Malu Menza 17
17
Polu ne Silase mu tshimenga tshia Tesalonike
1Polu ne Silase kupitshila mu Amfipolise, ne mu Apoloniya, kufika mu Tesalonike. Mu tshimenga atshi muvua nzubu wa kutendelela wa bena Yuda. 2Bilondeshile tshibidilu tshiende, Polu kubuela mu nzubu wa kutendelela awu. Matuku a Dikisha a mbingu isatu milondangane, Polu ne bantu bavua mu nzubu awu, kuelanganabu meji pa Mikanda ya tshijila. 3Polu kubumvuija mikanda ayi, ubaleja ne: bilondeshile Mikanda ya tshijila eyi, Kristu uvua ne bua kukenga, kufua, kubiika. Uvua ubambila kabidi ne:
— Kristu, Musungidi wetu, ke Yezu undi nnumanyisha!
4Bamue bena Yuda kuitaba bivua Polu ne Silase bambe, kudisangisha nabu. Ke muvua kabidi bena Ngreke ba bungi, bavua bamane kubuela mu tshisumbu tshia bena ditaba ba bena Yuda, ne bakaji bavule bamanyike, benze.
5Kadi bena Yuda bavua ne tshiiji tshipite. Kusangishabu bena buenzayi bavua bendakana mu misesu. Kujulabu nabu tshimvundu munkatshi mua bantu mu tshimenga tshijima. Kuyabu bonsu ku nzubu kua Yazone, bakeba Polu ne Silase, bua kuya kubalumbuisha kumpala kua bantu. 6Bu muvuabu kabayi babasangane, kukuatabu Yazone ne bena ditaba bakuabu, kuyabu babapulumuna kumpala kua bamfumu ba tshimenga, bela mbila ne:
— Bantu aba mbatombole bantu miaba yonsu. Mpindiewu bakadi muetu munu! 7Yazone mmubateke kuende! Buonsu buabu badi benza bidi bibengangana ne meyi ne mikandu bia mukalenga wa bakalenga, bualu badi bamba ne: kudi mukalenga mukuabu, diende Yezu!
8Miaku ayi kujula tshiiji tshia bantu bavule, kabidi ne tshia bamfumu ba tshimenga. 9Ke Yazone ne bantu bavuaye nabu kufila makuta, bua banji kubalekela.
Polu ne Silase mu tshimenga tshia Bereya
10Bufuku buila, bena ditaba kutuma Polu ne Silase mu Bereya. Bafika muaba awu, kuyabu mu nzubu wa kutendelela wa bena Yuda. 11Bena Bereya bavua bantu ba disanka, bapite bena Yuda ba mu tshimenga tshia Tesalonike. Bavua bateleja muaku wa Mvidi Mukulu ne ntema. Dituku dionsu bavua babala Mikanda ya tshijila, bua kujadika bivua Polu wamba ne bidi bilelela. 12Bantu bavule ba kudibu kuitaba. Bena Ngreke bavule kabidi kuitaba. Munkatshi muabu muvua bakaji baneme ba bungi, kabidi ne bantu balume tshisumbu. 13Kadi bena Yuda ba mu Tesalonike, bumvua ne: Polu udi ulongesha muaku wa Mvidi Mukulu mu Bereya kabidi, kufikabu mu tshimenga atshi, bua kusonsola bantu, bua bajule mutoyi. 14Diakamue bena ditaba kutuma Polu ku muelelu wa mayi manene. Silase ne Timote kushala mu Bereya. 15Bantu kuya kushindikija Polu too ne ku Atene. Pashishe kupinganabu ku Bereya. Kuambilabu Silase ne Timote ne: Polu udi wamba ne: bandonde lukasa.
Polu mu Atene
16Patshivua Polu mu Atene, muindile Silase ne Timote, uvua ne kanyinganyinga#17.16 kanyinganyinga: bakuabu badi bandamuna ne: tshiji. pa kumona mu tshimenga tshijima mpingu mivule ya kutendelela nayi nwidie. 17Mu nzubu wabu wa kutendelela uvua uyukila ne bena Yuda, kabidi ne bantu ba bisamba bikuabu bavua bamane kubuela mu tshisumbu tshia bena ditaba ba bena Yuda. Kabidi dituku dionsu, muaba uvua bantu bonsu basangile, uvua uyukila ne bantu bakuabu bavua bafika muaba awu. 18Bamue balongeshi ba mu tshisumbu tshia bena Epikure, ne ba mu tshisumbu tshia bena Stowa, bavua bayukila kabidi nende. Bamue bavua bamba ne:
— Tshidi muena lubuakabuaka ewu musue kuamba ntshinyi? Kadi pavua bakuabu bumvua Polu ulongesha bantu malu a Yezu ne a dibiika,#17.18 bena Epikure: ke bantu bavua balonge malu a Epikure (mufue mu 270 bgbg ne Y.K.). Epikure uvua ulongesha ne: panu malu onsu adi enzeka amu mu mpukampuka. Nenku nukumbaje tshindi unulongesha, bua kanupitshi kukenga panu. — bena Stowa: ke bantu bavua balonge malu a Zenone (mufue mu 265 bgbg ne Y.K.). Zenone uvua ulongesha ne: muena meji ke muntu udi mumanye bulongolodi bua malu onsu a panu, udikolela kabidi mu malu onsu. — Yezu ne dibiika: bantu bavua bateleja Polu, bavua bela meji ne: dibiika ke nwidie mukaji udi pamue ne Yezu. bavua bamba ne:
— Bidi bimueneka ne: udi ulongesha malu a mvidie ya bantu ba bisamba bikuabu.
19Nanku kuyabu nende mu tshipangu tshia Areyopaje,#17.19 Areyopaje: ke mukuna wa mu tshimenga tshia Atene, muaba uvuabu benzela tshipangu tshinene tshia mu tshimenga (= mukuna wa Ares, nwidie wa mvita, uvua bena Ngreke ba kale batendelela). Dina dia Areyopaje ke divuabu binyika ne tshipangu kabidi, nansha kabayi batshienzela kabidi muaba awu. bamuebeja ne:
— Udi mua kutumvuija bualu bupiabupia ebu, buudi ulongesha anyi? 20Bualu udi utuambila malu adi atukemesha. Nanku tudi basue kumanya tshidi malu awu umvuija.
21(Bualu bena Atene bonsu, ne bantu ba bisamba bikuabu bavua basomba mu tshimenga atshi, bavua basombela amu bua kuamba, nansha bua kuteleja malu mapiamapia!) 22Polu kuimana munkatshi mua bena tshipangu tshia Areyopaje,#17.22 munkatshi mua: bakuabu badi bandamuna ne: kumpala kua. wamba ne:
— Nuenu bena Atene, ndi mumone ne: nudi batendeledi menemene ba nwidie. 23Bualu ndi muendakane mu tshimenga tshienu tshionsu. Meme kumona miaba yonsu inudi nutendelela. Meme kusangana tshilambuilu tshikuabu: bavua bafundapu ne: “Mvidie utudi katuyi bamanye.#17.23 Bena Atene bavua bashila nwidie udibu kabayi bamanye tshilambuilu, batekemena se: ke mutudi mua kutuyisha tshiiji tshia nwidie, utuvua bapue muoyi, katuyi bamanye.” Kadi tshinudi nutendelela kanuyi bamanye, meme ndi musue kunumanyishatshi. 24Mvidi Mukulu udi mufuke bukua panu ne bionsu bidipu, Yeye ke Mfumu wa diulu ne wa buloba. Kena usomba mu nzubu idi bantu bibaka. 25Kena ukengela bua bantu bamuambuluishe ku tshintu nansha tshimue. Bualu Yeye ke udi upa bantu bonsu muoyi, mueyelu, ne bintu bikuabu bionsu.#17.25 Tun. 24-25: tangila 1 Bak 8.27; Yesh 42.5; MM 7.48. 26Udi mufuke bisamba bionsu, bifumine kudi muntu umue, mubitangalaje pa buloba bujima. Kufundilaye tshisamba tshionsu tshikondu tshia kusomba panu, ne mikalu ya miaba idi tshi mua kuasa.#17.26 kudi muntu umue: ke Adame, tangila Tshib 1.28. — mikalu: tangila Diel 32.8. 27Uvua muenze nanku, bua bantu bikale bamukeba. Nanku padibu bidikija mua kupetangana nende, bumue nebamupete. Bushuwa Mvidi Mukulu udi pabuipi ne muntu yonsu,
28bualu
“Munda muende tudi ne muoyi, munda muende tudi mua
kunyunga, tudi kabidi amu munda muende.”
Ke mudi bamue ba ku bafundi benu bajadike ne:
“Tudi bana bende kabidi.#17.28 Mu ntuadijilu wa kanungu aka, Polu udi utentula, wandamuna kakese, miaku ya mufundi wa bena Ngreke Epimenidese. Ku nshikidilu waku, udi utentula miaku ya mufundi mukuabu Aratose.”
29Patudi bana bende, katuena mua kuela meji ne: Mvidi Mukulu udi mufuanangane ne lupingu luenza ne tshiamu tshia mpawungi, nansha ne tshiamu tshitoke tshia mushinga mukole, nansha ne dibue, bintu bidi bantu batalame benza ku lungenyi luabu. 30Mvidi Mukulu kena musue kuvuluka bikondu bivua bantu kabayi bamumanye. Kadi mpindiewu udi ubikila bantu bonsu miaba yonsu, ubalomba bua badilengeje. 31Bualu mmufunde dituku didi muntu udiye musungule ne bua kulumbuluisha bantu bonsu, kukosa nsambu yabu pa yoyi. Ke bualu budiye mujadikile bantu bonsu pa kubisha muntu ewu ku bafue!
32Bumvua amu Polu wakula bua dibiika dia bafue, bamue bantu kumuseka. Kadi bakuabu kuamba ne:
— Netuvue kukuteleja musangu mukuabu, bua upite kutuambila bualu ebu!
33Ke Polu kulayangana nabu, kuya. 34Bamue kumulonda, kuitaba Mvidi Mukulu. Kudibu kuvua Diyonisiyuse, muena mu tshipangu tshia Areyopaje, kabidi ne mukaji, diende Damarise, ne bantu bakuabu kabidi.
Currently Selected:
Malu Menza 17: TSH96
Highlight
Share
Copy
Want to have your highlights saved across all your devices? Sign up or sign in
Bible avec Livres Deutérocanoniques en Tshiluba © Société Biblique de la R. D. Congo, 1996
Malu Menza 17
17
Polu ne Silase mu tshimenga tshia Tesalonike
1Polu ne Silase kupitshila mu Amfipolise, ne mu Apoloniya, kufika mu Tesalonike. Mu tshimenga atshi muvua nzubu wa kutendelela wa bena Yuda. 2Bilondeshile tshibidilu tshiende, Polu kubuela mu nzubu wa kutendelela awu. Matuku a Dikisha a mbingu isatu milondangane, Polu ne bantu bavua mu nzubu awu, kuelanganabu meji pa Mikanda ya tshijila. 3Polu kubumvuija mikanda ayi, ubaleja ne: bilondeshile Mikanda ya tshijila eyi, Kristu uvua ne bua kukenga, kufua, kubiika. Uvua ubambila kabidi ne:
— Kristu, Musungidi wetu, ke Yezu undi nnumanyisha!
4Bamue bena Yuda kuitaba bivua Polu ne Silase bambe, kudisangisha nabu. Ke muvua kabidi bena Ngreke ba bungi, bavua bamane kubuela mu tshisumbu tshia bena ditaba ba bena Yuda, ne bakaji bavule bamanyike, benze.
5Kadi bena Yuda bavua ne tshiiji tshipite. Kusangishabu bena buenzayi bavua bendakana mu misesu. Kujulabu nabu tshimvundu munkatshi mua bantu mu tshimenga tshijima. Kuyabu bonsu ku nzubu kua Yazone, bakeba Polu ne Silase, bua kuya kubalumbuisha kumpala kua bantu. 6Bu muvuabu kabayi babasangane, kukuatabu Yazone ne bena ditaba bakuabu, kuyabu babapulumuna kumpala kua bamfumu ba tshimenga, bela mbila ne:
— Bantu aba mbatombole bantu miaba yonsu. Mpindiewu bakadi muetu munu! 7Yazone mmubateke kuende! Buonsu buabu badi benza bidi bibengangana ne meyi ne mikandu bia mukalenga wa bakalenga, bualu badi bamba ne: kudi mukalenga mukuabu, diende Yezu!
8Miaku ayi kujula tshiiji tshia bantu bavule, kabidi ne tshia bamfumu ba tshimenga. 9Ke Yazone ne bantu bavuaye nabu kufila makuta, bua banji kubalekela.
Polu ne Silase mu tshimenga tshia Bereya
10Bufuku buila, bena ditaba kutuma Polu ne Silase mu Bereya. Bafika muaba awu, kuyabu mu nzubu wa kutendelela wa bena Yuda. 11Bena Bereya bavua bantu ba disanka, bapite bena Yuda ba mu tshimenga tshia Tesalonike. Bavua bateleja muaku wa Mvidi Mukulu ne ntema. Dituku dionsu bavua babala Mikanda ya tshijila, bua kujadika bivua Polu wamba ne bidi bilelela. 12Bantu bavule ba kudibu kuitaba. Bena Ngreke bavule kabidi kuitaba. Munkatshi muabu muvua bakaji baneme ba bungi, kabidi ne bantu balume tshisumbu. 13Kadi bena Yuda ba mu Tesalonike, bumvua ne: Polu udi ulongesha muaku wa Mvidi Mukulu mu Bereya kabidi, kufikabu mu tshimenga atshi, bua kusonsola bantu, bua bajule mutoyi. 14Diakamue bena ditaba kutuma Polu ku muelelu wa mayi manene. Silase ne Timote kushala mu Bereya. 15Bantu kuya kushindikija Polu too ne ku Atene. Pashishe kupinganabu ku Bereya. Kuambilabu Silase ne Timote ne: Polu udi wamba ne: bandonde lukasa.
Polu mu Atene
16Patshivua Polu mu Atene, muindile Silase ne Timote, uvua ne kanyinganyinga#17.16 kanyinganyinga: bakuabu badi bandamuna ne: tshiji. pa kumona mu tshimenga tshijima mpingu mivule ya kutendelela nayi nwidie. 17Mu nzubu wabu wa kutendelela uvua uyukila ne bena Yuda, kabidi ne bantu ba bisamba bikuabu bavua bamane kubuela mu tshisumbu tshia bena ditaba ba bena Yuda. Kabidi dituku dionsu, muaba uvua bantu bonsu basangile, uvua uyukila ne bantu bakuabu bavua bafika muaba awu. 18Bamue balongeshi ba mu tshisumbu tshia bena Epikure, ne ba mu tshisumbu tshia bena Stowa, bavua bayukila kabidi nende. Bamue bavua bamba ne:
— Tshidi muena lubuakabuaka ewu musue kuamba ntshinyi? Kadi pavua bakuabu bumvua Polu ulongesha bantu malu a Yezu ne a dibiika,#17.18 bena Epikure: ke bantu bavua balonge malu a Epikure (mufue mu 270 bgbg ne Y.K.). Epikure uvua ulongesha ne: panu malu onsu adi enzeka amu mu mpukampuka. Nenku nukumbaje tshindi unulongesha, bua kanupitshi kukenga panu. — bena Stowa: ke bantu bavua balonge malu a Zenone (mufue mu 265 bgbg ne Y.K.). Zenone uvua ulongesha ne: muena meji ke muntu udi mumanye bulongolodi bua malu onsu a panu, udikolela kabidi mu malu onsu. — Yezu ne dibiika: bantu bavua bateleja Polu, bavua bela meji ne: dibiika ke nwidie mukaji udi pamue ne Yezu. bavua bamba ne:
— Bidi bimueneka ne: udi ulongesha malu a mvidie ya bantu ba bisamba bikuabu.
19Nanku kuyabu nende mu tshipangu tshia Areyopaje,#17.19 Areyopaje: ke mukuna wa mu tshimenga tshia Atene, muaba uvuabu benzela tshipangu tshinene tshia mu tshimenga (= mukuna wa Ares, nwidie wa mvita, uvua bena Ngreke ba kale batendelela). Dina dia Areyopaje ke divuabu binyika ne tshipangu kabidi, nansha kabayi batshienzela kabidi muaba awu. bamuebeja ne:
— Udi mua kutumvuija bualu bupiabupia ebu, buudi ulongesha anyi? 20Bualu udi utuambila malu adi atukemesha. Nanku tudi basue kumanya tshidi malu awu umvuija.
21(Bualu bena Atene bonsu, ne bantu ba bisamba bikuabu bavua basomba mu tshimenga atshi, bavua basombela amu bua kuamba, nansha bua kuteleja malu mapiamapia!) 22Polu kuimana munkatshi mua bena tshipangu tshia Areyopaje,#17.22 munkatshi mua: bakuabu badi bandamuna ne: kumpala kua. wamba ne:
— Nuenu bena Atene, ndi mumone ne: nudi batendeledi menemene ba nwidie. 23Bualu ndi muendakane mu tshimenga tshienu tshionsu. Meme kumona miaba yonsu inudi nutendelela. Meme kusangana tshilambuilu tshikuabu: bavua bafundapu ne: “Mvidie utudi katuyi bamanye.#17.23 Bena Atene bavua bashila nwidie udibu kabayi bamanye tshilambuilu, batekemena se: ke mutudi mua kutuyisha tshiiji tshia nwidie, utuvua bapue muoyi, katuyi bamanye.” Kadi tshinudi nutendelela kanuyi bamanye, meme ndi musue kunumanyishatshi. 24Mvidi Mukulu udi mufuke bukua panu ne bionsu bidipu, Yeye ke Mfumu wa diulu ne wa buloba. Kena usomba mu nzubu idi bantu bibaka. 25Kena ukengela bua bantu bamuambuluishe ku tshintu nansha tshimue. Bualu Yeye ke udi upa bantu bonsu muoyi, mueyelu, ne bintu bikuabu bionsu.#17.25 Tun. 24-25: tangila 1 Bak 8.27; Yesh 42.5; MM 7.48. 26Udi mufuke bisamba bionsu, bifumine kudi muntu umue, mubitangalaje pa buloba bujima. Kufundilaye tshisamba tshionsu tshikondu tshia kusomba panu, ne mikalu ya miaba idi tshi mua kuasa.#17.26 kudi muntu umue: ke Adame, tangila Tshib 1.28. — mikalu: tangila Diel 32.8. 27Uvua muenze nanku, bua bantu bikale bamukeba. Nanku padibu bidikija mua kupetangana nende, bumue nebamupete. Bushuwa Mvidi Mukulu udi pabuipi ne muntu yonsu,
28bualu
“Munda muende tudi ne muoyi, munda muende tudi mua
kunyunga, tudi kabidi amu munda muende.”
Ke mudi bamue ba ku bafundi benu bajadike ne:
“Tudi bana bende kabidi.#17.28 Mu ntuadijilu wa kanungu aka, Polu udi utentula, wandamuna kakese, miaku ya mufundi wa bena Ngreke Epimenidese. Ku nshikidilu waku, udi utentula miaku ya mufundi mukuabu Aratose.”
29Patudi bana bende, katuena mua kuela meji ne: Mvidi Mukulu udi mufuanangane ne lupingu luenza ne tshiamu tshia mpawungi, nansha ne tshiamu tshitoke tshia mushinga mukole, nansha ne dibue, bintu bidi bantu batalame benza ku lungenyi luabu. 30Mvidi Mukulu kena musue kuvuluka bikondu bivua bantu kabayi bamumanye. Kadi mpindiewu udi ubikila bantu bonsu miaba yonsu, ubalomba bua badilengeje. 31Bualu mmufunde dituku didi muntu udiye musungule ne bua kulumbuluisha bantu bonsu, kukosa nsambu yabu pa yoyi. Ke bualu budiye mujadikile bantu bonsu pa kubisha muntu ewu ku bafue!
32Bumvua amu Polu wakula bua dibiika dia bafue, bamue bantu kumuseka. Kadi bakuabu kuamba ne:
— Netuvue kukuteleja musangu mukuabu, bua upite kutuambila bualu ebu!
33Ke Polu kulayangana nabu, kuya. 34Bamue kumulonda, kuitaba Mvidi Mukulu. Kudibu kuvua Diyonisiyuse, muena mu tshipangu tshia Areyopaje, kabidi ne mukaji, diende Damarise, ne bantu bakuabu kabidi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible avec Livres Deutérocanoniques en Tshiluba © Société Biblique de la R. D. Congo, 1996