Matayo 27
27
Yesu barangba Pirato
(Mk. 15:1; Rk. 23:1-2; Yo. 18:28-32)
1Were ho wiso ada ni, abairamotumo na ga aYudo abaakumba ki nigumba rondo ka imo Yesu. 2I ki vo ko ki ndu na ko ki fu ko ku be Pirato nga bazogo.
Yuda aimi tiko
(Amo. 1:18-19)
3Were Yuda, gu ko nakusi Yesu, ho ko abi he ni ya i gbarasi ngbanga fu ko, ko ki birĩ tiko, ki gasi gu marã feda 30 fu abairamotumo na ga aYudo abaakumba, 4ki ya, “Mi ingi pai wa kusi mi kure ruru boro.” Ono i ki ya, “Sa gaani na gu? ga pai dũ ti ni.” 5Ko ki ba gu marã feda ku yekaru yo, ki guari yo; ki ndu ki asi tiko. 6Abairamotumo ki di gu marã feda re, ki ya, “Ru nga maa ra ku rogo bafumarã te, bambiko marã geno kure nga ami.” 7I ki saki he ki ngbe gu ati nga ga bameakoro tipa kpisida kangba agu aboro rogo adu nga ni aYudo ya. 8Si du i aniya ti ni ti gu ati re, Ati kure, dati gi rago re. 9Gu pai ki du ni digisidigisi he Yeremaya agumba nga nebi, naaya, “I arogo gu marã feda 30 nga genoko wa i aringbisi he, nga gu ko agu yo aringbisi genoko dagba awiri aYisaraere; 10ki fu ra tipa gu ati nga ga bameakoro, wa Gbia agumba ha fere.”
Pirato asana Yesu
(Mk. 15:2-5; Rk. 23:3-5; Yo. 18:33-38)
11Were Yesu ki ru barangba bazogo; bazogo ki sana ko, ki ya, “Bakindo aYudo nga mo?” Yesu ki ya fu ko, “A si mo agumba ha re.” 12Ho abairamotumo akiti ngbanga ko ni na ga aYudo abaakumba, ko akaraga nga pai te. 13Pirato ki ya fu ko. “Mo agia nga gu dungu pai i adarã ro Ii ni te re?” 14Ka ko akaraga nga pai fu ko wa sa a ya: wa si adu were si airiwo airiwo ti bazogo gbe.
I akati ngbanga kuti Yesu
(Mk. 15:6-15; Rk. 23:13-25; Yo. 18:39—19:16)
15Were rago pumbo sino bazogo naningia kusa kisikisi boro sa fu rimbasa, gu ni i anakpi nyemu ni. 16Ni gu rago re i adu na baworimo kisikisi boro, rimoko nangia Baraba. 17Ho i adungura tiyo ni tie, Pirato ki ya fu yo, “Da oni akpi nyemu mi kusi ni fu roni? Watadu Baraba, na Yesu du rimoko nga Kristo?” 18Ko aini he ya i afu Yesu koyo du ko ni mbiko kpi yo ko. 19Wa ko asungu auru mbata sapangbanga, diako ki kedi pai fu ko, ki ya, “Mo zogo bero ti gu ruru kumba re: bambiko dungu apai mangi re areme musumo yo mbiko ko.” 20Were abaira motumo na ga aYudo abaakumba i ki zungadi rimbasa aboro i sana ko tipa Baraba, ki imi Yesu. 21Ono bazogo ki karaga ha ki ya fu yo, “Dagba yo ue gini ni oni akpi nyemu mi kusi ni fu roni?” I ki ya, “Baraba.” 22Pirato ki ya fu yo, “Gine mi ka manga fu Yesu du rimoko nga Kristo” I ki mongo ya, “I wági ko awaga.” 23Ko ki ya, “Tipagine, gini gbegberẽpai mangi ko?” Ono i ki ta paa ku ari bakere, niya, “I wági ko awaga.” 24Were ho Pirato abi he ni, ya ko adia nga be yo te, ono si wa gbarakagbaraka pai nikadu, ko ki di ime, ki zundu beko ku bangiri rimbasa, niya, “Kure gi ruru boro adu nga ri re te re; oni bi he.” 25Aboro ki karaga ha dunduko ki ya, “Kureko du ku ri rani na ku ri awirani.” 26Ko ki kusi Baraba fu yo, ono ko ki ta Yesu ki fu ko i wagi ko.
Abanzengere asawia Yesu
(Mk. 15:16-20; Yo. 19:2-3)
27Ga bazogo abanzengere ki di Yesu ku rogo gu kikii vuru bambu nga ga abazogo, ki dungura rikayo dunduko ku pati ko. 28I ki uru gako remu, ki ukadi ko ni ngungungu remu. 29I ki kãi kpakpari kiwe ki moi he ku riko yo, ki moi nganzi ku kumbabeko yo; i ki kuku barangba ko, ki sawia ko, niya, “Ako Bakindo aYudo!” 30I ki nisukudi ko, ki di nganzi ki nita ko ti riko. 31Ho i asawia ko ni, i ki uru gu remu ti ko re, ki ukadi ko ni gako remu, ki ndu na ko ka waga ko.
Waga Yesu
(Mk. 15:21-32; Rk. 23:26-43; Yo. 19:17-27)
32Ho i akuru ni, i ki bi boro Kurene, rimoko angia Simona: i ki sosodi ko i ndu na ko, ko tindi gako wagiwagi ngua. 33Ho i ada ni ku rogo gu ba nga Gorogota, (si wa ka i ya, Bamemeri,) 34i ki fu imekakue fu ko ni kodikodi he na kakai he. Ho ko aia ha ni, ka ko ambira nga ha ya. 35Ho i awagi ko ni, i ki ta kparaka gako remu dagba yo, niba ake ti ni. 36I ki nisungu ka ngana ko. 37I ki moi gu pai ba riko i akiti ngbanga ko kuti ni, ni keke he, nga, “Gi ko re nga Yesu bakindo aYudo.” 38I ki wagi abatuka pati ko ue, gu ni ki du ku kumbabeko yo, gu ni ki du ku gareko yo. 39Agu yo nasusa i ki ta sawia ko nipikipo riyo, 40ki niya, “Mo nagbarasa yekaru ki dua ha ramehe ki du biata, mo bátasi tiro! Ka ngia Wiri Mbori nga mo mo zórõ ti wagiwagi ngua!” 41Abairamotumo ki nisawia ko na abakeapai na ga aYudo abaakumba kina wo, ki ya, 42“Ko abatasi kura aboro; ka ko batasi nga tiko te! Ko nga Bakindo aYisaraere; ko zórõ ti wagiwagi ngua awere, ani ki idi pa ko! 43Ko fu tiko ku be Mbori; ka Mbori kpi nyemu ko ko bátasi ko awere; bambiko ko aya, ‘Mi nga Wiri Mbori.’ ” 44Agu abatuka a i awagi ko na yo i ki mongo nisenge ko kina wo.
Kpio Yesu
(Mk. 15:33-41; Rk. 23:44-49; Yo. 19:28-30)
45Were ti bebere uru, bitimo ki ti ati auru kpotosende dunduko kina kuti saa biata. 46Ho si adu ni wa ka saa biata du Yesu ki poi ku ari ni bakere fugo, niya, “Eroi, Eroi, rama sabakusani?” si wa ka i ya, “Gi Mbori, gi Mbori, guari mo ti re sa gine?” 47Agu yo narundu ho, ho i agi he ni, i ki ya, “Gi kumba re ko nayamba Eriya.” 48Ni ba sa gu ni sa dagba yo ki nioro ki ta dia fakayofakayo he ki nimogo ho ku rogo kakai imekakue, ki moi he ku ngba nganzi yo, ki fu he fu ko ko mbiri he. 49Akura yo ki ya, “Oni rú nga, ani bi nga si ngia Eriya ayé ka batasa ko.” 50Yesu ki poi berewe ku ari ni bakere fugo, ki fu toroko.
51Oni ngére, gu remu nadu yekaru yo si ki siri rogo ue, si ki tona ari yo ka sira ku sande. Bazigizo ki wo ti sende; ambia ki nikua; 52amurã ki za. I ki zingisi kangba ga Mbori aboro ni dungu yo nga agu yo naaima ti ni rame; 53wa i akuru rogo amurã yo fuo zinga ko be kpio i ki nirimi ku rogo ziazia bakporo dungu aboro ki bi yo. 54Were barukuri aboro 100, na agu yo nadu na ko nisungudi Yesu, ho i abi gu bazigizo ni re, na agu apai namangi, i ki nigunde agunde gbe, ki ya, “Wiri Mbori nga ko ni rengo.”
55Dungu ade nadu ho nga agu yo naapeka Yesu Gariraya yo, nimangi pa ko; i ki ru tuturu ki ningere. 56Maria Magadara na Maria nga na aYakoba na Yose, na na awiri Zebedayo i ki du dagba yo.
Kpisida Yesu
(Mk. 15:42-47; Rk. 23:50-56; Yo. 19:38-42)
57Ho nyemu ada ni, Kumukokumuko kumba ki niye Arimataya yo, rimoko nangia Yosefa, ko nadu ni ga Yesu bawiriki. 58Gi kumba re ko andu koyo du Pirato ni, ki sana ko tipa kangba Yesu, Pirato ki ya i fu he fu ko. 59Yosefa ki di kangba, ki kãi he na gigiri remu, 60ki pigi he ku rogo gako vovo murã nga gege mbia nga gu ko age he. Ko ki wirigi bakere mbia kuti ngbadimo murã, ki niguari. 61Maria Magadara nadu ho, na gu kura Maria, i nasungu pati murã mbembedi.
Abamoirago pati murã
62Were ho rago agiri ni, nga gu uru naadu fuo rago Mbakadaahe, abairamotumo ki dungura tiyo na aFarusi koyo du Pirato ni, 63ki ya, “Gbia, ani tingidi he wa gu boro biriki aya re, ho ko adu ni ni ungako, ‘Fuo uru biata mi ki zingi berewe’ 64Were mo gúmba ha tie abanzengere banda murã ni kisikisi he nyanyaki dati biata uru, abawiriki ka ye ka dia kangbako, ki ya fu aboro, ‘Ko zingi be kpio.’ Gu zire nikadu kusa si ka susa gu naadu mbata.” 65Pirato ki ya fu yo, “Abamoirago du be roni, oni ndú, oni kísi he nyanyaki wa rengbe omeroni na ni.” 66Si du i andu ti ni, ki kisi murã nyanyaki, i ki dika he ti mbia si du ni dezirehe, abamoirago ki du na yo.
Currently Selected:
Matayo 27: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Matayo 27
27
Yesu barangba Pirato
(Mk. 15:1; Rk. 23:1-2; Yo. 18:28-32)
1Were ho wiso ada ni, abairamotumo na ga aYudo abaakumba ki nigumba rondo ka imo Yesu. 2I ki vo ko ki ndu na ko ki fu ko ku be Pirato nga bazogo.
Yuda aimi tiko
(Amo. 1:18-19)
3Were Yuda, gu ko nakusi Yesu, ho ko abi he ni ya i gbarasi ngbanga fu ko, ko ki birĩ tiko, ki gasi gu marã feda 30 fu abairamotumo na ga aYudo abaakumba, 4ki ya, “Mi ingi pai wa kusi mi kure ruru boro.” Ono i ki ya, “Sa gaani na gu? ga pai dũ ti ni.” 5Ko ki ba gu marã feda ku yekaru yo, ki guari yo; ki ndu ki asi tiko. 6Abairamotumo ki di gu marã feda re, ki ya, “Ru nga maa ra ku rogo bafumarã te, bambiko marã geno kure nga ami.” 7I ki saki he ki ngbe gu ati nga ga bameakoro tipa kpisida kangba agu aboro rogo adu nga ni aYudo ya. 8Si du i aniya ti ni ti gu ati re, Ati kure, dati gi rago re. 9Gu pai ki du ni digisidigisi he Yeremaya agumba nga nebi, naaya, “I arogo gu marã feda 30 nga genoko wa i aringbisi he, nga gu ko agu yo aringbisi genoko dagba awiri aYisaraere; 10ki fu ra tipa gu ati nga ga bameakoro, wa Gbia agumba ha fere.”
Pirato asana Yesu
(Mk. 15:2-5; Rk. 23:3-5; Yo. 18:33-38)
11Were Yesu ki ru barangba bazogo; bazogo ki sana ko, ki ya, “Bakindo aYudo nga mo?” Yesu ki ya fu ko, “A si mo agumba ha re.” 12Ho abairamotumo akiti ngbanga ko ni na ga aYudo abaakumba, ko akaraga nga pai te. 13Pirato ki ya fu ko. “Mo agia nga gu dungu pai i adarã ro Ii ni te re?” 14Ka ko akaraga nga pai fu ko wa sa a ya: wa si adu were si airiwo airiwo ti bazogo gbe.
I akati ngbanga kuti Yesu
(Mk. 15:6-15; Rk. 23:13-25; Yo. 18:39—19:16)
15Were rago pumbo sino bazogo naningia kusa kisikisi boro sa fu rimbasa, gu ni i anakpi nyemu ni. 16Ni gu rago re i adu na baworimo kisikisi boro, rimoko nangia Baraba. 17Ho i adungura tiyo ni tie, Pirato ki ya fu yo, “Da oni akpi nyemu mi kusi ni fu roni? Watadu Baraba, na Yesu du rimoko nga Kristo?” 18Ko aini he ya i afu Yesu koyo du ko ni mbiko kpi yo ko. 19Wa ko asungu auru mbata sapangbanga, diako ki kedi pai fu ko, ki ya, “Mo zogo bero ti gu ruru kumba re: bambiko dungu apai mangi re areme musumo yo mbiko ko.” 20Were abaira motumo na ga aYudo abaakumba i ki zungadi rimbasa aboro i sana ko tipa Baraba, ki imi Yesu. 21Ono bazogo ki karaga ha ki ya fu yo, “Dagba yo ue gini ni oni akpi nyemu mi kusi ni fu roni?” I ki ya, “Baraba.” 22Pirato ki ya fu yo, “Gine mi ka manga fu Yesu du rimoko nga Kristo” I ki mongo ya, “I wági ko awaga.” 23Ko ki ya, “Tipagine, gini gbegberẽpai mangi ko?” Ono i ki ta paa ku ari bakere, niya, “I wági ko awaga.” 24Were ho Pirato abi he ni, ya ko adia nga be yo te, ono si wa gbarakagbaraka pai nikadu, ko ki di ime, ki zundu beko ku bangiri rimbasa, niya, “Kure gi ruru boro adu nga ri re te re; oni bi he.” 25Aboro ki karaga ha dunduko ki ya, “Kureko du ku ri rani na ku ri awirani.” 26Ko ki kusi Baraba fu yo, ono ko ki ta Yesu ki fu ko i wagi ko.
Abanzengere asawia Yesu
(Mk. 15:16-20; Yo. 19:2-3)
27Ga bazogo abanzengere ki di Yesu ku rogo gu kikii vuru bambu nga ga abazogo, ki dungura rikayo dunduko ku pati ko. 28I ki uru gako remu, ki ukadi ko ni ngungungu remu. 29I ki kãi kpakpari kiwe ki moi he ku riko yo, ki moi nganzi ku kumbabeko yo; i ki kuku barangba ko, ki sawia ko, niya, “Ako Bakindo aYudo!” 30I ki nisukudi ko, ki di nganzi ki nita ko ti riko. 31Ho i asawia ko ni, i ki uru gu remu ti ko re, ki ukadi ko ni gako remu, ki ndu na ko ka waga ko.
Waga Yesu
(Mk. 15:21-32; Rk. 23:26-43; Yo. 19:17-27)
32Ho i akuru ni, i ki bi boro Kurene, rimoko angia Simona: i ki sosodi ko i ndu na ko, ko tindi gako wagiwagi ngua. 33Ho i ada ni ku rogo gu ba nga Gorogota, (si wa ka i ya, Bamemeri,) 34i ki fu imekakue fu ko ni kodikodi he na kakai he. Ho ko aia ha ni, ka ko ambira nga ha ya. 35Ho i awagi ko ni, i ki ta kparaka gako remu dagba yo, niba ake ti ni. 36I ki nisungu ka ngana ko. 37I ki moi gu pai ba riko i akiti ngbanga ko kuti ni, ni keke he, nga, “Gi ko re nga Yesu bakindo aYudo.” 38I ki wagi abatuka pati ko ue, gu ni ki du ku kumbabeko yo, gu ni ki du ku gareko yo. 39Agu yo nasusa i ki ta sawia ko nipikipo riyo, 40ki niya, “Mo nagbarasa yekaru ki dua ha ramehe ki du biata, mo bátasi tiro! Ka ngia Wiri Mbori nga mo mo zórõ ti wagiwagi ngua!” 41Abairamotumo ki nisawia ko na abakeapai na ga aYudo abaakumba kina wo, ki ya, 42“Ko abatasi kura aboro; ka ko batasi nga tiko te! Ko nga Bakindo aYisaraere; ko zórõ ti wagiwagi ngua awere, ani ki idi pa ko! 43Ko fu tiko ku be Mbori; ka Mbori kpi nyemu ko ko bátasi ko awere; bambiko ko aya, ‘Mi nga Wiri Mbori.’ ” 44Agu abatuka a i awagi ko na yo i ki mongo nisenge ko kina wo.
Kpio Yesu
(Mk. 15:33-41; Rk. 23:44-49; Yo. 19:28-30)
45Were ti bebere uru, bitimo ki ti ati auru kpotosende dunduko kina kuti saa biata. 46Ho si adu ni wa ka saa biata du Yesu ki poi ku ari ni bakere fugo, niya, “Eroi, Eroi, rama sabakusani?” si wa ka i ya, “Gi Mbori, gi Mbori, guari mo ti re sa gine?” 47Agu yo narundu ho, ho i agi he ni, i ki ya, “Gi kumba re ko nayamba Eriya.” 48Ni ba sa gu ni sa dagba yo ki nioro ki ta dia fakayofakayo he ki nimogo ho ku rogo kakai imekakue, ki moi he ku ngba nganzi yo, ki fu he fu ko ko mbiri he. 49Akura yo ki ya, “Oni rú nga, ani bi nga si ngia Eriya ayé ka batasa ko.” 50Yesu ki poi berewe ku ari ni bakere fugo, ki fu toroko.
51Oni ngére, gu remu nadu yekaru yo si ki siri rogo ue, si ki tona ari yo ka sira ku sande. Bazigizo ki wo ti sende; ambia ki nikua; 52amurã ki za. I ki zingisi kangba ga Mbori aboro ni dungu yo nga agu yo naaima ti ni rame; 53wa i akuru rogo amurã yo fuo zinga ko be kpio i ki nirimi ku rogo ziazia bakporo dungu aboro ki bi yo. 54Were barukuri aboro 100, na agu yo nadu na ko nisungudi Yesu, ho i abi gu bazigizo ni re, na agu apai namangi, i ki nigunde agunde gbe, ki ya, “Wiri Mbori nga ko ni rengo.”
55Dungu ade nadu ho nga agu yo naapeka Yesu Gariraya yo, nimangi pa ko; i ki ru tuturu ki ningere. 56Maria Magadara na Maria nga na aYakoba na Yose, na na awiri Zebedayo i ki du dagba yo.
Kpisida Yesu
(Mk. 15:42-47; Rk. 23:50-56; Yo. 19:38-42)
57Ho nyemu ada ni, Kumukokumuko kumba ki niye Arimataya yo, rimoko nangia Yosefa, ko nadu ni ga Yesu bawiriki. 58Gi kumba re ko andu koyo du Pirato ni, ki sana ko tipa kangba Yesu, Pirato ki ya i fu he fu ko. 59Yosefa ki di kangba, ki kãi he na gigiri remu, 60ki pigi he ku rogo gako vovo murã nga gege mbia nga gu ko age he. Ko ki wirigi bakere mbia kuti ngbadimo murã, ki niguari. 61Maria Magadara nadu ho, na gu kura Maria, i nasungu pati murã mbembedi.
Abamoirago pati murã
62Were ho rago agiri ni, nga gu uru naadu fuo rago Mbakadaahe, abairamotumo ki dungura tiyo na aFarusi koyo du Pirato ni, 63ki ya, “Gbia, ani tingidi he wa gu boro biriki aya re, ho ko adu ni ni ungako, ‘Fuo uru biata mi ki zingi berewe’ 64Were mo gúmba ha tie abanzengere banda murã ni kisikisi he nyanyaki dati biata uru, abawiriki ka ye ka dia kangbako, ki ya fu aboro, ‘Ko zingi be kpio.’ Gu zire nikadu kusa si ka susa gu naadu mbata.” 65Pirato ki ya fu yo, “Abamoirago du be roni, oni ndú, oni kísi he nyanyaki wa rengbe omeroni na ni.” 66Si du i andu ti ni, ki kisi murã nyanyaki, i ki dika he ti mbia si du ni dezirehe, abamoirago ki du na yo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.