Amokedi 13
13
Kpara aBarunaba na Saura sa sunge
1Were anebi adu Andiokia yo rogo gu kanisa nadu yo na abayugupai, nangia aBarunaba na gu Simona i aniya ti ko Nigera, na Rukio nangia boro Kurene, na Manae gu ko i ambu ti yo na Erode nangia bazogo, a Saura. 2Wa i amanga pa Gbia nigina riahe, Ziazia Toro ki ya, “Oni kpára aBarunaba fere na Saura sa gu sunge yambu mi yo sa ni.” 3Ho i agina riahe ni tie ki kpari, ki moi beyo ri yo, i ki kedi yo.
Amokedi Kupurio yo
4Were Ziazia Toro akedi yo, si du i andu ti ni ku Sereukia yo; i ki guari yo ki ga ri ime ku Kupurio yo. 5Ho i adu ni Sarami yo, i ki nitungusi ga Mbori pai rogo ga aYudo abambutiria yo. Yoane adu fuo yo a ni gayo moyambu. 6Ho i ata ni rogo kisanga dunduko ku Papo yo, i ki bi irasoroka nangia kungba nebi, Yudo, rimoko angia Bara-Yesu; 7ko adu na gbiakporo, Serugio Pauro, nangia babipai. Serugio Pauro ayambu aBarunaba na Saura koyo du ko ni nikpi nyemu gia ga Mbori pai. 8Ono Eruma nangia irasoroka (bambiko ka i sa rimoko si du wo), ko ki niti kangu ati na yo, nikpi kina nyemu nyaga gbiakporo ti idapase. 9Ono Saura, i aniya ti ko Pauro, nahi be Ziazia Toro, ko ki dua bangiriko ti ko, 10ki ya, “Ako mo gbérẽ be biriki dũ na gbegberẽpai dunduko, nga wiri bakitingbanga, nga vura ruruapai dunduko, mo ambu nga irasi gu agene nga ga Gbia te? 11Mo ngére, awere be Gbia ti ro, mo nikadu adu ni iravurari, ka mo abi nga uru ya dati kina ragoho.” Ndura ki ye sa ko na bitimo ni ba sa; ko ki nitataraga nigbata aboro i zi beko mbata vo fu ko. 12Gbiakporo, ho ko abi gu pai ni namangi re ko ki idi pase tie, niiriwo gu yugopai nga ga Gbia ti ko.
APauro na Barunaba ku Andiokia yo Pisidia yo
13Were aPauro ki guari Papo yo kurungba yo na gako aboro, ki ye ku Peruga vo ku Pamburia yo. Yoane ki guari pati yo ki karaga tiko ku Yerusarema yo. 14I ki susi Peruga yo tigayo, ki ye ku Andiokia yo ku Pisidia yo; i ki rimi ku bambutiria yo rago sabiti, ki sungu. 15Fuo geda rugute na ga anebi pai abaira bambutiria ki kedi sunge koyo du yo ni ki ya, “Awirina, si ngia pai ngbaroni ka ngarasi aboro, oni peke he.” 16Pauro ki ru ku ari, ki za yo ni beko ki ya.
“Aboro aYisaraere, na agu roni nagunde ti Mbori, oni gi he. 17Mbori agi aboro nga aYisaraere re nasia abarani, ki kusi aboro ho i aima ni ku Ezipeta yo, ko Ki kusi yo yo ni nyanyaki beko. 18Ko ahi gayo pai ngbakungba yo ragoho ki du wa ka garã du 40. 19Ho ko agbarasi rika aboro ni saba, rogo gu ringara nga Kanana, ko ki fuku gayo ringara fu yo ni ukumbo, garãha ki du wa ka si du 450. 20Fuo agi apai re ko ki nifu abasapungbanga afu fu yo dati kina Samuere, nebi. 21Fuo gere i ki sana he tipa bakindo. Mbori ki fu Saura fu yo nangia wiri Kisi, ngbatunga Benyamina, garãko ki du na ni 40. 22Ho ko adi ko ni, ko ki moi Dawidi fu yo ni gayo bakindo; ko ko agumba pa ko a ni dezire, ki ya, ‘Mi bi Dawidi wiri Yisai, du kpotoko yo wa gu mi akpi nyemu he, ko amánga gu pai amanga dunduko wa mi akpi nyemu he a.’ 23Dagba tunga gi kumba yo re, fu Mbori Batasi fu aYisaraere ni, nga vesu, wa ko akido yo; 24ho Yoane aima tungusa pa bapatiza saberã ni fu aboro Yisaraere dunduko mbata fu ye ko. 25Wa Yoane amanga gako sunge, ko ki ya, ‘Ya oni da nga mi? Mi nga ko te. Oni ngére gu boro naye fuo re gu rakata du nduni yo mi are nga na zaka ha te.’
26“Awirina, awiri ngbatunga Abarayama, na agu yo du dagba roni nagunde ti Mbori, kedi yo pa gi bata re fu rani. 27Bambiko agu yo du Yerusarema yo, na abazogoyo, bambiko i aina nga ko te, na pa agu anebi i anageda na sabiti a te, i ki digisi he nisara ngbanga ko. 28Ka i avura bi nga gu pai kuti ko vuru rengbe na kpi ko ya, i asana Pirato asana i imi ko. 29Ho i adigisi agu apai ni dunduko i ake tipa ko, i ki zogo ko ngua yo ki pigi ko ku murã yo. 30Ono Mbori azingisi ko azingisa be kpio dagba akangba yo. 31Agu yo naye Gariraya yo ku Yerusarema yo na ko i ki nibi ko abi ti dungu rame, i du ni adezireko fu aboro awere. 32Ani ye na wene pangbanga gu kidohe i akido abarani na ni fu roni, 33wa digisi Mbori he fu awirani, nizingisa Yesu; wa du he ni keke he ti ue tambuahe a,
‘Mo nga Wire,
vungu mi ro areme.’
34Gi pai re ko agumba tipa zingisa ko dagba akangba yo, awere ko akaraga nga tiko sa zirã berewe te, ki ya,
‘mi afú gu ziazia ndikidi pai nga ga Dawidi foro.’
35Mbiko ya ko a rogo kura tambuahe yo,
‘Mo ahe nga ga Ziazia Ko ko bi zirã te.’
36Kango Dawidi akpí akpi fuo manga ko ga Mbori pai dagba rikayo yo, i ki pigi ko pati abako, ko ki zirĩ. 37Ono gu ko Mbori azingisi ko ko azirã nga te. 38Oni ini aina ti ni awirina, ya, i natungusa pa gbandaka ingaapai mbiko kina gi kumba re. 39Agu yo dunduko idi pa ko i sapu ngbanga fu yo ti apai dunduko mbiko ko, gu ka i asapa nga ngbanga fu roni ti ni mbiko ga Mose rugute te. 40Oni bánda tironi abanda tie gu pai ka da ti roni anebi agumba pa ha; ya.
41‘Oni nga apayasipai, oni ngére, si ki iriwo airiwo ti roni oni ki kpiki;
bambiko mi namanga pai ti gaoni arago,
nga gu pai ka oni aida nga pa ha wa sa ya, ka i vura gumba ha fu roni vurũ.’ ”
42Wa i akura, i ki kpari ya i tungusi agi apaia tungusa re fu yo ti kura sabiti. 43Were ho rimbasa agbataka ni bambutiria yo, dungu aYudo na agu aboro naida pa ga aYudo yugopai i ki nipeke aPauro na Barunaba. I ki ta gumba pai fu yo, nisigira yo i ka kuti ga Mbori undahe.
44Kura sabiti ki ya da aboro ki mbedi ka dungura tiyo adungura dunduko rogo bakporo ka gia ga Mbori pai. 45Ono ho aYudo abi rimbasa ni, i ki nikpi Pauro akpi ki niti kangu agu apai ati ko agumba, ki nisapu ku riko. 46APauro ki gumba pai agumba zukazuka na Barunaba ki ya, “Oni ka i gumba ga Mbori pai fu roni mbata. Ono kina gu oni naba ha aba ti roni ki nisapu ngbanga roni ni tironi ya oni are nga na nyenye unga te, oni ngére, si du ani ka sa tirani ti ni fu aGendiria. 47Bambiko Gbia agumba ha wo fu rani, ki ya,
‘Mi moi ro ni imarago fu aGendiria,
mo du adu ni bata dati kina digida sende yo.’ ”
48Ho aGendiria agi gi ni re rago ki ningba angba ti yo, i ki taasi ga Mbori pai; agu yo i aima ringbisa yo sa nyenye unga i ki idi pa ha. 49Ga Gbia pai ki gbataka agbataka rogo gu rago dunduko re. 50AYudo ki zina he fu ruru bakumba ade, na abakumba bakporo, i ki enge rungosi aPauro na Barunaba ki do yo dagba yo. 51I ki zanzia nvutu ti nduyo kuti yo, i ki ye ku Ikonio yo. 52Abawiriki ki hi be ngbarago na Ziazia Toro.
Currently Selected:
Amokedi 13: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Amokedi 13
13
Kpara aBarunaba na Saura sa sunge
1Were anebi adu Andiokia yo rogo gu kanisa nadu yo na abayugupai, nangia aBarunaba na gu Simona i aniya ti ko Nigera, na Rukio nangia boro Kurene, na Manae gu ko i ambu ti yo na Erode nangia bazogo, a Saura. 2Wa i amanga pa Gbia nigina riahe, Ziazia Toro ki ya, “Oni kpára aBarunaba fere na Saura sa gu sunge yambu mi yo sa ni.” 3Ho i agina riahe ni tie ki kpari, ki moi beyo ri yo, i ki kedi yo.
Amokedi Kupurio yo
4Were Ziazia Toro akedi yo, si du i andu ti ni ku Sereukia yo; i ki guari yo ki ga ri ime ku Kupurio yo. 5Ho i adu ni Sarami yo, i ki nitungusi ga Mbori pai rogo ga aYudo abambutiria yo. Yoane adu fuo yo a ni gayo moyambu. 6Ho i ata ni rogo kisanga dunduko ku Papo yo, i ki bi irasoroka nangia kungba nebi, Yudo, rimoko angia Bara-Yesu; 7ko adu na gbiakporo, Serugio Pauro, nangia babipai. Serugio Pauro ayambu aBarunaba na Saura koyo du ko ni nikpi nyemu gia ga Mbori pai. 8Ono Eruma nangia irasoroka (bambiko ka i sa rimoko si du wo), ko ki niti kangu ati na yo, nikpi kina nyemu nyaga gbiakporo ti idapase. 9Ono Saura, i aniya ti ko Pauro, nahi be Ziazia Toro, ko ki dua bangiriko ti ko, 10ki ya, “Ako mo gbérẽ be biriki dũ na gbegberẽpai dunduko, nga wiri bakitingbanga, nga vura ruruapai dunduko, mo ambu nga irasi gu agene nga ga Gbia te? 11Mo ngére, awere be Gbia ti ro, mo nikadu adu ni iravurari, ka mo abi nga uru ya dati kina ragoho.” Ndura ki ye sa ko na bitimo ni ba sa; ko ki nitataraga nigbata aboro i zi beko mbata vo fu ko. 12Gbiakporo, ho ko abi gu pai ni namangi re ko ki idi pase tie, niiriwo gu yugopai nga ga Gbia ti ko.
APauro na Barunaba ku Andiokia yo Pisidia yo
13Were aPauro ki guari Papo yo kurungba yo na gako aboro, ki ye ku Peruga vo ku Pamburia yo. Yoane ki guari pati yo ki karaga tiko ku Yerusarema yo. 14I ki susi Peruga yo tigayo, ki ye ku Andiokia yo ku Pisidia yo; i ki rimi ku bambutiria yo rago sabiti, ki sungu. 15Fuo geda rugute na ga anebi pai abaira bambutiria ki kedi sunge koyo du yo ni ki ya, “Awirina, si ngia pai ngbaroni ka ngarasi aboro, oni peke he.” 16Pauro ki ru ku ari, ki za yo ni beko ki ya.
“Aboro aYisaraere, na agu roni nagunde ti Mbori, oni gi he. 17Mbori agi aboro nga aYisaraere re nasia abarani, ki kusi aboro ho i aima ni ku Ezipeta yo, ko Ki kusi yo yo ni nyanyaki beko. 18Ko ahi gayo pai ngbakungba yo ragoho ki du wa ka garã du 40. 19Ho ko agbarasi rika aboro ni saba, rogo gu ringara nga Kanana, ko ki fuku gayo ringara fu yo ni ukumbo, garãha ki du wa ka si du 450. 20Fuo agi apai re ko ki nifu abasapungbanga afu fu yo dati kina Samuere, nebi. 21Fuo gere i ki sana he tipa bakindo. Mbori ki fu Saura fu yo nangia wiri Kisi, ngbatunga Benyamina, garãko ki du na ni 40. 22Ho ko adi ko ni, ko ki moi Dawidi fu yo ni gayo bakindo; ko ko agumba pa ko a ni dezire, ki ya, ‘Mi bi Dawidi wiri Yisai, du kpotoko yo wa gu mi akpi nyemu he, ko amánga gu pai amanga dunduko wa mi akpi nyemu he a.’ 23Dagba tunga gi kumba yo re, fu Mbori Batasi fu aYisaraere ni, nga vesu, wa ko akido yo; 24ho Yoane aima tungusa pa bapatiza saberã ni fu aboro Yisaraere dunduko mbata fu ye ko. 25Wa Yoane amanga gako sunge, ko ki ya, ‘Ya oni da nga mi? Mi nga ko te. Oni ngére gu boro naye fuo re gu rakata du nduni yo mi are nga na zaka ha te.’
26“Awirina, awiri ngbatunga Abarayama, na agu yo du dagba roni nagunde ti Mbori, kedi yo pa gi bata re fu rani. 27Bambiko agu yo du Yerusarema yo, na abazogoyo, bambiko i aina nga ko te, na pa agu anebi i anageda na sabiti a te, i ki digisi he nisara ngbanga ko. 28Ka i avura bi nga gu pai kuti ko vuru rengbe na kpi ko ya, i asana Pirato asana i imi ko. 29Ho i adigisi agu apai ni dunduko i ake tipa ko, i ki zogo ko ngua yo ki pigi ko ku murã yo. 30Ono Mbori azingisi ko azingisa be kpio dagba akangba yo. 31Agu yo naye Gariraya yo ku Yerusarema yo na ko i ki nibi ko abi ti dungu rame, i du ni adezireko fu aboro awere. 32Ani ye na wene pangbanga gu kidohe i akido abarani na ni fu roni, 33wa digisi Mbori he fu awirani, nizingisa Yesu; wa du he ni keke he ti ue tambuahe a,
‘Mo nga Wire,
vungu mi ro areme.’
34Gi pai re ko agumba tipa zingisa ko dagba akangba yo, awere ko akaraga nga tiko sa zirã berewe te, ki ya,
‘mi afú gu ziazia ndikidi pai nga ga Dawidi foro.’
35Mbiko ya ko a rogo kura tambuahe yo,
‘Mo ahe nga ga Ziazia Ko ko bi zirã te.’
36Kango Dawidi akpí akpi fuo manga ko ga Mbori pai dagba rikayo yo, i ki pigi ko pati abako, ko ki zirĩ. 37Ono gu ko Mbori azingisi ko ko azirã nga te. 38Oni ini aina ti ni awirina, ya, i natungusa pa gbandaka ingaapai mbiko kina gi kumba re. 39Agu yo dunduko idi pa ko i sapu ngbanga fu yo ti apai dunduko mbiko ko, gu ka i asapa nga ngbanga fu roni ti ni mbiko ga Mose rugute te. 40Oni bánda tironi abanda tie gu pai ka da ti roni anebi agumba pa ha; ya.
41‘Oni nga apayasipai, oni ngére, si ki iriwo airiwo ti roni oni ki kpiki;
bambiko mi namanga pai ti gaoni arago,
nga gu pai ka oni aida nga pa ha wa sa ya, ka i vura gumba ha fu roni vurũ.’ ”
42Wa i akura, i ki kpari ya i tungusi agi apaia tungusa re fu yo ti kura sabiti. 43Were ho rimbasa agbataka ni bambutiria yo, dungu aYudo na agu aboro naida pa ga aYudo yugopai i ki nipeke aPauro na Barunaba. I ki ta gumba pai fu yo, nisigira yo i ka kuti ga Mbori undahe.
44Kura sabiti ki ya da aboro ki mbedi ka dungura tiyo adungura dunduko rogo bakporo ka gia ga Mbori pai. 45Ono ho aYudo abi rimbasa ni, i ki nikpi Pauro akpi ki niti kangu agu apai ati ko agumba, ki nisapu ku riko. 46APauro ki gumba pai agumba zukazuka na Barunaba ki ya, “Oni ka i gumba ga Mbori pai fu roni mbata. Ono kina gu oni naba ha aba ti roni ki nisapu ngbanga roni ni tironi ya oni are nga na nyenye unga te, oni ngére, si du ani ka sa tirani ti ni fu aGendiria. 47Bambiko Gbia agumba ha wo fu rani, ki ya,
‘Mi moi ro ni imarago fu aGendiria,
mo du adu ni bata dati kina digida sende yo.’ ”
48Ho aGendiria agi gi ni re rago ki ningba angba ti yo, i ki taasi ga Mbori pai; agu yo i aima ringbisa yo sa nyenye unga i ki idi pa ha. 49Ga Gbia pai ki gbataka agbataka rogo gu rago dunduko re. 50AYudo ki zina he fu ruru bakumba ade, na abakumba bakporo, i ki enge rungosi aPauro na Barunaba ki do yo dagba yo. 51I ki zanzia nvutu ti nduyo kuti yo, i ki ye ku Ikonio yo. 52Abawiriki ki hi be ngbarago na Ziazia Toro.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.