Daniere 9
9
Ga Daniere kpe tipa gako aboro
1Ti gu bambata garã zogarago nangia ga Darayawesa wiri Asuerose, nga boro Madai, nadu ni bakindo ku ri ngbi nga ga aKasado― 2ti gu bambata garã gako zogarago, mi nga Daniere abi pai akitabu yo tipa gu gedigedi garã nikasusa mbata fu nyasa pa gbarasa Yerusarema, kuti sangba Yekova fu Yeremaya nangia nebi, ya si angia garã 70.
3Mi ki sa kpakpure koyo du Gbia Mbori ni, nigbata ko ni kpe na kpesarawati ni gina riahe ki ukadi mbuzaroko ki nimbedi kuke a. 4Mi akpari fu Yekova gi Mbori, ki kusi ingapai, niya, “Ako Gbia, nga gu bakere Mbori, nga gu iiriwo ko naka kuti pa zungahe na inapai fu agu yo nakpi nyemu ko nika kuti sangbako. 5Ani amangi ingaapai ki nimangi irairapai ki nimangi gbegberẽpai ki sa mungu, ni sa tirani ku bani ti gamo rugaapai na gamo asarangbanga; 6ani adega nga turani fu gamo amoyambu nangia anebi te, nga agu yo naagumba pai na rimoro fu gaani abakindo na fu gaani abazogo, na fu abarani, na fu aboro ringara dunduko. 7Ako Gbia, rurupai du ni gamo, ono tipa rani, kina zee du fu rani, wa du he areme re, fu aboro aYudo, fu araki Yerusarema yo, na fu aYisaraere dunduko agu yo du mbembedi na agu yo du tuturu rogo agu ringara dunduko mo ado yo ku rogo ho, bambiko gutindikai amangi kuti ro. 8Ako Gbia, zee du fu rani, fu gaani abakindo, na fu gaani abazogo, na fu abarani a, bambiko ani mangi ingapai kuti ro. 9Ono inapai du be Gbia nga gaani Mbori na vuboro; bambiko ani sa mungu kuti ko, 10ka ani agia nga sangba Yekova gaani Mbori ni peka gako arugute ya, gu ko afu fu rani ku ngba gako amoyambu nangia anebi. 11AYisaraere dunduko agu auru ga ndika ki sa tiyo ku bani, ki ka pa gia sangbaro. I ba gu motiwa ku ri rani na gu zungahe nga gu du ni keke he rogo ga Mose rugute yo nangia ga Mbori moyambu, bambiko ani mangi ingaapai kuti ko. 12Ko nyakasi gu gako apai, ko agumba ha kuti rani na kuti gaani abazogo nga agu yo nazoga rani, ni ye kere gbigbitapai ku ri rani; bambiko tii ngbangbaturũ no dunduko pai amanga nga wa gu namangi kuti Yerusarema te. 13Wa du he ni keke he rogo ga Mose rugute yo, gi gbigbitapai dunduko re ye ku ri rani ono ani ata zungadi nga Yekova gaani Mbori te, ni sa tirani ti gaani irairaapai ki moi bangirani sa ga rengo a te. 14Si du Yekova ima mbakada gu gbigbitapai re ki ye na ni ku ri rani; bambiko Yekova gaani Mbori du ni ruru ko rogo gu mangaapai dunduko ko amangi, ka ani agia nga fugoko ya. 15Awere, Ako Gbia gaani Mbori, naakusi gamo aboro ringara Ezipeta yo na nyanyaki bero, rimoro ki wo awo, wa du he areme, ani ingi pai, ani mangi gbegberẽpai. 16Ako Gbia, ga zinga na ga ngariangaria zinga sá tihe ku sa yo ti ga bakporo nga Yerusarema, nga ga kparakpara ziazia bagangara, ku sangba ga ruru mangaapai yo dunduko. Bambiko mbiko gaani ingaapai na gu irairaapai nangia ga abarani, Yerusarema sa tihe ni ugbarasarimo na gamo aboro a dagba aboro dunduko kirikiri pati rani. 17Ako gaani Mbori, si du awere mo dége turo sa ga ga moyambu kpe na sa gako akpesarawati. Ako Gbia, mo hási rago ku ri ga kparakpara ba mbiko kina rimoro, nga gu du ni gbarasigbarasi he. 18Ako gi Mbori, mo yé turo ki gi pai; mo zá bangiro ki bi pa gbarasa rani, na gu bakporo i ayambu he ti rimoro; bambiko ani afu nga gaani akpesarawati ku bangiro mbiko gaani rurupai te, ono mbiko ga bakere bainapai. 19Ako Yekova, mo gí he; Ako Yekova, mo vú rani; Ako Yekova, mo dége turo ki mangi pai; ka mo gbísigi nga ragoho ya, mbiko rimoro, Ako gi Mbori, bambiko tipa ga bakporo na tipa gamo aboro i ayambu yo ti rimoro.”
Gumba pai wa nebi ka ringbisa pa agu aposo saba
20Ho mi afura ni nikpari kpe nikusi gi ingapai na ga gimi aboro aYisaraere ingapai, ki moi gi kpesarawati ku bangiri Yekova gi Mbori bambiko gu kparakpara ziazia bagangara nga ga gi Mbori; 21ho mi afura ni rogo kpe yo, gu kumba nangia Gabariere, nga gu ko mi abi ko rogo yuguyuguhe ti bambata ha, ko ki gu kono du mi ni ni ipisa tiko ti saa motumo nga ga nyemu. 22Ko aye ki ya fere, “Ako Daniere, mi ye awere ka fu tatamana foro na rugatinapai. 23Ti tonatona gamo akpesarawati pai akuru, mi ye ka gumba ha foro, bambiko Mbori nakpi nyemu ro gbe; si du mo báki bangiro tipa gu pai ki rugu tiro na pa yuguyuguhe re.
24“I ringbisi aposo 70 tipa gamo aboro na ga kparakpara ziazia bakporo, ka nyasa pa samungu, ka digisa ingapai, ka dada irairapai, ka ye na nyenye rurupai, ka dika pa yuguyuguhe na pa nebi a, na ka mbeda kparakpara ziazia ba ni nzeme. 25Mo ini he ki rugu tiro na ni ya ti rago kura gu pai re nga pa bungia Yerusarema na ka dua ha berewe, tipa pa ye gu mbedimbedi ko, nga bazogo, poso adú saba. Fuo gure i ki dua ha berewe aposo ki du 62, na avurukporo na kanda pati he, ono si adú ti rago fuda. 26Fuo agu aposo 62 re, i adia gu mbedimbedi ko ku sa yo, ka he anye nga fu ko ya. Agu aboro nga ga bazogo yo nga gu ko nikaye, i agbárasa bakporo na kparakpara ba a. Digidaha ayé wa sa na bakere baime nafu, vura ki du dati digidaha a; i ringbisi pa gbarasahe fu he. 27Ko arú nyanyaki ndika na dungu aboro poso ki du sa. Ko aza pa motumo na pa gamahe tipa bebere gu poso. Boro ayé ri kere gbegberẽapai, nga gu ni nikagbarasa ahe, daho ringbisiringbisi digidaha ka manga ni ku ri bagbarasipai.”
Currently Selected:
Daniere 9: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Daniere 9
9
Ga Daniere kpe tipa gako aboro
1Ti gu bambata garã zogarago nangia ga Darayawesa wiri Asuerose, nga boro Madai, nadu ni bakindo ku ri ngbi nga ga aKasado― 2ti gu bambata garã gako zogarago, mi nga Daniere abi pai akitabu yo tipa gu gedigedi garã nikasusa mbata fu nyasa pa gbarasa Yerusarema, kuti sangba Yekova fu Yeremaya nangia nebi, ya si angia garã 70.
3Mi ki sa kpakpure koyo du Gbia Mbori ni, nigbata ko ni kpe na kpesarawati ni gina riahe ki ukadi mbuzaroko ki nimbedi kuke a. 4Mi akpari fu Yekova gi Mbori, ki kusi ingapai, niya, “Ako Gbia, nga gu bakere Mbori, nga gu iiriwo ko naka kuti pa zungahe na inapai fu agu yo nakpi nyemu ko nika kuti sangbako. 5Ani amangi ingaapai ki nimangi irairapai ki nimangi gbegberẽpai ki sa mungu, ni sa tirani ku bani ti gamo rugaapai na gamo asarangbanga; 6ani adega nga turani fu gamo amoyambu nangia anebi te, nga agu yo naagumba pai na rimoro fu gaani abakindo na fu gaani abazogo, na fu abarani, na fu aboro ringara dunduko. 7Ako Gbia, rurupai du ni gamo, ono tipa rani, kina zee du fu rani, wa du he areme re, fu aboro aYudo, fu araki Yerusarema yo, na fu aYisaraere dunduko agu yo du mbembedi na agu yo du tuturu rogo agu ringara dunduko mo ado yo ku rogo ho, bambiko gutindikai amangi kuti ro. 8Ako Gbia, zee du fu rani, fu gaani abakindo, na fu gaani abazogo, na fu abarani a, bambiko ani mangi ingapai kuti ro. 9Ono inapai du be Gbia nga gaani Mbori na vuboro; bambiko ani sa mungu kuti ko, 10ka ani agia nga sangba Yekova gaani Mbori ni peka gako arugute ya, gu ko afu fu rani ku ngba gako amoyambu nangia anebi. 11AYisaraere dunduko agu auru ga ndika ki sa tiyo ku bani, ki ka pa gia sangbaro. I ba gu motiwa ku ri rani na gu zungahe nga gu du ni keke he rogo ga Mose rugute yo nangia ga Mbori moyambu, bambiko ani mangi ingaapai kuti ko. 12Ko nyakasi gu gako apai, ko agumba ha kuti rani na kuti gaani abazogo nga agu yo nazoga rani, ni ye kere gbigbitapai ku ri rani; bambiko tii ngbangbaturũ no dunduko pai amanga nga wa gu namangi kuti Yerusarema te. 13Wa du he ni keke he rogo ga Mose rugute yo, gi gbigbitapai dunduko re ye ku ri rani ono ani ata zungadi nga Yekova gaani Mbori te, ni sa tirani ti gaani irairaapai ki moi bangirani sa ga rengo a te. 14Si du Yekova ima mbakada gu gbigbitapai re ki ye na ni ku ri rani; bambiko Yekova gaani Mbori du ni ruru ko rogo gu mangaapai dunduko ko amangi, ka ani agia nga fugoko ya. 15Awere, Ako Gbia gaani Mbori, naakusi gamo aboro ringara Ezipeta yo na nyanyaki bero, rimoro ki wo awo, wa du he areme, ani ingi pai, ani mangi gbegberẽpai. 16Ako Gbia, ga zinga na ga ngariangaria zinga sá tihe ku sa yo ti ga bakporo nga Yerusarema, nga ga kparakpara ziazia bagangara, ku sangba ga ruru mangaapai yo dunduko. Bambiko mbiko gaani ingaapai na gu irairaapai nangia ga abarani, Yerusarema sa tihe ni ugbarasarimo na gamo aboro a dagba aboro dunduko kirikiri pati rani. 17Ako gaani Mbori, si du awere mo dége turo sa ga ga moyambu kpe na sa gako akpesarawati. Ako Gbia, mo hási rago ku ri ga kparakpara ba mbiko kina rimoro, nga gu du ni gbarasigbarasi he. 18Ako gi Mbori, mo yé turo ki gi pai; mo zá bangiro ki bi pa gbarasa rani, na gu bakporo i ayambu he ti rimoro; bambiko ani afu nga gaani akpesarawati ku bangiro mbiko gaani rurupai te, ono mbiko ga bakere bainapai. 19Ako Yekova, mo gí he; Ako Yekova, mo vú rani; Ako Yekova, mo dége turo ki mangi pai; ka mo gbísigi nga ragoho ya, mbiko rimoro, Ako gi Mbori, bambiko tipa ga bakporo na tipa gamo aboro i ayambu yo ti rimoro.”
Gumba pai wa nebi ka ringbisa pa agu aposo saba
20Ho mi afura ni nikpari kpe nikusi gi ingapai na ga gimi aboro aYisaraere ingapai, ki moi gi kpesarawati ku bangiri Yekova gi Mbori bambiko gu kparakpara ziazia bagangara nga ga gi Mbori; 21ho mi afura ni rogo kpe yo, gu kumba nangia Gabariere, nga gu ko mi abi ko rogo yuguyuguhe ti bambata ha, ko ki gu kono du mi ni ni ipisa tiko ti saa motumo nga ga nyemu. 22Ko aye ki ya fere, “Ako Daniere, mi ye awere ka fu tatamana foro na rugatinapai. 23Ti tonatona gamo akpesarawati pai akuru, mi ye ka gumba ha foro, bambiko Mbori nakpi nyemu ro gbe; si du mo báki bangiro tipa gu pai ki rugu tiro na pa yuguyuguhe re.
24“I ringbisi aposo 70 tipa gamo aboro na ga kparakpara ziazia bakporo, ka nyasa pa samungu, ka digisa ingapai, ka dada irairapai, ka ye na nyenye rurupai, ka dika pa yuguyuguhe na pa nebi a, na ka mbeda kparakpara ziazia ba ni nzeme. 25Mo ini he ki rugu tiro na ni ya ti rago kura gu pai re nga pa bungia Yerusarema na ka dua ha berewe, tipa pa ye gu mbedimbedi ko, nga bazogo, poso adú saba. Fuo gure i ki dua ha berewe aposo ki du 62, na avurukporo na kanda pati he, ono si adú ti rago fuda. 26Fuo agu aposo 62 re, i adia gu mbedimbedi ko ku sa yo, ka he anye nga fu ko ya. Agu aboro nga ga bazogo yo nga gu ko nikaye, i agbárasa bakporo na kparakpara ba a. Digidaha ayé wa sa na bakere baime nafu, vura ki du dati digidaha a; i ringbisi pa gbarasahe fu he. 27Ko arú nyanyaki ndika na dungu aboro poso ki du sa. Ko aza pa motumo na pa gamahe tipa bebere gu poso. Boro ayé ri kere gbegberẽapai, nga gu ni nikagbarasa ahe, daho ringbisiringbisi digidaha ka manga ni ku ri bagbarasipai.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.