Matayo 24
24
Yesu ayugu pa gbarasa yekaru
(Mk. 13:1-2; Rk. 21:5-6)
1Yesu ki kuru yekaru yo, ki ya ndu gako nduge; gako abawiriki ki ye koyo du ko ni ka yugo abambu yekaru fu ko. 2Ono ko akaraga ha ki ya fu yo, “Oni bi agi ahe dunduko te re? Ya mi fu roni ni rengo, mbia adú nga erẽ sa auru kura ha, i ka he bafa ha te.”
Tonatona arungo
(Mk. 13:3-13; Rk. 21:7-19)
3Wa ko asungu auru bagangara Aeraya, abawiriki ki ye koyo du ko ni ni rondo, ki ya, “Mo gúmba nga ha fu rani, ni gini rago agi apai ka manga re? gine i ka ina pa ga ye ti ni, na pa digida rago?” 4Yesu ki karaga ha ki ya fu yo, “Oni bánda tironi ka boro ingisi nga roni wa sa ya. 5Bambiko dungu aboro nikaye ni rimore, ki ya, ‘Kristo nga mi’, i ki ingisi dungu aboro. 6Oni agia pa avura na serekpo avura; oni bi he ka si fudi nga roni ya; bambiko ka agi apai amánga re; ono digidaha ata da nga te. 7Bambiko rika aboro azínga kuti gu rika aboro, ngbi ki zingi kuti gu ngbi; angbongi nikadu na abazigizo rogo agu arago. 8Ono tonatona rungo nga agi apai dunduko re.
9“I ki fuku roni sa gberãngbi; ki iimi roni. Rika aboro asóga roni asoga dunduko tipa rimore. 10Dungu aboro akóta akota ni gu rago re, i ki fuku akurayo ku be aboro, i ki sogo akurayo asoga. 11Dungu zire anebi nikakura, i ki ingisi dungu aboro. 12Gu nyemuse du ti agu yo ni dungu yo si azéra azera, bambiko ingapai amaa pai amaa. 13Ono gu ni nikaru ki da ho ragoho ka diga ni, ni abata abata. 14Gi wene pangbanga nga ga ngbi re i atungusa ha rogo zegino dunduko mbiko ndika fu arikaaboro du; ragoho ki digi adiga.
Bakere gbarasa rago
(Mk. 13:14-23; Rk. 21:20-24)
15“Si du no oni ka bi gu gbegberẽ kere gbarasa rago ni, nga gu Daniere nga nebi agumba pa ha, si ru rogo ziazia ba yo (gu ni nageda gi pai re ni rugu tini na ni), 16agu yo ka du Yuda yo i ki oro aora ku bagangara yo. 17Gu ni ka du ri bambu yo ka ni azórã nga ka roga agu ahe ka du tii gani bambu yo ya. 18Gu ni ka du ati yo ka ni akáraga nga tini ka dia gani baukadi ya. 19Ono si agbérã agberã ti agu yo ka adúka na vuse na agu yo ka ahága agude ni gu rago re! 20Oni kpári ya ka gaoni oto du nga rago zere ya, na rago sabiti a ya. 21Bambiko ni gu rago re bakere gberãngbi nikadu, wa zegino aenge da awere si adu nga wo te, oó, si adú nga wo berewe a te. 22Ka Mbori agurusa nga gu rago re ya, ka boro abati nga wa sa te; ono i agúrusa gu rago re tipa siasia aboro. 23Ka boro ya fu roni ni gu rago re, ‘Oni bí, Kristo du re!’ na, ‘Ko du re!’ ka oni aida nga ha ya. 24Bambiko zire akristo akura, na zire anebi, i ki yuyugu bakere apai i aina pai ti ni, na iiriwo apai; si ya du wa ka i ingisi siasia aboro i ingisi yo. 25Oni ngére, mi gumba ha fu roni mbata si nikamanga. 26Si du tie ka i ya fu roni, ‘Oni ngére, ko du ngbakungba yo’, ka oni akúra nga ya; ka i ya, ‘Oni ngére, ko du vuru dimo yo,’ ka oni aida nga ha ya. 27Bambiko wa ikpira gumba nakura uroyo i ki bi he ku dioyo, wo ye Wiri boro nikadu. 28Ho kangba ka du ni, yo anguku ka dungura tira ku ho ni.
Wiri Boro nikayega
(Mk. 13:24-27; Rk. 21:25-28)
29“Ono ni ba sa, fuo gu gberãngbi nga ga gu rago re, i adáda uru adada, diwi ahása nga rago te, akerekuru ki nitiwi atiwa ngbangbaturũ yo, agu atandu du ngbangbaturũ yo, i azígizo ho azigizo. 30Fuo gure i ki bi gu pai i aina pai ti ni nga ga Wiri boro ngbangbaturũ yo. Ngbatunga aboro auru kpotosende dunduko i ki nirungo arungo, i ki bi Wiri boro ko niye rogo mai ngbangbaturũ na tandu na bakere taarimo. 31Ko ki kedi gako amaraika na bakere woro ngbunga, i ki dungura gako siasia aboro rogo arago du, ti digida ngbangbaturũ dunduko.
Yugopai tipa pa vurumo
(Mk. 13:28-31; Rk. 21:29-33)
32“Were oni wíriki sanza ti vurumo: ni gu rago behe narungbura ki moi kpehe amaa, oni ki ini ya kita nambeda; 33a wo oni a, ni gu rago oni ka bi agi apai re, oni ki ini ya ko mbedi, ko ngbadimo. 34Ya mi fu roni ni rengo, gi rika aboro re i ago nga daho agi apai ka diga ni dunduko te re. 35Ngbangbaturũ ago ago na kpotosende, ono gimi apai ago nga te.
Boro aina nga gu uru na gu saa te
(Mk. 13:32-37; Rk. 17:26-30,34-36)
36“Ono boro aina nga gu uru na gu saa wa sa te re, amaraika ngbangbaturũ a te, Wiri a te, ono kina Ba sa. 37Wa si adu rago Noa, wo pa ye Wiri boro nikadu. 38Bambiko, wa si adu ni gu rago naadu mbata fu ngirimo akangbi re, i aniri he nimbiri he, nirogo ade nifuku ade sa roga yo, ki da ti gu uru Noa arimi ni ku kurungba yo, 39ka i aina nga ha ya daho ngirimo akangbi aye ni ki nirogo yo dunduko ku sa yo; wo ye Wiri boro nikadu. 40Ni gu rago re akumba adú ati yo ue; i ki di gu ni, ki he gu ni. 41Ade adú pati mbia ue nisa ahe; i ki di gu ni, ki he gu ni. 42Oni ngére tie, bambiko oni aina nga ni gu uru gaoni Gbia ka ye te. 43Ono oni ini gere ya ka irakporo aini gu rago iradĩ ka ye ti ni, ka ni angere, ka ni aida nga i kuadi gani bambu ya. 44Si du oni mbákadi tironi a tie; bambiko Wiri boro naye ti gu saa oni aberã nga pa ha ya.
Wene moyambu watadu gbegberẽ moyambu
(Rk. 12:41-48)
45“Da nga gu kangara moyambu tie du na tatamana, gani gbia amoi ni ri gako aboro kporo ni fu gayo riahe fu yo ti ragoho? 46Boro maku nga gu moyambu gani gbia ka bi ni ni nimangi wo ho ko ka ye ni. 47Ya mi fu roni ni rengo, ko aásia pa gako ahe dunduko fu ni. 48Ono ka gu gbegberẽ moyambu ayá re ku kpotoni yo, ‘Gi gbia naima,’ 49ni ki tona taka gu kura amoyambu du na ko, ki ta ri ahe nimbiri he na akpibuda; 50gbia gu moyambu re ayé ni gu uru ni aso nga gima ko ya, ti gu saa ni aina nga ha ya, 51ki taki ni ni pai, ki ringbisi gani ba na airabiriki; yo kpe ka du ni na ri ngba rinde.
Currently Selected:
Matayo 24: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Matayo 24
24
Yesu ayugu pa gbarasa yekaru
(Mk. 13:1-2; Rk. 21:5-6)
1Yesu ki kuru yekaru yo, ki ya ndu gako nduge; gako abawiriki ki ye koyo du ko ni ka yugo abambu yekaru fu ko. 2Ono ko akaraga ha ki ya fu yo, “Oni bi agi ahe dunduko te re? Ya mi fu roni ni rengo, mbia adú nga erẽ sa auru kura ha, i ka he bafa ha te.”
Tonatona arungo
(Mk. 13:3-13; Rk. 21:7-19)
3Wa ko asungu auru bagangara Aeraya, abawiriki ki ye koyo du ko ni ni rondo, ki ya, “Mo gúmba nga ha fu rani, ni gini rago agi apai ka manga re? gine i ka ina pa ga ye ti ni, na pa digida rago?” 4Yesu ki karaga ha ki ya fu yo, “Oni bánda tironi ka boro ingisi nga roni wa sa ya. 5Bambiko dungu aboro nikaye ni rimore, ki ya, ‘Kristo nga mi’, i ki ingisi dungu aboro. 6Oni agia pa avura na serekpo avura; oni bi he ka si fudi nga roni ya; bambiko ka agi apai amánga re; ono digidaha ata da nga te. 7Bambiko rika aboro azínga kuti gu rika aboro, ngbi ki zingi kuti gu ngbi; angbongi nikadu na abazigizo rogo agu arago. 8Ono tonatona rungo nga agi apai dunduko re.
9“I ki fuku roni sa gberãngbi; ki iimi roni. Rika aboro asóga roni asoga dunduko tipa rimore. 10Dungu aboro akóta akota ni gu rago re, i ki fuku akurayo ku be aboro, i ki sogo akurayo asoga. 11Dungu zire anebi nikakura, i ki ingisi dungu aboro. 12Gu nyemuse du ti agu yo ni dungu yo si azéra azera, bambiko ingapai amaa pai amaa. 13Ono gu ni nikaru ki da ho ragoho ka diga ni, ni abata abata. 14Gi wene pangbanga nga ga ngbi re i atungusa ha rogo zegino dunduko mbiko ndika fu arikaaboro du; ragoho ki digi adiga.
Bakere gbarasa rago
(Mk. 13:14-23; Rk. 21:20-24)
15“Si du no oni ka bi gu gbegberẽ kere gbarasa rago ni, nga gu Daniere nga nebi agumba pa ha, si ru rogo ziazia ba yo (gu ni nageda gi pai re ni rugu tini na ni), 16agu yo ka du Yuda yo i ki oro aora ku bagangara yo. 17Gu ni ka du ri bambu yo ka ni azórã nga ka roga agu ahe ka du tii gani bambu yo ya. 18Gu ni ka du ati yo ka ni akáraga nga tini ka dia gani baukadi ya. 19Ono si agbérã agberã ti agu yo ka adúka na vuse na agu yo ka ahága agude ni gu rago re! 20Oni kpári ya ka gaoni oto du nga rago zere ya, na rago sabiti a ya. 21Bambiko ni gu rago re bakere gberãngbi nikadu, wa zegino aenge da awere si adu nga wo te, oó, si adú nga wo berewe a te. 22Ka Mbori agurusa nga gu rago re ya, ka boro abati nga wa sa te; ono i agúrusa gu rago re tipa siasia aboro. 23Ka boro ya fu roni ni gu rago re, ‘Oni bí, Kristo du re!’ na, ‘Ko du re!’ ka oni aida nga ha ya. 24Bambiko zire akristo akura, na zire anebi, i ki yuyugu bakere apai i aina pai ti ni, na iiriwo apai; si ya du wa ka i ingisi siasia aboro i ingisi yo. 25Oni ngére, mi gumba ha fu roni mbata si nikamanga. 26Si du tie ka i ya fu roni, ‘Oni ngére, ko du ngbakungba yo’, ka oni akúra nga ya; ka i ya, ‘Oni ngére, ko du vuru dimo yo,’ ka oni aida nga ha ya. 27Bambiko wa ikpira gumba nakura uroyo i ki bi he ku dioyo, wo ye Wiri boro nikadu. 28Ho kangba ka du ni, yo anguku ka dungura tira ku ho ni.
Wiri Boro nikayega
(Mk. 13:24-27; Rk. 21:25-28)
29“Ono ni ba sa, fuo gu gberãngbi nga ga gu rago re, i adáda uru adada, diwi ahása nga rago te, akerekuru ki nitiwi atiwa ngbangbaturũ yo, agu atandu du ngbangbaturũ yo, i azígizo ho azigizo. 30Fuo gure i ki bi gu pai i aina pai ti ni nga ga Wiri boro ngbangbaturũ yo. Ngbatunga aboro auru kpotosende dunduko i ki nirungo arungo, i ki bi Wiri boro ko niye rogo mai ngbangbaturũ na tandu na bakere taarimo. 31Ko ki kedi gako amaraika na bakere woro ngbunga, i ki dungura gako siasia aboro rogo arago du, ti digida ngbangbaturũ dunduko.
Yugopai tipa pa vurumo
(Mk. 13:28-31; Rk. 21:29-33)
32“Were oni wíriki sanza ti vurumo: ni gu rago behe narungbura ki moi kpehe amaa, oni ki ini ya kita nambeda; 33a wo oni a, ni gu rago oni ka bi agi apai re, oni ki ini ya ko mbedi, ko ngbadimo. 34Ya mi fu roni ni rengo, gi rika aboro re i ago nga daho agi apai ka diga ni dunduko te re. 35Ngbangbaturũ ago ago na kpotosende, ono gimi apai ago nga te.
Boro aina nga gu uru na gu saa te
(Mk. 13:32-37; Rk. 17:26-30,34-36)
36“Ono boro aina nga gu uru na gu saa wa sa te re, amaraika ngbangbaturũ a te, Wiri a te, ono kina Ba sa. 37Wa si adu rago Noa, wo pa ye Wiri boro nikadu. 38Bambiko, wa si adu ni gu rago naadu mbata fu ngirimo akangbi re, i aniri he nimbiri he, nirogo ade nifuku ade sa roga yo, ki da ti gu uru Noa arimi ni ku kurungba yo, 39ka i aina nga ha ya daho ngirimo akangbi aye ni ki nirogo yo dunduko ku sa yo; wo ye Wiri boro nikadu. 40Ni gu rago re akumba adú ati yo ue; i ki di gu ni, ki he gu ni. 41Ade adú pati mbia ue nisa ahe; i ki di gu ni, ki he gu ni. 42Oni ngére tie, bambiko oni aina nga ni gu uru gaoni Gbia ka ye te. 43Ono oni ini gere ya ka irakporo aini gu rago iradĩ ka ye ti ni, ka ni angere, ka ni aida nga i kuadi gani bambu ya. 44Si du oni mbákadi tironi a tie; bambiko Wiri boro naye ti gu saa oni aberã nga pa ha ya.
Wene moyambu watadu gbegberẽ moyambu
(Rk. 12:41-48)
45“Da nga gu kangara moyambu tie du na tatamana, gani gbia amoi ni ri gako aboro kporo ni fu gayo riahe fu yo ti ragoho? 46Boro maku nga gu moyambu gani gbia ka bi ni ni nimangi wo ho ko ka ye ni. 47Ya mi fu roni ni rengo, ko aásia pa gako ahe dunduko fu ni. 48Ono ka gu gbegberẽ moyambu ayá re ku kpotoni yo, ‘Gi gbia naima,’ 49ni ki tona taka gu kura amoyambu du na ko, ki ta ri ahe nimbiri he na akpibuda; 50gbia gu moyambu re ayé ni gu uru ni aso nga gima ko ya, ti gu saa ni aina nga ha ya, 51ki taki ni ni pai, ki ringbisi gani ba na airabiriki; yo kpe ka du ni na ri ngba rinde.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.