Matayo 13
13
Sanza: bamitunga
(Mk. 4:1-9; Rk. 8:4-8)
1Ni kina gu rago re Yesu ki kuru dimo yo, ki ndu ka sunga pati baime. 2Were bakere rimbasa aboro ki tiria koyo fuo ko, ko ki rimi ku kurungba yo, ki sungu yo; bakere rimbasa ki rundu pangba ime dunduko. 3Ko ki gumba dungu apai fu yo ni sanza, ki ya, “Oni ngére, bamitunga akuru ka ndu ka mi tunga; 4wa ko ami he, gu ki tiwi ku pangba gene, azire ki ye ki riti he. 5Gu kura ha ki tiwi ku dagba ambia, ho sende nanaga nga ni ya. Si ki kuru ni ipo, bambiko sende anaga nga auru he te. 6Ho uru afaa ni, si ki ugu auga; bambiko tarãha arima nga te, si ki kpi akpi. 7Gu kura ha ki tiwi ku dagba akiwe yo; akiwe ki sono asona, ki kandasi he. 8Gu kura ha ki tiwi ku rogo mbudu sende, ki nizuku, wa 100, watadu 60, na 30. 9Gu ni du na tu gia ha ti ni, ni gi he.”
Tipagine Yesu ape pai ti ni ni asanza
(Mk. 4:10-12; Rk. 8:9-10)
10Abawiriki ki ye, ki ya fu ko, “Tipagine mo agumba pai ti ni fu yo ni kina sanza?” 11Ko ki ta karaga ha fu yo ki ya, “I fu he roni oni ini gu gbugbu pai nga ga gu ngbi nga ga ngbangbaturũ!, ono i afu nga ha fu yo te. 12Bambiko gu ni du he be ni, i afú he fu ni ni adú na ahe kpaima; gu ni adu nga he be ni ya, i adia gu du be ni. 13Were mi nagumba pai fu yo ni asanza; bambiko i nangera ono i abi nga he te; tue ti yo ono i agia nga pai na ni te, i aruga nga tiyo na ni a te. 14Were gu pai Yesaya agumba adu ni digisidigisi he fu yo, nga,
‘Oni agía pai agia, ono oni arúga nga tironi na ni wa sa te,
oni angéra angera ono oni abi nga he wa sa te.
15Bambiko kpoto gi rika aboro yo re asa tihe ni dokoyo ho,
tuyo ni ngbangbangba ha,
i kisi bangiriyo;
i ka bi he ni bangiriyo,
ki gi pai ni tuyo,
ki ini he kpotoyo yo,
ki sa tiyo berewe, mi ki husi yo.’
16Bangironr ni betedi he, bambiko si nabi he; na turoni, bambiko si nagia pai. 17Bambiko ya mi fu roni, dungu anebi na ruru aboro akpi nyemu ka bi agu apai oni abi, ono i abi nga ha te; na ka gia agu apai oni agia, ono i agia nga ha te.
Gu pai sanza bamitunga nayugo
(Mk. 4:13-20; Rk. 8:11-15)
18“Oni gi gu sanza nga ga bamitunga tie. 19Ho ka gu boro gi gu pangbanga ni nga ga ngbi, ka ni aruga nga tini na ni ya, gbegberẽ ko ki ye, ki dufu gu tunga i ami ku kpotoni yo. Gere nga gu i nimi ku pangba gene. 20Gu i nimi ku dagba ambia, si nga gu ni nagia gu pai re ki di he ni ipo ni ngbarago; 21ono ka tarãha adu nga kpotoni yo ya, ni ki ru ngbutuko; ni gu rago rungo nida na rungosi tipa gu pai re, ni ki koto akota ni ba sa. 22Gu i nimi ku dagba akiwe, si nga gu ni nagia gu pai re; berã pa zegino, na gu nanga he nga ga ũkumuko, ki kandasi gu pai re, ka ni azunga ya. 23Guinimikurogo mbudu sende, si nga gu ni nagia gu pai re, ki rugu tini na ni; ni ki nizuku azuka ni rengo, ki nge ange, gu wa 100, gu wa 60, gu wa 30.”
Sanza: rende dagba morú
24Ko ki yugu kura sanza fu yo, ki ya, “I aringbisi gu ngbi nga ga ngbangbaturũ kuti gu ni nami wene tunga rogo gani ati; 25ono ho i ara ni, vurani ki ye ki mi rende dagba morú, ni ki ga. 26Ono ho morú akuru ni, ki zu rindihe, rende ki kuru a tigaha. 27Ga irakporo aboro sunge aye ki ya fu ko, ‘Baira, a nga wene tunga mo ami rogo gamo ati te? mangi he wãi gbegberẽ rende akura ti ni?’ 28Ko ki ya fu yo, ‘Vurare nimangi gere’. Aboro sunge ki ya fu ko, ‘Ka si du were mo nakpi nyemu ani ndu ka mo ho?’ 29Ono ko aya, ‘Oó; ka oni mo rende, oni mo morú amo na ni a. 30Oni he he si sono wa sa dati rago ke he. Ni gu rago i ka ke he mi aya fu abakehe, Oni rógodi rende mbata, ki vodi he avoda ka zo ho; ono oni rógodi morú ku rogo gi gbamu.’ ”
Sanza: tunga musutada
(Mk. 4:30-32; Rk. 13:18-19)
31Ko ayugu kura sanza fu yo, ki ya, “Gu ngbi nga ga ngbangbaturũ si wa tunga musutada, kumba adi he, ki mi he rogo gako ati. 32Si du ni toni he ti atunga dũ; ono ho si ka kura ni, si ki du ni bakere he susi wiri angua dũ, ki sa tihe wa ngua, agu azire du ari yo ami ki ye ki nisusungu ti abehe.”
Sanza: agbooro
(Rk. 13:20-21)
33Kura sanza ko agumba ha fu yo; “Gu ngbi nga ga ngbangbaturũ si wa kina agbooro, de adi he, ki oko ho ku rogo ringbisiringbisi ngungo biata, daho si angbi ni rogo ho dunduko.”
Ndu gu pai Yesu ape apai ni asanza ti ni
(Mk. 4:33-34)
34Agi apai re dunduko Yesu agumba fu rimbasa aboro ni asanza; pai ho sa ko ahe gumba ha fu yo ni sanza te; 35gu pai ki du ni digisidigisi he nebi agumba ha, naaya, “Mi aza ngbare ni asanza, mi agumba agu apai naadu ni okooko ho tona ni gu rago i aenge zegino.”
Gu pai sanza rende dagba morũ nayugo
36Were Yesu ki guari pati rimbasa aboro, ki rimi ku bambu yo; gako abawiriki ki ta ye fuo ko, niya, “Mo yúgu gu sanza fu rani re du tipa rende ati yo.” 37Ko ki karaga ha ki ya fu yo, “Gu ni nami wene tunga ni nga Wiri boro; 38gu ati re nga zegino; wene tunga nga awiri ngbi; rende nga awiri gbegberẽ ko. 39Gu vura re naami he ni nga bakitingbanga; rago ke he nga ho zegino ka nyasa ni; akehe nga amaraika. 40Were wa i adungura rende ka zo ho ku we yo; wo si ka du ho zegino ka nyasa ni. 41Wiri boro akéda gako amaraika, i adúngura agu ahe dunduko rogo gako ngbi aboro nakota ti ni, na agu yo dunduko namanga gbegberẽ pai, 42ki bafu yo ku gbigiwi we yo; yo kpe ka du ni na ri ngba rinde. 43Ni gu rago re ruru aboro ahasa rago wa kina uru rogo ga Bayo ngbi yo. Gu ni du na tue ti ni ni gí he.
Sanza: okooko mosoro
44“Gu ngbi nga ga ngbangbaturũ du wa kina bakere mosoro i aoko ho ku rogo ati yo; nga gu gu ni abi he, ki nioko ho; mbiko ngbarago ni ki ta ndu nibagi gani ahe dunduko, ki ningbe gu ati re.
Sanza: kikiipa ambia fongo
45“Gu ngbi nga ga ngbangbaturũ du wa kina babagiahe, nagbata wene ambia fongo. 46Ho ni abi gu sa ni na bakere genoho, ni ki ndu ka baga gani ahe dunduko, ki ningbe gu mbia fongo re.
Sanza: pio atĩo
47“Gu ngbi nga ga ngbangbaturũ du wa kina pio atĩo, i are he baime yo, i ki zi ngbatunga atĩo dunduko; 48ho pio ahi ni, i ki gbe he ku pangba ime; i ki sungu, ki rogodi wene atĩo ku pere yo, ono agu ra nga gbegberẽ ra, i ki bafu ra. 49Kina wo si ka du ho zegino ka nyasa ni; amaraika akúra, ki kpara gbegberẽ aboro ti wene yo, 50ki bafu yo ku gbigiwi we yo, yo kpe ka du ni na ri ngba rinde.
Vovo kumuko na kuru he
51“Oni rugu tironi na agi apai re?” I ki ya fu ko, “Ii.” 52Ko ki ya fu yo, “Were gu bakeapai i asa ni ni du ni bawiriki gu ngbi nga ga ngbangbaturũ, ni du wa gu kumba du ni irakporo, nakusa vovo gani kumuko na kuru he.”
I agindiga Yesu Nazareta yo
(Mk. 6:1-6; Rk. 4:16-30)
53Si ki ta du wa gere, ho Yesu anyasi agi asanza ni re, ko ki guari yo. 54Ko ki da ku rogo gako ringara ko ki yugu pai fu yo rogo gayo abambutiria yo, si ki niiriwo airiwo ti yo, i ki ya, “Wari ga gi kumba tatamana aye ni re, na gi gako apai du na tandu re? 55A nga wiri basekengua nga gi ko te re? ya yo ti nako Maria te? du awirinako nga Yakoba, na Yosefa na Simona, na Yuda te? 56A nga adawiriko du ẽre na ani dunduko te? Wari rogo gi kumba agi apai ni re dunduko?” 57I ki gberẽ agberã kuti ko. Ono Yesu ki ya fu yo, “A nga nebi sa ka zanga irisa te, kina gu ka ni du rogo gani ringara na kpuni yo.” 58Ko amanga nga dungu agu apai du na tandu yo te mbiko gayo zanga idapase.
Currently Selected:
Matayo 13: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Matayo 13
13
Sanza: bamitunga
(Mk. 4:1-9; Rk. 8:4-8)
1Ni kina gu rago re Yesu ki kuru dimo yo, ki ndu ka sunga pati baime. 2Were bakere rimbasa aboro ki tiria koyo fuo ko, ko ki rimi ku kurungba yo, ki sungu yo; bakere rimbasa ki rundu pangba ime dunduko. 3Ko ki gumba dungu apai fu yo ni sanza, ki ya, “Oni ngére, bamitunga akuru ka ndu ka mi tunga; 4wa ko ami he, gu ki tiwi ku pangba gene, azire ki ye ki riti he. 5Gu kura ha ki tiwi ku dagba ambia, ho sende nanaga nga ni ya. Si ki kuru ni ipo, bambiko sende anaga nga auru he te. 6Ho uru afaa ni, si ki ugu auga; bambiko tarãha arima nga te, si ki kpi akpi. 7Gu kura ha ki tiwi ku dagba akiwe yo; akiwe ki sono asona, ki kandasi he. 8Gu kura ha ki tiwi ku rogo mbudu sende, ki nizuku, wa 100, watadu 60, na 30. 9Gu ni du na tu gia ha ti ni, ni gi he.”
Tipagine Yesu ape pai ti ni ni asanza
(Mk. 4:10-12; Rk. 8:9-10)
10Abawiriki ki ye, ki ya fu ko, “Tipagine mo agumba pai ti ni fu yo ni kina sanza?” 11Ko ki ta karaga ha fu yo ki ya, “I fu he roni oni ini gu gbugbu pai nga ga gu ngbi nga ga ngbangbaturũ!, ono i afu nga ha fu yo te. 12Bambiko gu ni du he be ni, i afú he fu ni ni adú na ahe kpaima; gu ni adu nga he be ni ya, i adia gu du be ni. 13Were mi nagumba pai fu yo ni asanza; bambiko i nangera ono i abi nga he te; tue ti yo ono i agia nga pai na ni te, i aruga nga tiyo na ni a te. 14Were gu pai Yesaya agumba adu ni digisidigisi he fu yo, nga,
‘Oni agía pai agia, ono oni arúga nga tironi na ni wa sa te,
oni angéra angera ono oni abi nga he wa sa te.
15Bambiko kpoto gi rika aboro yo re asa tihe ni dokoyo ho,
tuyo ni ngbangbangba ha,
i kisi bangiriyo;
i ka bi he ni bangiriyo,
ki gi pai ni tuyo,
ki ini he kpotoyo yo,
ki sa tiyo berewe, mi ki husi yo.’
16Bangironr ni betedi he, bambiko si nabi he; na turoni, bambiko si nagia pai. 17Bambiko ya mi fu roni, dungu anebi na ruru aboro akpi nyemu ka bi agu apai oni abi, ono i abi nga ha te; na ka gia agu apai oni agia, ono i agia nga ha te.
Gu pai sanza bamitunga nayugo
(Mk. 4:13-20; Rk. 8:11-15)
18“Oni gi gu sanza nga ga bamitunga tie. 19Ho ka gu boro gi gu pangbanga ni nga ga ngbi, ka ni aruga nga tini na ni ya, gbegberẽ ko ki ye, ki dufu gu tunga i ami ku kpotoni yo. Gere nga gu i nimi ku pangba gene. 20Gu i nimi ku dagba ambia, si nga gu ni nagia gu pai re ki di he ni ipo ni ngbarago; 21ono ka tarãha adu nga kpotoni yo ya, ni ki ru ngbutuko; ni gu rago rungo nida na rungosi tipa gu pai re, ni ki koto akota ni ba sa. 22Gu i nimi ku dagba akiwe, si nga gu ni nagia gu pai re; berã pa zegino, na gu nanga he nga ga ũkumuko, ki kandasi gu pai re, ka ni azunga ya. 23Guinimikurogo mbudu sende, si nga gu ni nagia gu pai re, ki rugu tini na ni; ni ki nizuku azuka ni rengo, ki nge ange, gu wa 100, gu wa 60, gu wa 30.”
Sanza: rende dagba morú
24Ko ki yugu kura sanza fu yo, ki ya, “I aringbisi gu ngbi nga ga ngbangbaturũ kuti gu ni nami wene tunga rogo gani ati; 25ono ho i ara ni, vurani ki ye ki mi rende dagba morú, ni ki ga. 26Ono ho morú akuru ni, ki zu rindihe, rende ki kuru a tigaha. 27Ga irakporo aboro sunge aye ki ya fu ko, ‘Baira, a nga wene tunga mo ami rogo gamo ati te? mangi he wãi gbegberẽ rende akura ti ni?’ 28Ko ki ya fu yo, ‘Vurare nimangi gere’. Aboro sunge ki ya fu ko, ‘Ka si du were mo nakpi nyemu ani ndu ka mo ho?’ 29Ono ko aya, ‘Oó; ka oni mo rende, oni mo morú amo na ni a. 30Oni he he si sono wa sa dati rago ke he. Ni gu rago i ka ke he mi aya fu abakehe, Oni rógodi rende mbata, ki vodi he avoda ka zo ho; ono oni rógodi morú ku rogo gi gbamu.’ ”
Sanza: tunga musutada
(Mk. 4:30-32; Rk. 13:18-19)
31Ko ayugu kura sanza fu yo, ki ya, “Gu ngbi nga ga ngbangbaturũ si wa tunga musutada, kumba adi he, ki mi he rogo gako ati. 32Si du ni toni he ti atunga dũ; ono ho si ka kura ni, si ki du ni bakere he susi wiri angua dũ, ki sa tihe wa ngua, agu azire du ari yo ami ki ye ki nisusungu ti abehe.”
Sanza: agbooro
(Rk. 13:20-21)
33Kura sanza ko agumba ha fu yo; “Gu ngbi nga ga ngbangbaturũ si wa kina agbooro, de adi he, ki oko ho ku rogo ringbisiringbisi ngungo biata, daho si angbi ni rogo ho dunduko.”
Ndu gu pai Yesu ape apai ni asanza ti ni
(Mk. 4:33-34)
34Agi apai re dunduko Yesu agumba fu rimbasa aboro ni asanza; pai ho sa ko ahe gumba ha fu yo ni sanza te; 35gu pai ki du ni digisidigisi he nebi agumba ha, naaya, “Mi aza ngbare ni asanza, mi agumba agu apai naadu ni okooko ho tona ni gu rago i aenge zegino.”
Gu pai sanza rende dagba morũ nayugo
36Were Yesu ki guari pati rimbasa aboro, ki rimi ku bambu yo; gako abawiriki ki ta ye fuo ko, niya, “Mo yúgu gu sanza fu rani re du tipa rende ati yo.” 37Ko ki karaga ha ki ya fu yo, “Gu ni nami wene tunga ni nga Wiri boro; 38gu ati re nga zegino; wene tunga nga awiri ngbi; rende nga awiri gbegberẽ ko. 39Gu vura re naami he ni nga bakitingbanga; rago ke he nga ho zegino ka nyasa ni; akehe nga amaraika. 40Were wa i adungura rende ka zo ho ku we yo; wo si ka du ho zegino ka nyasa ni. 41Wiri boro akéda gako amaraika, i adúngura agu ahe dunduko rogo gako ngbi aboro nakota ti ni, na agu yo dunduko namanga gbegberẽ pai, 42ki bafu yo ku gbigiwi we yo; yo kpe ka du ni na ri ngba rinde. 43Ni gu rago re ruru aboro ahasa rago wa kina uru rogo ga Bayo ngbi yo. Gu ni du na tue ti ni ni gí he.
Sanza: okooko mosoro
44“Gu ngbi nga ga ngbangbaturũ du wa kina bakere mosoro i aoko ho ku rogo ati yo; nga gu gu ni abi he, ki nioko ho; mbiko ngbarago ni ki ta ndu nibagi gani ahe dunduko, ki ningbe gu ati re.
Sanza: kikiipa ambia fongo
45“Gu ngbi nga ga ngbangbaturũ du wa kina babagiahe, nagbata wene ambia fongo. 46Ho ni abi gu sa ni na bakere genoho, ni ki ndu ka baga gani ahe dunduko, ki ningbe gu mbia fongo re.
Sanza: pio atĩo
47“Gu ngbi nga ga ngbangbaturũ du wa kina pio atĩo, i are he baime yo, i ki zi ngbatunga atĩo dunduko; 48ho pio ahi ni, i ki gbe he ku pangba ime; i ki sungu, ki rogodi wene atĩo ku pere yo, ono agu ra nga gbegberẽ ra, i ki bafu ra. 49Kina wo si ka du ho zegino ka nyasa ni; amaraika akúra, ki kpara gbegberẽ aboro ti wene yo, 50ki bafu yo ku gbigiwi we yo, yo kpe ka du ni na ri ngba rinde.
Vovo kumuko na kuru he
51“Oni rugu tironi na agi apai re?” I ki ya fu ko, “Ii.” 52Ko ki ya fu yo, “Were gu bakeapai i asa ni ni du ni bawiriki gu ngbi nga ga ngbangbaturũ, ni du wa gu kumba du ni irakporo, nakusa vovo gani kumuko na kuru he.”
I agindiga Yesu Nazareta yo
(Mk. 6:1-6; Rk. 4:16-30)
53Si ki ta du wa gere, ho Yesu anyasi agi asanza ni re, ko ki guari yo. 54Ko ki da ku rogo gako ringara ko ki yugu pai fu yo rogo gayo abambutiria yo, si ki niiriwo airiwo ti yo, i ki ya, “Wari ga gi kumba tatamana aye ni re, na gi gako apai du na tandu re? 55A nga wiri basekengua nga gi ko te re? ya yo ti nako Maria te? du awirinako nga Yakoba, na Yosefa na Simona, na Yuda te? 56A nga adawiriko du ẽre na ani dunduko te? Wari rogo gi kumba agi apai ni re dunduko?” 57I ki gberẽ agberã kuti ko. Ono Yesu ki ya fu yo, “A nga nebi sa ka zanga irisa te, kina gu ka ni du rogo gani ringara na kpuni yo.” 58Ko amanga nga dungu agu apai du na tandu yo te mbiko gayo zanga idapase.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.