Bambata Pai 47
47
1Yosefa ki ndu ki gumba ha fu Faro, ki ya, “Buba ye ringara Kanana yo na a wiribuba; na gayo rimbasa akandoro, na gayo rimbasa abagara, na agu ahe dunduko naadu be yo, i ringara Gosene yo awere.” 2Ko ki rogo akumba bisue dagba awiribako, ki yugu yo fu Faro. 3Faro ki ya fu awiriba Yosefa, “Gaoni sunge nga gine?” I ki ya fu Faro “Ababanda akandoro nga gamo amoyambu, a wa abarani adu.” 4I ki ya fu Faro, “Ani naye ka sunga rogo gi ringara re; bambiko a nga riahe ho tipa ga gamo amoyambu rimbasa anya te, bambiko gberãngbi ni kere he ringara Kanana yo. Si du ani azungadi ro ti ni awere, mo ídi he fu gamo amoyambu ani súngu ringara Gosene yo.” 5Faro ki gumba pai fu Yosefa, ki ya, “Bamo yega na awiribamo kono du mo ni. 6Ringara Ezipeta mo abi a re; bamo súngu na awiribamo rogo kina gu ringara ngba ki susi; i súngu ringara Gosene yo; ka mo ini pa gu ngangarã aboro dagba yo, mo ki sia yo i dú ni babanda gimi zogozogo anya.”
7Yosefa ki ye na bako nangia Yakoba, ki moi ko bara bangiri Faro. Yakoba ki fu maku fu Faro. 8Faro ki ya fu Yakoba, “Agarãro waĩ nga ga arame ungaro?” 9Yakoba ki ya fu Faro, “Mi adu ni yarayara re tipa garã 130 nga arame ungare. Garãre adu ni umba ha na rungo, ka si ange nga wa ga abuba rago garã yarayara yo nga arame ungayo ya.” 10Yakoba ki fu maku fu Faro, ki guari bara bangiri Faro. 11Yosefa ki mbakadi apai tipa bako na awiribako nifu rago fu yo ringara Ezipeta yo, nga gu nangba ki susi rogo ringara Ramesese a wa Faro arugu ko na ni. 12Yosefa ki nimbu ti bako na awiribako na riahe, na ga bako aborokporo, ringbisi he kuti bange awiriyo a.
Pa ruga Yosefa apai rago gberãngbi
13Ka riahe adu nga rogo ringara dunduko ya; bambiko gberãngbi adu ni kere he gbe, were ringara Ezipeta na ringara Kanana arúngbura arungbura be gberãngbi. 14Yosefa ki dungura gu marã dunduko i abi he ringara Ezipeta yo na ringara Kanana yo, tipa zende ahe i angbeke he; Yosefa ki ye na marã ku Faro yo. 15Ho marã anyasi ni rogo ringara Ezipeta na ringara Kanana dunduko, aEzipeto ki ye koyo du Yosefa ni dunduko, ki ya, “Mo fú riahe fu rani; tipagine ani aka kpika ti ni ku bara bangiro erẽ? Bambiko gaani marã nyasi.” 16Yosefa ki ya, “Oni fú gaoni zogozogo anya, mi ki fu riahe fu roni ku ba gaoni anya, ka gaoni marã nyasi.” 17I ki ye na gayo zogozogo anya koyo du Yosefa ni; Yosefa ki fu riahe fu yo ku ba afarasi, na rimbasa akandoro, na rimbasa abagara, na adongi. Ko ki nirigi yo na riahe ku ba gayo zogozogo anya dunduko ni gu garã re. 18Ho gu garã re anyasi ni, i ki ye koyo du ko ni rogo ue garã, ki ya fu ko, “Ka ani óko nga ha ti bairarani, ya gaani marã nyasi dunduko te; wa du arimbasa zogozogo anya ni ga bairarani ra; a nga he ho nye ku bangiri bairarani fuo kina bororani na gaani rago te. 19Tipagine ani aka kpika ti ni ku bangiro, ani na gaani rago? Mo ngbé rani, ani na gaani rago, na riahe. Ani na gaani rago ki du ni akanga fu Faro. Mo ki fu tunga ahe fu rani ya ani nyé ni ungarani ka ani akpika nga ya, ka ringara adú nga ni ku he a ya.”
20Si du Yosefa angbe ringara Ezipeta ti ni dunduko fu Faro; bambiko aboro Ezipeta ababagi gayo aati dunduko mbiko gu gberãngbi re ati ku ri yo ni kere he. Ringara ki du ni ga Faro; 21aboro tigayo ko asa yo ni akanga, tona ti gu bangbanda Ezipeta ku bani ki da ti kura bangbandaha ku bani a. 22Kina ga aboromotumo ringara ko angbe nga ha ya; bambiko Faro anaunda aboromotumo, i ki niri kina gu riahe Faro anaunda yo na ni. Si du i abaga nga gayo rago ti ni ya. 23Yosefa ki ya fu aboro, “Oni ngére nga, mi ngbe roni ni gi uru re, oni na gaoni rago fu Faro. Oni bí nga ha, tunga du re fu roni, oni arúka ha rogo gaoni aati. 24Ho regbo ke ahe ka da ni oni afú sa dagba bisue rogo ho fu Faro. Gu biama ha dagba bisue he ki du ni gaoni tipa tunga tipa aati, na tipa gaoni riahe, na tipa gaoni aborokporo, na tipa rukutu awironi a.” 25I ki ya fu ko, “Mo batasi rani; ani bi nga undahe bangiri bairarani, ani adú ni ga Faro akanga.” 26Yosefa ki rú ndika tipa ringara Ezipeta, si da ku areme, ya sa dagba bisue rogo ho adú ni ga Faro; kina agu aati nangia ga aboromotumo naadu nga ni ga Faro ya.
Pa ga Yakoba yangara fugo
27AYisaraere ki niraki ringara Ezipeta yo, rogo gu ringara nga Gosene; i ki nibi ũkumuko yo, ki nizuga azuga, ki nge ange gbe. 28Yakoba araki ku ringara Ezipeta yo garã ki du 17; garã Yakoba adu dunduko 147.
29Rago Yisaraere ki mbedi ko kpi, ko kí yambu wiriko nangia Yosefa, ki ya fu ko, “Ka ngia ngba mi angba bangiro awere, mi nazungadi ro, mo mói bero ku tii ndure yo, ki kido he fere ya mo amánga fere nzunzu. Ka mo akpísida nga re Ezipeta no ya, 30ono ho mi ka kpi ni fuo abuba; mo ki tindi re Ezipeta no ka kpisida re kina rogo gayo bakpisida aboro.” Yosefa ki ya, “Mi amánga ha a wa gumba mo ho.” 31Ko ki ya “Mo zúnga he fere”; ko ki zunga he fu ko. Yisaraere ki nugadi ku ti ba ri gako barame.
Currently Selected:
Bambata Pai 47: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Bambata Pai 47
47
1Yosefa ki ndu ki gumba ha fu Faro, ki ya, “Buba ye ringara Kanana yo na a wiribuba; na gayo rimbasa akandoro, na gayo rimbasa abagara, na agu ahe dunduko naadu be yo, i ringara Gosene yo awere.” 2Ko ki rogo akumba bisue dagba awiribako, ki yugu yo fu Faro. 3Faro ki ya fu awiriba Yosefa, “Gaoni sunge nga gine?” I ki ya fu Faro “Ababanda akandoro nga gamo amoyambu, a wa abarani adu.” 4I ki ya fu Faro, “Ani naye ka sunga rogo gi ringara re; bambiko a nga riahe ho tipa ga gamo amoyambu rimbasa anya te, bambiko gberãngbi ni kere he ringara Kanana yo. Si du ani azungadi ro ti ni awere, mo ídi he fu gamo amoyambu ani súngu ringara Gosene yo.” 5Faro ki gumba pai fu Yosefa, ki ya, “Bamo yega na awiribamo kono du mo ni. 6Ringara Ezipeta mo abi a re; bamo súngu na awiribamo rogo kina gu ringara ngba ki susi; i súngu ringara Gosene yo; ka mo ini pa gu ngangarã aboro dagba yo, mo ki sia yo i dú ni babanda gimi zogozogo anya.”
7Yosefa ki ye na bako nangia Yakoba, ki moi ko bara bangiri Faro. Yakoba ki fu maku fu Faro. 8Faro ki ya fu Yakoba, “Agarãro waĩ nga ga arame ungaro?” 9Yakoba ki ya fu Faro, “Mi adu ni yarayara re tipa garã 130 nga arame ungare. Garãre adu ni umba ha na rungo, ka si ange nga wa ga abuba rago garã yarayara yo nga arame ungayo ya.” 10Yakoba ki fu maku fu Faro, ki guari bara bangiri Faro. 11Yosefa ki mbakadi apai tipa bako na awiribako nifu rago fu yo ringara Ezipeta yo, nga gu nangba ki susi rogo ringara Ramesese a wa Faro arugu ko na ni. 12Yosefa ki nimbu ti bako na awiribako na riahe, na ga bako aborokporo, ringbisi he kuti bange awiriyo a.
Pa ruga Yosefa apai rago gberãngbi
13Ka riahe adu nga rogo ringara dunduko ya; bambiko gberãngbi adu ni kere he gbe, were ringara Ezipeta na ringara Kanana arúngbura arungbura be gberãngbi. 14Yosefa ki dungura gu marã dunduko i abi he ringara Ezipeta yo na ringara Kanana yo, tipa zende ahe i angbeke he; Yosefa ki ye na marã ku Faro yo. 15Ho marã anyasi ni rogo ringara Ezipeta na ringara Kanana dunduko, aEzipeto ki ye koyo du Yosefa ni dunduko, ki ya, “Mo fú riahe fu rani; tipagine ani aka kpika ti ni ku bara bangiro erẽ? Bambiko gaani marã nyasi.” 16Yosefa ki ya, “Oni fú gaoni zogozogo anya, mi ki fu riahe fu roni ku ba gaoni anya, ka gaoni marã nyasi.” 17I ki ye na gayo zogozogo anya koyo du Yosefa ni; Yosefa ki fu riahe fu yo ku ba afarasi, na rimbasa akandoro, na rimbasa abagara, na adongi. Ko ki nirigi yo na riahe ku ba gayo zogozogo anya dunduko ni gu garã re. 18Ho gu garã re anyasi ni, i ki ye koyo du ko ni rogo ue garã, ki ya fu ko, “Ka ani óko nga ha ti bairarani, ya gaani marã nyasi dunduko te; wa du arimbasa zogozogo anya ni ga bairarani ra; a nga he ho nye ku bangiri bairarani fuo kina bororani na gaani rago te. 19Tipagine ani aka kpika ti ni ku bangiro, ani na gaani rago? Mo ngbé rani, ani na gaani rago, na riahe. Ani na gaani rago ki du ni akanga fu Faro. Mo ki fu tunga ahe fu rani ya ani nyé ni ungarani ka ani akpika nga ya, ka ringara adú nga ni ku he a ya.”
20Si du Yosefa angbe ringara Ezipeta ti ni dunduko fu Faro; bambiko aboro Ezipeta ababagi gayo aati dunduko mbiko gu gberãngbi re ati ku ri yo ni kere he. Ringara ki du ni ga Faro; 21aboro tigayo ko asa yo ni akanga, tona ti gu bangbanda Ezipeta ku bani ki da ti kura bangbandaha ku bani a. 22Kina ga aboromotumo ringara ko angbe nga ha ya; bambiko Faro anaunda aboromotumo, i ki niri kina gu riahe Faro anaunda yo na ni. Si du i abaga nga gayo rago ti ni ya. 23Yosefa ki ya fu aboro, “Oni ngére nga, mi ngbe roni ni gi uru re, oni na gaoni rago fu Faro. Oni bí nga ha, tunga du re fu roni, oni arúka ha rogo gaoni aati. 24Ho regbo ke ahe ka da ni oni afú sa dagba bisue rogo ho fu Faro. Gu biama ha dagba bisue he ki du ni gaoni tipa tunga tipa aati, na tipa gaoni riahe, na tipa gaoni aborokporo, na tipa rukutu awironi a.” 25I ki ya fu ko, “Mo batasi rani; ani bi nga undahe bangiri bairarani, ani adú ni ga Faro akanga.” 26Yosefa ki rú ndika tipa ringara Ezipeta, si da ku areme, ya sa dagba bisue rogo ho adú ni ga Faro; kina agu aati nangia ga aboromotumo naadu nga ni ga Faro ya.
Pa ga Yakoba yangara fugo
27AYisaraere ki niraki ringara Ezipeta yo, rogo gu ringara nga Gosene; i ki nibi ũkumuko yo, ki nizuga azuga, ki nge ange gbe. 28Yakoba araki ku ringara Ezipeta yo garã ki du 17; garã Yakoba adu dunduko 147.
29Rago Yisaraere ki mbedi ko kpi, ko kí yambu wiriko nangia Yosefa, ki ya fu ko, “Ka ngia ngba mi angba bangiro awere, mi nazungadi ro, mo mói bero ku tii ndure yo, ki kido he fere ya mo amánga fere nzunzu. Ka mo akpísida nga re Ezipeta no ya, 30ono ho mi ka kpi ni fuo abuba; mo ki tindi re Ezipeta no ka kpisida re kina rogo gayo bakpisida aboro.” Yosefa ki ya, “Mi amánga ha a wa gumba mo ho.” 31Ko ki ya “Mo zúnga he fere”; ko ki zunga he fu ko. Yisaraere ki nugadi ku ti ba ri gako barame.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.