Matayo 8
8
Yesu ahusi boro ngbataka
(Mk. 1:40-45; Rk. 5:12-16)
1Ho Yesu azorõ ni ri bagangara yo, dungu rimbasa ki nipeke ko. 2Oni ngere, boro ngbataka ki ta ye fuo ko niirisi ko, niya, “Gbia, ka mo kpi nyemu he, mo rengbe arengba ka husa re,” 3ko ki ta tãa beko nizadi ko, ki ya, “Mi nakpi nyemu he; mo hú.” Ni ba sa gako ngbataka ki go ti ko. 4Yesu ki ya fu ko, “Mo bi, ka mo gumba nga ha fu boro wa sa ya; mo ndú ga nduge, ki yugu tiro fu boromotumo, ki gamu gu rúhe Mose agumba paha, si yugu pai fu yo.”
Yesu ahusi ga barukuri aboro 100 moyambu
(Rk. 7:1-10)
5Ho ko ada ni Kaparanauma yo, gu barukuri aboro 100 ki ye koyo du ko ni, ki zúngadi ko; 6ki ya, “Gbia, gi moyambu pi auru ba na kaza be ngbaramoni, si narungosi ko nyanyaki gbe.” 7Ko ki ya fu ko, “Mi ayé ka husa ko.” 8Barukuri aboro 100 ki karaga ha ki ya, “Gbia, mi are nga na ye mo ku tii gi bambu yo te; ono mo gúmba kina furaro gi moyambu ki bati. 9Bambiko zogozogo boro nga mi a, mi ki du fu abanzengere ku mbata yo. Ka mi ya fu gu ko sa, ‘Mo ndú,’ ko ki ndu andu; mi ki ya fu kura ko, ‘Mo yé,’ ko ki ye; mi ki ya fu gi moyambu, ‘Mo mángi gere,’ ko ki mangi he.” 10Ho Yesu agi he ni, si ki iriwo airiwo ti ko, ko ki ya fu agu yo napeka ko, “Mi nagumba ha fu roni ni rengo, mi abi nga idapase wa gere mbata te, oó, dagba aYisaraere yo a te. 11Ya mi fu roni, dungu aboro nikaguari uroyo na dioyo ki sungu na Abarayama, na Yisaka, na Yakoba; rogo gu ngbi nga ga ngbangbaturũ; 12ono awiri ngbi i abáfa yo abafa ku rogo gu bitimo du zegi yo; yo kpe ka du ni na ri ngba rinde.” 13Yesu ki ya fu barukuri aboro 100, “Mo ndú ga nduge; bambiko wa idi mo pa ha kina wo du he foro.” Were moyambu ki bati ti kina gu saa re.
Yesu ahusi dungu aboro
(Mk. 1:29-34; Rk. 4:38-41)
14Ho Yesu arimi ni ku rogo ga Petero bambu, ko ki bi nagbioko wa ri api auru ba be kaza, kpotori afaa be he. 15Ko ki zadi beri, faa kpotori ki go ti ri; ri ki guari ki mangi pako. 16Ho nyemu ada ni, i ki ye na dungu aboro adaimona azi yo; ko ki dandi atoro ni furako, ko ki husi agu yo dunduko na kaza. 17Were gu pai ki da nebi agumba ha nga Yesaya ki ya, “Kina ko nadi gaani aima, ki tindi gaani akaza.”
Peka Yesu
(Rk. 9:57-62)
18Were ho Yesu abi dungu rimbasa ni pati ko kirikiri, ko ki rugu yo i si ku mbiti yo. 19Were bakeapai ki ta ye niya fu ko, “Bayugupai, mi apéka ro rogo arago dunduko yo mo ka ta ni.” 20Yesu ki ya fu ko, “Ayaro be anya, agu azire du ari yo bambu be ra; ono Wiri boro adu nga ba be ko ka maa riko ku auru he te.” 21Gu kura boro dagba gako abawiriki ki ya fu ko, “Gbia, mo ídi he fere mi ndu ka kpisida buba mbata.” 22Ono Yesu ki ya fu ko, “Mo péke re; mo he kangba aboro i kpisidi gayo kangba aboro.”
Yesu aza bayuge
(Mk. 4:35-41; Rk. 8:22-25)
23Were ho ko arimi ni ku kurungba yo, gako abawiriki ki nipeke ko. 24Oni ngére, bakere bayuge ki niya bangiri baime, sungburasungbura baime ki niukaga aukaga ku kurungba yo; ono ko adu na rame. 25Gako abawiriki ki ta ye fuo ko, nizingisi ko, niya, “Gbia, mo bátasi rani; ani nakpi.” 26Ko ki ya fu yo, “Tipagine oni agunde ti ni? Ako oni du na toni idapase.” Ko ki guari ki za yuge na baime; si ki ru za dunduko. 27Si ki niiriwo airiwo ti agu aboro re, i ki ya, “Ngbatunga gini boro nga gi ni re, yuge agia sangbani na baime?”
Yesu abatasi akumba na adaimona ringara aGerasa yo
(Mk. 5:1-20; Rk. 8:26-39)
28Ho ko asi ni ku mbiti yo ku rogo gu ringara nga ga aGadara, aboro ki gbia ko ue nadu na adaimona ti yo, ki kuru dagba amurã yo, ni ẽreẽre yo gbe, ka si adu nga wa ka boro susi ngba gu gene re wa sa ya. 29Oni ngére, i ki kpari, ki ya, “Sa gaani na mo, mo nga Wiri Mbori? Ye mo kono ka rungosi rani mbata ragoho nikada?” 30Were rimbasa amukuru adu yo tuturu ti yo ki niriki. 31Adaimona ki zungadi ko, ki ya, “Ka mo do rani, mo kédi rani ku vuru rimbasa amukuru yo.” 32Ko ki ya fu ra, “Oni ndú.” Were ami ki kuru ki rimi ku vuru amukuru yo; oni ngére, rimbasara ki gbidi dunduko ka ora ku baime yo, ki kpiki ime yo. 33Ababandara ki oro ki rimi ku bakporo yo, ki gumba pa ha dunduko, na agu apai namangi fu agu yo adaimona azi yo. 34Oni ngére, aboro gu bakporo re dunduko i ki kuru ka gbia Yesu; ho i abi ko ni, i ki zungadi ko ko guari rogo gayo ringara.
Currently Selected:
Matayo 8: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Matayo 8
8
Yesu ahusi boro ngbataka
(Mk. 1:40-45; Rk. 5:12-16)
1Ho Yesu azorõ ni ri bagangara yo, dungu rimbasa ki nipeke ko. 2Oni ngere, boro ngbataka ki ta ye fuo ko niirisi ko, niya, “Gbia, ka mo kpi nyemu he, mo rengbe arengba ka husa re,” 3ko ki ta tãa beko nizadi ko, ki ya, “Mi nakpi nyemu he; mo hú.” Ni ba sa gako ngbataka ki go ti ko. 4Yesu ki ya fu ko, “Mo bi, ka mo gumba nga ha fu boro wa sa ya; mo ndú ga nduge, ki yugu tiro fu boromotumo, ki gamu gu rúhe Mose agumba paha, si yugu pai fu yo.”
Yesu ahusi ga barukuri aboro 100 moyambu
(Rk. 7:1-10)
5Ho ko ada ni Kaparanauma yo, gu barukuri aboro 100 ki ye koyo du ko ni, ki zúngadi ko; 6ki ya, “Gbia, gi moyambu pi auru ba na kaza be ngbaramoni, si narungosi ko nyanyaki gbe.” 7Ko ki ya fu ko, “Mi ayé ka husa ko.” 8Barukuri aboro 100 ki karaga ha ki ya, “Gbia, mi are nga na ye mo ku tii gi bambu yo te; ono mo gúmba kina furaro gi moyambu ki bati. 9Bambiko zogozogo boro nga mi a, mi ki du fu abanzengere ku mbata yo. Ka mi ya fu gu ko sa, ‘Mo ndú,’ ko ki ndu andu; mi ki ya fu kura ko, ‘Mo yé,’ ko ki ye; mi ki ya fu gi moyambu, ‘Mo mángi gere,’ ko ki mangi he.” 10Ho Yesu agi he ni, si ki iriwo airiwo ti ko, ko ki ya fu agu yo napeka ko, “Mi nagumba ha fu roni ni rengo, mi abi nga idapase wa gere mbata te, oó, dagba aYisaraere yo a te. 11Ya mi fu roni, dungu aboro nikaguari uroyo na dioyo ki sungu na Abarayama, na Yisaka, na Yakoba; rogo gu ngbi nga ga ngbangbaturũ; 12ono awiri ngbi i abáfa yo abafa ku rogo gu bitimo du zegi yo; yo kpe ka du ni na ri ngba rinde.” 13Yesu ki ya fu barukuri aboro 100, “Mo ndú ga nduge; bambiko wa idi mo pa ha kina wo du he foro.” Were moyambu ki bati ti kina gu saa re.
Yesu ahusi dungu aboro
(Mk. 1:29-34; Rk. 4:38-41)
14Ho Yesu arimi ni ku rogo ga Petero bambu, ko ki bi nagbioko wa ri api auru ba be kaza, kpotori afaa be he. 15Ko ki zadi beri, faa kpotori ki go ti ri; ri ki guari ki mangi pako. 16Ho nyemu ada ni, i ki ye na dungu aboro adaimona azi yo; ko ki dandi atoro ni furako, ko ki husi agu yo dunduko na kaza. 17Were gu pai ki da nebi agumba ha nga Yesaya ki ya, “Kina ko nadi gaani aima, ki tindi gaani akaza.”
Peka Yesu
(Rk. 9:57-62)
18Were ho Yesu abi dungu rimbasa ni pati ko kirikiri, ko ki rugu yo i si ku mbiti yo. 19Were bakeapai ki ta ye niya fu ko, “Bayugupai, mi apéka ro rogo arago dunduko yo mo ka ta ni.” 20Yesu ki ya fu ko, “Ayaro be anya, agu azire du ari yo bambu be ra; ono Wiri boro adu nga ba be ko ka maa riko ku auru he te.” 21Gu kura boro dagba gako abawiriki ki ya fu ko, “Gbia, mo ídi he fere mi ndu ka kpisida buba mbata.” 22Ono Yesu ki ya fu ko, “Mo péke re; mo he kangba aboro i kpisidi gayo kangba aboro.”
Yesu aza bayuge
(Mk. 4:35-41; Rk. 8:22-25)
23Were ho ko arimi ni ku kurungba yo, gako abawiriki ki nipeke ko. 24Oni ngére, bakere bayuge ki niya bangiri baime, sungburasungbura baime ki niukaga aukaga ku kurungba yo; ono ko adu na rame. 25Gako abawiriki ki ta ye fuo ko, nizingisi ko, niya, “Gbia, mo bátasi rani; ani nakpi.” 26Ko ki ya fu yo, “Tipagine oni agunde ti ni? Ako oni du na toni idapase.” Ko ki guari ki za yuge na baime; si ki ru za dunduko. 27Si ki niiriwo airiwo ti agu aboro re, i ki ya, “Ngbatunga gini boro nga gi ni re, yuge agia sangbani na baime?”
Yesu abatasi akumba na adaimona ringara aGerasa yo
(Mk. 5:1-20; Rk. 8:26-39)
28Ho ko asi ni ku mbiti yo ku rogo gu ringara nga ga aGadara, aboro ki gbia ko ue nadu na adaimona ti yo, ki kuru dagba amurã yo, ni ẽreẽre yo gbe, ka si adu nga wa ka boro susi ngba gu gene re wa sa ya. 29Oni ngére, i ki kpari, ki ya, “Sa gaani na mo, mo nga Wiri Mbori? Ye mo kono ka rungosi rani mbata ragoho nikada?” 30Were rimbasa amukuru adu yo tuturu ti yo ki niriki. 31Adaimona ki zungadi ko, ki ya, “Ka mo do rani, mo kédi rani ku vuru rimbasa amukuru yo.” 32Ko ki ya fu ra, “Oni ndú.” Were ami ki kuru ki rimi ku vuru amukuru yo; oni ngére, rimbasara ki gbidi dunduko ka ora ku baime yo, ki kpiki ime yo. 33Ababandara ki oro ki rimi ku bakporo yo, ki gumba pa ha dunduko, na agu apai namangi fu agu yo adaimona azi yo. 34Oni ngére, aboro gu bakporo re dunduko i ki kuru ka gbia Yesu; ho i abi ko ni, i ki zungadi ko ko guari rogo gayo ringara.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.