rogo apai dú, mi ini gu pai nga mbi na ra na gomoro a, nga kumuko na zanga he a. 13Mi rengbe na manga apai dunduko rogo gu ko nanyakasa re.
14Wo du he tie oni amangi he wenengaĩ, wa oni adu na ani na ngbanya rogo gi rungo. 15Oni ini he tigaoni a, oni nga aFiripoio, ya rogo pa tona wene pangbanga, ho mi aguari Makedonia yo ni, a nga Kanisa sa nadu na ngbanya rogo pa fu gamahe na dia gamahe te, kina roni sa; 16ku Tesaronike yo a oni ahe nga keda he mbiko gi zingohe bara sa a te. 17A nga si wa mi nagbata gamahe te; ono mi nagbata gu zuzuhe nawisa ti rimoroni. 18Mi abi gaoni gamahe, si ki susi a. Awere ahe rengbe be re bambiko mi abi gu he naye yo du oni ni be Epafura, nga guzuguzu fuõ he, na wene motumo nangba ti Mbori. 19Gi Mbori ahisa gaoni zingohe dunduko ku sangba gako kumuko yo du rogo taarimo rogo Kristo Yesu yo. 20Awere taarimo dú fu gaani Mbori nga Barani nye anye kindi. Amina.
Yangara sanango aboro
21Mi sanango ga Mbori aboro rogo Kristo Yesu yo dũ. Agu awirina du na mi i sanango roni. 22Ga Mbori aboro dunduko sanango roni, na agu yo nga ga Kaisara aboro kporo gbe.
23Gu undahe nga ga Gbia Yesu Kristo si dú na tororoni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.