2 AKorindo 5
5
1Bambiko ani ini ya ka i gbandaka gi bambu sende re nga bororani, ani na duadua ha be rani yo du Mbori ni, nga gu bambu i adua nga ha ni be ya, nye anye, rogo angbangbaturũ yo. 2Bambiko ani nauko rogo gere ni rengo, nikpi nyemu gu nga i ukadi rani ni gu gaani banye naye yo du ngbangbaturũ ni, 3ka si du wa ani du ni ukadiukadi rani i abi nga rani ni kundiri rani te. 4Bambiko agu rani du rogo gi boro re ani nauko, wa du ani na tindiro; a nga mbiko ani nakpi nyemu i uru he ti rani te, ono ani nakpi nyemu i ukadi rani ku auru he, ya gu nga kpikpi he du ni mbirimbiri he be unga. 5Were gu ko namangi rani tipa kina gi pai re nga Mbori, nafu gu ngbaanga fu rani nga Toro.
6Ani du tie ngangarã wenengaĩ dedede, niini he ya, wa du ani kina ho rogo borose, ani ku sa yo ti Gbia 7mbiko ani naata rogo idapase rogo bipai te. 8Ani du ngangarã wenengaĩ, ki nikpi nyemu du ku sa yo ti borose ka du kina ho du Gbia ni. 9Si du ani nadua bangirani ti ni ti ngba na ko nzunzu, watadu du ani kina zegino na ku sa yo. 10Mbiko ani ka du ni yuguyugu rani dunduko barangba gu mbata sapangbanga nga ga Kristo; ya aboro ni ha sa sa i rogo agu apai i amangi he rogo borose yo kperekese, rengbe na gu ni amangi he, watadu wene he na gbegberẽ he.
Asia pa zeresapai fu aidipase
11Wa ini ani pa gunde ti Gbia tie, ani nazungadi aboro. Mbori ini rani wenengaĩ, mi ki moi bangire ya oni ini re ngbaduroni yo a wo. 12Ani ambakada nga rimorani berewe fu roni te, ono ani nagumba ha ka fu gu pai fu roni ka oni taasi rimorani ti ni, ya oni du na gu pai ka oni karaga ha fu agu yo nataasa kina ngbanya boro, ku ngbaduni yo te. 13Bambiko watadu du ani na nzanga, si fu Mbori, na du ani na gaani aberã zaa, si fu roni. 14Mbiko nyemu Kristo nasoda rani; bambiko ani naya wẽ, boro sa akpi tipa yo dunduko, si du i akpiki tie ti ni dunduko; 15ko akpi tipa yo dunduko, ya agu yo du ni ungayo ka i du nga ni ungayo fu tiyo ya, ono fu gu ko nakpi tipa yo ki zingi berewe.
16Wa du he were ani aberã nga pa boro wa du pa borose berewe fuo gere te: wa ani avura berã pa Kristo ni borose, awere ani aberã nga pa ko wo berewe te. 17Wa du he were si ngia gu boro du rogo Kristo yo, i sa ni ni vovo ni; kuru apai susi ku sa yo; mo ngére; si sa tihe ni vovo ho. 18Ono agu apai re naye yo du Mbori ni dunduko nga gu ko nazeresi rani kuti ko rogo Kristo yo, ki asia pa gu mangapase fu rani nga zeresapai; 19nga, ya Mbori adu rogo Kristo yo nizeresi aboro zegino kuti ko, ka ko ageda nga gayo tiandika kuti yo ya, ko naasia pa zeresapai fu rani. 20Ani nga amokedi tie ku ba Kristo, wa ka Mbori azungadi he ku ngbarani. Ani nazungadi roni ku ba Kristo, oni zéresi tironi fu Mbori. 21Gu ko naina nga ingapai ya, Mbori asa ko ni ingapai tipa rani; ya ani ye ka du ni gu rurupai nga ga Mbori rogo ko yo.
Currently Selected:
2 AKorindo 5: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
2 AKorindo 5
5
1Bambiko ani ini ya ka i gbandaka gi bambu sende re nga bororani, ani na duadua ha be rani yo du Mbori ni, nga gu bambu i adua nga ha ni be ya, nye anye, rogo angbangbaturũ yo. 2Bambiko ani nauko rogo gere ni rengo, nikpi nyemu gu nga i ukadi rani ni gu gaani banye naye yo du ngbangbaturũ ni, 3ka si du wa ani du ni ukadiukadi rani i abi nga rani ni kundiri rani te. 4Bambiko agu rani du rogo gi boro re ani nauko, wa du ani na tindiro; a nga mbiko ani nakpi nyemu i uru he ti rani te, ono ani nakpi nyemu i ukadi rani ku auru he, ya gu nga kpikpi he du ni mbirimbiri he be unga. 5Were gu ko namangi rani tipa kina gi pai re nga Mbori, nafu gu ngbaanga fu rani nga Toro.
6Ani du tie ngangarã wenengaĩ dedede, niini he ya, wa du ani kina ho rogo borose, ani ku sa yo ti Gbia 7mbiko ani naata rogo idapase rogo bipai te. 8Ani du ngangarã wenengaĩ, ki nikpi nyemu du ku sa yo ti borose ka du kina ho du Gbia ni. 9Si du ani nadua bangirani ti ni ti ngba na ko nzunzu, watadu du ani kina zegino na ku sa yo. 10Mbiko ani ka du ni yuguyugu rani dunduko barangba gu mbata sapangbanga nga ga Kristo; ya aboro ni ha sa sa i rogo agu apai i amangi he rogo borose yo kperekese, rengbe na gu ni amangi he, watadu wene he na gbegberẽ he.
Asia pa zeresapai fu aidipase
11Wa ini ani pa gunde ti Gbia tie, ani nazungadi aboro. Mbori ini rani wenengaĩ, mi ki moi bangire ya oni ini re ngbaduroni yo a wo. 12Ani ambakada nga rimorani berewe fu roni te, ono ani nagumba ha ka fu gu pai fu roni ka oni taasi rimorani ti ni, ya oni du na gu pai ka oni karaga ha fu agu yo nataasa kina ngbanya boro, ku ngbaduni yo te. 13Bambiko watadu du ani na nzanga, si fu Mbori, na du ani na gaani aberã zaa, si fu roni. 14Mbiko nyemu Kristo nasoda rani; bambiko ani naya wẽ, boro sa akpi tipa yo dunduko, si du i akpiki tie ti ni dunduko; 15ko akpi tipa yo dunduko, ya agu yo du ni ungayo ka i du nga ni ungayo fu tiyo ya, ono fu gu ko nakpi tipa yo ki zingi berewe.
16Wa du he were ani aberã nga pa boro wa du pa borose berewe fuo gere te: wa ani avura berã pa Kristo ni borose, awere ani aberã nga pa ko wo berewe te. 17Wa du he were si ngia gu boro du rogo Kristo yo, i sa ni ni vovo ni; kuru apai susi ku sa yo; mo ngére; si sa tihe ni vovo ho. 18Ono agu apai re naye yo du Mbori ni dunduko nga gu ko nazeresi rani kuti ko rogo Kristo yo, ki asia pa gu mangapase fu rani nga zeresapai; 19nga, ya Mbori adu rogo Kristo yo nizeresi aboro zegino kuti ko, ka ko ageda nga gayo tiandika kuti yo ya, ko naasia pa zeresapai fu rani. 20Ani nga amokedi tie ku ba Kristo, wa ka Mbori azungadi he ku ngbarani. Ani nazungadi roni ku ba Kristo, oni zéresi tironi fu Mbori. 21Gu ko naina nga ingapai ya, Mbori asa ko ni ingapai tipa rani; ya ani ye ka du ni gu rurupai nga ga Mbori rogo ko yo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.