Maraki 3
3
1“Oni ngére, mi nakeda gi sunge ko mbakadi gene ku mbata yo fere, Gbia nga gu ko oni nagbata ko ko akúra rure ku rogo gako yekaru yo; gu bandusunge nga ga mokido ko, nga gu ko ngba pako bangironi, oni ngére, ko naye, wo poi Yekova nga ga arimbasa ko. 2Ono da rengbe na rago ye ko, na da ka ru bara bangiriko ho ko ka kura ni?
“Bambiko ko wa gu we nga ga baukamarã na wa gu sazundu nga ga abazundu roko; 3ko asúnga wa baukamarã feda ni bagirisi he a, ko agírisa awiri Revi ziazia ki girisi yo wa i nagirisa dahabu na feda, daho i ka gama ruru amotumo ni fu Yekova. 4Si du gu motumo nga ga Yuda ki ngba bangiri Yekova na ga Yerusarema wa si adu bakuru yo na wa si adu rogo agarã ku sa yo.
5“Si du mi ambéda ti ni koyo du oni ni tipa sarangbanga; mi ki du ni ipiipi dezire kuti airasoroka, kuti airabari, kuti agu yo nazunga he ni zire, kuti agu yo narungosi ngbengbe boro sunge rogo pa gani mosoro, na dekurugbo na wirinyaure, na kuti agu yo natura yeye boro, ka i agunde nga ti re ya, wo poi Yekova nga ga arimbasa ko.
Pa fu gu he sa dagba abawe
6“Bambiko mi nga Yekova mi asa nga pa re wa sa te; Ako awiri Yakoba, si du i agbarasa nga roni ti ni ya. 7Tona ti agu arago nangia ga abaroni oni asa tironi ku bani ti gi rugapai ka oni aka nga kuti ni ya. Oni káraga tironi kono du mi ni, mi ki karaga tire koyo du oni ni a, wo poi Yekova nga ga arimbasa ko. Ono oni niya, ‘Waĩ ka ani karaga tirani?’ 8Ka boro dĩ he be Mbori? Ono oni nadĩ he be re. Ono oni niya, ‘Waĩ ani adĩ he be ro?’ Rogo gaoni sa dagba bawe nga ga rúhe na gaoni agamahe. 9Mi tiwa roni na motiwa, bambiko oni nadĩ he be re; oni na rika aboro dunduko nga gaoni yo. 10Oni yé na sa dagba bawe nga ga rúhe dunduko ku baigaahe yo, ya riahe ki du rogo gi bambu; oni ki asadi re na gi pai re, wo poi Yekova nga ga arimbasa ko, si ngia mi azá abangiri angbangbaturũ tipa roni ki uka maku ku ri roni ka ba adu nga tipa ha ya. 11Mi azá agbiro rita ahe ti roni, ya ka ami gbarasi nga zuzuahe nga ga gaoni sende ya; ka gaoni bakakue du ati yo ahe nga zu ya, wo poi Yekova nga ga arimbasa ko. 12Si du arikaaboro dunduko aya ti roni betedi aboro, bambiko oni adú wa gu wene ringara ngba angba gbe, wo poi Yekova nga ga arimbasa ko.
Waĩ kparaka rurupai na gbegberẽpai
13“Gaoni afugo nidu ni nyanyaki he kuti re, wo poi Yekova. Oni ta ya, ‘Waĩ gumba ani pai kuti ro?’ 14Ya oni, ‘Si nga kungba pai ka manga pa Mbori. Gini u du ti ka ani kuti gako rugapai watadu ti ta ani nakpara kpe ku bangiri Yekova nga ga arimbasa ko? 15Ani naberã pa airaenda tona awere na ku mbata yo ya betedi aboro du; amangi gbegberẽpai nau au ono ho i naasada Mbori ni, i ki mefe be ko a.’ ”
16Si du agu yo nagunde ti Yekova i ki nigumba pai dagba yo dedede; Yekova adege tuko ki nigi pa yo, i ake pai rogo kitabu tingidapai bara bangiriko tipa agu yo nagunde ti Yekova ki niberẽ pa rimoko. 17“I adú ni gimi yo, wo poi Yekova nga ga arimbasa ko, ni boro gimi ũkumuko ti gu rago ho mi ka manga pai ni, mi abánda yo a wa boro nabanda awirini nga agu yo namanga pa ni. 18Oni ayéga berewe ka kparaka dagba rurupai na gbegberẽpai, na dagba gu boro namanga pa Mbori na gu boro amanga nga pa ko ya.
Currently Selected:
Maraki 3: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Maraki 3
3
1“Oni ngére, mi nakeda gi sunge ko mbakadi gene ku mbata yo fere, Gbia nga gu ko oni nagbata ko ko akúra rure ku rogo gako yekaru yo; gu bandusunge nga ga mokido ko, nga gu ko ngba pako bangironi, oni ngére, ko naye, wo poi Yekova nga ga arimbasa ko. 2Ono da rengbe na rago ye ko, na da ka ru bara bangiriko ho ko ka kura ni?
“Bambiko ko wa gu we nga ga baukamarã na wa gu sazundu nga ga abazundu roko; 3ko asúnga wa baukamarã feda ni bagirisi he a, ko agírisa awiri Revi ziazia ki girisi yo wa i nagirisa dahabu na feda, daho i ka gama ruru amotumo ni fu Yekova. 4Si du gu motumo nga ga Yuda ki ngba bangiri Yekova na ga Yerusarema wa si adu bakuru yo na wa si adu rogo agarã ku sa yo.
5“Si du mi ambéda ti ni koyo du oni ni tipa sarangbanga; mi ki du ni ipiipi dezire kuti airasoroka, kuti airabari, kuti agu yo nazunga he ni zire, kuti agu yo narungosi ngbengbe boro sunge rogo pa gani mosoro, na dekurugbo na wirinyaure, na kuti agu yo natura yeye boro, ka i agunde nga ti re ya, wo poi Yekova nga ga arimbasa ko.
Pa fu gu he sa dagba abawe
6“Bambiko mi nga Yekova mi asa nga pa re wa sa te; Ako awiri Yakoba, si du i agbarasa nga roni ti ni ya. 7Tona ti agu arago nangia ga abaroni oni asa tironi ku bani ti gi rugapai ka oni aka nga kuti ni ya. Oni káraga tironi kono du mi ni, mi ki karaga tire koyo du oni ni a, wo poi Yekova nga ga arimbasa ko. Ono oni niya, ‘Waĩ ka ani karaga tirani?’ 8Ka boro dĩ he be Mbori? Ono oni nadĩ he be re. Ono oni niya, ‘Waĩ ani adĩ he be ro?’ Rogo gaoni sa dagba bawe nga ga rúhe na gaoni agamahe. 9Mi tiwa roni na motiwa, bambiko oni nadĩ he be re; oni na rika aboro dunduko nga gaoni yo. 10Oni yé na sa dagba bawe nga ga rúhe dunduko ku baigaahe yo, ya riahe ki du rogo gi bambu; oni ki asadi re na gi pai re, wo poi Yekova nga ga arimbasa ko, si ngia mi azá abangiri angbangbaturũ tipa roni ki uka maku ku ri roni ka ba adu nga tipa ha ya. 11Mi azá agbiro rita ahe ti roni, ya ka ami gbarasi nga zuzuahe nga ga gaoni sende ya; ka gaoni bakakue du ati yo ahe nga zu ya, wo poi Yekova nga ga arimbasa ko. 12Si du arikaaboro dunduko aya ti roni betedi aboro, bambiko oni adú wa gu wene ringara ngba angba gbe, wo poi Yekova nga ga arimbasa ko.
Waĩ kparaka rurupai na gbegberẽpai
13“Gaoni afugo nidu ni nyanyaki he kuti re, wo poi Yekova. Oni ta ya, ‘Waĩ gumba ani pai kuti ro?’ 14Ya oni, ‘Si nga kungba pai ka manga pa Mbori. Gini u du ti ka ani kuti gako rugapai watadu ti ta ani nakpara kpe ku bangiri Yekova nga ga arimbasa ko? 15Ani naberã pa airaenda tona awere na ku mbata yo ya betedi aboro du; amangi gbegberẽpai nau au ono ho i naasada Mbori ni, i ki mefe be ko a.’ ”
16Si du agu yo nagunde ti Yekova i ki nigumba pai dagba yo dedede; Yekova adege tuko ki nigi pa yo, i ake pai rogo kitabu tingidapai bara bangiriko tipa agu yo nagunde ti Yekova ki niberẽ pa rimoko. 17“I adú ni gimi yo, wo poi Yekova nga ga arimbasa ko, ni boro gimi ũkumuko ti gu rago ho mi ka manga pai ni, mi abánda yo a wa boro nabanda awirini nga agu yo namanga pa ni. 18Oni ayéga berewe ka kparaka dagba rurupai na gbegberẽpai, na dagba gu boro namanga pa Mbori na gu boro amanga nga pa ko ya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.