Zekaria 1
1
Nnuho Ho Dawurbɔ
1 #
Ezra 4.24—5.1; 6.14 Darius n’afe a otsia ebien no mu bosoom a otsia awɔtwe no, EWURADZE n’asɛm baa Iddo ba Berekia ne ba Zekaria, nkɔnhyɛnyi no hɔ dɛ, 2EWURADZE no bo efuw hom egyanom dodow. 3Dɛm ntsi se hɔn dɛ, Mbrɛ dɔm EWURADZE se nye yi: Hom nsan mbra me nkyɛn, na mebɛsan aba hom nkyɛn, dɔm EWURADZE na ɔse. 4Mma hom nnyɛ dɛ hom egyanom a nkɔnhyɛfo a wodzii kan no paa mu kaa kyerɛɛ hɔn, dɛ, Mbrɛ dɔm EWURADZE se nye yi, Afei hom nsan mfi hom akwan bɔn, na hom ndzeyɛɛ bɔn no ho: na wɔanntse, eso wɔannyɛ aso amma me no, EWURADZE na ɔse. 5Hom egyanom no, wɔwɔ hen? Na nkɔnhyɛfo no, aso wɔda ho tse ase anaa? 6Na me nsɛm nye m’ahyɛdze a medze hyɛɛ mo nkowaa nkɔnhyɛfo no, aso annto hom egyanom? Na wɔsanee, na wɔsee dɛ, Mbrɛ dɔm EWURADZE dween dɛ ɔdze bɛyɛ hɛn, dɛ mbrɛ hɛn akwan, na hɛn ndzeyɛɛ tse no, dɛmara na ɔnye hɛn edzi yi.
Nkɔnhyɛnyi No Ne Yikyerɛ
7Bosoom a otsia dubiako no a ɔyɛ Sebat bosoom no ne da a otsia eduonu anan no, Darius afe a otsia ebien no mu, nna EWURADZE n’asɛm baa Iddo ba Berekia, ne ba Zekaria, nkɔnhyɛnyi no hɔ, dɛ, 8#Nyi 6.2-8 Minyaa oyikyerɛ anadwe, na hwɛ, nyimpa a ɔtse ɔpɔnkɔ memen do, na ogyina mɛtlendua a ɔwɔ ɔbɔn mu no ntamu; na mpɔnkɔ amemen, ntokowa ntokowa na efufuw dzi n’ekyir. 9Nna mibisaa dɛ, Ao mo wura, na iyinom ebɛnadze a? Na ɔbɔfo a ɔnye me kasae no see me dɛ, Mebɛkyerɛ wo iyinom hɔn adzeban. 10Na nyimpa a ogyina mɛtlendua no ntamu no buae see dɛ, Woyinom nye hɔn a EWURADZE asoma dɛ wɔnnantsew ndzi akɔnaaba wɔ asaase do no. 11Na wobuaa EWURADZE no bɔfoe a ogyina mɛtlendua no ntamu no see dɛ, Yɛanantsew edzi akɔnaaba wɔ asaase do, na, hwɛ, asaase nyina tse hɔ komm, dwudwoodwo. 12Nna EWURADZE no bɔfoe no bisaa dɛ, Ao dɔm EWURADZE, onkodu dabɛn na wo yamu rennhyehye wo wɔ Jerusalɛm na Juda nkurow a w’ebufuhyew asoɛr hɔn do mfe eduosuon yi ho? 13Na EWURADZE buaa ɔbɔfo a ɔnye me kasae no nsɛm pa a ɔyɛ awerɛkyekyer nsɛm. 14Nna ɔbɔfo a ɔnye me kasae no see me dɛ, Paa mu ka dɛ, Mbrɛ dɔm EWURADZE se nye yi: Nyinkuntwe kɛse na medze motwe no Jerusalɛm na Zion ho. 15Na mo bo efuw amanaman a hɔn ho adwe hɔn no dodow: na mo bo fuuw kakraabi, na hɔnara wɔboae ma ahohia no yɛɛ kɛse. 16Dɛm ntsi mbrɛ EWURADZE se nye yi: Medze ehumbɔbɔr na madan m’enyi akyerɛ Jerusalɛm; wobesi me dan wɔ mu, dɔm EWURADZE na ɔse. Na wɔbɔtwe susuhoma mu wɔ Jerusalɛm. 17Paa mu bio, dɛ, Mbrɛ dɔm EWURADZE se nye yi: Mo nkurow no prɔmprɔmyɛ bobu do; na EWURADZE bɛda ho akyekye Zion no werɛ, na ɔada ho ara asan mu eyi Jerusalɛm.
18Na memaa m’enyi do na muhun mmbɛn anan. 19Na mibisaa ɔbɔfo a ɔnye me kasae no dɛ, Iyinom yɛ ebɛnadze? Na obuaa me dɛ, Iyinom nye mmbɛn a abɔ Juda, Israel, na Jerusalɛm apetse no. 20Na EWURADZE kyerɛɛ me atomfo baanan. 21Nna mibisaa dɛ, Ebɛnadze na atomfo yi bae bɛyɛe? Na obuae see dɛ, Iyinom nye mmbɛn a wɔbɔɔ Juda petsee, ma nyimpa bi amma ne tsir do no: na atomfo yi aba rebɛka hɔn ahyɛ, na woetutu amanaman a wɔmaa hɔn mmbɛn do tsiaa Juda asaase dze bɔɔ hɔn petsee no hɔn mmbɛn.
Currently Selected:
Zekaria 1: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Zekaria 1
1
Nnuho Ho Dawurbɔ
1 #
Ezra 4.24—5.1; 6.14 Darius n’afe a otsia ebien no mu bosoom a otsia awɔtwe no, EWURADZE n’asɛm baa Iddo ba Berekia ne ba Zekaria, nkɔnhyɛnyi no hɔ dɛ, 2EWURADZE no bo efuw hom egyanom dodow. 3Dɛm ntsi se hɔn dɛ, Mbrɛ dɔm EWURADZE se nye yi: Hom nsan mbra me nkyɛn, na mebɛsan aba hom nkyɛn, dɔm EWURADZE na ɔse. 4Mma hom nnyɛ dɛ hom egyanom a nkɔnhyɛfo a wodzii kan no paa mu kaa kyerɛɛ hɔn, dɛ, Mbrɛ dɔm EWURADZE se nye yi, Afei hom nsan mfi hom akwan bɔn, na hom ndzeyɛɛ bɔn no ho: na wɔanntse, eso wɔannyɛ aso amma me no, EWURADZE na ɔse. 5Hom egyanom no, wɔwɔ hen? Na nkɔnhyɛfo no, aso wɔda ho tse ase anaa? 6Na me nsɛm nye m’ahyɛdze a medze hyɛɛ mo nkowaa nkɔnhyɛfo no, aso annto hom egyanom? Na wɔsanee, na wɔsee dɛ, Mbrɛ dɔm EWURADZE dween dɛ ɔdze bɛyɛ hɛn, dɛ mbrɛ hɛn akwan, na hɛn ndzeyɛɛ tse no, dɛmara na ɔnye hɛn edzi yi.
Nkɔnhyɛnyi No Ne Yikyerɛ
7Bosoom a otsia dubiako no a ɔyɛ Sebat bosoom no ne da a otsia eduonu anan no, Darius afe a otsia ebien no mu, nna EWURADZE n’asɛm baa Iddo ba Berekia, ne ba Zekaria, nkɔnhyɛnyi no hɔ, dɛ, 8#Nyi 6.2-8 Minyaa oyikyerɛ anadwe, na hwɛ, nyimpa a ɔtse ɔpɔnkɔ memen do, na ogyina mɛtlendua a ɔwɔ ɔbɔn mu no ntamu; na mpɔnkɔ amemen, ntokowa ntokowa na efufuw dzi n’ekyir. 9Nna mibisaa dɛ, Ao mo wura, na iyinom ebɛnadze a? Na ɔbɔfo a ɔnye me kasae no see me dɛ, Mebɛkyerɛ wo iyinom hɔn adzeban. 10Na nyimpa a ogyina mɛtlendua no ntamu no buae see dɛ, Woyinom nye hɔn a EWURADZE asoma dɛ wɔnnantsew ndzi akɔnaaba wɔ asaase do no. 11Na wobuaa EWURADZE no bɔfoe a ogyina mɛtlendua no ntamu no see dɛ, Yɛanantsew edzi akɔnaaba wɔ asaase do, na, hwɛ, asaase nyina tse hɔ komm, dwudwoodwo. 12Nna EWURADZE no bɔfoe no bisaa dɛ, Ao dɔm EWURADZE, onkodu dabɛn na wo yamu rennhyehye wo wɔ Jerusalɛm na Juda nkurow a w’ebufuhyew asoɛr hɔn do mfe eduosuon yi ho? 13Na EWURADZE buaa ɔbɔfo a ɔnye me kasae no nsɛm pa a ɔyɛ awerɛkyekyer nsɛm. 14Nna ɔbɔfo a ɔnye me kasae no see me dɛ, Paa mu ka dɛ, Mbrɛ dɔm EWURADZE se nye yi: Nyinkuntwe kɛse na medze motwe no Jerusalɛm na Zion ho. 15Na mo bo efuw amanaman a hɔn ho adwe hɔn no dodow: na mo bo fuuw kakraabi, na hɔnara wɔboae ma ahohia no yɛɛ kɛse. 16Dɛm ntsi mbrɛ EWURADZE se nye yi: Medze ehumbɔbɔr na madan m’enyi akyerɛ Jerusalɛm; wobesi me dan wɔ mu, dɔm EWURADZE na ɔse. Na wɔbɔtwe susuhoma mu wɔ Jerusalɛm. 17Paa mu bio, dɛ, Mbrɛ dɔm EWURADZE se nye yi: Mo nkurow no prɔmprɔmyɛ bobu do; na EWURADZE bɛda ho akyekye Zion no werɛ, na ɔada ho ara asan mu eyi Jerusalɛm.
18Na memaa m’enyi do na muhun mmbɛn anan. 19Na mibisaa ɔbɔfo a ɔnye me kasae no dɛ, Iyinom yɛ ebɛnadze? Na obuaa me dɛ, Iyinom nye mmbɛn a abɔ Juda, Israel, na Jerusalɛm apetse no. 20Na EWURADZE kyerɛɛ me atomfo baanan. 21Nna mibisaa dɛ, Ebɛnadze na atomfo yi bae bɛyɛe? Na obuae see dɛ, Iyinom nye mmbɛn a wɔbɔɔ Juda petsee, ma nyimpa bi amma ne tsir do no: na atomfo yi aba rebɛka hɔn ahyɛ, na woetutu amanaman a wɔmaa hɔn mmbɛn do tsiaa Juda asaase dze bɔɔ hɔn petsee no hɔn mmbɛn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.