Pa Amotume 9
9
Pa fu Arona Amotumo
1Ti muambi uru Mose ki yambu aArona na awiriko na ga aYisaraere abaakumba; 2ko ki ya fu Arona, “Mo dí wiri bagara ni bara tipa motumo ingapai, na bakandoro tipa zozo motumo, zanga serõ ti ra, ki fu ra ku bara bangiri Yekova. 3Mo ki ya fu awiri aYisaraere, ‘Oni rógo bameme tipa motumo ingapai, na wiri bagara sa na wiri kandoro a sa, zanga serõ ti ra du garãra kina sa, tipa zozo motumo, 4na babagara na bakandoro a tipa amotumo zereda, ka tumo na ami ku bangiri Yekova, na motumo riahe kodi yo ho na nzeme, bambiko areme Yekova ka yugo tiko fu roni.’ ” 5I ki ye na agu ahe Mose agumba paha ku barangba bamburoko dungurati; rimbasa aboro dunduko ki mbedi ki ru bara bangiri Yekova. 6Mose ki ya, “Gere nga gu pai Yekova arugu roni oni nimángi he; i ayúgo ga Yekova taarimo fu roni.” 7Si du Mose ki ya fu Arona, “Mo mbédi ku pati bamotumo, ki fu ga motumo ingapai, na ga zozo motumo, ki mangi pa dada ingapai tipa tiro na tipa aboro a. Mo ki ye na ga aboro gamunihe mbedisatise, ki mangi pa dada ingapai tipa yo: a wa Yekova arugu pa ha.”
8Si du Arona ambedi ti ni ku pati bamotumo, ki imi gu wiri bagara du tipa motumo ingapai nadu tipa ko tigako. 9Awiri Arona ki ye na kureru fu ko, ko ki zogo wirinzagako ku kureru yo, ki kpe he ti agbanga bamotumo, ki uka kureru kuti mburu bamotumo; 10ono ko azo nzemeru, na agbiiri, na ngbebe du pavuru ende gu ru nga ga motumo ingapai ru ri bamotumo yo, a wa Yekova arugu Mose na ni. 11Ko azo pasioru na kpotoru ku zegi yo gii bataya yo.
12Ko ki imi zozo motumo; awiri Arona ki fu kureru fu ko, ko ki migidi he ku ri bamotumo kirikiri. 13I ki fu zozo motumo fu ko ni yepeyepe he ni ba sa sa na riru a; ko ki zo ho ri bamotumo. 14Ko ki zundu aũvuru yo na anduru, ki zo ho na zozo motumo ri bamotumo.
15Ko ki ye na ga aboro gamunihe mbedisatise, ki di gu meme du tipa motumo ingapai nadu tipa aboro, ki imi ru, ki fu ru tipa ingapai, a wa pa gu bambata ru adu. 16Ko ki ye na zozo motumo, ki fu he wa du he ti rugute. 17Ko ki ye na motumo riahe ki rogo bete he wa rengbe he ni be ko, ki zo ho ri bamotumo pati gu zozo motumo nga ga wiso.
18Ko ki imi babagara na bakandoro a nangia motumo nga ga amotumo zereda du tipa aboro; awiri Arona ki fu kurera fu ko, ko ki migidi he ku ri bamotumo kirikiri, 19nzeme babagara na ga bakandoro a, na sara na nzemehe, na gu nadu ti auvura yo, na agbiiri, na ngbebe pavuru endera; 20i ki moi nzeme ku ri angbadura, ko ki zo nzemera ri bamotumo, 21ono Arona awo ti angbadura na kumbaambosora ni wowoti motumo ku bara bangiri Yekova, a wa Mose arugu he.
22Arona ki tumba beko ku ari koyo du aboro ni, ki fu maku fu yo; ko ki guari ba fu motumo ingapai yo, na zozo motumo na amotumo zereda. 23AMose ki rimi na Arona ku bamburoko dungurati yo; fuo kura yo yo, ki fu maku fu aboro. Ga Yekova taarimo ayugu tihe fu aboro dunduko. 24We ki kuru yo du Yekova ni ki riti zozo motumo na gu nzeme du ri bamotumo; ho aboro abi he ni dunduko, i angbiko angbiko ki tiwi ni kpakpuyo.
Currently Selected:
Pa Amotume 9: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Pa Amotume 9
9
Pa fu Arona Amotumo
1Ti muambi uru Mose ki yambu aArona na awiriko na ga aYisaraere abaakumba; 2ko ki ya fu Arona, “Mo dí wiri bagara ni bara tipa motumo ingapai, na bakandoro tipa zozo motumo, zanga serõ ti ra, ki fu ra ku bara bangiri Yekova. 3Mo ki ya fu awiri aYisaraere, ‘Oni rógo bameme tipa motumo ingapai, na wiri bagara sa na wiri kandoro a sa, zanga serõ ti ra du garãra kina sa, tipa zozo motumo, 4na babagara na bakandoro a tipa amotumo zereda, ka tumo na ami ku bangiri Yekova, na motumo riahe kodi yo ho na nzeme, bambiko areme Yekova ka yugo tiko fu roni.’ ” 5I ki ye na agu ahe Mose agumba paha ku barangba bamburoko dungurati; rimbasa aboro dunduko ki mbedi ki ru bara bangiri Yekova. 6Mose ki ya, “Gere nga gu pai Yekova arugu roni oni nimángi he; i ayúgo ga Yekova taarimo fu roni.” 7Si du Mose ki ya fu Arona, “Mo mbédi ku pati bamotumo, ki fu ga motumo ingapai, na ga zozo motumo, ki mangi pa dada ingapai tipa tiro na tipa aboro a. Mo ki ye na ga aboro gamunihe mbedisatise, ki mangi pa dada ingapai tipa yo: a wa Yekova arugu pa ha.”
8Si du Arona ambedi ti ni ku pati bamotumo, ki imi gu wiri bagara du tipa motumo ingapai nadu tipa ko tigako. 9Awiri Arona ki ye na kureru fu ko, ko ki zogo wirinzagako ku kureru yo, ki kpe he ti agbanga bamotumo, ki uka kureru kuti mburu bamotumo; 10ono ko azo nzemeru, na agbiiri, na ngbebe du pavuru ende gu ru nga ga motumo ingapai ru ri bamotumo yo, a wa Yekova arugu Mose na ni. 11Ko azo pasioru na kpotoru ku zegi yo gii bataya yo.
12Ko ki imi zozo motumo; awiri Arona ki fu kureru fu ko, ko ki migidi he ku ri bamotumo kirikiri. 13I ki fu zozo motumo fu ko ni yepeyepe he ni ba sa sa na riru a; ko ki zo ho ri bamotumo. 14Ko ki zundu aũvuru yo na anduru, ki zo ho na zozo motumo ri bamotumo.
15Ko ki ye na ga aboro gamunihe mbedisatise, ki di gu meme du tipa motumo ingapai nadu tipa aboro, ki imi ru, ki fu ru tipa ingapai, a wa pa gu bambata ru adu. 16Ko ki ye na zozo motumo, ki fu he wa du he ti rugute. 17Ko ki ye na motumo riahe ki rogo bete he wa rengbe he ni be ko, ki zo ho ri bamotumo pati gu zozo motumo nga ga wiso.
18Ko ki imi babagara na bakandoro a nangia motumo nga ga amotumo zereda du tipa aboro; awiri Arona ki fu kurera fu ko, ko ki migidi he ku ri bamotumo kirikiri, 19nzeme babagara na ga bakandoro a, na sara na nzemehe, na gu nadu ti auvura yo, na agbiiri, na ngbebe pavuru endera; 20i ki moi nzeme ku ri angbadura, ko ki zo nzemera ri bamotumo, 21ono Arona awo ti angbadura na kumbaambosora ni wowoti motumo ku bara bangiri Yekova, a wa Mose arugu he.
22Arona ki tumba beko ku ari koyo du aboro ni, ki fu maku fu yo; ko ki guari ba fu motumo ingapai yo, na zozo motumo na amotumo zereda. 23AMose ki rimi na Arona ku bamburoko dungurati yo; fuo kura yo yo, ki fu maku fu aboro. Ga Yekova taarimo ayugu tihe fu aboro dunduko. 24We ki kuru yo du Yekova ni ki riti zozo motumo na gu nzeme du ri bamotumo; ho aboro abi he ni dunduko, i angbiko angbiko ki tiwi ni kpakpuyo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.