Amokedi 25
25
Pauro aya ko akpára fu Kaisara
1Were Feseto ki ye ku rogo gu ringara re, fuo ra ko biata ko ki guari Kaisaria yo ki ndu ku Yerusarema yo. 2Abairamotumo na ga aYudo abaakumba i ki gumba pai fu ko kuti Pauro; i ki kpari fu ko, 3ki ya fu ko, ko kédi sunge fuo Pauro ni inapai ko ye ku Yerusarema yo. I ki berẽ pa ru nguru gene yo ka imo ko. 4Ono Feseto ki karaga ha ki ya, i nabanda Pauro Kaisaria yo, ya ko nikaga koyo tigako mbembedi. 5Ko ki ya. “Agu yo rengbe na ni dagba roni yo ani ndu na yo, si ngia irairapai du ti gu kumba re, i ki gumba pai kuti ko.”
6Ho ko araki dagba yo ni, wa rame muambi watadu bawe, ko ki ndu ku Kaisaria yo; rago ki ya giri ko ki sungu auru mbata sapangbanga, ki ya i ye na Pauro. 7Ho ko aye ni, agu aYudo na ye Yerusarema yo i ki ru kirikiri pati ko, ki gumba dungu gbegberẽapai kuti ko, ka i ayugo nga ya si ni rengo te. 8Pauro ki gumba ha tigako, ya, “Mi ainga nga kuti aYudo na yekaru, na Kaisara wa sa te.” 9Feseto, bambiko ko akpi nyemu ka ngba na aYudo, ko ki karaga ha fu Pauro ki ya, “Mo andú ku Yerusarema yo i ki sapu ngbanga agi apai re barangba re yo?” 10Ono Pauro ki ya, “Mi naru barangba ga Kaisara mbata sapangbanga, ngba sapa yo ngbanea re angba erẽ. Mi amanga nga gbegberẽpai fu aYudo wa sa te, wa ini mo ho wenengaĩ. 11Ka mi adu ni iragbegberẽapai tie ki mangi gu pai rengbe na kpi mi, mi aka nga na kpi mi te: ono si ngia agi apai agi aboro nakita ngbanga re ti ni re si adu nga ni rengo wa sa te, ka boro fu nga re fu yo wa sa te. Mi nakpara fu Kaisara.” 12Feseto, ho ko agumba pai ni na abororondo tie, ko ki karaga ha, ki ya, “Mo nikpari fu Kaisara; mo andú koyo du Kaisara ni.”
Pauro barangba Aguripa na Berunike
13Were fuo susa rame. Aguripa nangia bakindo ki da Kaisaria yo na Berunike, i ki sanango Feseto. 14Wa i asungu yo kuti dungu rame, Feseto ki moi ga Pauro ngbanga ku barangba bakindo, ki ya, “Kumba kina erẽ Ferika ahe ko ni Kisikisi ko. 15Ho mi adu ni Yerusarema yo, ga aYudo abairamotumo na abaakumba ki gumba pai fere tipa ko, nisana re mi sapu ngbanga ko. 16Mi ki karaga ha fu yo, ya, sino aRomo nga fu boro te, kina gu ni i nakita ngbanga ni ka ru barangba akitingbangani, ni ki gumba pai tigani kuti gu pai i agumba ha kuti ni. 17Were ho i atiria kono ni, mi asunga nga te, ono rago ki ya giri mi ki sungu auru mbata sapangbanga, ki ya i ye na gu kumba re. 18Ho aktingbangako aru ni ku ari, i agumba nga pa gbegberẽapai kuti ko wa mi aberẽ he te. 19Ono pai adu ngbayo kuti ko tipa gayo dini, na tipa kumba sa nga Yesu, naakpi, Pauro niya ko ni ungako. 20Bambiko mi aina nga pa sana he tipa agi apai te re, mi ki sana Pauro si ngia ko andu ku Yerusarema yo, i sapu agi apai re yo. 21Ono ho Pauro akpari ni ya i ka kuti ko daho Auguseto ka sapa ha ni, mi ki ya i ka kuti ko daho mi ka keda ko ni Koyo du Kaisara ni.” 22Aguripa ki ya fu Feseto, “Mi nakpi nyemu ka gia pa gi kumba re tigimi a.” Ko ki ya, “Gba mo ka gia pako.”
23Were rago ki ya giri, ho aAguripa aye ni na Berunike na bakere rimbasa, ki rimi ku bambugiapai yo, na abairarivura, na abaakumba bakporo, i ki ye na Pauro wa Feseto agumba. 24Feseto ki ya, “Aguripa, bakindo, na agu aboro du erẽ na ani du nduko, oni bi gi kumba re, nga gu ko rimbasa aYudo asana re tipa ko dunduko. Yerusarema yo na erẽ a, nipoi ku ari, ki ya, ka ko nye nga ni ungako kindi ya. 25Ono mi abi nga gu pai ko amangi rengbe na kpi ko te; na wa ko akpari fu Auguseto, mi ki ya mi akeda ko koyo du ko ni. 26Pai ngbare ka mi ke he tipa ko fu gi gbia te. Si du ye mi na ko ti ni ku barangba roni, na ku barangba ro a, Aguripa, bakindo, oni wísigi gako pai, mi ki ini gu pai mi ka ke he. 27Bambiko keda kisikisi boro ka i agumba nga gu pai i nagumba kuti ni ya, si bangire ni mungo.”
Currently Selected:
Amokedi 25: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Amokedi 25
25
Pauro aya ko akpára fu Kaisara
1Were Feseto ki ye ku rogo gu ringara re, fuo ra ko biata ko ki guari Kaisaria yo ki ndu ku Yerusarema yo. 2Abairamotumo na ga aYudo abaakumba i ki gumba pai fu ko kuti Pauro; i ki kpari fu ko, 3ki ya fu ko, ko kédi sunge fuo Pauro ni inapai ko ye ku Yerusarema yo. I ki berẽ pa ru nguru gene yo ka imo ko. 4Ono Feseto ki karaga ha ki ya, i nabanda Pauro Kaisaria yo, ya ko nikaga koyo tigako mbembedi. 5Ko ki ya. “Agu yo rengbe na ni dagba roni yo ani ndu na yo, si ngia irairapai du ti gu kumba re, i ki gumba pai kuti ko.”
6Ho ko araki dagba yo ni, wa rame muambi watadu bawe, ko ki ndu ku Kaisaria yo; rago ki ya giri ko ki sungu auru mbata sapangbanga, ki ya i ye na Pauro. 7Ho ko aye ni, agu aYudo na ye Yerusarema yo i ki ru kirikiri pati ko, ki gumba dungu gbegberẽapai kuti ko, ka i ayugo nga ya si ni rengo te. 8Pauro ki gumba ha tigako, ya, “Mi ainga nga kuti aYudo na yekaru, na Kaisara wa sa te.” 9Feseto, bambiko ko akpi nyemu ka ngba na aYudo, ko ki karaga ha fu Pauro ki ya, “Mo andú ku Yerusarema yo i ki sapu ngbanga agi apai re barangba re yo?” 10Ono Pauro ki ya, “Mi naru barangba ga Kaisara mbata sapangbanga, ngba sapa yo ngbanea re angba erẽ. Mi amanga nga gbegberẽpai fu aYudo wa sa te, wa ini mo ho wenengaĩ. 11Ka mi adu ni iragbegberẽapai tie ki mangi gu pai rengbe na kpi mi, mi aka nga na kpi mi te: ono si ngia agi apai agi aboro nakita ngbanga re ti ni re si adu nga ni rengo wa sa te, ka boro fu nga re fu yo wa sa te. Mi nakpara fu Kaisara.” 12Feseto, ho ko agumba pai ni na abororondo tie, ko ki karaga ha, ki ya, “Mo nikpari fu Kaisara; mo andú koyo du Kaisara ni.”
Pauro barangba Aguripa na Berunike
13Were fuo susa rame. Aguripa nangia bakindo ki da Kaisaria yo na Berunike, i ki sanango Feseto. 14Wa i asungu yo kuti dungu rame, Feseto ki moi ga Pauro ngbanga ku barangba bakindo, ki ya, “Kumba kina erẽ Ferika ahe ko ni Kisikisi ko. 15Ho mi adu ni Yerusarema yo, ga aYudo abairamotumo na abaakumba ki gumba pai fere tipa ko, nisana re mi sapu ngbanga ko. 16Mi ki karaga ha fu yo, ya, sino aRomo nga fu boro te, kina gu ni i nakita ngbanga ni ka ru barangba akitingbangani, ni ki gumba pai tigani kuti gu pai i agumba ha kuti ni. 17Were ho i atiria kono ni, mi asunga nga te, ono rago ki ya giri mi ki sungu auru mbata sapangbanga, ki ya i ye na gu kumba re. 18Ho aktingbangako aru ni ku ari, i agumba nga pa gbegberẽapai kuti ko wa mi aberẽ he te. 19Ono pai adu ngbayo kuti ko tipa gayo dini, na tipa kumba sa nga Yesu, naakpi, Pauro niya ko ni ungako. 20Bambiko mi aina nga pa sana he tipa agi apai te re, mi ki sana Pauro si ngia ko andu ku Yerusarema yo, i sapu agi apai re yo. 21Ono ho Pauro akpari ni ya i ka kuti ko daho Auguseto ka sapa ha ni, mi ki ya i ka kuti ko daho mi ka keda ko ni Koyo du Kaisara ni.” 22Aguripa ki ya fu Feseto, “Mi nakpi nyemu ka gia pa gi kumba re tigimi a.” Ko ki ya, “Gba mo ka gia pako.”
23Were rago ki ya giri, ho aAguripa aye ni na Berunike na bakere rimbasa, ki rimi ku bambugiapai yo, na abairarivura, na abaakumba bakporo, i ki ye na Pauro wa Feseto agumba. 24Feseto ki ya, “Aguripa, bakindo, na agu aboro du erẽ na ani du nduko, oni bi gi kumba re, nga gu ko rimbasa aYudo asana re tipa ko dunduko. Yerusarema yo na erẽ a, nipoi ku ari, ki ya, ka ko nye nga ni ungako kindi ya. 25Ono mi abi nga gu pai ko amangi rengbe na kpi ko te; na wa ko akpari fu Auguseto, mi ki ya mi akeda ko koyo du ko ni. 26Pai ngbare ka mi ke he tipa ko fu gi gbia te. Si du ye mi na ko ti ni ku barangba roni, na ku barangba ro a, Aguripa, bakindo, oni wísigi gako pai, mi ki ini gu pai mi ka ke he. 27Bambiko keda kisikisi boro ka i agumba nga gu pai i nagumba kuti ni ya, si bangire ni mungo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.