Gate 12
12
Pa Pumbo Susiri
1Yekova ki ya fu aMose na Arona ringara Ezipeta yo, 2“Gi diwi re adú ni bambata diwi fu roni; u adú ni bambata diwi garã fu roni. 3Mo gúmba pai fu rimbasa aYisaraere dunduko ki ya, ti rame bawe rogo gi diwi re akumba ki rogo wiri akandoro ni ba sa sa, ringbisi he na ga abayo aborokporo, wiri kandoro sa tipa aborokporo sa. 4Si ngia aborokporo ni umba yo tipa wiri kandoro sa, i na gu kurani du rogo kporo pati yo, i ki di gu ru rengbe na ba nge yo. Oni aríngbisa wiri kandoro rengbe na agu aboro ni ba sa sa nikari ru. 5Gaoni wiri kandoro ka zanga serõ, u ka du ni wiri bara nga gu ru du garãru sa; oni adía ru dagba akandoro watadu dagba ameme. 6Oni abánda ra dati kina bawe na biama rame nga ga gi diwi re, gu dungurati nga ga rimbasa aYisaraere dunduko ki imi ra nyemu. 7I aróga bete kurera ki kpe he ti angua pangbadimo ue, na ti gu ngua du ni wagiwagi he ba ri ngbadimo nga ga agu abambu i ka ri ra vuru he yo. 8I ki ri pasiora ni kina gu yuru re, ni zozo ho; i arí ra na gu kpokuta adu nga na agbooro ti ni ya, wa sa na hihii kpepasio. 9Ka oni ri nga pasiora ni iwo ha watadu ni pasipasi he rogo ime a ya, ono ni kina zozo ra, rira wa sa na andura, na rera a. 10Ka oni ahe nga gu yangara pasiora si da ku wiso ya, ono gu yangara pasiora nikanye ku wiso, oni ki zo ho azo. 11Oni arí ra wa gere: oni avó gaoni roko dimoroni na gaoni rakata ku nduroni yo, na gaoni ngau ku be roni; oni ki niri he gburungagburunga. Si nga ga Yekova susiri 12Bambiko mi nikasusa rogo ringara Ezipeta yo ni gu yuru re, ki imi bambata avungu rogo ringara Ezipeta dunduko, aboro na anya a. Mi nikasara ngbanga ga aEzipeto ambori dunduko: Mi nga Yekova. 13Kure adú ni ngbaanga fu roni ti agu abambu du oni rogo ho; ho mi ka bi kure ni, mi asúsa ri roni, gberãngbi ati nga ku ri roni ka imo roni ho mi ka gbarasa ringara Ezipeta ni te.
14“Gi uru re adú ni uru tingida pai fu roni, oni ki ka kuti he ni rago pumbo fu Yekova; oni adíka ha ni rago pumbo fu arika ngbatungaroni, ni rugapai nye anye kindi. 15Oni ari gu kpokuta adu nga na agbooro ti ni ya tipa rame saba. Ti bambata uru oni abáfa agbooro ku sa yo rogo gaoni akporo, bambiko gu ni ka ri gu kpokuta du na agbooro ti ni tona ti bambata uru ki da ti saba ha i akpara ni ti aYisaraere. 16Ti bambata uru kparakpara ziazia dungurati ki nidu fu roni, na ti saba rame kparakpara ziazia dungurati ki nidu a. A nga sunge ho sa boro ka manga rogo agu auru te re; ono kina gu he aboro ka ri he, kina ha ka oni mángi he. 17Oni ki nika kuti gu pumbo nga ga gu kpokuta adu nga na agbooro ti ni ya, bambiko ni gi uru re, mi akusi gaoni arimbasa aboro rogo gu ringara nga ga Ezipeta: si du oni ka aka ti ni kuti gi uru re dagba arika angbatungaroni ni rugapai nye anye kindi. 18Rogo bambata diwi ti bawe na biama rameru ku nyemu, oni ki niri gu kpokuta adu nga na agbooro ti ni ya, ki da ti ue bawe na sa rame diwi ku nyemu. 19Tipa rame saba ka i abí nga agbooro rogo gaoni akporo ya; bambiko ka boro ri gu he du na agbooro ti ni i akpara ni ku sa yo ti rimbasa aYisaraere, ka ni vura du ni kungba boro watadu gu boro i abatika ni rogo gu ringara re vurũ. 20Ka oni ri nga gu he du na agbooro ti ni wa sa ya; rogo agu aba oni ka aráka rogo ho oni ka ri kina gu kpokuta adu nga na agbooro ti ni ya.”
21Mose ki yambu ga aYisaraere abaakumba dunduko ki ya fu yo, “Oni sía awiri akandoro ki rogo ra tipa roni ringbisi ra na gaoni aborokporo, gu ni niimi kina gani ru ni wiri kandoro susiri. 22Oni ki rogo vodivodi ri kpe usopo, ki mogo ho ku rogo gu kure du kurungbu yo, ki kpe he ti gu ngua du ba ri ngabadimo bambu na ti angua pangbadimo ue; a nga boro sa nikakura ti ngbadimo gani bambu mbata fu wiso te. 23Bambiko Yekova asúsa ka imo aEzipeto; ho ko ka nibi kure ni ti ngua ba ri ngbadimo, na ti angua pangbadimo ue, Yekova asúsa ri ngbadimo, ka ko aída nga ha fu bagbarasi aboro ko rimi ku rogo gaoni abambu yo ka imo roni ya. 24Oni aká kuti gi pai re ni rugapai fu roni na fu awironi nye anye kindi. 25Si ki ta du wa gere, ho oni ka ye ni ku rogo gu ringara Yekova ka fu he fu roni, a wa ko akido he, oni aká kuti gi mangapai re kindi. 26Ho awironi ka ni sana roni ni, ki ya, ‘Gini pai gi mangapai re ayugo ho?’ 27Oni aniyá, ‘Si nga gu motumo nga ga ga Yekova susiri, bambiko ko asusi ri ga awiri aYisaraere abambu Ezipeta yo, ho ko aimi aEzipeto ni, ki batasi gaani abambu.’ ” Aboro ki dua riyo ni irisa.
28Awiri aYisaraere ki ndu, ki mangi wo; a wa Yekova arugu aMose na Arona na ni, kina wo i amangi he.
Yangara gberãngbi: Kpio bambata vungu
29Si ki ta du wa gere, bebere yuru Yekova ki imi bambata avungu ringara Ezipeta yo dunduko, tona ti bambata wiri Faro nasunga auru gako mbatabakindo, ki da ti bambata wiri gu zizi boro nga gu ni nadu bambukisa yo, na bambata wiri zogozogo anya dunduko. 30Faro ki guari yuru, ko, na gako amoyambu dunduko, na aEzipeto dunduko; bakere kpe ki ngbiko angbiko Ezipeta yo, bambiko bambu adu nga ho sa boro ahe kpi rogo ho te. 31Ko ki yambu aMose na Arona kina yuru, ki ya fu yo, “Oni gúari ki kuru dagba gimi aboro, oni na awiri aYisaraere; oni ndú ka manga pa Yekova, a wa oni agumba ha. 32Oni rógodi gaoni rimbasa akandoro na gaoni rimbasa abagara, a wa oni agumba ha, oni gá nga; oni fú maku fere a!”
33AEzipeto ki zúngadi aboro, ka kusa yo rogo gayo ringara zaza; bambiko i aya, “Ani nikakpika wa du ani dunduko.” 34Aboro ki rogo gayo kungba kpokuta mbata ka agbooro ata ndu nga rogo ho ya, gayo akurungbu i anafio kpokuta rogo ho, si adu ni vodivodi he na gayo roko auru pagorõyo. 35Awiri aYisaraere ki mangi pai kuti sangba Mose, bambiko i aõ afongo feda be aEzipeto, na afongo dahabu na aremu a. 36Yekova ki mbakadi pa aboro i ngba bangiri aEzipeto, si du i afu agu ahe fu yo ti ni i asana yo tipa ha. I ki gbu ahe be aEzipeto.
Pa guari aYisaraere Ezipeta yo
37Awiri aYisaraere ki ndu, i aguari Ramasese yo ni nduyo wa aboro 600,000, gbia kuti ade na agude ki da ku Sukuta yo. 38Bakere rimbasa kungba aboro ki kuru na yo a, na dungu zogozogo anya, na rimbasa akandoro, na rimbasa abagara. 39I ki zo rukutu akpokuta naadu nga na agbooro ti ni ya, nga ga gu iwo kpokuta i aye na ni Ezipeta yo, bambiko agbooro andu nga rogo ho te, bambiko i akusi yo Ezipeta yo zaza, ka i aima nga ya, ka i ambakada nga gayo riahe tipa yo a ya.
40Were ga awiri aYisaraere raka ku Ezipeta yo adu wa agarã 430. 41Si ki ta du wa gere, ho garã adigi ni 430, ti kina boro gu uru re, ga Yekova arimbasa aborovura ki kuru akura kpakaya rogo ringara Ezipeta. 42Si angia gu yuru Yekova angere ti ni ka kusa yo ringara Ezipeta yo; si du gu yuru re nga yuru tingida pa ngera ti ni fu Yekova, awiri aYisaraere dunduko aka kuti ni kindi dagba arika ngbatungayo.
Rugapai tipa Pumbo Susiri
43Yekova ki ya fu aMose na Arona, “Gere nga gu rugapai nga ga susiri: ka kungba boro niri nga ha ya; 44ono ga aboro akanga dunduko nga agu yo i angbe yo ni marã, ho oni ka yera yo ni, i ki nirí he. 45Ka nungunungu boro watadu gu moyambu namanga sunge tipa mosoro niri nga ha ya. 46Oni arí he tii gu bambu sa; ka oni kúru nga na bete gu pasio re dimo yo ku zegi yo ya; ka oni akíta nga memeru a ya. 47Rimbasa aYisaraere dunduko niká aka kuti ni. 48Ho kungba boro ka ye ni ka sunga ku dagba roni, ni ki kpi nyemu ka manga pa pumbo susiri fu Yekova, i yére akumba dunduko dagba gani aboro, fuo gure ni ki mbedi ki mangi he. Ni ki du wa gu ni i abatika ni rogo ringara. A nga zangayeratise sa nikari he te. 49Rugute dú kina sa fu aboro ringara na fu gu kungba aboro ninasunga ku dagba roni.”
50Wo awiri aYisaraere amang, re; wa Yekova arugu aMose na Arona na ni, kina wo i amangi he. 51Ti kina gu uru re Yekova ki kusi awiri aYisaraere kpakaya ringara Ezipeta yo na gayo arimbasa aboro.
Pa kpara bambata avungu fu Yekova
Currently Selected:
Gate 12: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Gate 12
12
Pa Pumbo Susiri
1Yekova ki ya fu aMose na Arona ringara Ezipeta yo, 2“Gi diwi re adú ni bambata diwi fu roni; u adú ni bambata diwi garã fu roni. 3Mo gúmba pai fu rimbasa aYisaraere dunduko ki ya, ti rame bawe rogo gi diwi re akumba ki rogo wiri akandoro ni ba sa sa, ringbisi he na ga abayo aborokporo, wiri kandoro sa tipa aborokporo sa. 4Si ngia aborokporo ni umba yo tipa wiri kandoro sa, i na gu kurani du rogo kporo pati yo, i ki di gu ru rengbe na ba nge yo. Oni aríngbisa wiri kandoro rengbe na agu aboro ni ba sa sa nikari ru. 5Gaoni wiri kandoro ka zanga serõ, u ka du ni wiri bara nga gu ru du garãru sa; oni adía ru dagba akandoro watadu dagba ameme. 6Oni abánda ra dati kina bawe na biama rame nga ga gi diwi re, gu dungurati nga ga rimbasa aYisaraere dunduko ki imi ra nyemu. 7I aróga bete kurera ki kpe he ti angua pangbadimo ue, na ti gu ngua du ni wagiwagi he ba ri ngbadimo nga ga agu abambu i ka ri ra vuru he yo. 8I ki ri pasiora ni kina gu yuru re, ni zozo ho; i arí ra na gu kpokuta adu nga na agbooro ti ni ya, wa sa na hihii kpepasio. 9Ka oni ri nga pasiora ni iwo ha watadu ni pasipasi he rogo ime a ya, ono ni kina zozo ra, rira wa sa na andura, na rera a. 10Ka oni ahe nga gu yangara pasiora si da ku wiso ya, ono gu yangara pasiora nikanye ku wiso, oni ki zo ho azo. 11Oni arí ra wa gere: oni avó gaoni roko dimoroni na gaoni rakata ku nduroni yo, na gaoni ngau ku be roni; oni ki niri he gburungagburunga. Si nga ga Yekova susiri 12Bambiko mi nikasusa rogo ringara Ezipeta yo ni gu yuru re, ki imi bambata avungu rogo ringara Ezipeta dunduko, aboro na anya a. Mi nikasara ngbanga ga aEzipeto ambori dunduko: Mi nga Yekova. 13Kure adú ni ngbaanga fu roni ti agu abambu du oni rogo ho; ho mi ka bi kure ni, mi asúsa ri roni, gberãngbi ati nga ku ri roni ka imo roni ho mi ka gbarasa ringara Ezipeta ni te.
14“Gi uru re adú ni uru tingida pai fu roni, oni ki ka kuti he ni rago pumbo fu Yekova; oni adíka ha ni rago pumbo fu arika ngbatungaroni, ni rugapai nye anye kindi. 15Oni ari gu kpokuta adu nga na agbooro ti ni ya tipa rame saba. Ti bambata uru oni abáfa agbooro ku sa yo rogo gaoni akporo, bambiko gu ni ka ri gu kpokuta du na agbooro ti ni tona ti bambata uru ki da ti saba ha i akpara ni ti aYisaraere. 16Ti bambata uru kparakpara ziazia dungurati ki nidu fu roni, na ti saba rame kparakpara ziazia dungurati ki nidu a. A nga sunge ho sa boro ka manga rogo agu auru te re; ono kina gu he aboro ka ri he, kina ha ka oni mángi he. 17Oni ki nika kuti gu pumbo nga ga gu kpokuta adu nga na agbooro ti ni ya, bambiko ni gi uru re, mi akusi gaoni arimbasa aboro rogo gu ringara nga ga Ezipeta: si du oni ka aka ti ni kuti gi uru re dagba arika angbatungaroni ni rugapai nye anye kindi. 18Rogo bambata diwi ti bawe na biama rameru ku nyemu, oni ki niri gu kpokuta adu nga na agbooro ti ni ya, ki da ti ue bawe na sa rame diwi ku nyemu. 19Tipa rame saba ka i abí nga agbooro rogo gaoni akporo ya; bambiko ka boro ri gu he du na agbooro ti ni i akpara ni ku sa yo ti rimbasa aYisaraere, ka ni vura du ni kungba boro watadu gu boro i abatika ni rogo gu ringara re vurũ. 20Ka oni ri nga gu he du na agbooro ti ni wa sa ya; rogo agu aba oni ka aráka rogo ho oni ka ri kina gu kpokuta adu nga na agbooro ti ni ya.”
21Mose ki yambu ga aYisaraere abaakumba dunduko ki ya fu yo, “Oni sía awiri akandoro ki rogo ra tipa roni ringbisi ra na gaoni aborokporo, gu ni niimi kina gani ru ni wiri kandoro susiri. 22Oni ki rogo vodivodi ri kpe usopo, ki mogo ho ku rogo gu kure du kurungbu yo, ki kpe he ti gu ngua du ba ri ngabadimo bambu na ti angua pangbadimo ue; a nga boro sa nikakura ti ngbadimo gani bambu mbata fu wiso te. 23Bambiko Yekova asúsa ka imo aEzipeto; ho ko ka nibi kure ni ti ngua ba ri ngbadimo, na ti angua pangbadimo ue, Yekova asúsa ri ngbadimo, ka ko aída nga ha fu bagbarasi aboro ko rimi ku rogo gaoni abambu yo ka imo roni ya. 24Oni aká kuti gi pai re ni rugapai fu roni na fu awironi nye anye kindi. 25Si ki ta du wa gere, ho oni ka ye ni ku rogo gu ringara Yekova ka fu he fu roni, a wa ko akido he, oni aká kuti gi mangapai re kindi. 26Ho awironi ka ni sana roni ni, ki ya, ‘Gini pai gi mangapai re ayugo ho?’ 27Oni aniyá, ‘Si nga gu motumo nga ga ga Yekova susiri, bambiko ko asusi ri ga awiri aYisaraere abambu Ezipeta yo, ho ko aimi aEzipeto ni, ki batasi gaani abambu.’ ” Aboro ki dua riyo ni irisa.
28Awiri aYisaraere ki ndu, ki mangi wo; a wa Yekova arugu aMose na Arona na ni, kina wo i amangi he.
Yangara gberãngbi: Kpio bambata vungu
29Si ki ta du wa gere, bebere yuru Yekova ki imi bambata avungu ringara Ezipeta yo dunduko, tona ti bambata wiri Faro nasunga auru gako mbatabakindo, ki da ti bambata wiri gu zizi boro nga gu ni nadu bambukisa yo, na bambata wiri zogozogo anya dunduko. 30Faro ki guari yuru, ko, na gako amoyambu dunduko, na aEzipeto dunduko; bakere kpe ki ngbiko angbiko Ezipeta yo, bambiko bambu adu nga ho sa boro ahe kpi rogo ho te. 31Ko ki yambu aMose na Arona kina yuru, ki ya fu yo, “Oni gúari ki kuru dagba gimi aboro, oni na awiri aYisaraere; oni ndú ka manga pa Yekova, a wa oni agumba ha. 32Oni rógodi gaoni rimbasa akandoro na gaoni rimbasa abagara, a wa oni agumba ha, oni gá nga; oni fú maku fere a!”
33AEzipeto ki zúngadi aboro, ka kusa yo rogo gayo ringara zaza; bambiko i aya, “Ani nikakpika wa du ani dunduko.” 34Aboro ki rogo gayo kungba kpokuta mbata ka agbooro ata ndu nga rogo ho ya, gayo akurungbu i anafio kpokuta rogo ho, si adu ni vodivodi he na gayo roko auru pagorõyo. 35Awiri aYisaraere ki mangi pai kuti sangba Mose, bambiko i aõ afongo feda be aEzipeto, na afongo dahabu na aremu a. 36Yekova ki mbakadi pa aboro i ngba bangiri aEzipeto, si du i afu agu ahe fu yo ti ni i asana yo tipa ha. I ki gbu ahe be aEzipeto.
Pa guari aYisaraere Ezipeta yo
37Awiri aYisaraere ki ndu, i aguari Ramasese yo ni nduyo wa aboro 600,000, gbia kuti ade na agude ki da ku Sukuta yo. 38Bakere rimbasa kungba aboro ki kuru na yo a, na dungu zogozogo anya, na rimbasa akandoro, na rimbasa abagara. 39I ki zo rukutu akpokuta naadu nga na agbooro ti ni ya, nga ga gu iwo kpokuta i aye na ni Ezipeta yo, bambiko agbooro andu nga rogo ho te, bambiko i akusi yo Ezipeta yo zaza, ka i aima nga ya, ka i ambakada nga gayo riahe tipa yo a ya.
40Were ga awiri aYisaraere raka ku Ezipeta yo adu wa agarã 430. 41Si ki ta du wa gere, ho garã adigi ni 430, ti kina boro gu uru re, ga Yekova arimbasa aborovura ki kuru akura kpakaya rogo ringara Ezipeta. 42Si angia gu yuru Yekova angere ti ni ka kusa yo ringara Ezipeta yo; si du gu yuru re nga yuru tingida pa ngera ti ni fu Yekova, awiri aYisaraere dunduko aka kuti ni kindi dagba arika ngbatungayo.
Rugapai tipa Pumbo Susiri
43Yekova ki ya fu aMose na Arona, “Gere nga gu rugapai nga ga susiri: ka kungba boro niri nga ha ya; 44ono ga aboro akanga dunduko nga agu yo i angbe yo ni marã, ho oni ka yera yo ni, i ki nirí he. 45Ka nungunungu boro watadu gu moyambu namanga sunge tipa mosoro niri nga ha ya. 46Oni arí he tii gu bambu sa; ka oni kúru nga na bete gu pasio re dimo yo ku zegi yo ya; ka oni akíta nga memeru a ya. 47Rimbasa aYisaraere dunduko niká aka kuti ni. 48Ho kungba boro ka ye ni ka sunga ku dagba roni, ni ki kpi nyemu ka manga pa pumbo susiri fu Yekova, i yére akumba dunduko dagba gani aboro, fuo gure ni ki mbedi ki mangi he. Ni ki du wa gu ni i abatika ni rogo ringara. A nga zangayeratise sa nikari he te. 49Rugute dú kina sa fu aboro ringara na fu gu kungba aboro ninasunga ku dagba roni.”
50Wo awiri aYisaraere amang, re; wa Yekova arugu aMose na Arona na ni, kina wo i amangi he. 51Ti kina gu uru re Yekova ki kusi awiri aYisaraere kpakaya ringara Ezipeta yo na gayo arimbasa aboro.
Pa kpara bambata avungu fu Yekova
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.