Amokedi 16
16
Timoteo andu na Pauro na Sira
1Pauro ki ye ku Derube yo a na Rusetura yo; were, gu bawiriki ki du yo, rimoko angia Timoteo, wiri de Yudo naidi pase; ono bako nangia Giriki. 2Gi ko re agu awirina nadu Rusetura yo na Ikonio yo i agumba ruru pai kuti ko. 3Ko, pauro akpi nyemu i ndu na ko; ko ki di ko ki yere ko mbiko agu aYudo nadu rogo agu arago re; bambiko i aini dunduko ya bako nga Giriki. 4Wa i andu gayo nunguro rogo abaakporo yo, i ki fu agu andika fu akanisa i ka kuti ni, gu amokedi na abaakumba arú he nadu Yerusarema yo. 5Were akanisa ki nyaki rogo idapase yo, ki nge ange na uru.
Pauro abi yuguyugupai tipa noro Makedonia
6I ki ta ata rogo ringara aPumgia yo na Garatia yo. Ziazia Toro aza yo tipa gumba ga Mbori pai Asia yo. 7Ho i aye ni ku pati Musia yo, i ki asadi ndu ku Bitunia yo ka ga Yesu Toro aida nga ha fu yo ya; 8i ki susi Musia, ki ye ku Turoa yo. 9Pauro ki bi yuguyugupai yuru; kumba Makedonia yo niru nikpari fu ko niya, Oni si ku Makedonia no ki unda rani. 10Ho ko abi yuguyugupai ni, ani ki asadi ndu ku Makedonia yo ni ba sa, niya tigaani ya Mbori ayambu rani ani tungusi wene pangbanga fu yo yo.
Rudia aidi pa Yesu
11Si du ani aguari Turoa yo ti ni rogo kurungba yo, ki ndu nzunzu ku Samoturake yo, rago ya giri ani ki ndu ku Neapori yo. 12Ani ki guari yo ki ndu ku Firipoi yo, nga bakporo Makedonia yo, bakumba ha nadu rogo gu rago re, si adu ni ga aRomo kporo. Ani ki raki ngbutuko rogo gi bakporo yo re. 13Rago sabiti ani ki kuru ngbadimo ku zegi yo ti ngba di yo, ani aberẽ ya yo du bakpe ni; ani ki sungu sande ki gumba pai fu agu ade natiria. 14De ki gi parani sa; rimori angia Rudia, ri anabaga ngungungu remu, ri aye rogo gu bakporo yo nga Tuntira, ri anairisa Mbori. Gbia ki za kpotori yo, ri di agu apai Pauro agumba ku gume. 15Ho i abapatizi ri ni, na gari aboro kporo, ri ki kpari fu rani, niya, “Ka oni bere ya mi ka kuti Gbia ni rengo, oni ye ku kpure yo, ki nye yo.” Ri ki zúngadi rani.
Babanda bambukisa aidi pa Yesu Firipoi yo
16Pai ki da, wa ani andu ku bakpe yo, ya paranga de agbia rani, ri adu na gu toro nagumba pai, ri afu bakere ũkumuko fu abairari be gari sangba atoro. 17Ri ata peka rani na Pauro nipoi ku ari, niya, “Agi aboro re i nga amoyambu fu Mbori du ni Bahe, natungusa pa bata fu rani.” 18Ri ki mangi gere ti dungu rame. Ono si afudi Pauro afuda gbe ko ki sa tiko ki ya fu toro, “Mi rugu ro ni rimo Yesu Kristo mo gúari ti ri.” U ki guari ni gu rago re.
19Ono ho abairari abi he ni ya gu pai i ka kumuko be he si go, i ki moi beyo ti aPauro na Sira, ki gbefe yo ku bangbeahe yo ku barangba abazogo. 20Ho i aye ni na yo koyo du abasapungbanga ni, i ki ya, “Agi aboro re nga aYudo, i nafuda aboro rogo gaani bakporo bakere gbe, 21ki yugu agu asino aru nga dia ani he ki mangi he nga aRomo ya.” 22Rimbasa ki mongo guari kuti yo: abasapungbanga ki siri gayo remu ti yo, ki ya i taki yo ni angbangbaki. 23Ho i amoi dungu amandoro ni ti yo, i ki ta ba yo ku bambukisa yo nirugu babandaha ko banda yo gbe. 24Wa i arugu ko were, ko ki turã yo ku rogo gu vuru bambukisa du ku dimo yo ki kisi nduyo nyanyaki ni angboro.
25Ono ho si adu ni wa ka bebere yuru da aPauro na Sira i anikpari nibi aimina fu Mbori, kisikisi aboro ki nidege tuyo fuo yo. 26Rure bakere bazigizo ki du wa si azigizo mburu bambukisa azigizo; angbadimo ki za aza dũ ni ba sa; agu ahe i avodi aboro na ni si ki zaki azaka ti yo dũ. 27Babanda bambukisa ki zingi be rame ki bi angbadimo bambukisa ni zaza ha, ko ki mo gako gbanga sape, ki niye ka imo tiko, niberẽ ya kisikisi aboro merẽ. 28Ono Pauro apoi ku ari niya, “Ka mo imi nga tiro ya; bambiko ani erẽ dunduko.” 29Babanda ki yambu ne na we, ki ti ku dimo yo, ki ti sande barangba aPauro na Sira, nikio akio be gunde, 30ki kusi yo, ki ya, “Abaira, gine mi ka manga nga ka bata?” 31I ki ya, “Mo ídi pa Gbia Yesu, mo ki bati, oni na gamo aboro kporo.” 32I ki gumba pa Gbia fu ko, na fu agu yo naau ti gako bambu yo dũ. 33Ko ki rogo yo ni kina gu rago re yuru, ki zundu gayo amandoro; i ki bapatizi ko, ko na gako aboro dunduko, ni ba sa. 34Ko ki rogo yo ku tii gako bambu yo, ki moi riahe barangba yo, rago ki ngba angba ti ko na gako aboro kporo dú, wa i naidi pa Mbori.
35Ono ho rago agiri ni, abasapungbanga ki nikedi abaira aparanga, niya, “I kúsi agu akumba re.” 36Babanda bambukisa ki pe gi pai re fu Pauro, ki ya, “Abasapungbanga nikedi sunge i kusi roni; awere oni kúru mbiko ho, ki ndu zezeredi.” 37Ono Pauro ki ya fu yo, “I ataki rani ku bangiri aboro, ka i asapa nga ngbanga rani ya, ani nga aRomo, i ki ba rani ku bambukisa vo; i nikaba rani ku sa yo awere ni rondo? Oó wa sa te! Ono i yé tigayo ki kusi rani.” 38Abaira aparanga ki nipeke agi apai re fu abasapungbanga; i ki nigunde agunde, ho i agi he ni ya aRomo nga yo. 39I ki ye ki zungadi yo; ho i akusi yo ni, i ki kpari fu yo i guari bakporo yo. 40I ki kuru bambukisa yo, ki rimi ku rogo ga Rudia bambu yo; ho i abi awirina ni, i ki ngarasi yo, ki guari.
Currently Selected:
Amokedi 16: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Amokedi 16
16
Timoteo andu na Pauro na Sira
1Pauro ki ye ku Derube yo a na Rusetura yo; were, gu bawiriki ki du yo, rimoko angia Timoteo, wiri de Yudo naidi pase; ono bako nangia Giriki. 2Gi ko re agu awirina nadu Rusetura yo na Ikonio yo i agumba ruru pai kuti ko. 3Ko, pauro akpi nyemu i ndu na ko; ko ki di ko ki yere ko mbiko agu aYudo nadu rogo agu arago re; bambiko i aini dunduko ya bako nga Giriki. 4Wa i andu gayo nunguro rogo abaakporo yo, i ki fu agu andika fu akanisa i ka kuti ni, gu amokedi na abaakumba arú he nadu Yerusarema yo. 5Were akanisa ki nyaki rogo idapase yo, ki nge ange na uru.
Pauro abi yuguyugupai tipa noro Makedonia
6I ki ta ata rogo ringara aPumgia yo na Garatia yo. Ziazia Toro aza yo tipa gumba ga Mbori pai Asia yo. 7Ho i aye ni ku pati Musia yo, i ki asadi ndu ku Bitunia yo ka ga Yesu Toro aida nga ha fu yo ya; 8i ki susi Musia, ki ye ku Turoa yo. 9Pauro ki bi yuguyugupai yuru; kumba Makedonia yo niru nikpari fu ko niya, Oni si ku Makedonia no ki unda rani. 10Ho ko abi yuguyugupai ni, ani ki asadi ndu ku Makedonia yo ni ba sa, niya tigaani ya Mbori ayambu rani ani tungusi wene pangbanga fu yo yo.
Rudia aidi pa Yesu
11Si du ani aguari Turoa yo ti ni rogo kurungba yo, ki ndu nzunzu ku Samoturake yo, rago ya giri ani ki ndu ku Neapori yo. 12Ani ki guari yo ki ndu ku Firipoi yo, nga bakporo Makedonia yo, bakumba ha nadu rogo gu rago re, si adu ni ga aRomo kporo. Ani ki raki ngbutuko rogo gi bakporo yo re. 13Rago sabiti ani ki kuru ngbadimo ku zegi yo ti ngba di yo, ani aberẽ ya yo du bakpe ni; ani ki sungu sande ki gumba pai fu agu ade natiria. 14De ki gi parani sa; rimori angia Rudia, ri anabaga ngungungu remu, ri aye rogo gu bakporo yo nga Tuntira, ri anairisa Mbori. Gbia ki za kpotori yo, ri di agu apai Pauro agumba ku gume. 15Ho i abapatizi ri ni, na gari aboro kporo, ri ki kpari fu rani, niya, “Ka oni bere ya mi ka kuti Gbia ni rengo, oni ye ku kpure yo, ki nye yo.” Ri ki zúngadi rani.
Babanda bambukisa aidi pa Yesu Firipoi yo
16Pai ki da, wa ani andu ku bakpe yo, ya paranga de agbia rani, ri adu na gu toro nagumba pai, ri afu bakere ũkumuko fu abairari be gari sangba atoro. 17Ri ata peka rani na Pauro nipoi ku ari, niya, “Agi aboro re i nga amoyambu fu Mbori du ni Bahe, natungusa pa bata fu rani.” 18Ri ki mangi gere ti dungu rame. Ono si afudi Pauro afuda gbe ko ki sa tiko ki ya fu toro, “Mi rugu ro ni rimo Yesu Kristo mo gúari ti ri.” U ki guari ni gu rago re.
19Ono ho abairari abi he ni ya gu pai i ka kumuko be he si go, i ki moi beyo ti aPauro na Sira, ki gbefe yo ku bangbeahe yo ku barangba abazogo. 20Ho i aye ni na yo koyo du abasapungbanga ni, i ki ya, “Agi aboro re nga aYudo, i nafuda aboro rogo gaani bakporo bakere gbe, 21ki yugu agu asino aru nga dia ani he ki mangi he nga aRomo ya.” 22Rimbasa ki mongo guari kuti yo: abasapungbanga ki siri gayo remu ti yo, ki ya i taki yo ni angbangbaki. 23Ho i amoi dungu amandoro ni ti yo, i ki ta ba yo ku bambukisa yo nirugu babandaha ko banda yo gbe. 24Wa i arugu ko were, ko ki turã yo ku rogo gu vuru bambukisa du ku dimo yo ki kisi nduyo nyanyaki ni angboro.
25Ono ho si adu ni wa ka bebere yuru da aPauro na Sira i anikpari nibi aimina fu Mbori, kisikisi aboro ki nidege tuyo fuo yo. 26Rure bakere bazigizo ki du wa si azigizo mburu bambukisa azigizo; angbadimo ki za aza dũ ni ba sa; agu ahe i avodi aboro na ni si ki zaki azaka ti yo dũ. 27Babanda bambukisa ki zingi be rame ki bi angbadimo bambukisa ni zaza ha, ko ki mo gako gbanga sape, ki niye ka imo tiko, niberẽ ya kisikisi aboro merẽ. 28Ono Pauro apoi ku ari niya, “Ka mo imi nga tiro ya; bambiko ani erẽ dunduko.” 29Babanda ki yambu ne na we, ki ti ku dimo yo, ki ti sande barangba aPauro na Sira, nikio akio be gunde, 30ki kusi yo, ki ya, “Abaira, gine mi ka manga nga ka bata?” 31I ki ya, “Mo ídi pa Gbia Yesu, mo ki bati, oni na gamo aboro kporo.” 32I ki gumba pa Gbia fu ko, na fu agu yo naau ti gako bambu yo dũ. 33Ko ki rogo yo ni kina gu rago re yuru, ki zundu gayo amandoro; i ki bapatizi ko, ko na gako aboro dunduko, ni ba sa. 34Ko ki rogo yo ku tii gako bambu yo, ki moi riahe barangba yo, rago ki ngba angba ti ko na gako aboro kporo dú, wa i naidi pa Mbori.
35Ono ho rago agiri ni, abasapungbanga ki nikedi abaira aparanga, niya, “I kúsi agu akumba re.” 36Babanda bambukisa ki pe gi pai re fu Pauro, ki ya, “Abasapungbanga nikedi sunge i kusi roni; awere oni kúru mbiko ho, ki ndu zezeredi.” 37Ono Pauro ki ya fu yo, “I ataki rani ku bangiri aboro, ka i asapa nga ngbanga rani ya, ani nga aRomo, i ki ba rani ku bambukisa vo; i nikaba rani ku sa yo awere ni rondo? Oó wa sa te! Ono i yé tigayo ki kusi rani.” 38Abaira aparanga ki nipeke agi apai re fu abasapungbanga; i ki nigunde agunde, ho i agi he ni ya aRomo nga yo. 39I ki ye ki zungadi yo; ho i akusi yo ni, i ki kpari fu yo i guari bakporo yo. 40I ki kuru bambukisa yo, ki rimi ku rogo ga Rudia bambu yo; ho i abi awirina ni, i ki ngarasi yo, ki guari.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.