Romefo 15
15
Hom Nsɔ Nkorɔfo Enyi, Nnyɛ Homho
1Na hɛn a yɛyɛ dzen no, ɔsɛ dɛ yɛsoa hɔn a wɔnnyɛ dzen no hɔn mberɛwyɛ, na mma yɛnnsɔ hɛnara hɛn enyi. 2Hom mma hɛn mu obiara nsɔ ne nyɛnko enyi mma ne yieyɛ, mfa ntow ne gyedzi do nkɔ kan. 3#Dwom 69.9 Na Kraest so annsɔ nankasa noho enyi, na dɛ mbrɛ wɔakyerɛw no, Hɔn a wɔhyɛɛ wo ahorba no, hɔn ahorbahyɛ no tɔɔ mo do. 4Na biribiara a wɔkyerɛɛw no nkan no, wɔkyerɛwee maa hɛn nkyerɛkyerɛ, ama ɔnam abotar na kyerɛwnsɛm no n’awerɛkyekyer do yeenya enyidado. 5Na abotar nye awerɛkyekyer Nyankopɔn no mma hom nnya adwenkor wɔ homho nkorkor dɛ mbrɛ Kraest Jesus dze tse, 6ama hom dze adwenkor nye anokor aahyɛ hɛn Ewuradze Jesus Kraest ne Nyankopɔn nye n’Egya enyimnyam.
Asɛmpa no Yɛ Jewfo nye Amanamamfo so Dze
7Dɛm ntsi hom ngyegye homho, dɛ mbrɛ Kraest so agye hom ama Nyankopɔn n’enyimnyam no. 8Na mese dɛ wɔayɛ Kraest twatsiatwa no ho somfo wɔ Nyankopɔn no nokwar no ntsi, ma ɔaahyɛ egyanom anohoba no dzen, 9#2 Sam 22.50; Dwom 18.49 na amanamamfo aahyɛ Nyankopɔn enyimnyam wɔ n’ehumbɔbɔr ntsi; dɛ mbrɛ wɔakyerɛw no dɛ,
Dɛm ntsi mibeyi wo ayɛw wɔ amanaman mu,
Na mabɔ wo dzin atow ndwom.
10 #
Deut 32.43
Na ɔka no bio dɛ,
Amanaman, hom nye ne man ndzi ehurusi,
11 #
Dwom 117.1
Na bio,
Amanaman, hom nyi Ewuradze ayɛw,
Na hom mma aman horow nyina nkamfo no.
12 #
Isa 11.10
Na bio Isaia se dɛ,
Jesse ndwow no bɛba,
Ɔnye nyia ɔbɔsoɛr ebedzi amanaman do:
No mu na amanaman benya enyidado.
13Na enyidado Nyankopɔn mfa gyedzi mu enyigye nye asomdwee nyina nhyɛ hom ma, ma hom aabor do wɔ enyidado mu, wɔ Sunsum Krɔnkrɔn ahoɔdzen mu.
Paul ne Siantsir a Ɔkyerɛw wɔ Ndamyɛ mu
14Na megye dzi yie wɔ hom ho, mo nuanom, dɛ homankasa so papayɛ nyina ahyɛ hom ma, na nyimdzee nyina ahyɛ hom ma tɔr, na eso hom tum tutu homho fo. 15Naaso medze ndam pii makyerɛw nsɛm yi ho bi abrɛ hom, dɛ medze rebɛkaa hom bio wɔ adom a Nyankopɔn adom me ntsi, 16dɛ menyɛ Kraest Jesus somfo mma amanamamfo, na menkɛyɛ Nyankopɔn asɛmpa no ho asɔfodwuma, na amanaman nyɛ afɔr a ɔsɔ enyi a wɔatsew ho wɔ Sunsum Krɔnkrɔn mu. 17Dɛm ntsi mowɔ m’ahohyehyɛ wɔ Kraest Jesus mu wɔ ndzɛmba a ɔfa Nyankopɔn ho mu. 18Na mirinnsi mo bo nnka biribiara ho asɛm gyedɛ dza Kraest edua mo do ayɛ ama amanaman ayɛ setsie, wɔ asɛm nye ndwuma mu, 19wɔ nsɛnkyerɛdze nye anwanwadze tum mu, wɔ Sunsum Krɔnkrɔn no tum mu. Na maka Kraest n’asɛmpa no nyinara fitsi Jerusalɛm na no ho nkurow mu dze ekesi Ilirikum. 20Dza m’enyi beer ho nye dɛ mebɛka asɛmpa no, wɔ mbrɛ wɔmmbɔɔ Kraest dzin wɔ hɔ pɛn, amma maannkɔtow obi ne fapem do, 21#Isa 52.15 na mbom dɛ mbrɛ wɔakyerɛw no dɛ,
Hɔn a no ho asɛm enndu hɔn nkyɛn bohu,
Na hɔn a wɔanntse bɛtse ase.
Paul ne Nhyehyɛɛ dɛ Ɔbɔkɔ Rome
22 #
Rom 1.13
Na iyi ntsi so na mpɛn pii nye yi a woesiw me kwan amma maammba hom nkyɛn. 23Na afei, minnyi mbew yi do beebi bio, na mfe pii yi nyina mepɛ dɛ meba hom nkyɛn ntsi, 24da biara a mubotu kwan akɔ Spain no osiandɛ m’enyi da dɛ murutwa mu a, mubohu hom, na sɛ megye m’enyi kakra wɔ hom nkyɛn wie a, hom egya me kwan akɔ hɔ, 25#1 Kor 16.1-4 na sesei dze morokɔ Jerusalɛm akɔsom ahotseweefo no. 26Na ayɛ Masidonia nye Akia fɛw dɛ wɔdze ntoboa bi kɛma ahotseweefo a wɔwɔ Jerusalɛm mu ehiafo. 27#1 Kor 9.11 Ɔyɛɛ hɔn fɛw dɛ wɔbɛyɛ, naaso nna wɔdze hɔn kaw, osiandɛ sɛ wɔama amanamamfo enya hɔn sunsum mu ndzɛmba bi a, nna ɔsɛ amanamamfo no so dɛ wɔdze hɔn honam mu afamu ndzɛmba bi som hɔn. 28Dɛm ntsi muwie yi na minya mosɔw aba yi ano ma hɔn a, mebɛba mabɛfa hom nkyɛn akɔ Spain. 29Na minyim dɛ meba hom nkyɛn a, mebɛba no Kraest ne nhyira asɛmpa no ne mayɛ mu.
30Na afei, enuanom, menam hɛn Ewuradze Jesus Kraest nye Sunsum no dɔ do meserɛ hom dɛ hom mfa me tsir do mpaa a hom bɔ serɛ Nyankopɔn ma me no mper mma me; 31dɛ wobeyi me efi asoɔdzenfo a wɔwɔ Judea nsa, na mo som a morokɔsom wɔ Jerusalɛm no asɔ ahotseweefo no enyi, 32ma menam Nyankopɔn pɛ do maaba hom nkyɛn wɔ enyigye mu, na emi nye hom nyina hɛn ho aatɔ hɛn. 33Na asomdwee Nyankopɔn nye hom nyina ntsena. Amen.
Currently Selected:
Romefo 15: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Romefo 15
15
Hom Nsɔ Nkorɔfo Enyi, Nnyɛ Homho
1Na hɛn a yɛyɛ dzen no, ɔsɛ dɛ yɛsoa hɔn a wɔnnyɛ dzen no hɔn mberɛwyɛ, na mma yɛnnsɔ hɛnara hɛn enyi. 2Hom mma hɛn mu obiara nsɔ ne nyɛnko enyi mma ne yieyɛ, mfa ntow ne gyedzi do nkɔ kan. 3#Dwom 69.9 Na Kraest so annsɔ nankasa noho enyi, na dɛ mbrɛ wɔakyerɛw no, Hɔn a wɔhyɛɛ wo ahorba no, hɔn ahorbahyɛ no tɔɔ mo do. 4Na biribiara a wɔkyerɛɛw no nkan no, wɔkyerɛwee maa hɛn nkyerɛkyerɛ, ama ɔnam abotar na kyerɛwnsɛm no n’awerɛkyekyer do yeenya enyidado. 5Na abotar nye awerɛkyekyer Nyankopɔn no mma hom nnya adwenkor wɔ homho nkorkor dɛ mbrɛ Kraest Jesus dze tse, 6ama hom dze adwenkor nye anokor aahyɛ hɛn Ewuradze Jesus Kraest ne Nyankopɔn nye n’Egya enyimnyam.
Asɛmpa no Yɛ Jewfo nye Amanamamfo so Dze
7Dɛm ntsi hom ngyegye homho, dɛ mbrɛ Kraest so agye hom ama Nyankopɔn n’enyimnyam no. 8Na mese dɛ wɔayɛ Kraest twatsiatwa no ho somfo wɔ Nyankopɔn no nokwar no ntsi, ma ɔaahyɛ egyanom anohoba no dzen, 9#2 Sam 22.50; Dwom 18.49 na amanamamfo aahyɛ Nyankopɔn enyimnyam wɔ n’ehumbɔbɔr ntsi; dɛ mbrɛ wɔakyerɛw no dɛ,
Dɛm ntsi mibeyi wo ayɛw wɔ amanaman mu,
Na mabɔ wo dzin atow ndwom.
10 #
Deut 32.43
Na ɔka no bio dɛ,
Amanaman, hom nye ne man ndzi ehurusi,
11 #
Dwom 117.1
Na bio,
Amanaman, hom nyi Ewuradze ayɛw,
Na hom mma aman horow nyina nkamfo no.
12 #
Isa 11.10
Na bio Isaia se dɛ,
Jesse ndwow no bɛba,
Ɔnye nyia ɔbɔsoɛr ebedzi amanaman do:
No mu na amanaman benya enyidado.
13Na enyidado Nyankopɔn mfa gyedzi mu enyigye nye asomdwee nyina nhyɛ hom ma, ma hom aabor do wɔ enyidado mu, wɔ Sunsum Krɔnkrɔn ahoɔdzen mu.
Paul ne Siantsir a Ɔkyerɛw wɔ Ndamyɛ mu
14Na megye dzi yie wɔ hom ho, mo nuanom, dɛ homankasa so papayɛ nyina ahyɛ hom ma, na nyimdzee nyina ahyɛ hom ma tɔr, na eso hom tum tutu homho fo. 15Naaso medze ndam pii makyerɛw nsɛm yi ho bi abrɛ hom, dɛ medze rebɛkaa hom bio wɔ adom a Nyankopɔn adom me ntsi, 16dɛ menyɛ Kraest Jesus somfo mma amanamamfo, na menkɛyɛ Nyankopɔn asɛmpa no ho asɔfodwuma, na amanaman nyɛ afɔr a ɔsɔ enyi a wɔatsew ho wɔ Sunsum Krɔnkrɔn mu. 17Dɛm ntsi mowɔ m’ahohyehyɛ wɔ Kraest Jesus mu wɔ ndzɛmba a ɔfa Nyankopɔn ho mu. 18Na mirinnsi mo bo nnka biribiara ho asɛm gyedɛ dza Kraest edua mo do ayɛ ama amanaman ayɛ setsie, wɔ asɛm nye ndwuma mu, 19wɔ nsɛnkyerɛdze nye anwanwadze tum mu, wɔ Sunsum Krɔnkrɔn no tum mu. Na maka Kraest n’asɛmpa no nyinara fitsi Jerusalɛm na no ho nkurow mu dze ekesi Ilirikum. 20Dza m’enyi beer ho nye dɛ mebɛka asɛmpa no, wɔ mbrɛ wɔmmbɔɔ Kraest dzin wɔ hɔ pɛn, amma maannkɔtow obi ne fapem do, 21#Isa 52.15 na mbom dɛ mbrɛ wɔakyerɛw no dɛ,
Hɔn a no ho asɛm enndu hɔn nkyɛn bohu,
Na hɔn a wɔanntse bɛtse ase.
Paul ne Nhyehyɛɛ dɛ Ɔbɔkɔ Rome
22 #
Rom 1.13
Na iyi ntsi so na mpɛn pii nye yi a woesiw me kwan amma maammba hom nkyɛn. 23Na afei, minnyi mbew yi do beebi bio, na mfe pii yi nyina mepɛ dɛ meba hom nkyɛn ntsi, 24da biara a mubotu kwan akɔ Spain no osiandɛ m’enyi da dɛ murutwa mu a, mubohu hom, na sɛ megye m’enyi kakra wɔ hom nkyɛn wie a, hom egya me kwan akɔ hɔ, 25#1 Kor 16.1-4 na sesei dze morokɔ Jerusalɛm akɔsom ahotseweefo no. 26Na ayɛ Masidonia nye Akia fɛw dɛ wɔdze ntoboa bi kɛma ahotseweefo a wɔwɔ Jerusalɛm mu ehiafo. 27#1 Kor 9.11 Ɔyɛɛ hɔn fɛw dɛ wɔbɛyɛ, naaso nna wɔdze hɔn kaw, osiandɛ sɛ wɔama amanamamfo enya hɔn sunsum mu ndzɛmba bi a, nna ɔsɛ amanamamfo no so dɛ wɔdze hɔn honam mu afamu ndzɛmba bi som hɔn. 28Dɛm ntsi muwie yi na minya mosɔw aba yi ano ma hɔn a, mebɛba mabɛfa hom nkyɛn akɔ Spain. 29Na minyim dɛ meba hom nkyɛn a, mebɛba no Kraest ne nhyira asɛmpa no ne mayɛ mu.
30Na afei, enuanom, menam hɛn Ewuradze Jesus Kraest nye Sunsum no dɔ do meserɛ hom dɛ hom mfa me tsir do mpaa a hom bɔ serɛ Nyankopɔn ma me no mper mma me; 31dɛ wobeyi me efi asoɔdzenfo a wɔwɔ Judea nsa, na mo som a morokɔsom wɔ Jerusalɛm no asɔ ahotseweefo no enyi, 32ma menam Nyankopɔn pɛ do maaba hom nkyɛn wɔ enyigye mu, na emi nye hom nyina hɛn ho aatɔ hɛn. 33Na asomdwee Nyankopɔn nye hom nyina ntsena. Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.