Marako 3
3
Kumba na kurugbo beko
(Mt. 12:9-14; Rk. 6:6-11)
1Ko ki rimi berewe ku bambutiria yo; kumba nadu yo na kurugbo beko. 2I ki kparia ko si ngia ko abatasa ko rago sabiti; i kiti ngbanga ko. 3Ko ki ya fu gu kumba nadu na kurugbo beko, “Mo yé ka ru ku barangba yo.” 4Ko ki ya fu yo, “Watadu manga wene pai rago sabiti na gbegberẽ he, na batasa unga na imo ho, gini gu ru?” I ki ongo aonga. 5Ho ko angana yo ni ta erã nirungo arungo mbiko ngbaduyo anyaki gbe, ko ki ya fu kumba, “Mo tái bero.” Ko ki tãi he; beko ki hu. 6AFarusi ki kuru, ki ndu ni ipo ka gumba rimoko na aErode, ki ya, i amanga wãi ka imo ko.
Rimbasa pati baime
7A Yesu ki ndu na gako abawiriki ku pati baime; bakere rimbasa aye Gariraya yo ki peke ko; na Yuda yo, 8na Yerusarema yo, na Idumaya yo; na mbiti Yaradene yo, na pati Tura na Sidona, ni bakere rimbasa bambiko i agia pa agu apai ko amanga ha dũ, ki niye fuo ko. 9Ko ki ya fu gako abawiriki wẽ, toni kurungba du ho tipa ko bambiko rimbasa, i ka turã ko; 10bambiko ko abatasi dungu yo be akaza; si ki ta du wa gere agu yo naadu na kere akaza dunduko i ki nigbisi fuo ko i zadi ko. 11Ni gu rago gbigbita atoro anibi ko, ami ki niti ku sande barangba ko, ki nipoi ku ari, niya, “Mo nga Wiri Mbori.” 12Ko ki rugu ra gbe ki ya, ka ami yugu nga ko ya.
Yesu asia amokedi bawe na ue
(Mt. 10:1-4; Rk. 6:12-16)
13Yesu ki biti ku ri bagangara yo, ki yambu agu yo koyo du ko ni ko akpi nyemu yo ni tiko; i ki ndu koyo du ko ni. 14Ko ki ka kuti yo bawe na ue, i nisungu na ko, ko nikekedi yo, i nitungusi pai, 15i du na tandu danda adaimona. 16Ko ki yambu kura rimo Simona nga Petero; 17Yakoba wiri Zebedayo, na Yoane wirina Yakoba; ko ki yambu kura rimoyo nga Boanerege, nga awiri gumba. 18A Andarea na Firipo, na Barutoromayo, na Matayo, na Toma, na Yakoba, wiri Arafayo, na Tadayo, na Simona nga boro Kanana, 19na Yuda Keriota, gu ko nakusi pako.
Yesu na Barazebuba
(Mt. 12:22-32; Rk. 11:14-23; 12:10)
Yesu ki ndu ku kporo yo. 20Rimbasa ki tiria berewe, si ki ta du wa gere ka si adu nga wa ka i ri riahe ya. 21Ho abadiangbako agi he ni, i ki ndu ka zia ko; bambiko i aya wẽ; “Iranzanga nga ko.” 22Agu abakeapai naye Yerusarema yo, i ki ya, “Ko na Barazebuba ti ko, ko nadanda adaimona vurube gbia adaimona.” 23Yesu ki yambu yo koyo du ko ni, ki nigumba asanza fu yo, ki ya, “Ka Satana wiri pa do Satana wãi? 24Ka ngbi kpara ni sa ha, gu ngbi re si ru nga te. 25Ka ringara agume kpara ni sa ha, gu ringara agume re si ru nga a te. 26Ka Satana zingi kuti ko ni tiko gako ngbi si aru nga te, si nanyasa anyasa. 27Ka boro rimi nga ku tii gu bambu nga ga iraome ka roga gani ahe te, kina gu ka ni vo ni mbata; ni nikaroga gani ahe dimo yo.
28“Ya mi fu roni ni rengo, i avú wiri aboro avu ti gayo ingaapai dunduko na gu gayo gberãngba yo dũ i nagberã ngbayo yo na ni; 29ono gu boro ka gberẽ ngbani yo fu Ziazia Toro Mbori ahé nga ha fu ni wa sa te, ni ka mangi gu ingapai nye anye kindi―” 30bambiko i aya, “Ko na gbigbita toro ti ko.”
Na Yesu, na awirinako
(Mt. 12:46-50; Rk. 8:19-21)
31Anako ki ye na awirinako; i ki ru zegi yo, ki kedi sunge koyo du ko ni, i yambu ko. 32Gu rimbasa naasungu pati ko, i ki ya fu ko, “Mo ngére, anamo na awirinamo du zegi yo nagbata ro.” 33Ko ki karaga ha fu yo, ki ya, “Da nga nina na awirinami?” 34Ko ki ngana agu yo naasungu pati ko, ki ya, “Oni bí, anina na awirinami! 35Gu ni namanga gu pai Mbori akpi nyemu he ni nga wirinami, na dawire, na nina.”
Currently Selected:
Marako 3: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Marako 3
3
Kumba na kurugbo beko
(Mt. 12:9-14; Rk. 6:6-11)
1Ko ki rimi berewe ku bambutiria yo; kumba nadu yo na kurugbo beko. 2I ki kparia ko si ngia ko abatasa ko rago sabiti; i kiti ngbanga ko. 3Ko ki ya fu gu kumba nadu na kurugbo beko, “Mo yé ka ru ku barangba yo.” 4Ko ki ya fu yo, “Watadu manga wene pai rago sabiti na gbegberẽ he, na batasa unga na imo ho, gini gu ru?” I ki ongo aonga. 5Ho ko angana yo ni ta erã nirungo arungo mbiko ngbaduyo anyaki gbe, ko ki ya fu kumba, “Mo tái bero.” Ko ki tãi he; beko ki hu. 6AFarusi ki kuru, ki ndu ni ipo ka gumba rimoko na aErode, ki ya, i amanga wãi ka imo ko.
Rimbasa pati baime
7A Yesu ki ndu na gako abawiriki ku pati baime; bakere rimbasa aye Gariraya yo ki peke ko; na Yuda yo, 8na Yerusarema yo, na Idumaya yo; na mbiti Yaradene yo, na pati Tura na Sidona, ni bakere rimbasa bambiko i agia pa agu apai ko amanga ha dũ, ki niye fuo ko. 9Ko ki ya fu gako abawiriki wẽ, toni kurungba du ho tipa ko bambiko rimbasa, i ka turã ko; 10bambiko ko abatasi dungu yo be akaza; si ki ta du wa gere agu yo naadu na kere akaza dunduko i ki nigbisi fuo ko i zadi ko. 11Ni gu rago gbigbita atoro anibi ko, ami ki niti ku sande barangba ko, ki nipoi ku ari, niya, “Mo nga Wiri Mbori.” 12Ko ki rugu ra gbe ki ya, ka ami yugu nga ko ya.
Yesu asia amokedi bawe na ue
(Mt. 10:1-4; Rk. 6:12-16)
13Yesu ki biti ku ri bagangara yo, ki yambu agu yo koyo du ko ni ko akpi nyemu yo ni tiko; i ki ndu koyo du ko ni. 14Ko ki ka kuti yo bawe na ue, i nisungu na ko, ko nikekedi yo, i nitungusi pai, 15i du na tandu danda adaimona. 16Ko ki yambu kura rimo Simona nga Petero; 17Yakoba wiri Zebedayo, na Yoane wirina Yakoba; ko ki yambu kura rimoyo nga Boanerege, nga awiri gumba. 18A Andarea na Firipo, na Barutoromayo, na Matayo, na Toma, na Yakoba, wiri Arafayo, na Tadayo, na Simona nga boro Kanana, 19na Yuda Keriota, gu ko nakusi pako.
Yesu na Barazebuba
(Mt. 12:22-32; Rk. 11:14-23; 12:10)
Yesu ki ndu ku kporo yo. 20Rimbasa ki tiria berewe, si ki ta du wa gere ka si adu nga wa ka i ri riahe ya. 21Ho abadiangbako agi he ni, i ki ndu ka zia ko; bambiko i aya wẽ; “Iranzanga nga ko.” 22Agu abakeapai naye Yerusarema yo, i ki ya, “Ko na Barazebuba ti ko, ko nadanda adaimona vurube gbia adaimona.” 23Yesu ki yambu yo koyo du ko ni, ki nigumba asanza fu yo, ki ya, “Ka Satana wiri pa do Satana wãi? 24Ka ngbi kpara ni sa ha, gu ngbi re si ru nga te. 25Ka ringara agume kpara ni sa ha, gu ringara agume re si ru nga a te. 26Ka Satana zingi kuti ko ni tiko gako ngbi si aru nga te, si nanyasa anyasa. 27Ka boro rimi nga ku tii gu bambu nga ga iraome ka roga gani ahe te, kina gu ka ni vo ni mbata; ni nikaroga gani ahe dimo yo.
28“Ya mi fu roni ni rengo, i avú wiri aboro avu ti gayo ingaapai dunduko na gu gayo gberãngba yo dũ i nagberã ngbayo yo na ni; 29ono gu boro ka gberẽ ngbani yo fu Ziazia Toro Mbori ahé nga ha fu ni wa sa te, ni ka mangi gu ingapai nye anye kindi―” 30bambiko i aya, “Ko na gbigbita toro ti ko.”
Na Yesu, na awirinako
(Mt. 12:46-50; Rk. 8:19-21)
31Anako ki ye na awirinako; i ki ru zegi yo, ki kedi sunge koyo du ko ni, i yambu ko. 32Gu rimbasa naasungu pati ko, i ki ya fu ko, “Mo ngére, anamo na awirinamo du zegi yo nagbata ro.” 33Ko ki karaga ha fu yo, ki ya, “Da nga nina na awirinami?” 34Ko ki ngana agu yo naasungu pati ko, ki ya, “Oni bí, anina na awirinami! 35Gu ni namanga gu pai Mbori akpi nyemu he ni nga wirinami, na dawire, na nina.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.