Pa Amotume 14
14
1Yekova ki ya fu Mose, 2“Gere nga rugute tipa boro ngbataka rago girisa ni. I anindu na ni koyo du boromotumo ni; 3boromotumo anikuru ku zegi yo ku gii bataya yo, boromotumo aningana ni. Si du ka kaza ngbataka aima go ti ni, 4boromotumo anirugu pai i rógo azire ue du ni gigiri ra tipa gu ni i akagírisa ni, na gu ngua nga kedara na gire ni zamba ha na gu ngua nga usopo; 5boromotumo ki rugu yo i ími gu zire sa ku pere yo, ri fufu ime. 6Ko anidi gu kurai na gu ngua nga kedara, na gire ni zamba ha, na gu ngua nga usopo, ki mogo ho dũ na gu unga zire re ku rogo kure gu zire i niimi ru ri fufu ime. 7Ko ki nimigidi gu ni na kureru ko ka girisa ni be ngbataka wa bara saba, fuo gure ko ki ya ni ni gigiri ni, ko ki zogo gu unga zire re u merẽ ku ringara yo. 8Gu ni i akagírisa ni ni anizundu gani aroko, ki kpe rini dunduko, ki zundu ti ni, ni ki giri; fuo gure ni ki yega ku bataya yo, ono ni anira ku zegi pati gani bamburoko tipa rame saba. 9Ti saba rame ni ka nikpe rini dunduko, na maingbani na ngakaĩni, na mange kpotoni dunduko; ni anizundu gani aroko ki zundu tini, ni ki giri.
10“Ti muambi rame ni anirogo wiri akandoro ue ni abara zanga serõ, du garãra sa, na fufurũ ngungo wa aritere bawe na bebere he, tipa motumo riahe, kodi yo ho na nzeme na kura nzeme ringbisi yo ho wa bebere ritere. 11Gu boromotumo nikagirisa ni ko animoi gu ni i akagírisa ni bara bangiri Yekova na agu ahe re dunduko, ku pangbadimo bamburoko dungurati. 12Boromotumo anidi wiri kandoro ni bara sa ki fu ru ni motumo tindika, na ringbisiringbisi nzeme, ki wo ti ni ni wowoti motumo bara bangiri Yekova. 13Ko aniimi wiri kandoro yo i naimo motumo ingapai ku ho ni na zozo motumo a, rogo kparakpara ziazia ba; bambiko wa du motumo ingapai ni ga boromotumo he, a wo du motumo tindika a, si ni kparakpara he ziazia susi. 14Boromotumo anidi bete kure nya motumo tindika, boromotumo animoi he ti ngba kpetu gu ni i nikagirisa ni, ku kumbabeni yo, na ti bawirinzaga kumbabeni, na tibawirindukumbanduni. 15Boromotumo anidi bete ringbisiringbisi nzeme ki uka ha ku kpabeko yo ku garebe, 16ko ki zogo wirinzaga kumbabeko ku rogo gu nzeme du ku kpabeko yo ku garebe, ki nimigidi gu nzeme du ti wirinzagako ku bara bangiri Yekova bara saba. 17Bete gu yangara nzeme ka nye kpabeko yo, boromotumo ki moi bete he ti ngba kpetu gu ni i nikagirisa ni ku kumbabeni yo, na ti bawirinzaga kumbabeni, na ti bawirindu kumbanduni, ku auru kure motumo tindika; 18gu yangara nzeme ka nye kpabe boromotumo yo ko ki moi he ku ri gu ni i nikagirisa ni. Boromotumo ki nimangi pa dada ingapai tipa ni ku bara bangiri Yekova. 19Boromotumo anifu motumo ingapai, ka manga pa dada ingapai tipa gu ni i akagírisa ni be gani birikosibirikosi pai. Fuo gure ko ki imi nya tipa zozo motumo; 20boromotumo anifu zozo motumo na motumo riahe ku ri bamotumo. Si du boromotumo animangi pa dada ingapai tipa ni, ni ki giri.
21“Ono ka ni du ni rungorungo boro, ka ni aréngba nga na bi agu ahe re wo ya, si du ni ki di wiri kandoro sa tipa motumo tindika ni bara i wo ti ru, tipa manga pa dada ingapai fu ni, na fufurũ ngungo wa aritere biata na bebere he, kodi yo ho na nzeme tipa motumo riahe, na kura nzeme ringbisi yo ho wa bebere ritere; 22na ambipo ue a watadu paranga agbungu ue, wa rengbe ni na pa bi ra; gu ru sa anidu tipa motumo ingapai, gu ru sa tipa zozo motumo. 23Ni aniye na ami fu boromotumo ti muambi rame tipa girisa tini, ku pangbadimo bamburoko dungurati ku bara bangiri Yekova; 24boromotumo anidi gu wiri kandoro du tipa motumo tindika, na ringbisiringbisi nzeme, boromotumo ki niwo ti ni ni wowoti motumo ku bara bangiri Yekova. 25Ko aniimi wiri kandoro du tipa motumo tindika; boromotumo anidi bete kure nya motumo tindika ki moi he ti ngba kpetu gu ni i nikagirisa ni ku kumbabeni yo, na ti bawirinzaga kumbabeni, na tibawirindukumbanduni. 26Boromotumo aniuka bete nzeme ku kpabeko yo ku garebe; 27ki nimigidi bete gu nzeme du kpabeko yo ku garebe na wirinzaga kumbabeko bara saba ku bara bangiri Yekova. 28Boromotumo animoi bete gu nzeme du kpabeko yo ku ti ngba kpetu gu ni i nikagirisa ni ku kumbabeni yo, na ti bawirinzaga kumbabeni, na ti bawirindu kumbanduni, yo i nimoi kure motumo tindika ni; 29gu yangara nzeme ka nye ku kpabe boromotumo yo, ko animoi he ku ri gu ni i nikagirisa ni, ka manga pa dada ingapai tipa ni ku bara bangiri Yekova. 30Ni anifu gu mbipo sa, watadu paranga gbungu sa, wa rengbe ni na pa bi ru, 31gu ru sa tipa motumo ingapai, gu ru sa tipa zozo motumo wa sa na motumo riahe; boromotumo animangi pa dada ingapai tipa gu ni i nikagirisa ni ku bara bangiri Yekova. 32Gere nga gu rugute du tipa gu ni du na kaza ngbataka ti ni, arengba nga na pa bi gu he rengbe tipa girisa ni tipa ha ya.”
33Yekova ki ya fu Mose na fu Arona, 34“Ho oni ka da ni ku rogo ringara Kanana yo, nga gu mi afu fu roni ni gaoni ukumbo, mi ki moi kaza wa ngbataka vuru gu bambu rogo gaoni ringara; 35si du gu ni du bambu ni gani ni aniye ka gumba paha fu boromotumo, ki ya, ‘Si bangire wa ngbatunga kaza du ti gi bambu.’ 36Boromotumo anirugu pai ya i kúsi ahe dimoyo dunduko, mbata boromotumo nikandu koyo ka ngana gu kaza re; agu ahe du dimo yo dunduko ka du ni birikosibirikosi he; fuo gure boromotumo anirimi ku dimo yo ka bi bambu. 37Ko ki ningana gu kaza re; ka gu kaza re du ti vuro bambu ni nvutanvuta ha watadu ni zamba ha, ki du ti ambia vuru bambu yo, 38boromotumo anikuru dimo yo, ki ru ngbadimo ho ki kisi bambu tipa rame saba. 39Boromotumo aniye berewe ti saba rame, ka ngana ha; ka gu kaza re fira ti vuro bambu, 40boromotumo ki rugu pai i rogo agu ambia du kaza ti ni, ki bafu he ku ba biriko yo gii bakporo yo; 41ko ki rugu he i kpere vuro bambu ho kirikiri dũ; i ki uka gu pere i nikpere he ti vuro ho ku ba biriko yo gii bakporo yo; 42si du i ki rogo kura ambia, ki moi he ku ba agu ambia re, ko ki di kura pere ki mbedi vuro bambu na ni.
43“Ka gu kaza re kuru berewe ti vuro bambu fuo roga ko ambia ti ni, na fuo kpera ko vuro bambu a, ki mbedi he na pere berewe, 44boromotumo anindu ka ngana ha; ka gu kaza re fira ti vuro bambu, si nga kere kaza wa ngbataka dimo yo; bambu ni birikosibirikosi he. 45Ko ki futuka bambu dunduko, ambia ha na angua ha a, na pere bambu dunduko a; ko ki tindi he dunduko ku ba biriko yo gii bakporo yo. 46Ku ri gere gu boro nikanirimi ku rogo gu bambu re ho si adu ni ni kisikisi he, ni anidu ni birikosibirikosi ni ki da ku nyemu; 47gu boro nikanipi vuru gu bambu re ni anizundu gani aroko; gu boro nikaniri riahe vuru gu bambu yo re ni anizundu gani aroko a.
48“Ono ka boromotumo ye ki ngana ha, ka kaza afira nga ti vuro bambu ya, fuo mbeda yo pere ti ni berewe, boromotumo ki ya bambu du ni gigiri he, bambiko wa kaza naima go. 49Tipa pa girisa gu bambu re, ko anirogo rukutu azire ue, na ngua nga kedara, na gire ni zamba tia, na ngua nga usopo, 50ko aniimi gu zire sa rogo pere ku ri fufu ime, 51ko ki rogo akedara na usopo, na gire ni zamba ha, na gu unga zire, ki mogo ho ku rogo kure gu zire i niimi ru, na ku rogo fufu ime a, ki migidi gu bambu re na ni bara saba. 52Were ko ka girisa bambu na kure zire, ni fufu ime na unga zire a, na ngua kedara na usopo na gire ni zamba ha a; 53ko ki zogo gu unga zire re u guari bakporo yo ki merẽ ku ringara yo; si du ko ka amanga pa dada ingapai ti ni tipa bambu, si ki du gigiri.”
54Gere nga gu rugute du tipa ngbatunga akaza ngbataka dunduko: tipa kaza kpurunya, 55tipa kaza wa ngbataka ti aroko watadu ti vuro bambu, 56tipa hihihe watadu tipa iri oro, watadu tipa biba, 57ka yugo ho si ngia si ni birikosibirikosi he, watadu ni gigiri he. Gere nga rugute tipa ngbataka.
Currently Selected:
Pa Amotume 14: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Pa Amotume 14
14
1Yekova ki ya fu Mose, 2“Gere nga rugute tipa boro ngbataka rago girisa ni. I anindu na ni koyo du boromotumo ni; 3boromotumo anikuru ku zegi yo ku gii bataya yo, boromotumo aningana ni. Si du ka kaza ngbataka aima go ti ni, 4boromotumo anirugu pai i rógo azire ue du ni gigiri ra tipa gu ni i akagírisa ni, na gu ngua nga kedara na gire ni zamba ha na gu ngua nga usopo; 5boromotumo ki rugu yo i ími gu zire sa ku pere yo, ri fufu ime. 6Ko anidi gu kurai na gu ngua nga kedara, na gire ni zamba ha, na gu ngua nga usopo, ki mogo ho dũ na gu unga zire re ku rogo kure gu zire i niimi ru ri fufu ime. 7Ko ki nimigidi gu ni na kureru ko ka girisa ni be ngbataka wa bara saba, fuo gure ko ki ya ni ni gigiri ni, ko ki zogo gu unga zire re u merẽ ku ringara yo. 8Gu ni i akagírisa ni ni anizundu gani aroko, ki kpe rini dunduko, ki zundu ti ni, ni ki giri; fuo gure ni ki yega ku bataya yo, ono ni anira ku zegi pati gani bamburoko tipa rame saba. 9Ti saba rame ni ka nikpe rini dunduko, na maingbani na ngakaĩni, na mange kpotoni dunduko; ni anizundu gani aroko ki zundu tini, ni ki giri.
10“Ti muambi rame ni anirogo wiri akandoro ue ni abara zanga serõ, du garãra sa, na fufurũ ngungo wa aritere bawe na bebere he, tipa motumo riahe, kodi yo ho na nzeme na kura nzeme ringbisi yo ho wa bebere ritere. 11Gu boromotumo nikagirisa ni ko animoi gu ni i akagírisa ni bara bangiri Yekova na agu ahe re dunduko, ku pangbadimo bamburoko dungurati. 12Boromotumo anidi wiri kandoro ni bara sa ki fu ru ni motumo tindika, na ringbisiringbisi nzeme, ki wo ti ni ni wowoti motumo bara bangiri Yekova. 13Ko aniimi wiri kandoro yo i naimo motumo ingapai ku ho ni na zozo motumo a, rogo kparakpara ziazia ba; bambiko wa du motumo ingapai ni ga boromotumo he, a wo du motumo tindika a, si ni kparakpara he ziazia susi. 14Boromotumo anidi bete kure nya motumo tindika, boromotumo animoi he ti ngba kpetu gu ni i nikagirisa ni, ku kumbabeni yo, na ti bawirinzaga kumbabeni, na tibawirindukumbanduni. 15Boromotumo anidi bete ringbisiringbisi nzeme ki uka ha ku kpabeko yo ku garebe, 16ko ki zogo wirinzaga kumbabeko ku rogo gu nzeme du ku kpabeko yo ku garebe, ki nimigidi gu nzeme du ti wirinzagako ku bara bangiri Yekova bara saba. 17Bete gu yangara nzeme ka nye kpabeko yo, boromotumo ki moi bete he ti ngba kpetu gu ni i nikagirisa ni ku kumbabeni yo, na ti bawirinzaga kumbabeni, na ti bawirindu kumbanduni, ku auru kure motumo tindika; 18gu yangara nzeme ka nye kpabe boromotumo yo ko ki moi he ku ri gu ni i nikagirisa ni. Boromotumo ki nimangi pa dada ingapai tipa ni ku bara bangiri Yekova. 19Boromotumo anifu motumo ingapai, ka manga pa dada ingapai tipa gu ni i akagírisa ni be gani birikosibirikosi pai. Fuo gure ko ki imi nya tipa zozo motumo; 20boromotumo anifu zozo motumo na motumo riahe ku ri bamotumo. Si du boromotumo animangi pa dada ingapai tipa ni, ni ki giri.
21“Ono ka ni du ni rungorungo boro, ka ni aréngba nga na bi agu ahe re wo ya, si du ni ki di wiri kandoro sa tipa motumo tindika ni bara i wo ti ru, tipa manga pa dada ingapai fu ni, na fufurũ ngungo wa aritere biata na bebere he, kodi yo ho na nzeme tipa motumo riahe, na kura nzeme ringbisi yo ho wa bebere ritere; 22na ambipo ue a watadu paranga agbungu ue, wa rengbe ni na pa bi ra; gu ru sa anidu tipa motumo ingapai, gu ru sa tipa zozo motumo. 23Ni aniye na ami fu boromotumo ti muambi rame tipa girisa tini, ku pangbadimo bamburoko dungurati ku bara bangiri Yekova; 24boromotumo anidi gu wiri kandoro du tipa motumo tindika, na ringbisiringbisi nzeme, boromotumo ki niwo ti ni ni wowoti motumo ku bara bangiri Yekova. 25Ko aniimi wiri kandoro du tipa motumo tindika; boromotumo anidi bete kure nya motumo tindika ki moi he ti ngba kpetu gu ni i nikagirisa ni ku kumbabeni yo, na ti bawirinzaga kumbabeni, na tibawirindukumbanduni. 26Boromotumo aniuka bete nzeme ku kpabeko yo ku garebe; 27ki nimigidi bete gu nzeme du kpabeko yo ku garebe na wirinzaga kumbabeko bara saba ku bara bangiri Yekova. 28Boromotumo animoi bete gu nzeme du kpabeko yo ku ti ngba kpetu gu ni i nikagirisa ni ku kumbabeni yo, na ti bawirinzaga kumbabeni, na ti bawirindu kumbanduni, yo i nimoi kure motumo tindika ni; 29gu yangara nzeme ka nye ku kpabe boromotumo yo, ko animoi he ku ri gu ni i nikagirisa ni, ka manga pa dada ingapai tipa ni ku bara bangiri Yekova. 30Ni anifu gu mbipo sa, watadu paranga gbungu sa, wa rengbe ni na pa bi ru, 31gu ru sa tipa motumo ingapai, gu ru sa tipa zozo motumo wa sa na motumo riahe; boromotumo animangi pa dada ingapai tipa gu ni i nikagirisa ni ku bara bangiri Yekova. 32Gere nga gu rugute du tipa gu ni du na kaza ngbataka ti ni, arengba nga na pa bi gu he rengbe tipa girisa ni tipa ha ya.”
33Yekova ki ya fu Mose na fu Arona, 34“Ho oni ka da ni ku rogo ringara Kanana yo, nga gu mi afu fu roni ni gaoni ukumbo, mi ki moi kaza wa ngbataka vuru gu bambu rogo gaoni ringara; 35si du gu ni du bambu ni gani ni aniye ka gumba paha fu boromotumo, ki ya, ‘Si bangire wa ngbatunga kaza du ti gi bambu.’ 36Boromotumo anirugu pai ya i kúsi ahe dimoyo dunduko, mbata boromotumo nikandu koyo ka ngana gu kaza re; agu ahe du dimo yo dunduko ka du ni birikosibirikosi he; fuo gure boromotumo anirimi ku dimo yo ka bi bambu. 37Ko ki ningana gu kaza re; ka gu kaza re du ti vuro bambu ni nvutanvuta ha watadu ni zamba ha, ki du ti ambia vuru bambu yo, 38boromotumo anikuru dimo yo, ki ru ngbadimo ho ki kisi bambu tipa rame saba. 39Boromotumo aniye berewe ti saba rame, ka ngana ha; ka gu kaza re fira ti vuro bambu, 40boromotumo ki rugu pai i rogo agu ambia du kaza ti ni, ki bafu he ku ba biriko yo gii bakporo yo; 41ko ki rugu he i kpere vuro bambu ho kirikiri dũ; i ki uka gu pere i nikpere he ti vuro ho ku ba biriko yo gii bakporo yo; 42si du i ki rogo kura ambia, ki moi he ku ba agu ambia re, ko ki di kura pere ki mbedi vuro bambu na ni.
43“Ka gu kaza re kuru berewe ti vuro bambu fuo roga ko ambia ti ni, na fuo kpera ko vuro bambu a, ki mbedi he na pere berewe, 44boromotumo anindu ka ngana ha; ka gu kaza re fira ti vuro bambu, si nga kere kaza wa ngbataka dimo yo; bambu ni birikosibirikosi he. 45Ko ki futuka bambu dunduko, ambia ha na angua ha a, na pere bambu dunduko a; ko ki tindi he dunduko ku ba biriko yo gii bakporo yo. 46Ku ri gere gu boro nikanirimi ku rogo gu bambu re ho si adu ni ni kisikisi he, ni anidu ni birikosibirikosi ni ki da ku nyemu; 47gu boro nikanipi vuru gu bambu re ni anizundu gani aroko; gu boro nikaniri riahe vuru gu bambu yo re ni anizundu gani aroko a.
48“Ono ka boromotumo ye ki ngana ha, ka kaza afira nga ti vuro bambu ya, fuo mbeda yo pere ti ni berewe, boromotumo ki ya bambu du ni gigiri he, bambiko wa kaza naima go. 49Tipa pa girisa gu bambu re, ko anirogo rukutu azire ue, na ngua nga kedara, na gire ni zamba tia, na ngua nga usopo, 50ko aniimi gu zire sa rogo pere ku ri fufu ime, 51ko ki rogo akedara na usopo, na gire ni zamba ha, na gu unga zire, ki mogo ho ku rogo kure gu zire i niimi ru, na ku rogo fufu ime a, ki migidi gu bambu re na ni bara saba. 52Were ko ka girisa bambu na kure zire, ni fufu ime na unga zire a, na ngua kedara na usopo na gire ni zamba ha a; 53ko ki zogo gu unga zire re u guari bakporo yo ki merẽ ku ringara yo; si du ko ka amanga pa dada ingapai ti ni tipa bambu, si ki du gigiri.”
54Gere nga gu rugute du tipa ngbatunga akaza ngbataka dunduko: tipa kaza kpurunya, 55tipa kaza wa ngbataka ti aroko watadu ti vuro bambu, 56tipa hihihe watadu tipa iri oro, watadu tipa biba, 57ka yugo ho si ngia si ni birikosibirikosi he, watadu ni gigiri he. Gere nga rugute tipa ngbataka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.