Osea 2
2
Ga Gbia nyemuse tipa gako aboro du na sinoyo wa ga debari
1Mo yá fu wirinamo, “Gimi aboro”, na fu dawiro, “Ri bi nunga.”
2“Mo zúngadi namo, mo zúngadi ri—
bambiko diare nga ri te,
a nga mi nga kumbari a te—
ya ri mbú gari sino pa bari ku sa yo bara bangiriri,
na gari bari dagba mamuri;
3mi ka ura gari aroko ri ki du ni kundiri ri,
ki sa ri wa ni gu uru i avungu ri,
ki sa ri wa ngbakungba a,
ki moi ri wa ngbi ugure,
ki imi ri na gomoro ime.
4Nunga awiriri adú nga ti re te,
bambiko i nga awiri pa bari.
5Bambiko nayo amangi bari;
gu ri naadu na mobarayo amangi pai ni zee.
Bambiko ri aya, ‘Mi andú fuo akpinyemure,
nafu gi riahe fere na gi ime,
gi mange anya na gi giri nzibi, gi nzeme na gi mbirimbiri he.’
6Si du mi améga gari gene na akiwe;
mi ki dua ngapa kuti ri,
ka ri arengba nga ka bi gari agene ya.
7Ri adó fuo akpinyemuri,
ono ka ri agbia nga yo ya;
ri agbata yo,
ono ka ri abi nga yo ya.
Si du ri ayá, ‘Mi andú
ka karaga tire koyo du bambata kumbami ni,
bambiko si angba fere mbata ki susi gu du awere.’
8Ka ri aina nga ha
mi du naafu
zende ahe fu ri, na imekakue, na nzeme,
ki ningeesi gari feda fu ri
na gu dahabu nadu tipa Bara, ya.
9Si du mi adia
gi zende ahe berewe ti ragoho,
na gi imekakue ti regboho;
mi ki di gi mange anya na gi giri nzibi ku sa yo,
nga gu nikadada kundiri ri.
10Mi ayúgo gari wasiro awere
ku bangiri akpinyemuri,
ka boro adú nga ho sa nikabatasa ri be re ya.
11Mi anyása pa gari ngbarago dundu ko,
gari apumbo, gari fogo adiwi, gari arago sabiti,
na gari ringbisiringbisi apumbo dunduko.
12Mi ki gbarasi gari abakakue na gari avurumo,
nga gu ri niya tipa ha,
‘Agere nga gi ngbengbe ahe,
nga gu akpinyemure afu he fere.’
Mi asá ha ni bire,
anya nvuo ki riti he.
13Mi ambúsa ri tipa arago pumbo nga ga aBara
ho ri nazo wene fuõngua ni fu he,
ki fongo tiri na gari tongo na kikii pa fongo,
ki ndu fuo akpinyemuri,
bangiriri ki go ti re, wo poi Yekova.
14“Mo ngére, si du mi ka mbedisa ri ti ni,
ki ndu na ri ku ngbakungba yo,
ki nifura na ri yee.
15Mi ki fu gari aati bakakue yo fu ri,
ki sa Ngboongboorago Akora ni ngbadimo maabangirise.
Yo ri ka karaga pai ni fere wa ti rago parangari,
wa ni gu rago ri akuru ringara Ezipeta yo.
16“Ni gu rago re mo ayá ti re, ‘Kumbami,’ ka mo ayá nga ti re, ‘Gi Bara’ berewe ya, wo poi Yekova. 17Bambiko mi adia arimo aBara ti ngbari ku sa yo, ka i ayámba nga ha ti rimo Bara berewe ya. 18Mi ki rú ndika fu roni ti gu rago re na anya nvuo, na azire ari, na agu ra nagbe tira agbe sande; mi ki nyasi pa mboto rogo ringara na basape, na pa sovura. Mi ki idi oni piki sande na zereda. 19Mi apázua roni fere nye anye kindi; mi apázua roni fere rogo rurupai na sarangbanga, rogo weneringise, na rogo nunga. 20Mi ki pazua roni fere rogo yososopai. Oni aína Yekova.
21“Ni gu rago re, wo poi Yekova,
mi akáraga pai fu angbangbaturũ
si ki karaga pai ti gaha fu kpotosende;
22kpotosende ki karaga pai fu zende ahe, fu imekakue, na fu nzeme,
si ki karaga pai fu Yizerere;
23mi ki rú ko fere rogo ringara.
Mi ki du na nunga fu Nungate,
mi ki ya fu Gimiaborote, ‘Oni nga gimi aboro’;
ko ayá, ‘Mo nga gi Mbori.’ ”
Currently Selected:
Osea 2: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Osea 2
2
Ga Gbia nyemuse tipa gako aboro du na sinoyo wa ga debari
1Mo yá fu wirinamo, “Gimi aboro”, na fu dawiro, “Ri bi nunga.”
2“Mo zúngadi namo, mo zúngadi ri—
bambiko diare nga ri te,
a nga mi nga kumbari a te—
ya ri mbú gari sino pa bari ku sa yo bara bangiriri,
na gari bari dagba mamuri;
3mi ka ura gari aroko ri ki du ni kundiri ri,
ki sa ri wa ni gu uru i avungu ri,
ki sa ri wa ngbakungba a,
ki moi ri wa ngbi ugure,
ki imi ri na gomoro ime.
4Nunga awiriri adú nga ti re te,
bambiko i nga awiri pa bari.
5Bambiko nayo amangi bari;
gu ri naadu na mobarayo amangi pai ni zee.
Bambiko ri aya, ‘Mi andú fuo akpinyemure,
nafu gi riahe fere na gi ime,
gi mange anya na gi giri nzibi, gi nzeme na gi mbirimbiri he.’
6Si du mi améga gari gene na akiwe;
mi ki dua ngapa kuti ri,
ka ri arengba nga ka bi gari agene ya.
7Ri adó fuo akpinyemuri,
ono ka ri agbia nga yo ya;
ri agbata yo,
ono ka ri abi nga yo ya.
Si du ri ayá, ‘Mi andú
ka karaga tire koyo du bambata kumbami ni,
bambiko si angba fere mbata ki susi gu du awere.’
8Ka ri aina nga ha
mi du naafu
zende ahe fu ri, na imekakue, na nzeme,
ki ningeesi gari feda fu ri
na gu dahabu nadu tipa Bara, ya.
9Si du mi adia
gi zende ahe berewe ti ragoho,
na gi imekakue ti regboho;
mi ki di gi mange anya na gi giri nzibi ku sa yo,
nga gu nikadada kundiri ri.
10Mi ayúgo gari wasiro awere
ku bangiri akpinyemuri,
ka boro adú nga ho sa nikabatasa ri be re ya.
11Mi anyása pa gari ngbarago dundu ko,
gari apumbo, gari fogo adiwi, gari arago sabiti,
na gari ringbisiringbisi apumbo dunduko.
12Mi ki gbarasi gari abakakue na gari avurumo,
nga gu ri niya tipa ha,
‘Agere nga gi ngbengbe ahe,
nga gu akpinyemure afu he fere.’
Mi asá ha ni bire,
anya nvuo ki riti he.
13Mi ambúsa ri tipa arago pumbo nga ga aBara
ho ri nazo wene fuõngua ni fu he,
ki fongo tiri na gari tongo na kikii pa fongo,
ki ndu fuo akpinyemuri,
bangiriri ki go ti re, wo poi Yekova.
14“Mo ngére, si du mi ka mbedisa ri ti ni,
ki ndu na ri ku ngbakungba yo,
ki nifura na ri yee.
15Mi ki fu gari aati bakakue yo fu ri,
ki sa Ngboongboorago Akora ni ngbadimo maabangirise.
Yo ri ka karaga pai ni fere wa ti rago parangari,
wa ni gu rago ri akuru ringara Ezipeta yo.
16“Ni gu rago re mo ayá ti re, ‘Kumbami,’ ka mo ayá nga ti re, ‘Gi Bara’ berewe ya, wo poi Yekova. 17Bambiko mi adia arimo aBara ti ngbari ku sa yo, ka i ayámba nga ha ti rimo Bara berewe ya. 18Mi ki rú ndika fu roni ti gu rago re na anya nvuo, na azire ari, na agu ra nagbe tira agbe sande; mi ki nyasi pa mboto rogo ringara na basape, na pa sovura. Mi ki idi oni piki sande na zereda. 19Mi apázua roni fere nye anye kindi; mi apázua roni fere rogo rurupai na sarangbanga, rogo weneringise, na rogo nunga. 20Mi ki pazua roni fere rogo yososopai. Oni aína Yekova.
21“Ni gu rago re, wo poi Yekova,
mi akáraga pai fu angbangbaturũ
si ki karaga pai ti gaha fu kpotosende;
22kpotosende ki karaga pai fu zende ahe, fu imekakue, na fu nzeme,
si ki karaga pai fu Yizerere;
23mi ki rú ko fere rogo ringara.
Mi ki du na nunga fu Nungate,
mi ki ya fu Gimiaborote, ‘Oni nga gimi aboro’;
ko ayá, ‘Mo nga gi Mbori.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.