Gate 31
31
Pa yamba Besarere na Oriaba
(Gate 35:30; 36:1)
1Yekova ki ya fu Mose, 2“Mo bí, mi ayambu Besarere ti rimoko nga wiri Uri, Uri angia wiri Ura, ni ngbatunga Yuda: 3mi hisi ko ni gu Toro nga ga Mbori ko, na tatamana, na rugatise na pai, na inahe, na rogo pa manga ngbatunga asunge dunduko, 4ka asanga pa asunge nga gu sunge du rogo dahabu, na rogo feda, na rogo sirigi, 5na rogo pa seka kikiipa ambia tipa maa ha ku rogo ũzadahe, na rogo pa seka ngua, ka manga ngbatunga asunge dunduko. 6Mo ngére, mi moi Oriaba na ko a, nga wiri Aisamaka ni ngbatunga Dana; mi moi tatamana ku kpoto agu yo yo nga airainahe, ya i mangi agu ahe dunduko nga gu mi arugu ro na paha nga: 7gu bamburoko dungurati, sanduki dezirepai, gu bainapai du auru he, na au bamburoko dunduko, 8mbisa na gaha aũsunge, na ziazia baduawe na gaha aũsunge dunduko, na gu bamotumo nga ga fuõngua, 9na gu bamotumo nga ga zozo motumo na gaha aũsunge dunduko, na kurungbu zundatise na andu mburuhe, 10na wene tutu roko mangasunge, na gu kparakpara ziazia aroko du tipa Arona nga boromotumo, na agu aroko du tipa awiriko ka amanga pai rogo pa ga aboromotumo sunge, 11na gu nzeme mbeda, na gu fuõngua nga ga wene fuõ tomengua du tipa kparakpara ba. I amánga ha a wa mi arugu ro na paha dunduko.”
Pa du Rago Sabiti ni yuguyugupai
12Yekova ki ya fu Mose, 13“Mo yá fu awiri aYisaraere, ‘Oni aká kuti na gimi asabiti ni rengo, bambiko si nga yuguyugupai dagba rani na oni, dagba arika ngbatungaroni dunduko, oni íni he ya mi nga Yekova nakpara roni. 14Oni aká kuti pa sabiti ni rengo, bambiko si ni kparakpara ziazia uru fu roni; agu yo dunduko ka airisa nga ha ya, i aimo yo aimo; gu ni ka manga ngbatunga gini sunge rogo ho i akpára ni akpara ku sa yo ti gani aboro. 15I animangi sunge rame ki du sita, ono saba rame nga rago sabiti nga ndikidi rago ongoda, ni kparakpara uru ziazia fu Yekova; gu ni ka amanga ngbatunga gini sunge rago sabiti, i aímo ni aimo ni rengo. 16Si du awiri aYisaraere aká ti ni kuti pa rago sabiti ka irisa ha dagba arika ngbatungayo dunduko, ni nyenye mokido. 17Si nga yuguyugupai dagba rani na awiri aYisaraere nye anye kindi, bambiko rogo arame sita Yekova amangi ngbangbaturũ na sende, rogo saba rame ko ki ongodi, ki ba omeko.’ ”
Pa kpia wiri bagara ni dahabu
(Pa Rug. 9:6-29)
18Ho ko adigisi gumba pai ni fu Mose ri Bagangara Sinai yo, ko ki fu gu kpasakpasa ambia ue fu ko nga ga dezirepai, boro wirinzaga Mbori nake he.
Currently Selected:
Gate 31: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Gate 31
31
Pa yamba Besarere na Oriaba
(Gate 35:30; 36:1)
1Yekova ki ya fu Mose, 2“Mo bí, mi ayambu Besarere ti rimoko nga wiri Uri, Uri angia wiri Ura, ni ngbatunga Yuda: 3mi hisi ko ni gu Toro nga ga Mbori ko, na tatamana, na rugatise na pai, na inahe, na rogo pa manga ngbatunga asunge dunduko, 4ka asanga pa asunge nga gu sunge du rogo dahabu, na rogo feda, na rogo sirigi, 5na rogo pa seka kikiipa ambia tipa maa ha ku rogo ũzadahe, na rogo pa seka ngua, ka manga ngbatunga asunge dunduko. 6Mo ngére, mi moi Oriaba na ko a, nga wiri Aisamaka ni ngbatunga Dana; mi moi tatamana ku kpoto agu yo yo nga airainahe, ya i mangi agu ahe dunduko nga gu mi arugu ro na paha nga: 7gu bamburoko dungurati, sanduki dezirepai, gu bainapai du auru he, na au bamburoko dunduko, 8mbisa na gaha aũsunge, na ziazia baduawe na gaha aũsunge dunduko, na gu bamotumo nga ga fuõngua, 9na gu bamotumo nga ga zozo motumo na gaha aũsunge dunduko, na kurungbu zundatise na andu mburuhe, 10na wene tutu roko mangasunge, na gu kparakpara ziazia aroko du tipa Arona nga boromotumo, na agu aroko du tipa awiriko ka amanga pai rogo pa ga aboromotumo sunge, 11na gu nzeme mbeda, na gu fuõngua nga ga wene fuõ tomengua du tipa kparakpara ba. I amánga ha a wa mi arugu ro na paha dunduko.”
Pa du Rago Sabiti ni yuguyugupai
12Yekova ki ya fu Mose, 13“Mo yá fu awiri aYisaraere, ‘Oni aká kuti na gimi asabiti ni rengo, bambiko si nga yuguyugupai dagba rani na oni, dagba arika ngbatungaroni dunduko, oni íni he ya mi nga Yekova nakpara roni. 14Oni aká kuti pa sabiti ni rengo, bambiko si ni kparakpara ziazia uru fu roni; agu yo dunduko ka airisa nga ha ya, i aimo yo aimo; gu ni ka manga ngbatunga gini sunge rogo ho i akpára ni akpara ku sa yo ti gani aboro. 15I animangi sunge rame ki du sita, ono saba rame nga rago sabiti nga ndikidi rago ongoda, ni kparakpara uru ziazia fu Yekova; gu ni ka amanga ngbatunga gini sunge rago sabiti, i aímo ni aimo ni rengo. 16Si du awiri aYisaraere aká ti ni kuti pa rago sabiti ka irisa ha dagba arika ngbatungayo dunduko, ni nyenye mokido. 17Si nga yuguyugupai dagba rani na awiri aYisaraere nye anye kindi, bambiko rogo arame sita Yekova amangi ngbangbaturũ na sende, rogo saba rame ko ki ongodi, ki ba omeko.’ ”
Pa kpia wiri bagara ni dahabu
(Pa Rug. 9:6-29)
18Ho ko adigisi gumba pai ni fu Mose ri Bagangara Sinai yo, ko ki fu gu kpasakpasa ambia ue fu ko nga ga dezirepai, boro wirinzaga Mbori nake he.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.