Amosa 1
1
Pa sarangbanga ku ri ngbatunga aboro mbembedi na aYisaraere
1Agu apai nga ga Amosa, naadu dagba agu ababanda akandoro naadu Tekoa yo, nga gu pai ko abi tipa pa aYisaraere ti rago Uziya bakindo aYudo na ti rago Yerobama wiri Yoasa, bakindo aYisaraere, garã ue mbata fu bazigizo nazigizo kpotosende. 2Ko ki ya:
“Yekova napaa Siona yo,
ki gumba pai ni fugoko Yerusarema yo;
agu abanambu nga ga ababanda akandoro nakpara ni nunga,
ri bagangara Karumera nauga.”
3Ya Yekova wẽ:
“Tipa samungu bara biata nga ga Damaseke,
na tipa biama a, mi asá nga gaha mbusa te;
bambiko i dekpera Girada
na bakere bande marã nga ga fõahe.
4Si du mi ka keda we ti ni ku ri ga ngbatunga Azaere,
si ki riti gu nyanyaki abaagbata nga ga Benadada.
5Mi akúa ngbongbo kisa gene nga ga Damaseke,
ki bafu araki ringara Ngboongboorago Avena yo ku sa yo,
na gu ni zadi ngau bakindo be aboro Bete-edene;
aboro Suria ki ndu ni zizi yo ku Kira yo,” wo poi Yekova.
6Ya Yekova wẽ:
“Tipa samungu bara biata nga ga Gaza,
na tipa biama a, mi asá nga gaha mbusa te;
bambiko i andu na gu rikaaboro dunduko ni zizi yo
ka kusa yo ku Edome yo.
7Si du mi ka keda we ti ni kuti ngapa bakporo Gaza,
si ki riti gaha nyanyaki abaagbata.
8Mi abáfa araki ringara Asedodo yo ku sa yo,
na gu ni zadi ngau bakindo ringara Asekerone yo;
mi atáã bere kuti Ekurone;
gu yangara yo nga ga aFereseto yo ki kpiki,”
wo poi Yekova MBORI.
9Ya Yekova wẽ:
“Tipa samungu bara biata nga ga Tura,
na tipa biama a, mi asá nga gaha mbusa te;
bambiko i kusi gu rikaaboro dunduko ku Edome yo,
ka i atingida nga pa gu zungahe naadu dagba yo nga ga agume ya.
10Si du mi ka keda we ti ni kuti ngapa bakporo Tura,
si ki riti gaha nyanyaki abaagbata.”
11Ya Yekova wẽ:
“Tipa samungu bara biata nga ga Edome,
na tipa biama a, mi asá nga gako mbusa te;
bambiko ko ado fuo awirinako na basape,
ki ba nunga yo ti ko dunduko ku sa yo,
gako zinga arungudi kindi,
ko ki nika kuti gako dingidingi ngbaduse kindi.
12Si du mi ka keda we ti ni ku ri Temana,
si ki riti gu nyanyaki abaagbata du Bosura yo.”
13Ya Yekova wẽ:
“Tipa samungu bara biata nga ga aAmono,
na tipa biama a, mi asá nga gayo mbusa te;
bambiko i sipi rogo anamobara Girada yo,
ya i kiisi gayo bangbandarago.
14Si du mi ka ginda we ti ni ti ngapa bakporo Raba,
si ki riti gaha nyanyaki abaagbata,
tawawa ki du ti uru sovura,
na bayuge ti rago gugugu bayuge;
15i andú na gayo bakindo ni zizi ko,
ko na gako abazogo wa sa,”
wo poi Yekova.
Currently Selected:
Amosa 1: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Amosa 1
1
Pa sarangbanga ku ri ngbatunga aboro mbembedi na aYisaraere
1Agu apai nga ga Amosa, naadu dagba agu ababanda akandoro naadu Tekoa yo, nga gu pai ko abi tipa pa aYisaraere ti rago Uziya bakindo aYudo na ti rago Yerobama wiri Yoasa, bakindo aYisaraere, garã ue mbata fu bazigizo nazigizo kpotosende. 2Ko ki ya:
“Yekova napaa Siona yo,
ki gumba pai ni fugoko Yerusarema yo;
agu abanambu nga ga ababanda akandoro nakpara ni nunga,
ri bagangara Karumera nauga.”
3Ya Yekova wẽ:
“Tipa samungu bara biata nga ga Damaseke,
na tipa biama a, mi asá nga gaha mbusa te;
bambiko i dekpera Girada
na bakere bande marã nga ga fõahe.
4Si du mi ka keda we ti ni ku ri ga ngbatunga Azaere,
si ki riti gu nyanyaki abaagbata nga ga Benadada.
5Mi akúa ngbongbo kisa gene nga ga Damaseke,
ki bafu araki ringara Ngboongboorago Avena yo ku sa yo,
na gu ni zadi ngau bakindo be aboro Bete-edene;
aboro Suria ki ndu ni zizi yo ku Kira yo,” wo poi Yekova.
6Ya Yekova wẽ:
“Tipa samungu bara biata nga ga Gaza,
na tipa biama a, mi asá nga gaha mbusa te;
bambiko i andu na gu rikaaboro dunduko ni zizi yo
ka kusa yo ku Edome yo.
7Si du mi ka keda we ti ni kuti ngapa bakporo Gaza,
si ki riti gaha nyanyaki abaagbata.
8Mi abáfa araki ringara Asedodo yo ku sa yo,
na gu ni zadi ngau bakindo ringara Asekerone yo;
mi atáã bere kuti Ekurone;
gu yangara yo nga ga aFereseto yo ki kpiki,”
wo poi Yekova MBORI.
9Ya Yekova wẽ:
“Tipa samungu bara biata nga ga Tura,
na tipa biama a, mi asá nga gaha mbusa te;
bambiko i kusi gu rikaaboro dunduko ku Edome yo,
ka i atingida nga pa gu zungahe naadu dagba yo nga ga agume ya.
10Si du mi ka keda we ti ni kuti ngapa bakporo Tura,
si ki riti gaha nyanyaki abaagbata.”
11Ya Yekova wẽ:
“Tipa samungu bara biata nga ga Edome,
na tipa biama a, mi asá nga gako mbusa te;
bambiko ko ado fuo awirinako na basape,
ki ba nunga yo ti ko dunduko ku sa yo,
gako zinga arungudi kindi,
ko ki nika kuti gako dingidingi ngbaduse kindi.
12Si du mi ka keda we ti ni ku ri Temana,
si ki riti gu nyanyaki abaagbata du Bosura yo.”
13Ya Yekova wẽ:
“Tipa samungu bara biata nga ga aAmono,
na tipa biama a, mi asá nga gayo mbusa te;
bambiko i sipi rogo anamobara Girada yo,
ya i kiisi gayo bangbandarago.
14Si du mi ka ginda we ti ni ti ngapa bakporo Raba,
si ki riti gaha nyanyaki abaagbata,
tawawa ki du ti uru sovura,
na bayuge ti rago gugugu bayuge;
15i andú na gayo bakindo ni zizi ko,
ko na gako abazogo wa sa,”
wo poi Yekova.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.