Yona 4
4
Pa ga Yona gberãrago na pa ga Mbori inapai
1Ono si agberẽ agberã ti Yona ki susi, ko ki zingi azinga. 2Ko ki kpari fu Yekova ki ya. “Ako Yekova, mi nazungadi ro, a nga gere nga gu pai mi agumba ha ho mi adu ni rogo gi ringara te? Si du mi aipisi tire ti ni ka ora ku Tarusisa yo; bambiko mi aini he ya mo nga Mbori du na undahe na inapai, nga bayee tipa zinga, ki du na weneringise kpaima, na satise ti gbigbitapai. 3Ako Yekova, mi zungadi ro awere, mo dí ungare ti re, bambiko kpio ngba ti re ti nye mi ni ungare.” 4Yekova ki ya, “Ru he aru foro mo zingi?” 5Si du Yona ki kuru bakporo yo, ki sungu pangba bakporo bara ku uroyo, ki dua basura yo ni gako. Ko asungu tii nzeremehe, ka da ho ko ka bi gu pai ni nikamanga bakporo.
6Yekova Mbori ki fu nagbanga, si wa ku ri Yona, ya si du ni nzereme ku ri ko, ka batasa ko be gako pa rungo. Si du Yona awasa gbe bambiko pa gu wawa nagbanga re. 7Ono ho rago agiri ni wiso, Mbori akedi gbirẽ, u gbarasi gu nagbanga re, si ki ugu. 8Ho uru akuru ni. Mbori akedi yuge garã naye uroyo, uru ki nizo ri Yona gbe, he ki nimaki ko amaka. Ko ki sana he ya Mbori idi he ko kpi, ko ki ya, “Kpio ngba ti re ti nye mi ni ungare.” 9Ono Mbori ki ya fu Yona. “Ru he aru foro mo zingi tipa wawa nagbanga?” Yona ki ya. “Ru he aru fere mi zingi sa kina kpio.” 10Yekova ki ya, “Nunga nagbanga namanga ro, nga gu he mo ambu nga na pa ha watadu sonosa ha a ya, nga gu he kuru kina rogo yuru sa, ki nyokora ti kina yuru sa a. 11Ka mi aini nga pai fu Nineve te? nga gu bakere bakporo re, du aboro rogo ho wa 120,000 nga agu yo aina nga pa kparaka kumbabeyo ti garebeyo ya, na rimbasa zogozogo anya gbe rogo ho a?”
Currently Selected:
Yona 4: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Yona 4
4
Pa ga Yona gberãrago na pa ga Mbori inapai
1Ono si agberẽ agberã ti Yona ki susi, ko ki zingi azinga. 2Ko ki kpari fu Yekova ki ya. “Ako Yekova, mi nazungadi ro, a nga gere nga gu pai mi agumba ha ho mi adu ni rogo gi ringara te? Si du mi aipisi tire ti ni ka ora ku Tarusisa yo; bambiko mi aini he ya mo nga Mbori du na undahe na inapai, nga bayee tipa zinga, ki du na weneringise kpaima, na satise ti gbigbitapai. 3Ako Yekova, mi zungadi ro awere, mo dí ungare ti re, bambiko kpio ngba ti re ti nye mi ni ungare.” 4Yekova ki ya, “Ru he aru foro mo zingi?” 5Si du Yona ki kuru bakporo yo, ki sungu pangba bakporo bara ku uroyo, ki dua basura yo ni gako. Ko asungu tii nzeremehe, ka da ho ko ka bi gu pai ni nikamanga bakporo.
6Yekova Mbori ki fu nagbanga, si wa ku ri Yona, ya si du ni nzereme ku ri ko, ka batasa ko be gako pa rungo. Si du Yona awasa gbe bambiko pa gu wawa nagbanga re. 7Ono ho rago agiri ni wiso, Mbori akedi gbirẽ, u gbarasi gu nagbanga re, si ki ugu. 8Ho uru akuru ni. Mbori akedi yuge garã naye uroyo, uru ki nizo ri Yona gbe, he ki nimaki ko amaka. Ko ki sana he ya Mbori idi he ko kpi, ko ki ya, “Kpio ngba ti re ti nye mi ni ungare.” 9Ono Mbori ki ya fu Yona. “Ru he aru foro mo zingi tipa wawa nagbanga?” Yona ki ya. “Ru he aru fere mi zingi sa kina kpio.” 10Yekova ki ya, “Nunga nagbanga namanga ro, nga gu he mo ambu nga na pa ha watadu sonosa ha a ya, nga gu he kuru kina rogo yuru sa, ki nyokora ti kina yuru sa a. 11Ka mi aini nga pai fu Nineve te? nga gu bakere bakporo re, du aboro rogo ho wa 120,000 nga agu yo aina nga pa kparaka kumbabeyo ti garebeyo ya, na rimbasa zogozogo anya gbe rogo ho a?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.