Matayo 18
18
Da du ni bakumba boro
(Mk. 9:33-37; Rk. 9:46-48)
1Ti kina gu rago re abawiriki ki ye fuo Yesu ki sana ko, “Da nga bakere ni susi tie rogo gu ngbi nga ga ngbangbaturũ?” 2Ko ki yambu toni gude koyo du ko ni, ki moi ko dagba yo, 3ki ya, “Mi nagumba ha fu roni ni rengo, ka oni asá nga kpotoroni yo wa kina toni agude ya, oni rimi nga ku rogo gu ngbi nga ga ngbangba turu te. 4Were gu ni ka umbasi tini wa gi toni gude re, kina ni nikasusa rogo gu ngbi nga ga ngbangbaturũ. 5Gu ni ka di toni gude sa ku gume wa gi ni re ni rimore, ni di re ku gume.
Asada sa ingapai
(Mk. 9:42-48; Rk. 17:1-2)
6“Ono gu ni ka mangi gu toni gude sa idi pa re ni koto, si ka ngba tipa ni ka i vo kikii mbia kuti goni, ki ba ni ku bebere baime yo. 7Na gberẽ he fu zegino tipa agu apai namanga aboro i koto! bambiko agu apai ahe nga ye te re; ono rungo du fu gu ni gu pai naye be ni re! 8Were si ngia bero na nduro ka mangi ro mo koto, mo ki yere he ayera, ki ba ha. Rima mo ku unga yo ni gbundagbunda ro ni terengeterenge ro, si ka ngba tipa ro ti ba ro na bero ue na nduro ue ku rogo gu we ka abisa nga ya. 9Si ngia bangiro ka mangi ro mo koto, mo ki mo ho amo. Rima mo ku unga yo na bangiro sa, si ka ngba ti ro ti ba yo ro ku Geyena yo na bangiro ue.
Sanza: ingiingi kandoro
(Rk. 15:3-7)
10“Oni bi he ka oni páyasi nga gu ni sa dagba gu toni agude re ya; bambiko ya mi fu roni ngbangbaturũ yo gayo amaraika nabi kpakpu Buba ngbangbaturũ yo dedede. 11Bambiko Wiri boro aye ka batasa ingiingi aboro. 12Oni naberã ha wãi? ka boro du na akandoro be ni 100, si ngia gu ru sa ki ingi, ni ki nihe agu ra du 99, ki nindu ku dagba abaagangara yo, ka gbata gu ru naingi te? 13Si ngia ni abi ru, ya mi fu roni ni rengo, ni angi angi tipa ru susi agu ra du 99 nainga nga ya. 14A wo Baroni du ngbangbaturũ yo, sangbako nga ka gu ni kpi nga sa dagba gi rukutu yo re ya.
Vu wirina ti gani ingapai
(Rk. 17:3)
15“Ka wirinamo ingi pai kuti ro, mo ndú, mo yúgu gani ingapai kuti ro dagba roni na ni ni sa roni. Ka ni gi paro, si wa mo gbe wirinamo fuo ro. 16Ono ka ni agia nga paro ya, mo ki di kura boro sa watadu ue, si ngia sangba adezire ue na biata anyakasa pai dunduko. 17Ka ni ka pa gia sangbayo, mo ki gumba ha fu kanisa. Ka ni ka pa gia sangba kanisa a, ni du foro wa Gendiria na barogo marã ngbeti.
Voda ahe na zaka ahe
18“Ya mi fu roni ni rengo, agu ahe dunduko oni ka voda ha sende no i avóda ha ngbangbaturũ yo. Agu ahe dunduko oni ka zaka ha sende no i azáka ha ngbangbaturũ yo. 19Ya mi fu roni berewe, ka aboro du ue dagba roni yo zadi pai kpotoyo yo tipa gu he i akpi nyemu ka sana he tipa ha, Buba du ngbangbaturũ yo amánga ha amanga fu yo. 20Bambiko ka aboro dungura tiyo ue na biata ni rimore, mi du kina yo dagba yo.”
Sanza: moyambu na bape
21Petero ki ye ki ya fu ko, “Gbia, ka wirinami ingi pai kuti re bara wãi mi ki he he fu ni? watadu bara saba?” 22Yesu ki ya fu ko, “Mi aya nga foro bara saba te; ono, Bara saba bawe bara saba.
23“Si du i naringbisa gu ngbi nga ga ngbangbaturũ ti ni kuti gu bakindo nageda bape fu gako amoyambu. 24Ho ko nitona geda ha ni, i ki ye na boro sa fuo ko, gani bape na ko wa ataranda 10,000. 25Ono bambiko he adu nga be ni wa ka ni tumo na ni te, ko ki rugu yo ya i bagi ni, na diani, na awirini, na gani ahe dunduko nadu be ni, i tumo ni na ni. 26Gu moyambu ki ti sande ki irisi ko, ki ya, ‘Gbia mo zéresi nga ngbaduro ti bete rago mbata, mi atúmo foro dunduko.’ 27Nungani ki mangi baira gu moyambu re, ko ki kusi ni ki he bape fu ni. 28Ono gu moyambu re ki kuru, ki bi gu kurani nadu na gani bape be ni wa rukutu marã feda 100. Ni ki ti ngba goni yo, ki ya, ‘Mo túmo gi bape fere.’ 29Were gu moyambu ki ti sande re ki zungadi ni, ki ya, ‘Mo zéresi nga ngbaduro ti bete rago mbata, mi atúmo foro.’ 30Ka ni aida nga ha fu ni ya. Ono ni ki ndu ki ba ni ku bambukisa yo, da ho ni ka tumo gu bape ni re. 31Were ho akurani abi gi pai ni re, i ki nirungo arungo gbe, i ki ye ki gumba gu pai namangi dunduko re fu gayo gbia. 32Were gbia ki yambu ni koyo du ko ni, ki ya fu ni, ‘Gbe gberẽ moyambu nga mo! Mi ahe gi bape foro dunduko, mbiko wa mo azúngadi re; 33ka mo ini nga pai fu kuaro wa mi aini pai foro te?’ 34Bairani ki zingi fu ni, ki fu ni ku be abarungosi aboro, ki da ho ni ka tumo gani bape ni dunduko. 35Buba du ngbangbaturũ yo ko amanga kina wo fu roni a, ka oni ahe nga pai kpotoroni yo fu awirina roni ya.”
Currently Selected:
Matayo 18: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Matayo 18
18
Da du ni bakumba boro
(Mk. 9:33-37; Rk. 9:46-48)
1Ti kina gu rago re abawiriki ki ye fuo Yesu ki sana ko, “Da nga bakere ni susi tie rogo gu ngbi nga ga ngbangbaturũ?” 2Ko ki yambu toni gude koyo du ko ni, ki moi ko dagba yo, 3ki ya, “Mi nagumba ha fu roni ni rengo, ka oni asá nga kpotoroni yo wa kina toni agude ya, oni rimi nga ku rogo gu ngbi nga ga ngbangba turu te. 4Were gu ni ka umbasi tini wa gi toni gude re, kina ni nikasusa rogo gu ngbi nga ga ngbangbaturũ. 5Gu ni ka di toni gude sa ku gume wa gi ni re ni rimore, ni di re ku gume.
Asada sa ingapai
(Mk. 9:42-48; Rk. 17:1-2)
6“Ono gu ni ka mangi gu toni gude sa idi pa re ni koto, si ka ngba tipa ni ka i vo kikii mbia kuti goni, ki ba ni ku bebere baime yo. 7Na gberẽ he fu zegino tipa agu apai namanga aboro i koto! bambiko agu apai ahe nga ye te re; ono rungo du fu gu ni gu pai naye be ni re! 8Were si ngia bero na nduro ka mangi ro mo koto, mo ki yere he ayera, ki ba ha. Rima mo ku unga yo ni gbundagbunda ro ni terengeterenge ro, si ka ngba tipa ro ti ba ro na bero ue na nduro ue ku rogo gu we ka abisa nga ya. 9Si ngia bangiro ka mangi ro mo koto, mo ki mo ho amo. Rima mo ku unga yo na bangiro sa, si ka ngba ti ro ti ba yo ro ku Geyena yo na bangiro ue.
Sanza: ingiingi kandoro
(Rk. 15:3-7)
10“Oni bi he ka oni páyasi nga gu ni sa dagba gu toni agude re ya; bambiko ya mi fu roni ngbangbaturũ yo gayo amaraika nabi kpakpu Buba ngbangbaturũ yo dedede. 11Bambiko Wiri boro aye ka batasa ingiingi aboro. 12Oni naberã ha wãi? ka boro du na akandoro be ni 100, si ngia gu ru sa ki ingi, ni ki nihe agu ra du 99, ki nindu ku dagba abaagangara yo, ka gbata gu ru naingi te? 13Si ngia ni abi ru, ya mi fu roni ni rengo, ni angi angi tipa ru susi agu ra du 99 nainga nga ya. 14A wo Baroni du ngbangbaturũ yo, sangbako nga ka gu ni kpi nga sa dagba gi rukutu yo re ya.
Vu wirina ti gani ingapai
(Rk. 17:3)
15“Ka wirinamo ingi pai kuti ro, mo ndú, mo yúgu gani ingapai kuti ro dagba roni na ni ni sa roni. Ka ni gi paro, si wa mo gbe wirinamo fuo ro. 16Ono ka ni agia nga paro ya, mo ki di kura boro sa watadu ue, si ngia sangba adezire ue na biata anyakasa pai dunduko. 17Ka ni ka pa gia sangbayo, mo ki gumba ha fu kanisa. Ka ni ka pa gia sangba kanisa a, ni du foro wa Gendiria na barogo marã ngbeti.
Voda ahe na zaka ahe
18“Ya mi fu roni ni rengo, agu ahe dunduko oni ka voda ha sende no i avóda ha ngbangbaturũ yo. Agu ahe dunduko oni ka zaka ha sende no i azáka ha ngbangbaturũ yo. 19Ya mi fu roni berewe, ka aboro du ue dagba roni yo zadi pai kpotoyo yo tipa gu he i akpi nyemu ka sana he tipa ha, Buba du ngbangbaturũ yo amánga ha amanga fu yo. 20Bambiko ka aboro dungura tiyo ue na biata ni rimore, mi du kina yo dagba yo.”
Sanza: moyambu na bape
21Petero ki ye ki ya fu ko, “Gbia, ka wirinami ingi pai kuti re bara wãi mi ki he he fu ni? watadu bara saba?” 22Yesu ki ya fu ko, “Mi aya nga foro bara saba te; ono, Bara saba bawe bara saba.
23“Si du i naringbisa gu ngbi nga ga ngbangbaturũ ti ni kuti gu bakindo nageda bape fu gako amoyambu. 24Ho ko nitona geda ha ni, i ki ye na boro sa fuo ko, gani bape na ko wa ataranda 10,000. 25Ono bambiko he adu nga be ni wa ka ni tumo na ni te, ko ki rugu yo ya i bagi ni, na diani, na awirini, na gani ahe dunduko nadu be ni, i tumo ni na ni. 26Gu moyambu ki ti sande ki irisi ko, ki ya, ‘Gbia mo zéresi nga ngbaduro ti bete rago mbata, mi atúmo foro dunduko.’ 27Nungani ki mangi baira gu moyambu re, ko ki kusi ni ki he bape fu ni. 28Ono gu moyambu re ki kuru, ki bi gu kurani nadu na gani bape be ni wa rukutu marã feda 100. Ni ki ti ngba goni yo, ki ya, ‘Mo túmo gi bape fere.’ 29Were gu moyambu ki ti sande re ki zungadi ni, ki ya, ‘Mo zéresi nga ngbaduro ti bete rago mbata, mi atúmo foro.’ 30Ka ni aida nga ha fu ni ya. Ono ni ki ndu ki ba ni ku bambukisa yo, da ho ni ka tumo gu bape ni re. 31Were ho akurani abi gi pai ni re, i ki nirungo arungo gbe, i ki ye ki gumba gu pai namangi dunduko re fu gayo gbia. 32Were gbia ki yambu ni koyo du ko ni, ki ya fu ni, ‘Gbe gberẽ moyambu nga mo! Mi ahe gi bape foro dunduko, mbiko wa mo azúngadi re; 33ka mo ini nga pai fu kuaro wa mi aini pai foro te?’ 34Bairani ki zingi fu ni, ki fu ni ku be abarungosi aboro, ki da ho ni ka tumo gani bape ni dunduko. 35Buba du ngbangbaturũ yo ko amanga kina wo fu roni a, ka oni ahe nga pai kpotoroni yo fu awirina roni ya.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.