Zaburi 96
96
Mungu mufalme na mwamuzi
(1 Sik 16.23-33)
1Mumwimbie Yawe wimbo mupya!
Mumwimbie Yawe, ninyi ulimwengu wote!
2Mumwimbie Yawe na kusifu jina lake.
Mutangaze kila siku matendo yake ya wokovu.
3Muyatangazie mataifa utukufu wake,
muwaambie watu wote matendo yake ya ajabu.
4Maana Yawe ni mukubwa, anasifiwa sana;
anastahili kuheshimiwa kuliko miungu yote.
5Miungu ya mataifa si kitu;
lakini Yawe ndiye aliyeumba mbingu.
6Heshima na sifa vinamuzunguka;
nguvu na uzuri vinajaza hekalu lake.
7Mumupe Yawe heshima, enyi watu wa kila namna;
mutangaze utukufu na nguvu yake. #Ang. Zab 29.1-2
8Mumupe Yawe utukufu wa jina lake.
Mulete sadaka na kuingia katika viwanja vya hekalu lake.
9Mumwabudu Yawe katika pahali pake patakatifu#96.9 pahali pake patakatifu: au: kwa nguo za ibada; au: anapotokea.;
tetemeka mbele yake, ee dunia nzima!
10Muyaambie mataifa: “Yawe anatawala!
Ameuweka ulimwengu imara, hautatikisika.
Atahukumu mataifa kama vile inavyofaa.”
11Mufurahi, enyi mbingu na dunia!
Bahari ivume pamoja na vyote vinavyokuwa ndani yake!
12Mufurahi, enyi mbuga na vyote vinavyokuwa ndani yenu!
Halafu miti yote ya pori itaimba kwa furaha,
13mbele ya Yawe
kwa sababu anakuja.
Anakuja kuhukumu dunia.
Atahukumu dunia kwa haki,
na mataifa kwa uaminifu wake.
Currently Selected:
Zaburi 96: SWC02
Highlight
Copy
Compare
Share
Want to have your highlights saved across all your devices? Sign up or sign in
Bible in Swahili Congo © Bible Society of the Democratic Republic of Congo (DRC), 2002.