Bisekyelo bia Ba-Lewi 10
10
Nadaba la Abiu bawa la tsa ta Yawe
1Nadaba la Abiu, bana ba Alona, baolambola wengiʼonto, etumbelo ekae ea baimi ba mpimbo, ko baolila tsa ndʼeko, ko baolila baimi ba mpimbo nda tsa; ko baotomba tsa tʼofaya nda joso ja Yawe, tokiʼnde ntasisakʼiyo wae bolekeza. 2Ko tsa tolola lima joso ja Yawe, ko tolaoma, ko baowa nda joso ja Yawe. 3Ko Mose aosangela Alona, “Line lile joi liki Yawe otefelaka, Emi njifeneya boomaʼokami wʼoeko elʼiyo batutamʼelʼemi, ko njifomemyama la jilangi nda joso jʼantʼauma.” Ko Alona aoyala o wai.
4Ko Mose aoleta Misaele la Elezafana, bana ba Uziele, ise emo ea Alona, ko aolakela, “Lotutama, ko lotomba bioto bikinyo lima joso jʼilombe yʼetakano ndʼanza bʼetakenelo eʼanto.” 5Ko baotutama, ko baolatomba ndʼenkoto bekiyo ndʼanza bʼetakanelo eʼanto, ngoki Mose otefelaka.
6Ko Mose aokela Alona, la Eleazala, la Itamala, banaʼakande, “Talitolake babwo ba betsʼekinyo, ko talatake benkoto bekinyo, nyango lofowa, ko nyangʼende afokela banto bauma bʼetakanelo nkele; lolo kela balongo bakinyo, wete ilongo iuma ya Yisalaele, balele ndʼewelʼea etumbelo eki Yawe oambolaka. 7Ko inyo talolake lima wiso wʼilombe ya bito yʼetakano, nyango lofowa, la ncina wae bauta ba loiso ba Yawe balʼelʼinyo.” Ko baokela elengʼea joi ja Mose.
8Ko Yawe aotefela la Alona, aokela, 9“Andotswa we ndʼilombe ya bito yʼetakano, tomelake vina lʼomejwa bolangwʼonto, la we lʼana bakawe, nyango lofowa. Eko ifoyala esekyelo ea seko nda biotswelo bikinyo biuma. 10Kela locikwanya ndatsa belemo bia boeko la befa lʼoeko, la ndatsa belemo bia linyamo la bia feto; 11ko lifolaka banto ba Yisalaele bisekyelo biuma biki Yawe oasekezaka la Mose.”
12Ko Mose aosangela Alona la Eleazala la Itamala, banaʼakande bakociki, “Lokola liondo liciki ja mbeka ea biofo lima mbeka ilekyamaki la tsa ele Yawe, ko lolekʼeko nko nyango ntutama la nkinda; elʼeko yomba ileki boeko. 13Lifolʼeko ndʼitenela yʼoeko, elʼeko liondo like la liondo jʼana bake lima mbeka ilekyama la tsa ele Yawe; elʼemi njosisama bosise ngoko. 14Lolo loleka ntolo ea mpukusa la lokolo ja nsasangya ndʼitenela ya feto, we lʼanaʼake bʼaende la bʼamato; elʼiko ile liondo like la liondo jʼanaʼake lima mbeka yʼeamanyelo ya bana ba Yisalaele. 15Ayelʼiyo mbeka yʼauta ilekyama la tsa ele Yawe, bayele lokolo losangyema ko la ntolo efukusama, wae bafukusʼiko ngole mbeka ea mpukusa nda joso ja Yawe: ko iko iyaleme ikawe la ya banaʼakawe seko, ngoki Yawe osisaka bosise.”
16Limʼako Mose asaki o njaasa mongo nta ea mbeka ndʼewelʼea baoyiʼobe; ko bala, eosilʼotumbama! Ko ende aolokela Eleazala la Itamala, bana ba Alona bakociki, nkele, aokela, 17“Inyo ntalola mbeka ndʼewelʼea baoyiʼobe nda ntena eʼoeko la ncina na? Elʼeko bolemo wʼoeko mongo, ko Yawe aolokayʼeko ndʼewela wae lotombe bobe wʼetakano eʼanto wae lokeelʼiyo eamanyelo nda joso ja Yawe. 18Bala, balongo bʼeko ntabatombama ndʼetei ea ntena ea boeko. Siki inyo loleki eko nda ntena ea boeko, ngokiʼmʼosisaka bosise.” 19Ko Alona aokela Mose, “Bala, mbilʼene baolekya mbeka ekiyo ndʼewelʼea baoyiʼobe, ko la mbeka ekiyo ea ntatumba nda joso ja Yawe; ko baoyi bʼelengʼeko bankwelaki oyei! Nga ndeki mbeka ndʼewelʼea baoyi bʼobe mbilʼene, siki joi liko josimama bolotsi ele Yawe nde?” 20Aki Mose okaka joi liko, botema bokande bolimela.
Currently Selected:
Bisekyelo bia Ba-Lewi 10: LOL87
Highlight
Copy
Compare
Share
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987
Bisekyelo bia Ba-Lewi 10
10
Nadaba la Abiu bawa la tsa ta Yawe
1Nadaba la Abiu, bana ba Alona, baolambola wengiʼonto, etumbelo ekae ea baimi ba mpimbo, ko baolila tsa ndʼeko, ko baolila baimi ba mpimbo nda tsa; ko baotomba tsa tʼofaya nda joso ja Yawe, tokiʼnde ntasisakʼiyo wae bolekeza. 2Ko tsa tolola lima joso ja Yawe, ko tolaoma, ko baowa nda joso ja Yawe. 3Ko Mose aosangela Alona, “Line lile joi liki Yawe otefelaka, Emi njifeneya boomaʼokami wʼoeko elʼiyo batutamʼelʼemi, ko njifomemyama la jilangi nda joso jʼantʼauma.” Ko Alona aoyala o wai.
4Ko Mose aoleta Misaele la Elezafana, bana ba Uziele, ise emo ea Alona, ko aolakela, “Lotutama, ko lotomba bioto bikinyo lima joso jʼilombe yʼetakano ndʼanza bʼetakenelo eʼanto.” 5Ko baotutama, ko baolatomba ndʼenkoto bekiyo ndʼanza bʼetakanelo eʼanto, ngoki Mose otefelaka.
6Ko Mose aokela Alona, la Eleazala, la Itamala, banaʼakande, “Talitolake babwo ba betsʼekinyo, ko talatake benkoto bekinyo, nyango lofowa, ko nyangʼende afokela banto bauma bʼetakanelo nkele; lolo kela balongo bakinyo, wete ilongo iuma ya Yisalaele, balele ndʼewelʼea etumbelo eki Yawe oambolaka. 7Ko inyo talolake lima wiso wʼilombe ya bito yʼetakano, nyango lofowa, la ncina wae bauta ba loiso ba Yawe balʼelʼinyo.” Ko baokela elengʼea joi ja Mose.
8Ko Yawe aotefela la Alona, aokela, 9“Andotswa we ndʼilombe ya bito yʼetakano, tomelake vina lʼomejwa bolangwʼonto, la we lʼana bakawe, nyango lofowa. Eko ifoyala esekyelo ea seko nda biotswelo bikinyo biuma. 10Kela locikwanya ndatsa belemo bia boeko la befa lʼoeko, la ndatsa belemo bia linyamo la bia feto; 11ko lifolaka banto ba Yisalaele bisekyelo biuma biki Yawe oasekezaka la Mose.”
12Ko Mose aosangela Alona la Eleazala la Itamala, banaʼakande bakociki, “Lokola liondo liciki ja mbeka ea biofo lima mbeka ilekyamaki la tsa ele Yawe, ko lolekʼeko nko nyango ntutama la nkinda; elʼeko yomba ileki boeko. 13Lifolʼeko ndʼitenela yʼoeko, elʼeko liondo like la liondo jʼana bake lima mbeka ilekyama la tsa ele Yawe; elʼemi njosisama bosise ngoko. 14Lolo loleka ntolo ea mpukusa la lokolo ja nsasangya ndʼitenela ya feto, we lʼanaʼake bʼaende la bʼamato; elʼiko ile liondo like la liondo jʼanaʼake lima mbeka yʼeamanyelo ya bana ba Yisalaele. 15Ayelʼiyo mbeka yʼauta ilekyama la tsa ele Yawe, bayele lokolo losangyema ko la ntolo efukusama, wae bafukusʼiko ngole mbeka ea mpukusa nda joso ja Yawe: ko iko iyaleme ikawe la ya banaʼakawe seko, ngoki Yawe osisaka bosise.”
16Limʼako Mose asaki o njaasa mongo nta ea mbeka ndʼewelʼea baoyiʼobe; ko bala, eosilʼotumbama! Ko ende aolokela Eleazala la Itamala, bana ba Alona bakociki, nkele, aokela, 17“Inyo ntalola mbeka ndʼewelʼea baoyiʼobe nda ntena eʼoeko la ncina na? Elʼeko bolemo wʼoeko mongo, ko Yawe aolokayʼeko ndʼewela wae lotombe bobe wʼetakano eʼanto wae lokeelʼiyo eamanyelo nda joso ja Yawe. 18Bala, balongo bʼeko ntabatombama ndʼetei ea ntena ea boeko. Siki inyo loleki eko nda ntena ea boeko, ngokiʼmʼosisaka bosise.” 19Ko Alona aokela Mose, “Bala, mbilʼene baolekya mbeka ekiyo ndʼewelʼea baoyiʼobe, ko la mbeka ekiyo ea ntatumba nda joso ja Yawe; ko baoyi bʼelengʼeko bankwelaki oyei! Nga ndeki mbeka ndʼewelʼea baoyi bʼobe mbilʼene, siki joi liko josimama bolotsi ele Yawe nde?” 20Aki Mose okaka joi liko, botema bokande bolimela.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987