1 AKorindo 10
10
Pa ne irisa kpiahe
1Bambiko, awirina, mi akpi nga nyemu oni zanga ina ha ya abarani adu dunduko tii dubo yo, ki susi rogo baime yo a dunduko te. 2I ki bapatizi yo fu Mose dunduko rogo dubo yo na baime. 3I ki riki ga Toro riahe wa du yo dunduko; 4ki nimbiri ga Toro mbirimbiri he wa du yo dunduko. Bambiko i ambimbiri he be gu mbia nga ga Toro napeke fuo yo. Gu mbia nangia Kristo re. 5Ono agu yo ni dungu yo angba nga ti Mbori te, si du i akpiki ti ni ngbakungba yo.
6Were agi apai re si adu ni kpia pai fu rani, ya ka nyemu gbegberẽapai mangi nga rani wa nyemuhe amangi yo a ya. 7Ka oni dú nga ni airisikpiahe, wa bete yo adu ya; wa du he ni keke he, Aboro ki sungu ka ri riahe ki nimbiri he, i ki guari ka ngi mbaro. 8Ka ani mángi nga pa bari wa bete yo amangi ya, ki tiwi atiwa 23,000 ni gu rago sa. 9Ka ani ásadi nga Gbia, wa bete yo aasadi ko, ki kpiki akpika be awo ya. 10Ka oni gúmba nga rimo, wa bete yo agumba rimo, ki kpiki akpika be bagbarasi yo ya. 11Were agi apai amangi yo ni kpia pai; si ki du ni keke he tipa za rani, nga agu yo ye digida rago ku auru yo. 12Wa du he were, gu ni naberã ha ya ni ru, ni bánda tini, ni ka ti. 13A nga asada ye sa roni te, kina gu ka boro hi he ahi. Ono Mbori du ni irarengo, ko aida nga i asadi roni susi gu ka oni rengbe na ni te; ono rago asada ko ambakada gene kura be he a, ya oni rengbe ka hi he.
14Wa du he were, amangure, oni óro be irisa kpiahe. 15Mi nagumba ha wa fu airatatamana; oni wísigi gu pai gumba mi. 16Gu inga maku ani nafu tambuahe tipa ha, a nga gu ngbanya nga ga kure Kristo te? Gu kpokuta ani nakuadi, a nga gu ngbanya nga ga boro Kristo te? 17Bambiko ani wa du ani ngenge ani wa kpokuta sa, boro sa, bambiko ani namongo rogo gu kpokuta du sa. 18Oni ngére aYisaraere wa du pa borose, agu yo ninarika amotumo, gu ngbanya nga ga bamotumo si nga gayo te? 19Gumba mi he wãi tie? ya gu he i natumo na ni fu kpiaahe nga he, na kpiahe nga he? 20Ono ya mi, agu ahe aGendiria natumo na ni, i natumo na ni fu adaimona, fu Mbori te. Ono mi akpi nga nyemu ngbanya du dagba roni na adaimona te. 21Ka oni mbiri nga he ti ngba gu inga nga ga Gbia, na gu inga nga ga adaimona te, ka oni dí nga he ti gu mbisa nga ga Gbia, na gu mbisa nga ga adaimona ya. 22Watadu ani nawo ti Gbia sa de ringo? Omerani susi gako?
Manga apai dunduko sa taasa rimo Mbori
23Agu yo naya “Ru apai aru dunduko;” ono apai angba nga tipa rani dunduko te. “Ru apai aru dunduko;” ono apai nanyakasa nga boro dunduko te. 24Ka boro gbáta nga gani he ya, ono gu ngba fu kurani 25Gu he bagi yo bangbepasio yo, oni ri he, ka oni asana nga he tipa saka pa ha kpoto roni yo ya; 26bambiko “kpotosende nga ga Gbia, na agu ahe du rogo ho dunduko.” 27Ka gu ni yambu ro ku pati pumbo adu nga ni idipase ya mo ki nikpi nyemu ka ndu; gu he i ka maa barangba ro mo ri he, ka mo asana nga he tipa ha ka saka ha kpotoro yo ya. 28Ono ka gu boro ya foro, “I nitumo na gere ni motumo,” ka mo rí nga ha ya, mbiko gu ko nayugu he, na mbiko sangba kpoto yo a, 29ya mi, sangba kpoto yo, nga gamo te―ono ga gu kura ni. Bambiko tipagine i ka saka pa gi raniri mbiko gu sangba kpoto yo nga ga gu ni? 30Ka mi di he ni tambuahe, tipagine i nagumba gbegberẽpai ti rimore ti gu he fu mi tambuahe tipa ha ti ni?
31Watadu ri he tie, na mbira he, na gu pai oni ka manga ha dunduko, oni mángi he dunduko sa taasa rimo Mbori. 32Ka oni moi nga ũ kota fu boro ya, watadu fu aYudo, na fu aGiriki, na fu ga Mbori kanisa, 33a wa mi nangba a na aboro dũ ti apai dú ka mi agbata nga gu pai ka ngba fere ya, ono gu ka ngba fu dungu aboro, i bati abata.
Currently Selected:
1 AKorindo 10: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
1 AKorindo 10
10
Pa ne irisa kpiahe
1Bambiko, awirina, mi akpi nga nyemu oni zanga ina ha ya abarani adu dunduko tii dubo yo, ki susi rogo baime yo a dunduko te. 2I ki bapatizi yo fu Mose dunduko rogo dubo yo na baime. 3I ki riki ga Toro riahe wa du yo dunduko; 4ki nimbiri ga Toro mbirimbiri he wa du yo dunduko. Bambiko i ambimbiri he be gu mbia nga ga Toro napeke fuo yo. Gu mbia nangia Kristo re. 5Ono agu yo ni dungu yo angba nga ti Mbori te, si du i akpiki ti ni ngbakungba yo.
6Were agi apai re si adu ni kpia pai fu rani, ya ka nyemu gbegberẽapai mangi nga rani wa nyemuhe amangi yo a ya. 7Ka oni dú nga ni airisikpiahe, wa bete yo adu ya; wa du he ni keke he, Aboro ki sungu ka ri riahe ki nimbiri he, i ki guari ka ngi mbaro. 8Ka ani mángi nga pa bari wa bete yo amangi ya, ki tiwi atiwa 23,000 ni gu rago sa. 9Ka ani ásadi nga Gbia, wa bete yo aasadi ko, ki kpiki akpika be awo ya. 10Ka oni gúmba nga rimo, wa bete yo agumba rimo, ki kpiki akpika be bagbarasi yo ya. 11Were agi apai amangi yo ni kpia pai; si ki du ni keke he tipa za rani, nga agu yo ye digida rago ku auru yo. 12Wa du he were, gu ni naberã ha ya ni ru, ni bánda tini, ni ka ti. 13A nga asada ye sa roni te, kina gu ka boro hi he ahi. Ono Mbori du ni irarengo, ko aida nga i asadi roni susi gu ka oni rengbe na ni te; ono rago asada ko ambakada gene kura be he a, ya oni rengbe ka hi he.
14Wa du he were, amangure, oni óro be irisa kpiahe. 15Mi nagumba ha wa fu airatatamana; oni wísigi gu pai gumba mi. 16Gu inga maku ani nafu tambuahe tipa ha, a nga gu ngbanya nga ga kure Kristo te? Gu kpokuta ani nakuadi, a nga gu ngbanya nga ga boro Kristo te? 17Bambiko ani wa du ani ngenge ani wa kpokuta sa, boro sa, bambiko ani namongo rogo gu kpokuta du sa. 18Oni ngére aYisaraere wa du pa borose, agu yo ninarika amotumo, gu ngbanya nga ga bamotumo si nga gayo te? 19Gumba mi he wãi tie? ya gu he i natumo na ni fu kpiaahe nga he, na kpiahe nga he? 20Ono ya mi, agu ahe aGendiria natumo na ni, i natumo na ni fu adaimona, fu Mbori te. Ono mi akpi nga nyemu ngbanya du dagba roni na adaimona te. 21Ka oni mbiri nga he ti ngba gu inga nga ga Gbia, na gu inga nga ga adaimona te, ka oni dí nga he ti gu mbisa nga ga Gbia, na gu mbisa nga ga adaimona ya. 22Watadu ani nawo ti Gbia sa de ringo? Omerani susi gako?
Manga apai dunduko sa taasa rimo Mbori
23Agu yo naya “Ru apai aru dunduko;” ono apai angba nga tipa rani dunduko te. “Ru apai aru dunduko;” ono apai nanyakasa nga boro dunduko te. 24Ka boro gbáta nga gani he ya, ono gu ngba fu kurani 25Gu he bagi yo bangbepasio yo, oni ri he, ka oni asana nga he tipa saka pa ha kpoto roni yo ya; 26bambiko “kpotosende nga ga Gbia, na agu ahe du rogo ho dunduko.” 27Ka gu ni yambu ro ku pati pumbo adu nga ni idipase ya mo ki nikpi nyemu ka ndu; gu he i ka maa barangba ro mo ri he, ka mo asana nga he tipa ha ka saka ha kpotoro yo ya. 28Ono ka gu boro ya foro, “I nitumo na gere ni motumo,” ka mo rí nga ha ya, mbiko gu ko nayugu he, na mbiko sangba kpoto yo a, 29ya mi, sangba kpoto yo, nga gamo te―ono ga gu kura ni. Bambiko tipagine i ka saka pa gi raniri mbiko gu sangba kpoto yo nga ga gu ni? 30Ka mi di he ni tambuahe, tipagine i nagumba gbegberẽpai ti rimore ti gu he fu mi tambuahe tipa ha ti ni?
31Watadu ri he tie, na mbira he, na gu pai oni ka manga ha dunduko, oni mángi he dunduko sa taasa rimo Mbori. 32Ka oni moi nga ũ kota fu boro ya, watadu fu aYudo, na fu aGiriki, na fu ga Mbori kanisa, 33a wa mi nangba a na aboro dũ ti apai dú ka mi agbata nga gu pai ka ngba fere ya, ono gu ka ngba fu dungu aboro, i bati abata.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.