Yezekere 25
25
Gumba pai wa nebi kuti aAmono
1Sangba Yekova ki ye kono du mi ni niya: 2“Wiri boro, mo sá kpakpuro koyo du aAmono ni, ki gumba pai wa nebi kuti yo. 3Mo yá fu aAmono, Oni gí sangba Gbia MBORI: Ya Gbia MBORI wẽ, Bambiko oni aya, ‘Eke!’ ku ri gi kparakpara ziazia ba ho si abiriko ni, na ku ri ringara aYisaraere ho si adu ni ni bate, na ku ri ngbatunga aYudo ho i andu ni na yo ni zizi yo, 4si du mi nafu roni ku be aboro ku Uroyo oni du ni gayo aboro, i ki moi gayo bataya dagba roni ki moi gayo baraka dagba roni; i ari gaoni zuzu ahe, i ki nimbiri gaoni mamuanya. 5Mi asá Raba ni banambu tina akameri na agu abaakporo nga ga aAmono ni ndugu tipa arimbasa anya. Si du oni aina ha ya mi nga Yekova. 6Bambiko ya Gbia MBORI wẽ: Bambiko oni ta beroni ki doka nduroni ki ningi na gu gbegberẽ berã du kpotoroni yo kuti ringara aYisaraere, 7si du, oni ngére, mi taĩ bere sa roni, ki fu roni wa úmozi fu arikaaboro; mi ki rogo roni ku sa yo ti aboro ki mangi roni oni kpiki rogo aringara; mi agbárasa roni. Si du oni aina ha ya mi nga Yekova.
Gumba pai wa nebi kuti Moaba
8“Ya Gbia MBORI wẽ: Bambiko Moaba aya Mo ngére, ngbatunga aYudo du wa kina kura arikaaboro dunduko, 9si du mi azá pavuru ringara Moaba tona ti agu abaakporo du ti gaha bangbandarago, nga ga ringara taarimo, nga Bete-yesimota, na Bara-mona, na Kiriyatarima. 10Mi afú he na aAmono fu aboro ku Uroyo ni gayo, ya ka i tingidi nga pa awiri aAmono berewe dagba arikaaboro yo ya, 11mi ki sari ngbanga ku ri Moaba. Si du i aina ha ya mi nga Yekova.
Gumba pai wa nebi kuti Edome
12“Ya Gbia MBORI wẽ: Bambiko Edome mangi pai ni irabape kuti ngbatunga aYudo, Edome du na pai ku ri he gbe mbiko ira bape ku ri yo, 13si du ya Gbia MBORI wẽ, Mi atáã bere kuti Edome, ki rogo aboro na anya rogo ho ku sa yo du, mi ki sa ha ni gbarasigbarasi he; i akpíka be basape tona Temana yo da ku Dedana yo. 14Mi ki moi gi irabape ku ri Edome ku vurube gimi aboro aYisaraere; i ki mangi pai Edome yo kuti gi zinga na kuti gi ngariangaria zinga; i ki ini gi irabape, wo poi Gbia MBORI.
Gumba pai wa nebi kuti aFereseto
15“Ya Gbia MBORI wẽ: Bambiko aFereseto amangi pai ni irabape ki iri bape na gu gbegberẽ berã du kpotoyo yo ka gbarasa rago rogo gu sogote zanga digidaha; 16si du ya Gbia MBORI wẽ, Oni ngére, mi atáã bere kuti aFereseto, mi ki rogo aKereto ku sa yo, ki gbarasi gu yangara ringara du ku pangba baime yo. 17Mi asára ngbanga ni bakere irabape ku ri yo na nyanyaki mbusa. Si du i aína ha ya mi nga Yekova, ho mi ka maa gi irabape ni ku ri yo.”
Currently Selected:
Yezekere 25: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Yezekere 25
25
Gumba pai wa nebi kuti aAmono
1Sangba Yekova ki ye kono du mi ni niya: 2“Wiri boro, mo sá kpakpuro koyo du aAmono ni, ki gumba pai wa nebi kuti yo. 3Mo yá fu aAmono, Oni gí sangba Gbia MBORI: Ya Gbia MBORI wẽ, Bambiko oni aya, ‘Eke!’ ku ri gi kparakpara ziazia ba ho si abiriko ni, na ku ri ringara aYisaraere ho si adu ni ni bate, na ku ri ngbatunga aYudo ho i andu ni na yo ni zizi yo, 4si du mi nafu roni ku be aboro ku Uroyo oni du ni gayo aboro, i ki moi gayo bataya dagba roni ki moi gayo baraka dagba roni; i ari gaoni zuzu ahe, i ki nimbiri gaoni mamuanya. 5Mi asá Raba ni banambu tina akameri na agu abaakporo nga ga aAmono ni ndugu tipa arimbasa anya. Si du oni aina ha ya mi nga Yekova. 6Bambiko ya Gbia MBORI wẽ: Bambiko oni ta beroni ki doka nduroni ki ningi na gu gbegberẽ berã du kpotoroni yo kuti ringara aYisaraere, 7si du, oni ngére, mi taĩ bere sa roni, ki fu roni wa úmozi fu arikaaboro; mi ki rogo roni ku sa yo ti aboro ki mangi roni oni kpiki rogo aringara; mi agbárasa roni. Si du oni aina ha ya mi nga Yekova.
Gumba pai wa nebi kuti Moaba
8“Ya Gbia MBORI wẽ: Bambiko Moaba aya Mo ngére, ngbatunga aYudo du wa kina kura arikaaboro dunduko, 9si du mi azá pavuru ringara Moaba tona ti agu abaakporo du ti gaha bangbandarago, nga ga ringara taarimo, nga Bete-yesimota, na Bara-mona, na Kiriyatarima. 10Mi afú he na aAmono fu aboro ku Uroyo ni gayo, ya ka i tingidi nga pa awiri aAmono berewe dagba arikaaboro yo ya, 11mi ki sari ngbanga ku ri Moaba. Si du i aina ha ya mi nga Yekova.
Gumba pai wa nebi kuti Edome
12“Ya Gbia MBORI wẽ: Bambiko Edome mangi pai ni irabape kuti ngbatunga aYudo, Edome du na pai ku ri he gbe mbiko ira bape ku ri yo, 13si du ya Gbia MBORI wẽ, Mi atáã bere kuti Edome, ki rogo aboro na anya rogo ho ku sa yo du, mi ki sa ha ni gbarasigbarasi he; i akpíka be basape tona Temana yo da ku Dedana yo. 14Mi ki moi gi irabape ku ri Edome ku vurube gimi aboro aYisaraere; i ki mangi pai Edome yo kuti gi zinga na kuti gi ngariangaria zinga; i ki ini gi irabape, wo poi Gbia MBORI.
Gumba pai wa nebi kuti aFereseto
15“Ya Gbia MBORI wẽ: Bambiko aFereseto amangi pai ni irabape ki iri bape na gu gbegberẽ berã du kpotoyo yo ka gbarasa rago rogo gu sogote zanga digidaha; 16si du ya Gbia MBORI wẽ, Oni ngére, mi atáã bere kuti aFereseto, mi ki rogo aKereto ku sa yo, ki gbarasi gu yangara ringara du ku pangba baime yo. 17Mi asára ngbanga ni bakere irabape ku ri yo na nyanyaki mbusa. Si du i aína ha ya mi nga Yekova, ho mi ka maa gi irabape ni ku ri yo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.