Bisekyelo bia Ba-Lewi 14
14
Esekyelo ea efetswelo ea baeka
1Ko Yawe aotefela la Mose, aokela, 2“Ene wae esekyelo ea bontʼowʼaeka nda mbile eʼefetswelo ekande. Boyelʼende ele nkanga; 3ko nkanga ole limʼetakano eʼanto, ko engela owʼaeka eko. Ko nga nkangi eʼaeka eosila ele bontʼoko, 4mpanga nkanga atome wae bakole ndʼeloko ea bontʼosʼofetswa tofulu tofe toyoike, ta feto, la nganza ya kedela, lʼécarlate, la hysope. 5Ko nkanga atome wae baome ifulu imoko nda ijwa ya iyomba ndʼaliko bʼasi bayoleke. 6Mpangʼende akole ifulu iyoike, la nganza ya kedala, lʼécarlate ko la hysope, ko atefya belemo beko ko la ifulu iyoike ndʼalongo bʼifulu iomamaki ndʼaliko bʼasi bayoleke, 7ko asanzela bontʼofetswa lʼalongo bako besanzela nsambo; mpanga otangʼende feto; ko alesʼifulu iyoike wae ikende nda folefole. 8Mpangʼende olangʼofetswa asole benkotoʼekae, akoole babwo bakae bauma, ko okʼasi, ko ngoso ifoyala feto. Ndʼafeka ba baoyiʼane ende amboye bʼilombe ikae yʼeto bembile nsambo. 9Ko nda mbile ea nsambo akoole babwo bakae bauma limʼotsa, ko la loole lokae ko la nkiki, wete biosa bekae beuma. Nkako asole benkoto bekae, asole jonge lʼasi, ko ende afetswa feto.
10“Ko nda mbile ea mwambi ifokola bana ba mpate bafe bʼaende bafa lʼolema, la bonʼowa mpate omoko owʼomoto ekita mbulʼemoko, ko efa lʼolema, ko la farine eʼolotsi baondo basato bʼaondo jom ba efa wae mbeka ea biofo, eko esangane lʼauta, ko la jeza loswele jʼauta. 11Ko nkanga okambʼolemo wʼefetswelo emya bontʼoko ofetswa, ko lʼelemo beko, nda joso ja Yawe nda wiso wʼilombe ya bito yʼetakano. 12Ko nkanga akole bonʼowa mpate emoko ea jende, ko alekyʼeko mbeka ea ekwa ea likambo eko la jeza loswele jʼauta; afukusa belemʼeko ngole mbeka ea mpukusa nda joso ja Yawe; 13ko aome bonʼoko owa mpate owa jende ndʼitenela iomakʼiyo mbeka yʼetungwelo limʼaoyiʼobe ko la mbeka ya ntatumba, wete ndʼitenela yʼilombe yʼoeko; wete mbeka ea ekwa ea likambo ele ea nkanga, nkʼelengʼele mbeka eʼetungwelo lima baoyiʼobe; eko ele boeko wa ndekola. 14Nkanga akole balongo bamo ba mbeka eʼekwa ea likambo, ko nkanga ilʼako nda nsonge ea litoi jʼelome jʼonto osʼofetswa, la ndʼosai wʼonene wa likata likae jʼelome, la ndʼosai wʼonene wa likaka likae jʼelome. 15Nkako nkanga akole bautʼamo lima jeza loswele jʼauta, ko uteza bako nda likata likae jʼeso, 16ko nkanga atufe bosai bokae wa likata jʼelome ndʼauta bale nda likata likae jʼeso, ko asanzela bauta lʼosaiʼokae nda joso ja Yawe besanzela nsambo. 17Ko limʼauta baciki nda likata likande, nkanga ile bamo nda nsonge ea litoi jʼelome jʼonto osʼofetswa, la ndʼosai wʼonene wa likata likae jʼelome, la ndʼosai wʼonene wa likaka likae jʼelome, o ndʼaliko bʼalongo ba mbeka eʼekwa ea likambo: 18ko bauta baciki nda likata likae, nkanga uteza ndʼotsa wʼonto osʼofetswa: ko ndʼelengʼeko nkanga akeelʼende etungwelo lima baoyiʼobe nda joso ja Yawe. 19Nkako nkanga alekya mbeka ndʼewelʼea baoyiʼobe; ko akeelʼende osʼofetswa lima linyamo likae etungwelo lima baoyiʼobe. Ko ndʼafeka aome mbeka ea ntatumba. 20Ko nkanga alekya mbeka ea ntatumba ko la mbeka ea biofo nda nkinda. Elengʼeko nkanga akeelʼende etungwelo lima baoyiʼobe, ko ende ayafeme feto.
21“Ngʼende ale bontʼowʼoola, ko afoateya toma touke ngoko, mpanga akole bona owa mpate owa jende omoko nga mbeka eʼekwa ea likambo, efukusama, wae akeelʼende etungwelo lima baoyiʼobe bakae, ko la liondo limoko jʼaondo jom ja efa ea farine eʼolotsi, esangana lʼauta, wae mbeka ea biofo, ko la jeza loswele jʼauta; 22ko la bimpompo bife, nkina bimbenga bife biʼanoju, nkʼelenge eateyʼende, emoko ngole mbeka ndʼewelʼea baoyiʼobe, ko enkina mbeka ea ntatumba. 23Nda mbile ea mwambi ayele belemʼeko beuma ele! nkanga ndʼewelʼea efetswelo ekande, o nda wiso wʼilombe y a bito yʼetakano, nda joso ja Yawe. 24Mpanga nkanga akole bona owa mpate mbeka eʼekwa ea likambo, ko la jeza loswele jʼauta, ko nkanga afukusʼako ngole mbeka ea mpukusa nda joso ja Yawe. 25Ko aome bonʼowa mpate, mbeka eʼekwa ea likambo; ko nkanga akole balongʼamo ba mbeka eʼekwa ea likambo, ko ilʼako nda nsonge ea litoi jʼelome jʼontʼosʼofetswa, la ndʼosai wʼonene wa likata likae jʼelome, ko la ndʼosai wʼonene wa likaka likae jʼelome. 26Mpanga nkanga uteza bautʼamo nda likata likae mongo jʼeso: 27ko lʼosai bokande wa likata likae jʼelome asanzela bautʼamo bʼako bale nda likata likae jʼeso besanzela nsambo nda joso ja Yawe; 28ko nkanga ile bautʼamo bʼako bale nda likata likae jʼeso nda nsonge ea litoi jʼelome jʼontʼosʼofetswa, la ndʼosai wʼonene wa likata likae jʼelome, la ndʼosai wʼonene wa likaka likae jʼelome, o nda wiji boki balongo ba mbeka eʼekwa ea likambo ilamaka: 29ko nkanga uteza bauta baciki nda likata likae o ndʼotsa wʼonto osʼofetswa, wae akeelʼende etungwelo lima baoyiʼobe nda joso ja Yawe. 30Nkako ifolekya lima bimpompo nkina bimbenga biʼanolu bikiʼndʼoataka, 31nkʼelengʼekiʼndʼoateyaka, emoko, mbeka ndʼewelʼea baoyiʼobe, ko emo mbeka ea ntatumba: ko la mbeka ea biofo ngoko: ko nkanga akeelʼende osʼofetswa etungwelo lima baoyiʼobe nda joso ja Yawe. 32Ene ele esekyelo eʼonto okona baeka, ko afoateya belemo bendeji lʼefetswelo ekande.”
33Ko Yawe aotefela la Mose la Alona, aokela, 34“Aʼinyʼokita ndʼese ea Kanana eʼemʼokayʼinyo ndʼeatelo, ko ndile nkangi ea baeka ndʼilombe yʼese eko ea eatelo ekinyo, 35mpanga ende ole bomongʼilombeʼiko aye osangela nkanga wete, Njena nkina nkangi ele ndʼilombe ikami. 36Ko nkanga asise wae bimole belemo beuma bele ndʼilombe atafa nkanga otswa wae engele nkangi eko, nyango belemo beuma bele ndʼilombe befoyalema la linyamo; ko ndʼafeka nkanga otswa wae enʼilombe. 37Ko alenda nkanga nkangi eko, ngʼende ena nkangi nda bitutu biʼilombe ele la baanda ngʼelenge ea banganju, nkina nga ngola, ko benya nga bayocime nda bitutu; 38mpanga nkanga ole limʼilombe o ndʼekuke, ko akombe ilombʼiko bembile nsambo. 39Ko nkanga ifoya lenkina mda mbile ea nsambo, ko engele; ko nga nkangi eofula nda bitutu biʼilombe; 40mpanga nkanga asise wae bimole bikenje bile la nkangi eko, ko buse biko ndʼitenela ya linyamo ile ndʼanza bʼonanga. 41Ko asise wae bale ndʼetei euma eʼilombʼiko njaala, ko baboke emolu endimolʼiyo la njaala ndʼanza bʼonanga ndʼitenela ya linyamo; 42mpanga bakole bikenje bimo ko basulunganya nda wiji bokiʼyʼimolaka bikenje biki joso; ko akole emolu enkina, ko alemole ilombe lʼeko.
43“Ko nga nkangi eko ute lenkina ko enya ndʼilombʼiko limʼakiʼyʼmolaka bikenje, ko limʼakiʼyʼalaka ko baolemola biko lʼemolu eʼaeyoko; 44mpanga nkanga otswʼeko wae engele; ko nga nkangi eofula ndʼilombe, eko ele baeka bayokake o nkakaka ndʼilombe; ilombe ile la linyamo. 45Kela atongole ilombʼiko, o la bikenje biʼiko, lʼabaya bʼiko, ko la emolu eʼiko; ko atombe belemʼeko ndʼanza bʼonanga ndʼitenela ya linyamo. 46Ko bonto ondotswa ndʼilombʼiko ndʼekeke ekombamʼiko ifoyalema linyamo elaka nkʼokolo. 47Ko osʼetama ndʼilombʼiko, asole benkoto bekande; ko osʼola toma ndʼilombeʼiko asole bito bikande.
48“Lolo nga nkanga aoyʼeko wae engele ilombe, ko atana wae nkangi ntefula limʼaki ilombe olemolamaka, nkako nkanga atange ilombʼiko feto, ele nkangi eosila. 49Ko ndʼefetswelo eʼilombʼiko ende akole tofulu tofe, la nganza ea kedala, lécarlate la hysope; 50ko aome imo ya tofulu toko ndʼijwa yʼiyomba ndʼaliko bʼasi bayoleke, 51ko akole nganza ea kedala ko la hysope la écarlate, la ifulu iyoike, atefya belemʼeko ko lʼifulu iyoike ndʼalongo bʼifulu iomamaki, ko atefya beko ndʼasi bako bayoleke, ko asanzele ilombʼiko besanzela nsambo. 52Ngoso afetolʼilombe lʼalongo bʼifulu iko, ko lʼasi bako bayoleke ko lʼifulu iyoike, ko la nganza ya kedala la hysope ko lʼécarlate. 53Lolo atungole ifulu iyoike ndʼanza bʼonanga, nda fole. Ngoso akela etungwelo ndʼeloko eʼilombʼiko, ko iko iyale feto.” 54Eko ele esekyelo ea nkangi ea baeka ba bilenge biuma, ko lʼea libwa, 55sko lʼea baeka bale ndʼonkoto la bako bale ndʼilombe, 56ko lʼea etutsa ko lʼea jina, ko lʼea baanda; 57esekyelo eko eneya elenge eyafa belemʼeko linyamo, ko eyala beko feto. Ene wete esekyelo ea baeka.
Currently Selected:
Bisekyelo bia Ba-Lewi 14: LOL87
Highlight
Copy
Compare
Share
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987
Bisekyelo bia Ba-Lewi 14
14
Esekyelo ea efetswelo ea baeka
1Ko Yawe aotefela la Mose, aokela, 2“Ene wae esekyelo ea bontʼowʼaeka nda mbile eʼefetswelo ekande. Boyelʼende ele nkanga; 3ko nkanga ole limʼetakano eʼanto, ko engela owʼaeka eko. Ko nga nkangi eʼaeka eosila ele bontʼoko, 4mpanga nkanga atome wae bakole ndʼeloko ea bontʼosʼofetswa tofulu tofe toyoike, ta feto, la nganza ya kedela, lʼécarlate, la hysope. 5Ko nkanga atome wae baome ifulu imoko nda ijwa ya iyomba ndʼaliko bʼasi bayoleke. 6Mpangʼende akole ifulu iyoike, la nganza ya kedala, lʼécarlate ko la hysope, ko atefya belemo beko ko la ifulu iyoike ndʼalongo bʼifulu iomamaki ndʼaliko bʼasi bayoleke, 7ko asanzela bontʼofetswa lʼalongo bako besanzela nsambo; mpanga otangʼende feto; ko alesʼifulu iyoike wae ikende nda folefole. 8Mpangʼende olangʼofetswa asole benkotoʼekae, akoole babwo bakae bauma, ko okʼasi, ko ngoso ifoyala feto. Ndʼafeka ba baoyiʼane ende amboye bʼilombe ikae yʼeto bembile nsambo. 9Ko nda mbile ea nsambo akoole babwo bakae bauma limʼotsa, ko la loole lokae ko la nkiki, wete biosa bekae beuma. Nkako asole benkoto bekae, asole jonge lʼasi, ko ende afetswa feto.
10“Ko nda mbile ea mwambi ifokola bana ba mpate bafe bʼaende bafa lʼolema, la bonʼowa mpate omoko owʼomoto ekita mbulʼemoko, ko efa lʼolema, ko la farine eʼolotsi baondo basato bʼaondo jom ba efa wae mbeka ea biofo, eko esangane lʼauta, ko la jeza loswele jʼauta. 11Ko nkanga okambʼolemo wʼefetswelo emya bontʼoko ofetswa, ko lʼelemo beko, nda joso ja Yawe nda wiso wʼilombe ya bito yʼetakano. 12Ko nkanga akole bonʼowa mpate emoko ea jende, ko alekyʼeko mbeka ea ekwa ea likambo eko la jeza loswele jʼauta; afukusa belemʼeko ngole mbeka ea mpukusa nda joso ja Yawe; 13ko aome bonʼoko owa mpate owa jende ndʼitenela iomakʼiyo mbeka yʼetungwelo limʼaoyiʼobe ko la mbeka ya ntatumba, wete ndʼitenela yʼilombe yʼoeko; wete mbeka ea ekwa ea likambo ele ea nkanga, nkʼelengʼele mbeka eʼetungwelo lima baoyiʼobe; eko ele boeko wa ndekola. 14Nkanga akole balongo bamo ba mbeka eʼekwa ea likambo, ko nkanga ilʼako nda nsonge ea litoi jʼelome jʼonto osʼofetswa, la ndʼosai wʼonene wa likata likae jʼelome, la ndʼosai wʼonene wa likaka likae jʼelome. 15Nkako nkanga akole bautʼamo lima jeza loswele jʼauta, ko uteza bako nda likata likae jʼeso, 16ko nkanga atufe bosai bokae wa likata jʼelome ndʼauta bale nda likata likae jʼeso, ko asanzela bauta lʼosaiʼokae nda joso ja Yawe besanzela nsambo. 17Ko limʼauta baciki nda likata likande, nkanga ile bamo nda nsonge ea litoi jʼelome jʼonto osʼofetswa, la ndʼosai wʼonene wa likata likae jʼelome, la ndʼosai wʼonene wa likaka likae jʼelome, o ndʼaliko bʼalongo ba mbeka eʼekwa ea likambo: 18ko bauta baciki nda likata likae, nkanga uteza ndʼotsa wʼonto osʼofetswa: ko ndʼelengʼeko nkanga akeelʼende etungwelo lima baoyiʼobe nda joso ja Yawe. 19Nkako nkanga alekya mbeka ndʼewelʼea baoyiʼobe; ko akeelʼende osʼofetswa lima linyamo likae etungwelo lima baoyiʼobe. Ko ndʼafeka aome mbeka ea ntatumba. 20Ko nkanga alekya mbeka ea ntatumba ko la mbeka ea biofo nda nkinda. Elengʼeko nkanga akeelʼende etungwelo lima baoyiʼobe, ko ende ayafeme feto.
21“Ngʼende ale bontʼowʼoola, ko afoateya toma touke ngoko, mpanga akole bona owa mpate owa jende omoko nga mbeka eʼekwa ea likambo, efukusama, wae akeelʼende etungwelo lima baoyiʼobe bakae, ko la liondo limoko jʼaondo jom ja efa ea farine eʼolotsi, esangana lʼauta, wae mbeka ea biofo, ko la jeza loswele jʼauta; 22ko la bimpompo bife, nkina bimbenga bife biʼanoju, nkʼelenge eateyʼende, emoko ngole mbeka ndʼewelʼea baoyiʼobe, ko enkina mbeka ea ntatumba. 23Nda mbile ea mwambi ayele belemʼeko beuma ele! nkanga ndʼewelʼea efetswelo ekande, o nda wiso wʼilombe y a bito yʼetakano, nda joso ja Yawe. 24Mpanga nkanga akole bona owa mpate mbeka eʼekwa ea likambo, ko la jeza loswele jʼauta, ko nkanga afukusʼako ngole mbeka ea mpukusa nda joso ja Yawe. 25Ko aome bonʼowa mpate, mbeka eʼekwa ea likambo; ko nkanga akole balongʼamo ba mbeka eʼekwa ea likambo, ko ilʼako nda nsonge ea litoi jʼelome jʼontʼosʼofetswa, la ndʼosai wʼonene wa likata likae jʼelome, ko la ndʼosai wʼonene wa likaka likae jʼelome. 26Mpanga nkanga uteza bautʼamo nda likata likae mongo jʼeso: 27ko lʼosai bokande wa likata likae jʼelome asanzela bautʼamo bʼako bale nda likata likae jʼeso besanzela nsambo nda joso ja Yawe; 28ko nkanga ile bautʼamo bʼako bale nda likata likae jʼeso nda nsonge ea litoi jʼelome jʼontʼosʼofetswa, la ndʼosai wʼonene wa likata likae jʼelome, la ndʼosai wʼonene wa likaka likae jʼelome, o nda wiji boki balongo ba mbeka eʼekwa ea likambo ilamaka: 29ko nkanga uteza bauta baciki nda likata likae o ndʼotsa wʼonto osʼofetswa, wae akeelʼende etungwelo lima baoyiʼobe nda joso ja Yawe. 30Nkako ifolekya lima bimpompo nkina bimbenga biʼanolu bikiʼndʼoataka, 31nkʼelengʼekiʼndʼoateyaka, emoko, mbeka ndʼewelʼea baoyiʼobe, ko emo mbeka ea ntatumba: ko la mbeka ea biofo ngoko: ko nkanga akeelʼende osʼofetswa etungwelo lima baoyiʼobe nda joso ja Yawe. 32Ene ele esekyelo eʼonto okona baeka, ko afoateya belemo bendeji lʼefetswelo ekande.”
33Ko Yawe aotefela la Mose la Alona, aokela, 34“Aʼinyʼokita ndʼese ea Kanana eʼemʼokayʼinyo ndʼeatelo, ko ndile nkangi ea baeka ndʼilombe yʼese eko ea eatelo ekinyo, 35mpanga ende ole bomongʼilombeʼiko aye osangela nkanga wete, Njena nkina nkangi ele ndʼilombe ikami. 36Ko nkanga asise wae bimole belemo beuma bele ndʼilombe atafa nkanga otswa wae engele nkangi eko, nyango belemo beuma bele ndʼilombe befoyalema la linyamo; ko ndʼafeka nkanga otswa wae enʼilombe. 37Ko alenda nkanga nkangi eko, ngʼende ena nkangi nda bitutu biʼilombe ele la baanda ngʼelenge ea banganju, nkina nga ngola, ko benya nga bayocime nda bitutu; 38mpanga nkanga ole limʼilombe o ndʼekuke, ko akombe ilombʼiko bembile nsambo. 39Ko nkanga ifoya lenkina mda mbile ea nsambo, ko engele; ko nga nkangi eofula nda bitutu biʼilombe; 40mpanga nkanga asise wae bimole bikenje bile la nkangi eko, ko buse biko ndʼitenela ya linyamo ile ndʼanza bʼonanga. 41Ko asise wae bale ndʼetei euma eʼilombʼiko njaala, ko baboke emolu endimolʼiyo la njaala ndʼanza bʼonanga ndʼitenela ya linyamo; 42mpanga bakole bikenje bimo ko basulunganya nda wiji bokiʼyʼimolaka bikenje biki joso; ko akole emolu enkina, ko alemole ilombe lʼeko.
43“Ko nga nkangi eko ute lenkina ko enya ndʼilombʼiko limʼakiʼyʼmolaka bikenje, ko limʼakiʼyʼalaka ko baolemola biko lʼemolu eʼaeyoko; 44mpanga nkanga otswʼeko wae engele; ko nga nkangi eofula ndʼilombe, eko ele baeka bayokake o nkakaka ndʼilombe; ilombe ile la linyamo. 45Kela atongole ilombʼiko, o la bikenje biʼiko, lʼabaya bʼiko, ko la emolu eʼiko; ko atombe belemʼeko ndʼanza bʼonanga ndʼitenela ya linyamo. 46Ko bonto ondotswa ndʼilombʼiko ndʼekeke ekombamʼiko ifoyalema linyamo elaka nkʼokolo. 47Ko osʼetama ndʼilombʼiko, asole benkoto bekande; ko osʼola toma ndʼilombeʼiko asole bito bikande.
48“Lolo nga nkanga aoyʼeko wae engele ilombe, ko atana wae nkangi ntefula limʼaki ilombe olemolamaka, nkako nkanga atange ilombʼiko feto, ele nkangi eosila. 49Ko ndʼefetswelo eʼilombʼiko ende akole tofulu tofe, la nganza ea kedala, lécarlate la hysope; 50ko aome imo ya tofulu toko ndʼijwa yʼiyomba ndʼaliko bʼasi bayoleke, 51ko akole nganza ea kedala ko la hysope la écarlate, la ifulu iyoike, atefya belemʼeko ko lʼifulu iyoike ndʼalongo bʼifulu iomamaki, ko atefya beko ndʼasi bako bayoleke, ko asanzele ilombʼiko besanzela nsambo. 52Ngoso afetolʼilombe lʼalongo bʼifulu iko, ko lʼasi bako bayoleke ko lʼifulu iyoike, ko la nganza ya kedala la hysope ko lʼécarlate. 53Lolo atungole ifulu iyoike ndʼanza bʼonanga, nda fole. Ngoso akela etungwelo ndʼeloko eʼilombʼiko, ko iko iyale feto.” 54Eko ele esekyelo ea nkangi ea baeka ba bilenge biuma, ko lʼea libwa, 55sko lʼea baeka bale ndʼonkoto la bako bale ndʼilombe, 56ko lʼea etutsa ko lʼea jina, ko lʼea baanda; 57esekyelo eko eneya elenge eyafa belemʼeko linyamo, ko eyala beko feto. Ene wete esekyelo ea baeka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987