Gate 2
2
Pa batika Mose
1Were, gu kumba sa dagba ngbatunga Revi, ko andu ki di de nangia wiri Revi. 2Ri ki du na mobara, ki batika kumbagude. Ho ri abi ko ni ya ngba ko angba gbe, ri ki oko ko aoka tipa diwi biata. 3Ho ri arengba nga ka oka ko ni kindi ya, ri ki mbakadi wiri kurungba rogo badumo tipa ko, ki dika ha ni baro na dada, ki pigi gude rogo ho, ki moi he rogo nvuo ti ngba gango ime. 4Dawiriko ki ru tuturũ, ka bi gu pai nikamanga ko. 5Wiri Faro nangia de ki ye ka mbeda ime ku pa di, gari paranga ade ki nita pangba ime. Ri ki bi gu toni kurungba rogo nvuo ti ngba gango ime, ki kedi gari kanga ka dia ha. 6Ri ki za ha, ki bi gude; were, badi ki nikpari akpara ni aume. Nunga ko ki nimangi ri amanga, ri ki ya, “Wiri aEbere nga gi gude re.” 7Dawiriko ki ya fu wiri Faro, “Mi ndú ka yamba gu boro foro nikambu ti ko, dagba dere aEbere yo?” 8Wiri Faro ki ya fu ri, “Mo ndú.” Degude ki ndu ki yambu kina na fogo gude. 9Wiri Faro ki ya fu ri, “Mo dí gi gude re, ki mbu ti ko fere, mi ki fu ga mosoro foro.” De ki di gude ki nimbu ti ko. 10Gude ki sono, ri ki ye na ko koyo du wiri Faro ni, ko ki du ni wiriri; ri ki yambu rimoko nga Mose, ki ya, “Bambiko mi adi ko ime yo.”
Pa ora Mose ku Midiana yo
11Si adu were ni gu rago re, ho Mose asono ni ki du ni kumba, ko andu koyo du ngbatungako ni, ki bi gayo asunge mbugo. Ko ki bi boro Ezipeta ni nita boro Ebere, nangia gu ni sa dagba ngbatungako. 12Ko ki ngereke amiaamia. Ho ko angere ni vurũ ka ko abi nga boro ya, ko ki imi boro Ezipeta, ko ki oko kangbako ku ngume yo. 13Ko ki ndu koyo ni kura uru, oni ngére, akumba ki nita kpata nangia aEbere ue. Ko ki ya fu gu ni namanga kura ni gbegberẽ, “Mo nata kuaro were tipagine?” 14Gu kumba re ki ya, “Da nisa ro ni bazogo ni boro sapangbanga fu rani? Mo naberã pa imo re, wa mo aimi gu boro Ezipeta?” Mose ki gunde agunde, ki ya, “I ini gi pai re ni rengo.” 15Were ho Faro agi gi pai ni re, ko ki nigbata Mose ka imo ko.
Ono Mose ki oro be Faro, ki niraki rogo ringara Midiana; ko ki sungu yo pati guga. 16Were gu boro motumo nangia ga Midiana ko adu na awiriko ni ade saba; i aye ka tu ime, ki hisi akurungbu na ni tipa ga bayo rimbasa anya ami ni mbiri he. 17Ababanda anya ki ye ki dandi yo; ono Mose ki ru ku ari ki unda yo, ki fu ime fu gayo rimbasa anya. 18Ho i ada ni koyo du bayo ni nangia Ruere, ko ki sana yo ki ya, “Oni niwiri pa da no areme ni ipo waĩ?” 19I ki ya, “Boro Ezipeta nibatasi rani be ababanda anya, ko ki tu ime fu rani, ki fu he fu rimbasa anya.” 20Ko ki ya fu awiriko, “Wari du ko ni? Tipagine oni nimbu gu kumba ti ni re? Oni yámbu ko, ko yé ka ri riahe.” 21Si ki ngba ti Mose ka sunga na gu kumba re, ko ki fu wiriko fu Mose nangia Sipora. 22Ri ki batika wiriri, ko ki yambu rimoko nga Gerusoma; bambiko ko aya. “Mi adu ni kungba boro rogo kungba ngbi.”
23Fuo dungu arago bakindo aEzipeto ki kpi. Awiri aYisaraere ki niuko be asunge mbugo. I ki nikpari akpara tipa undahe, gayo kpe ki da ku tu Mbori yo be asunge mbugo. 24Mbori ki gi pa gayo uko, Mbori ki tingidi pa gako zungahe na Abarayama, na fu Yisaka, na fu Yakoba. 25Mbori ki bi awiri aYisaraere Mbori ki berẽ pa yo.
Currently Selected:
Gate 2: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Gate 2
2
Pa batika Mose
1Were, gu kumba sa dagba ngbatunga Revi, ko andu ki di de nangia wiri Revi. 2Ri ki du na mobara, ki batika kumbagude. Ho ri abi ko ni ya ngba ko angba gbe, ri ki oko ko aoka tipa diwi biata. 3Ho ri arengba nga ka oka ko ni kindi ya, ri ki mbakadi wiri kurungba rogo badumo tipa ko, ki dika ha ni baro na dada, ki pigi gude rogo ho, ki moi he rogo nvuo ti ngba gango ime. 4Dawiriko ki ru tuturũ, ka bi gu pai nikamanga ko. 5Wiri Faro nangia de ki ye ka mbeda ime ku pa di, gari paranga ade ki nita pangba ime. Ri ki bi gu toni kurungba rogo nvuo ti ngba gango ime, ki kedi gari kanga ka dia ha. 6Ri ki za ha, ki bi gude; were, badi ki nikpari akpara ni aume. Nunga ko ki nimangi ri amanga, ri ki ya, “Wiri aEbere nga gi gude re.” 7Dawiriko ki ya fu wiri Faro, “Mi ndú ka yamba gu boro foro nikambu ti ko, dagba dere aEbere yo?” 8Wiri Faro ki ya fu ri, “Mo ndú.” Degude ki ndu ki yambu kina na fogo gude. 9Wiri Faro ki ya fu ri, “Mo dí gi gude re, ki mbu ti ko fere, mi ki fu ga mosoro foro.” De ki di gude ki nimbu ti ko. 10Gude ki sono, ri ki ye na ko koyo du wiri Faro ni, ko ki du ni wiriri; ri ki yambu rimoko nga Mose, ki ya, “Bambiko mi adi ko ime yo.”
Pa ora Mose ku Midiana yo
11Si adu were ni gu rago re, ho Mose asono ni ki du ni kumba, ko andu koyo du ngbatungako ni, ki bi gayo asunge mbugo. Ko ki bi boro Ezipeta ni nita boro Ebere, nangia gu ni sa dagba ngbatungako. 12Ko ki ngereke amiaamia. Ho ko angere ni vurũ ka ko abi nga boro ya, ko ki imi boro Ezipeta, ko ki oko kangbako ku ngume yo. 13Ko ki ndu koyo ni kura uru, oni ngére, akumba ki nita kpata nangia aEbere ue. Ko ki ya fu gu ni namanga kura ni gbegberẽ, “Mo nata kuaro were tipagine?” 14Gu kumba re ki ya, “Da nisa ro ni bazogo ni boro sapangbanga fu rani? Mo naberã pa imo re, wa mo aimi gu boro Ezipeta?” Mose ki gunde agunde, ki ya, “I ini gi pai re ni rengo.” 15Were ho Faro agi gi pai ni re, ko ki nigbata Mose ka imo ko.
Ono Mose ki oro be Faro, ki niraki rogo ringara Midiana; ko ki sungu yo pati guga. 16Were gu boro motumo nangia ga Midiana ko adu na awiriko ni ade saba; i aye ka tu ime, ki hisi akurungbu na ni tipa ga bayo rimbasa anya ami ni mbiri he. 17Ababanda anya ki ye ki dandi yo; ono Mose ki ru ku ari ki unda yo, ki fu ime fu gayo rimbasa anya. 18Ho i ada ni koyo du bayo ni nangia Ruere, ko ki sana yo ki ya, “Oni niwiri pa da no areme ni ipo waĩ?” 19I ki ya, “Boro Ezipeta nibatasi rani be ababanda anya, ko ki tu ime fu rani, ki fu he fu rimbasa anya.” 20Ko ki ya fu awiriko, “Wari du ko ni? Tipagine oni nimbu gu kumba ti ni re? Oni yámbu ko, ko yé ka ri riahe.” 21Si ki ngba ti Mose ka sunga na gu kumba re, ko ki fu wiriko fu Mose nangia Sipora. 22Ri ki batika wiriri, ko ki yambu rimoko nga Gerusoma; bambiko ko aya. “Mi adu ni kungba boro rogo kungba ngbi.”
23Fuo dungu arago bakindo aEzipeto ki kpi. Awiri aYisaraere ki niuko be asunge mbugo. I ki nikpari akpara tipa undahe, gayo kpe ki da ku tu Mbori yo be asunge mbugo. 24Mbori ki gi pa gayo uko, Mbori ki tingidi pa gako zungahe na Abarayama, na fu Yisaka, na fu Yakoba. 25Mbori ki bi awiri aYisaraere Mbori ki berẽ pa yo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.