Ndo Nyanga Dɛ Mɔ 2
2
1Na mɛ ni, Gale dɛa li nza do nùi do omɛnɔ vɛ kɛ ma ngɔ nɛ ni, nɛ ma ia. 2Nɛ ma nɛa we hɔ tɛ sambo tũi, nɛ nde Gale dɛa mɛnɔ vɛ ia, nɛ a kpe tɛ a olo dɛa toe 'da a. 3Nɛ a wele nu a tɛ kɔ tũi kɛ sambo ni, nɛ a e ma do tũ 'da a, we duzu kɛ do kɔ tũi ni, a kpia zi tɛ a olo tonɔ vɛ a dɛa ni. 4Tɛlɛ tɛ kɛ Gale dɛa li nza do nùi gɛ a ni.
Fɔ Edɛnɛ
'Da fala kɛ NWA Gale dɛa li nza do nùi, 5nɛ nde wɔkɔsɔ zi ngɔ nù gɛ kpo bina, nɛ kpalɛ tɛ hɔ zi 'bɔ gɔ. Mba gɔ, a tɛ tombo zi kolo na, ma tɛ gɔ. Nɛ wele zi 'bɔ ngɔ nù nga na, a wa fɔ bina. 6Nɛ nde mɛ ma 'bɔ zi nùi, mɛ tati a lì kɛ ma yolo ti nùi, nɛ ma kũ dɛ nza nga ni iko.
7Nɛ NWA Gale kɔtɔ nù, nɛ a 'bo ma, nɛ a dɛ ma do wele. Nɛ a ufu bũ kpasi dɛ kɔ zɔ a, nɛ wele ma ngɔ ɔmɔ nɛ.
8'Do ki ni, nɛ NWA Gale mi fɔ ngɔ nù Edɛnɛ, kɛ ma si 'biti gba wese ni, nɛ a e wi wili a dɛa a ni kɔ fɔɛ ni. 9Nɛ Gale dɛa na, ote tɛ ɛ do tɛ ɛ ma hɔ di ni. Otenɔ ni ma de zi wena, nɛ owala nɛ ma ɛfɛ zi ndirr. Nɛ nde dɛ gbogbo fɔɛ ni, a mi te kɛ ma hã kpasi, nɛ a mi 'bɔ te kɛ ma hã hã zã we ĩ ti gɔnɔ sanga de mɔ do 'dã mɔ ni.
10Zu gba lì zi ngɔ nù Edɛnɛ, nɛ lì ni ma fo do kɔ fɔɛ, takɔ ma 'bɔ nùi. Kɔ ma nɛa we hɔ nza kɔ fɔɛ ni, nɛ ma gɔnɔ sanga tɛ ngba ɛ do gba kɔ̃ nɛ nalɛ. 11Gba kɔ̃ lì kɛ dati, li nɛ a Pisoni. Lì ni ma fua, nɛ ma zĩ nù Havila. Nù Havila ni ma do mɔ mbali boe. 12Mɔ hɔ ngɔ nùi ni, nɛ mɔ kpa mɔ mbali kɛ 'dɔlɔ nɛ kɔ nɛ bina ni. Nɛ mɔ kpa 'bɔ dia nɔ yɔmbɛ kɛ wa sa li nɛ na bɛdɛliumɛ, do ota olo gã gole kɛ li nɛ a kɔrnalinɛ. 13Gba kɔ lì kɛ bɔa, li nɛ a Guhoni. Lì ni ma fua, nɛ ma zĩ nù Kusi. 14Gba kɔ̃ lì kɛ talɛ, li nɛ a Tigrɛ, ma fua do nu le Asurɛ si 'biti gba wese. Nɛ tala gba kɔ̃ lì kɛ nalɛ, li nɛ a Efratɛ.
15NWA Gale ba wi wili a dɛa a ni, nɛ a e a kɔ fɔ Edɛnɛ i na, a wa ma, nɛ a zɔ mɔ tɛ nɛ. 16Nɛ Gale ba nu ɛ hã a na: “Mɔ nyɔ́ngɔ́ owala tenɔ kɔ fɔɛ gɛ vɛ. 17Nɛ nde wala te kpo kɛ ma hã hã zã we ĩ ti gɔnɔ sanga de mɔ do 'dã mɔ ni, dɔ mɔ nyɔngɔ ma gɔ. Fala kɛ mɔ nyɔngɔ ma, nɛ mɔ fe sɛ fio.”
18Nɛ NWA Gale tɔ̃ na: “Ma wè na wi wili ɔ zu a kpo iko gɔ. Mi dɛ sɛ wi gala a, kɛ a wia do a ni na, wa ɔ do a fala nɛ kpo.”
19Nɛ Gale kɔtɔ nù, nɛ a 'bo ma, nɛ a dɛ do osa'denɔ ngɔ nù gɛ, do onɔɛ tɛ ɛ do tɛ ɛ, nɛ a a wa vɛ dɛ dati wi ni we zɔ tɛlɛ tɛ kɛ a e sɛ do li wa kpo do kpo ni. Mba gɔ, ma wia zi na, wa sa li sa'de kpo kpo do li kɛ wi ni ia ma ni. 20Nɛ wi ni ia zi li zu onadalamɛnɔ do osa'de zamɔ, do onɔɛ kpo do kpo vɛ. Nɛ nde sanga wa ni vɛ, a kpà zi wi gala a kɛ a wia do a ni gɔ.
21Nɛ NWA Gale fi wi wili a dɛa a ni nù do nga yala, nɛ ma nɛ ngɔ a wena. Nɛ Gale ba mbe gbãlã ngu'du a kpo, nɛ a kpe olo nɛ do mulu. 22A ba gbãlã ngu'du wi wili ni, nɛ a dɛ ma do wuko, nɛ a nɛ do a hã wi wili. 23Wi wili nɛa we zɔ wuke ni, nɛ a he mɔ na: “Di ngangga ni, mi kpa wi we kɔ do mi ia. Kili tɛ lɛ do tɔkɔ tɛ lɛ do a kpo. Wa sa sɛ li a na wuko. #2.23 Do lengge hebre, wi wili (ish) do wuko (isha) mɛ a oli kɛ ma nɛa we we kɔ̃. We duzu kɛ a yula kɔ wi wili.” 24Gulu nɛ a wi wili a la sɛ baa a do naa a, nɛ a mba sɛ ngba a do wuke 'da a, nɛ wa bɔa nɛ wa hɔ kili tɛ wi kpo. 25Wi wili ni do wuke wa zi bɔa nɛ do wila tɛ wa, nɛ nde sape tɛ wa, ma bá zi li wa dati ngba wa gɔ.
Currently Selected:
Ndo Nyanga Dɛ Mɔ 2: NGB
Highlight
Share
Copy
Want to have your highlights saved across all your devices? Sign up or sign in
Ngbaka DC Bible (We Nu Gale) Version © Bible Society of the Democratic Republic of Congo, 1995.
Ndo Nyanga Dɛ Mɔ 2
2
1Na mɛ ni, Gale dɛa li nza do nùi do omɛnɔ vɛ kɛ ma ngɔ nɛ ni, nɛ ma ia. 2Nɛ ma nɛa we hɔ tɛ sambo tũi, nɛ nde Gale dɛa mɛnɔ vɛ ia, nɛ a kpe tɛ a olo dɛa toe 'da a. 3Nɛ a wele nu a tɛ kɔ tũi kɛ sambo ni, nɛ a e ma do tũ 'da a, we duzu kɛ do kɔ tũi ni, a kpia zi tɛ a olo tonɔ vɛ a dɛa ni. 4Tɛlɛ tɛ kɛ Gale dɛa li nza do nùi gɛ a ni.
Fɔ Edɛnɛ
'Da fala kɛ NWA Gale dɛa li nza do nùi, 5nɛ nde wɔkɔsɔ zi ngɔ nù gɛ kpo bina, nɛ kpalɛ tɛ hɔ zi 'bɔ gɔ. Mba gɔ, a tɛ tombo zi kolo na, ma tɛ gɔ. Nɛ wele zi 'bɔ ngɔ nù nga na, a wa fɔ bina. 6Nɛ nde mɛ ma 'bɔ zi nùi, mɛ tati a lì kɛ ma yolo ti nùi, nɛ ma kũ dɛ nza nga ni iko.
7Nɛ NWA Gale kɔtɔ nù, nɛ a 'bo ma, nɛ a dɛ ma do wele. Nɛ a ufu bũ kpasi dɛ kɔ zɔ a, nɛ wele ma ngɔ ɔmɔ nɛ.
8'Do ki ni, nɛ NWA Gale mi fɔ ngɔ nù Edɛnɛ, kɛ ma si 'biti gba wese ni, nɛ a e wi wili a dɛa a ni kɔ fɔɛ ni. 9Nɛ Gale dɛa na, ote tɛ ɛ do tɛ ɛ ma hɔ di ni. Otenɔ ni ma de zi wena, nɛ owala nɛ ma ɛfɛ zi ndirr. Nɛ nde dɛ gbogbo fɔɛ ni, a mi te kɛ ma hã kpasi, nɛ a mi 'bɔ te kɛ ma hã hã zã we ĩ ti gɔnɔ sanga de mɔ do 'dã mɔ ni.
10Zu gba lì zi ngɔ nù Edɛnɛ, nɛ lì ni ma fo do kɔ fɔɛ, takɔ ma 'bɔ nùi. Kɔ ma nɛa we hɔ nza kɔ fɔɛ ni, nɛ ma gɔnɔ sanga tɛ ngba ɛ do gba kɔ̃ nɛ nalɛ. 11Gba kɔ̃ lì kɛ dati, li nɛ a Pisoni. Lì ni ma fua, nɛ ma zĩ nù Havila. Nù Havila ni ma do mɔ mbali boe. 12Mɔ hɔ ngɔ nùi ni, nɛ mɔ kpa mɔ mbali kɛ 'dɔlɔ nɛ kɔ nɛ bina ni. Nɛ mɔ kpa 'bɔ dia nɔ yɔmbɛ kɛ wa sa li nɛ na bɛdɛliumɛ, do ota olo gã gole kɛ li nɛ a kɔrnalinɛ. 13Gba kɔ lì kɛ bɔa, li nɛ a Guhoni. Lì ni ma fua, nɛ ma zĩ nù Kusi. 14Gba kɔ̃ lì kɛ talɛ, li nɛ a Tigrɛ, ma fua do nu le Asurɛ si 'biti gba wese. Nɛ tala gba kɔ̃ lì kɛ nalɛ, li nɛ a Efratɛ.
15NWA Gale ba wi wili a dɛa a ni, nɛ a e a kɔ fɔ Edɛnɛ i na, a wa ma, nɛ a zɔ mɔ tɛ nɛ. 16Nɛ Gale ba nu ɛ hã a na: “Mɔ nyɔ́ngɔ́ owala tenɔ kɔ fɔɛ gɛ vɛ. 17Nɛ nde wala te kpo kɛ ma hã hã zã we ĩ ti gɔnɔ sanga de mɔ do 'dã mɔ ni, dɔ mɔ nyɔngɔ ma gɔ. Fala kɛ mɔ nyɔngɔ ma, nɛ mɔ fe sɛ fio.”
18Nɛ NWA Gale tɔ̃ na: “Ma wè na wi wili ɔ zu a kpo iko gɔ. Mi dɛ sɛ wi gala a, kɛ a wia do a ni na, wa ɔ do a fala nɛ kpo.”
19Nɛ Gale kɔtɔ nù, nɛ a 'bo ma, nɛ a dɛ do osa'denɔ ngɔ nù gɛ, do onɔɛ tɛ ɛ do tɛ ɛ, nɛ a a wa vɛ dɛ dati wi ni we zɔ tɛlɛ tɛ kɛ a e sɛ do li wa kpo do kpo ni. Mba gɔ, ma wia zi na, wa sa li sa'de kpo kpo do li kɛ wi ni ia ma ni. 20Nɛ wi ni ia zi li zu onadalamɛnɔ do osa'de zamɔ, do onɔɛ kpo do kpo vɛ. Nɛ nde sanga wa ni vɛ, a kpà zi wi gala a kɛ a wia do a ni gɔ.
21Nɛ NWA Gale fi wi wili a dɛa a ni nù do nga yala, nɛ ma nɛ ngɔ a wena. Nɛ Gale ba mbe gbãlã ngu'du a kpo, nɛ a kpe olo nɛ do mulu. 22A ba gbãlã ngu'du wi wili ni, nɛ a dɛ ma do wuko, nɛ a nɛ do a hã wi wili. 23Wi wili nɛa we zɔ wuke ni, nɛ a he mɔ na: “Di ngangga ni, mi kpa wi we kɔ do mi ia. Kili tɛ lɛ do tɔkɔ tɛ lɛ do a kpo. Wa sa sɛ li a na wuko. #2.23 Do lengge hebre, wi wili (ish) do wuko (isha) mɛ a oli kɛ ma nɛa we we kɔ̃. We duzu kɛ a yula kɔ wi wili.” 24Gulu nɛ a wi wili a la sɛ baa a do naa a, nɛ a mba sɛ ngba a do wuke 'da a, nɛ wa bɔa nɛ wa hɔ kili tɛ wi kpo. 25Wi wili ni do wuke wa zi bɔa nɛ do wila tɛ wa, nɛ nde sape tɛ wa, ma bá zi li wa dati ngba wa gɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngbaka DC Bible (We Nu Gale) Version © Bible Society of the Democratic Republic of Congo, 1995.