Zekaria 14
14
Jerusalɛm Na Aman Nkaa No
1Hwɛ, EWURADZE ne da reba a wɔbɛkyɛ w’asadze mu wɔ wo finimfin. 2Na mobɔboa amanaman nyina ano aba Jerusalɛm do nye no abɔko; na wɔbɛfa kurow no, na wɔafom efiefi no, na wɔatoto mbaa no mbɔndar: na kurow no fa botu akɔ ndɔmmum mu, na ɔman no nkaase no dze worunntwitwa hɔn mmfi kurow no mu. 3Nna EWURADZE bopue, na ɔnye amanaman no akɔko, dɛ mbrɛ ɔkoe wɔ nkoda mu no. 4Na da no, n’anan besisi Ngo bepɔw no a ɔwɔ Jerusalɛm tsentsendo wɔ boka afamu no do, na Ngo bepɔw no bɛpaa ebien wɔ ne finimfin fi boka afamu dze ekesi anee afamu, na ɔayɛ bɔnsa kɛsenara; na bepɔw no ne fa bɔtwe akɔ kwaamu afamu, na ne fa so atwe akɔ pomu afamu. 5Na hom boguanguan afa me mbepɔw no no bɔnsaa no mu; na me bepɔw no no bɔnsaa no bodu Azel: ɛhɛɛ, hom boguanguan, dɛ mbrɛ hom guanguanee wɔ asaasewosow enyim wɔ Judahen Uzia nda mu no: na EWURADZE me Nyankopɔn bɛba, na akrɔnkrɔmfo nyina bɛka wo ho.
6Na da no, ɔbɛba dɛ awɔw yayaayaw biara nnkɛba: 7na adzekyee so bɛyɛ kor a EWURADZE na onyim; ɔnnyɛ adzekyee, na ɔnnyɛ adzesaa so: na ɔbɛba dɛ ewimbir no na kan bɛba.
8 #
Eze 47.1; Joh 7.38; Nyi 22.1 Na da no, ɔbɛba dɛ nkwa nsu befi Jerusalɛm apem; no mu fa akɔ boka afamu po no mu, na no mu fa so akɔ anee afamu po no mu: ɔpɛber na awɔwber mu na ɔbɛba. 9Na EWURADZE bedzi hen wɔ asaase no nyina do: da no mu na EWURADZE bɛda noho edzi dɛ EWURADZE kor no ara, na ne dzin so yɛ soronko.
10Asaase no nyina bɛdan dɛ Araba, efi Geba ekesi Rimmon wɔ Jerusalɛm pomu afamu; na ɔbɔkrɔn, na ɔatsena ne tsenabea, dze efi Benjamin abobokɛse no ano dze ekesi odzi kan no ho, dze ekesi kutuwdo abobokɛse no ano, na efi Hananel abantsentsen no ho dze ekesi ɔhen ne nsatwer no ho. 11#Nyi 22.3 Na nyimpa bɛtsena mu, na ndom biara remmba hɔ bio; na mbom Jerusalɛm bɛtsena dwudwoodwo.
12Na ɔyardɔm a EWURADZE dze bɔbɔ amanaman a woetu Jerusalɛm do sa no nyina nye iyi: ber a wogyinagyina hɔn anan do no, hɔn honam bɔprɔw, na hɔn enyiwa so aprɔw wɔ hɔn etu mu, na hɔn tɛkyerɛma aprɔw wɔ hɔn anomu. 13Na ɔbɛba wɔ da no mu dɛ weɔɔweɔɔyɛ kɛse fi EWURADZE hɔ bɛba hɔn mu; na hɔn mu obiara bosuo ne nyɛnko ne nsamu, na ne nsa ama do etsia ne nyɛnko nsa. 14Na Juda so nye Jerusalɛm bɔko; na wɔbɔboaboa amanaman a etwa ehyia nyina hɔn ahonya ano, sika, na dwetɛ na ntar pii. 15Na ɔpɔnkɔ, asoasopɔnkɔ, efupɔnkɔ, na asoaso, na mbowa a wɔwɔ nsera mu no hɔn yardɔm bɛyɛ dɛ yardɔm yi ara.
16 #
Lev 23.39-43
Na ɔbɛba dɛ, amanaman a wotuu Jerusalɛm do sa no nyinara mu dza aka no nyinara bɔfow aba, afrenhyia afrenhyia abɔkotow asɔr Ɔhen, dɔm EWURADZE no, na wɔahyɛ ntamadan afahyɛ no. 17Na ɔbɛba dɛ asaase do mbusua nyinara mu hɔn a wɔnnkɔfow aba Jerusalɛm abɔkotow asɔr Ɔhen, dɔm EWURADZE no, nsu ronntɔ hɔn do. 18Na sɛ Egypt ebusua ammfow annkɔ ammba a, ɔronntɔ hɔn do; yardɔm a EWURADZE dze bɔbɔ amanaman a wɔnnkɔfow aba abɛhyɛ ntamadan afahyɛ no ɔbɛba hɔ. 19Iyi bɛyɛ Egypt na amanaman a wɔnnkɔfow aba abɛhyɛ ntamadan afahyɛ no nyinara hɔn ntsea.
20Da no mu no, wɔbɛkyerɛw no wɔ mpɔnkɔ ndɔndɔmba do dɛ, KRƆNKRƆN MA EWURADZE na EWURADZE fie nkutu bɛyɛ dɛ afɔrmbukyia enyim ndweraa. 21Ɛhɛɛ, nkutu a wɔwɔ Jerusalɛm na Juda mu nyina bɛyɛ krɔnkrɔn ama dɔm EWURADZE: na hɔn a wɔbɔ okum afɔr nyina bɛba abɛfa mu bi akɔnoa adze wɔ mu: na da no mu no Keenannyi biara renntsena dɔm EWURADZE fie bio.
Currently Selected:
Zekaria 14: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Zekaria 14
14
Jerusalɛm Na Aman Nkaa No
1Hwɛ, EWURADZE ne da reba a wɔbɛkyɛ w’asadze mu wɔ wo finimfin. 2Na mobɔboa amanaman nyina ano aba Jerusalɛm do nye no abɔko; na wɔbɛfa kurow no, na wɔafom efiefi no, na wɔatoto mbaa no mbɔndar: na kurow no fa botu akɔ ndɔmmum mu, na ɔman no nkaase no dze worunntwitwa hɔn mmfi kurow no mu. 3Nna EWURADZE bopue, na ɔnye amanaman no akɔko, dɛ mbrɛ ɔkoe wɔ nkoda mu no. 4Na da no, n’anan besisi Ngo bepɔw no a ɔwɔ Jerusalɛm tsentsendo wɔ boka afamu no do, na Ngo bepɔw no bɛpaa ebien wɔ ne finimfin fi boka afamu dze ekesi anee afamu, na ɔayɛ bɔnsa kɛsenara; na bepɔw no ne fa bɔtwe akɔ kwaamu afamu, na ne fa so atwe akɔ pomu afamu. 5Na hom boguanguan afa me mbepɔw no no bɔnsaa no mu; na me bepɔw no no bɔnsaa no bodu Azel: ɛhɛɛ, hom boguanguan, dɛ mbrɛ hom guanguanee wɔ asaasewosow enyim wɔ Judahen Uzia nda mu no: na EWURADZE me Nyankopɔn bɛba, na akrɔnkrɔmfo nyina bɛka wo ho.
6Na da no, ɔbɛba dɛ awɔw yayaayaw biara nnkɛba: 7na adzekyee so bɛyɛ kor a EWURADZE na onyim; ɔnnyɛ adzekyee, na ɔnnyɛ adzesaa so: na ɔbɛba dɛ ewimbir no na kan bɛba.
8 #
Eze 47.1; Joh 7.38; Nyi 22.1 Na da no, ɔbɛba dɛ nkwa nsu befi Jerusalɛm apem; no mu fa akɔ boka afamu po no mu, na no mu fa so akɔ anee afamu po no mu: ɔpɛber na awɔwber mu na ɔbɛba. 9Na EWURADZE bedzi hen wɔ asaase no nyina do: da no mu na EWURADZE bɛda noho edzi dɛ EWURADZE kor no ara, na ne dzin so yɛ soronko.
10Asaase no nyina bɛdan dɛ Araba, efi Geba ekesi Rimmon wɔ Jerusalɛm pomu afamu; na ɔbɔkrɔn, na ɔatsena ne tsenabea, dze efi Benjamin abobokɛse no ano dze ekesi odzi kan no ho, dze ekesi kutuwdo abobokɛse no ano, na efi Hananel abantsentsen no ho dze ekesi ɔhen ne nsatwer no ho. 11#Nyi 22.3 Na nyimpa bɛtsena mu, na ndom biara remmba hɔ bio; na mbom Jerusalɛm bɛtsena dwudwoodwo.
12Na ɔyardɔm a EWURADZE dze bɔbɔ amanaman a woetu Jerusalɛm do sa no nyina nye iyi: ber a wogyinagyina hɔn anan do no, hɔn honam bɔprɔw, na hɔn enyiwa so aprɔw wɔ hɔn etu mu, na hɔn tɛkyerɛma aprɔw wɔ hɔn anomu. 13Na ɔbɛba wɔ da no mu dɛ weɔɔweɔɔyɛ kɛse fi EWURADZE hɔ bɛba hɔn mu; na hɔn mu obiara bosuo ne nyɛnko ne nsamu, na ne nsa ama do etsia ne nyɛnko nsa. 14Na Juda so nye Jerusalɛm bɔko; na wɔbɔboaboa amanaman a etwa ehyia nyina hɔn ahonya ano, sika, na dwetɛ na ntar pii. 15Na ɔpɔnkɔ, asoasopɔnkɔ, efupɔnkɔ, na asoaso, na mbowa a wɔwɔ nsera mu no hɔn yardɔm bɛyɛ dɛ yardɔm yi ara.
16 #
Lev 23.39-43
Na ɔbɛba dɛ, amanaman a wotuu Jerusalɛm do sa no nyinara mu dza aka no nyinara bɔfow aba, afrenhyia afrenhyia abɔkotow asɔr Ɔhen, dɔm EWURADZE no, na wɔahyɛ ntamadan afahyɛ no. 17Na ɔbɛba dɛ asaase do mbusua nyinara mu hɔn a wɔnnkɔfow aba Jerusalɛm abɔkotow asɔr Ɔhen, dɔm EWURADZE no, nsu ronntɔ hɔn do. 18Na sɛ Egypt ebusua ammfow annkɔ ammba a, ɔronntɔ hɔn do; yardɔm a EWURADZE dze bɔbɔ amanaman a wɔnnkɔfow aba abɛhyɛ ntamadan afahyɛ no ɔbɛba hɔ. 19Iyi bɛyɛ Egypt na amanaman a wɔnnkɔfow aba abɛhyɛ ntamadan afahyɛ no nyinara hɔn ntsea.
20Da no mu no, wɔbɛkyerɛw no wɔ mpɔnkɔ ndɔndɔmba do dɛ, KRƆNKRƆN MA EWURADZE na EWURADZE fie nkutu bɛyɛ dɛ afɔrmbukyia enyim ndweraa. 21Ɛhɛɛ, nkutu a wɔwɔ Jerusalɛm na Juda mu nyina bɛyɛ krɔnkrɔn ama dɔm EWURADZE: na hɔn a wɔbɔ okum afɔr nyina bɛba abɛfa mu bi akɔnoa adze wɔ mu: na da no mu no Keenannyi biara renntsena dɔm EWURADZE fie bio.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.