Matthew 5
5
Koko do Asɛnka
1Na ohun nyimpadodow no, ɔkɔr koko no do, na ɔtsenaa ase no, n’esuafo baa ne nkyɛn. 2Na obuee n’ano kyerɛkyerɛɛ hɔn dɛ: 3Nhyira aka sunsum mu ehiafo, na hɔn na ɔsor ahenman no yɛ hɔndze.
4 #
Isa 61.2
Nhyira aka hɔn a hɔn werɛ ahow, na hɔn na wɔbɛkyekye hɔn werɛ.
5 #
Dwom 37.11
Nhyira aka abrɛfo, na hɔn na wobenya asaase no edzi do.
6 #
Isa 55.1, 2 Nhyira aka hɔn a tsenenee ho ɔkɔm nye nsukɔm dze hɔn, na hɔn na wɔbɛma wɔamee.
7 Nhyira aka mbɔbɔrhufo, na hɔn na wobohu hɔn mbɔbɔr.
8 #
Dwom 24.3, 4 Nhyira aka hɔn a hɔn akoma mu tsew, na hɔn na wobohu Nyankopɔn.
9 Nhyira aka esiesiefo, na hɔn na wɔbɛfrɛ hɔn Nyankopɔn mba.
10 #
1 Pet 3.14
Nhyira aka hɔn a tsenenee ntsi wɔahaw hɔn, na hɔn na ɔsor ahenman no yɛ hɔndze. 11#1 Pet 4.14 Nhyira aka hom ber a wɔbɛyaw hom, na wɔahaw hom, na wɔaka nsɛmbɔn nyina ato hom do akɔhwi mu, wɔ me ntsi. 12#2 Mbe 36.16; Ndwu 7.52 Hom ndzi dɛw na hom ho nsɛpɛw hom, na hom akatua so wɔ sor; na dɛmara na wɔhaaw nkɔnhyɛfo a wodzii hom kan no.
Asaase do Nkyen na Kan
(Mark 9.50; Luke 14.34, 35)
13 #
Mar 9.50; Luk 14.34, 35 Hom nye asaase do nkyen; na sɛ nkyen no ayew ne dɛw a, wɔdze ebɛnadze bɛhyɛ no nkyen? Onnye mma hwee bio, na mbom wɔtow gu ma nyimpa tsiatsia do. 14#Joh 8.12; 9.5 Hom nye wiadze kan no. Kurow a ɔda koko do nntum nnsuma. 15#Mar 4.21; Luk 8.16; 11.33 Eso wɔnnsɔ kandzea mmfa nnsi kuruw ase; na wɔdze si kandzeadua do, ma ɔhyerɛn ma hɔn a wɔwɔ fie nyina. 16#1 Pet 2.12 Ne dɛm ntsi, hom mma hom kan no nhyerɛn wɔ nyimpa enyim, ama woeehu hom ndwuma pa na wɔaahyɛ hom Egya a ɔwɔ sor no enyimnyam.
Mbra no ho Nkyerɛkyerɛ
17 Mma hom nndwen dɛ mebae dɛ merebɛsɛɛ mbra no anaa nkɔnhyɛfo no: dabida, mammbɛsɛɛ, mbom mebɛhyɛɛ ma. 18#Luk 16.17 Na nokwar mese hom dɛ, Sor nye asaase nnyae nntwaa mu yi, akyerɛwdze kor anaadɛ nsensanee kor mpo nnkefi mbra no ho etwa mu, gyedɛ ne nyina ahyɛ ma ana. 19Dɛm ntsi obiara a ɔbɔto mbransɛm nketseaba yi mu kor, na ɔbɛkyerɛkyerɛ nyimpa dɛm no, wɔbɛfrɛ no aketseaba wɔ sor ahenman no mu; na obiara a ɔbɛyɛ na ɔbɛkyerɛkyerɛ no, ɔno na wɔbɛfrɛ no ɔkɛse wɔ sor ahenman no mu. 20Na mese hom dɛ gyedɛ hom tsenenee kyɛn Akyerɛwfo no nye Farisiifo no hɔn tsenenee, ɔno hom nnkɛhɛn sor ahenman no mu da.
Ebufuw ho Nkyerɛkyerɛ
21 #
Eks 20.13; Deut 5.17 Hom atse dɛ wɔkaa kyerɛɛ tsetsefo no dɛ, Mma nndzi ewu, na obiara a obedzi ewu no, obedzi fɔ wɔ atsɛmbu no mu; 22na emi dze mese hom dɛ, Obiara a no bo fuw no nua gyan, obedzi atsɛmbu no mu fɔ; na obiara a ɔbɛse no nua, Raka, #5.22 RAKA: Asekyerɛ nye dɛ, “Nyimpa gyangyan”. obedzi fɔ wɔ mpanyimfo bagua mu; na obiara a ɔbɛse, Ɔkwasea no, obedzi fɔ akɔ amandzehu kurow mu gya no mu. 23Dɛm ntsi sɛ edze w’ayɛyɛdze ba afɔrmbukyia no ho, na sɛ ekaa wɔ hɔ dɛ wo nua wɔ wo ho asɛm bi a, 24gyaa w’ayɛyɛdze wɔ afɔrmbukyia no enyim hɔ, na dzi kan kɔ nye wo nua nkɔbɔ mu, ana aba abɛma w’ayɛyɛdze. 25Enye wo tamfo mbɔ mu ntsɛm ber a enye no wɔ kwan mu no; amma da bi wo tamfo eennyi wo annhyɛ ɔtsɛmbuafo nsa, na ɔtsɛmbuafo no eennyi wo annhyɛ ɔsomfo nsa, ma wɔaammfa wo annkɔto efiadze. 26Nokwar mese wo dɛ, Innkefi hɔ gyedɛ etua kapɛrba biara a aka ekyir no ana.
Awarto ho Nkyerɛkyerɛ
27 #
Eks 20.14; Deut 5.18 Hom atse dɛ wɔkaa dɛ, Mma nnto awar; 28na emi dze mese hom dɛ, Obiara a ɔhwɛ ɔbaa dɛ no kɔn dɔ no no, ɔafa no dada wɔ n’akoma mu. 29#Mat 18.9; Mar 9.47 Na sɛ w’enyiwa nyimfa to wo fintsidua a, tu na tow fi woho kyen: na oye ma wo dɛ wo nyimpadua ne fa kor bɛsɛɛ na wɔammfa wo nyimpadua nyina annkɔto amandzehu kurow mu. 30#Mat 18.8; Mar 9.43 Na sɛ wo nsa nyimfa to wo fintsidua a, twa na tow fi woho kyen: na oye ma wo dɛ ebɔhwer wo nyimpadua ho beebi na wo nyimpadua nyina nnkɔkɔ amandzehu kurow mu.
Awargu ho Nkyerɛkyerɛ
(Matthew 19.9; Mark 10.11, 12; Luke 16.18)
31 #
Deut 24.1-4; Mat 19.7; Mar 10.4 Wɔkae so dɛ, Obiara a obegyaa ne yer awar no, ma ɔmma no awargu no ho krataa; 32#Mat 19.9; Mar 10.11, 12; Luk 16.18; 1 Kor 7.10, 11 naaso emi dze, mese hom dɛ, Obiara a obegyaa ne yer, ber a basia no mmbɔɔ edwaman no, ɔma basia no to awar; na obiara a ɔbɔwar nyia woegyaa no no, ɔto awar.
Ntanka ho Nkyerɛkyerɛ
33 #
Lev 19.12; Nka 30.2; Deut 23.21 Bio hom atse dɛ wɔkaa kyerɛɛ tsetsefo no dɛ, Mma nnka ntanhun, na fa w’atanyi ma Ewuradze; 34#Jas 5.12; Isa 66.1; Mat 23.22 na emi dze, mese hom dɛ, Mma hom nnka ntam koraa: mma hom nnka ɔsor, osiandɛ ɔyɛ Nyankopɔn n’ahengua; 35mma hom nnka asaase, osiandɛ ɔyɛ n’ananadzegua; mma hom nnka Jerusalɛm, osiandɛ ɔyɛ ɔhen kɛse no kurow. 36Eso mma mmfa wo tsir nnka ntam, osiandɛ irunntum nnyɛ nhwi kor fufuw anaa tuntum. 37Na hom mma hom Nyew, nyɛ Nyew; na hom Oho, nnyɛ Oho; osiandɛ biribi a ɔkyɛn yinom fi bɔn mu.
Awerdzi ho Nkyerɛkyerɛ
(Luke 6.29, 30)
38 #
Eks 21.24; Lev 24.20; Deut 19.21 Hom atse dɛ wɔkaa dɛ, Enyiwa nsi enyiwa ananmu, na ese nsi ese ananmu; 39naaso emi dze, mese hom dɛ, Mma hom nye ɔbɔnfo no nndzi esi; mbom sɛ obi bɔ wo sotɔr wɔ w’enyimfa a, dan bankum no so ma no; 40na sɛ obi pɛ dɛ ɔnye wo dzi asɛm, na ɔgye w’asetar a, ma ɔmfa wo nkatado no so; 41na obiara a ɔbɛhyɛ wo dɛ enye no nkɔ ɔkwansin kor no, enye no nkɔ ebien. 42Nyia ɔserɛ wo no, ma no; nyia ɔpɛ dɛ ɔfɛm wɔ wo hɔ no, mma nndan woho mmfi no ho.
Dɔ W’atamfo
(Luke 6.27, 28, 32-36)
43 Hom atse dɛ wɔkaa dɛ, Dɔ wo nyɛnko na tan wo tamfo; 44naaso emi dze, mese hom dɛ, Hom ndɔ hom atamfo, na hom nsɔr mma hɔn a wɔhaw hom; 45ama hom aayɛ hom Egya a ɔwɔ sor no ne mba: na ɔma n’ewia fir wɔ nyimpa bɔn nye nyimpa pa do, na ɔtɔ nsu gu hɔn a wɔtsen nye hɔn a wɔnntsen do. 46Na sɛ hom dɔ hɔn a wɔdɔ hom a, ebɛn akatua na hom nya? Ana atowgyefo no so nnyɛ dɛmara? 47Na sɛ hom kyia hom nuanom nko a, ebɛnadze na hom ayɛ abor do? Ana amanamamfo no so nnyɛ dɛmara? 48#Lev 19.2; Deut 18.13 Dɛm ntsi hom ndzi mu, dɛ mbrɛ hom sor Egya no dzi mu.
Currently Selected:
Matthew 5: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Matthew 5
5
Koko do Asɛnka
1Na ohun nyimpadodow no, ɔkɔr koko no do, na ɔtsenaa ase no, n’esuafo baa ne nkyɛn. 2Na obuee n’ano kyerɛkyerɛɛ hɔn dɛ: 3Nhyira aka sunsum mu ehiafo, na hɔn na ɔsor ahenman no yɛ hɔndze.
4 #
Isa 61.2
Nhyira aka hɔn a hɔn werɛ ahow, na hɔn na wɔbɛkyekye hɔn werɛ.
5 #
Dwom 37.11
Nhyira aka abrɛfo, na hɔn na wobenya asaase no edzi do.
6 #
Isa 55.1, 2 Nhyira aka hɔn a tsenenee ho ɔkɔm nye nsukɔm dze hɔn, na hɔn na wɔbɛma wɔamee.
7 Nhyira aka mbɔbɔrhufo, na hɔn na wobohu hɔn mbɔbɔr.
8 #
Dwom 24.3, 4 Nhyira aka hɔn a hɔn akoma mu tsew, na hɔn na wobohu Nyankopɔn.
9 Nhyira aka esiesiefo, na hɔn na wɔbɛfrɛ hɔn Nyankopɔn mba.
10 #
1 Pet 3.14
Nhyira aka hɔn a tsenenee ntsi wɔahaw hɔn, na hɔn na ɔsor ahenman no yɛ hɔndze. 11#1 Pet 4.14 Nhyira aka hom ber a wɔbɛyaw hom, na wɔahaw hom, na wɔaka nsɛmbɔn nyina ato hom do akɔhwi mu, wɔ me ntsi. 12#2 Mbe 36.16; Ndwu 7.52 Hom ndzi dɛw na hom ho nsɛpɛw hom, na hom akatua so wɔ sor; na dɛmara na wɔhaaw nkɔnhyɛfo a wodzii hom kan no.
Asaase do Nkyen na Kan
(Mark 9.50; Luke 14.34, 35)
13 #
Mar 9.50; Luk 14.34, 35 Hom nye asaase do nkyen; na sɛ nkyen no ayew ne dɛw a, wɔdze ebɛnadze bɛhyɛ no nkyen? Onnye mma hwee bio, na mbom wɔtow gu ma nyimpa tsiatsia do. 14#Joh 8.12; 9.5 Hom nye wiadze kan no. Kurow a ɔda koko do nntum nnsuma. 15#Mar 4.21; Luk 8.16; 11.33 Eso wɔnnsɔ kandzea mmfa nnsi kuruw ase; na wɔdze si kandzeadua do, ma ɔhyerɛn ma hɔn a wɔwɔ fie nyina. 16#1 Pet 2.12 Ne dɛm ntsi, hom mma hom kan no nhyerɛn wɔ nyimpa enyim, ama woeehu hom ndwuma pa na wɔaahyɛ hom Egya a ɔwɔ sor no enyimnyam.
Mbra no ho Nkyerɛkyerɛ
17 Mma hom nndwen dɛ mebae dɛ merebɛsɛɛ mbra no anaa nkɔnhyɛfo no: dabida, mammbɛsɛɛ, mbom mebɛhyɛɛ ma. 18#Luk 16.17 Na nokwar mese hom dɛ, Sor nye asaase nnyae nntwaa mu yi, akyerɛwdze kor anaadɛ nsensanee kor mpo nnkefi mbra no ho etwa mu, gyedɛ ne nyina ahyɛ ma ana. 19Dɛm ntsi obiara a ɔbɔto mbransɛm nketseaba yi mu kor, na ɔbɛkyerɛkyerɛ nyimpa dɛm no, wɔbɛfrɛ no aketseaba wɔ sor ahenman no mu; na obiara a ɔbɛyɛ na ɔbɛkyerɛkyerɛ no, ɔno na wɔbɛfrɛ no ɔkɛse wɔ sor ahenman no mu. 20Na mese hom dɛ gyedɛ hom tsenenee kyɛn Akyerɛwfo no nye Farisiifo no hɔn tsenenee, ɔno hom nnkɛhɛn sor ahenman no mu da.
Ebufuw ho Nkyerɛkyerɛ
21 #
Eks 20.13; Deut 5.17 Hom atse dɛ wɔkaa kyerɛɛ tsetsefo no dɛ, Mma nndzi ewu, na obiara a obedzi ewu no, obedzi fɔ wɔ atsɛmbu no mu; 22na emi dze mese hom dɛ, Obiara a no bo fuw no nua gyan, obedzi atsɛmbu no mu fɔ; na obiara a ɔbɛse no nua, Raka, #5.22 RAKA: Asekyerɛ nye dɛ, “Nyimpa gyangyan”. obedzi fɔ wɔ mpanyimfo bagua mu; na obiara a ɔbɛse, Ɔkwasea no, obedzi fɔ akɔ amandzehu kurow mu gya no mu. 23Dɛm ntsi sɛ edze w’ayɛyɛdze ba afɔrmbukyia no ho, na sɛ ekaa wɔ hɔ dɛ wo nua wɔ wo ho asɛm bi a, 24gyaa w’ayɛyɛdze wɔ afɔrmbukyia no enyim hɔ, na dzi kan kɔ nye wo nua nkɔbɔ mu, ana aba abɛma w’ayɛyɛdze. 25Enye wo tamfo mbɔ mu ntsɛm ber a enye no wɔ kwan mu no; amma da bi wo tamfo eennyi wo annhyɛ ɔtsɛmbuafo nsa, na ɔtsɛmbuafo no eennyi wo annhyɛ ɔsomfo nsa, ma wɔaammfa wo annkɔto efiadze. 26Nokwar mese wo dɛ, Innkefi hɔ gyedɛ etua kapɛrba biara a aka ekyir no ana.
Awarto ho Nkyerɛkyerɛ
27 #
Eks 20.14; Deut 5.18 Hom atse dɛ wɔkaa dɛ, Mma nnto awar; 28na emi dze mese hom dɛ, Obiara a ɔhwɛ ɔbaa dɛ no kɔn dɔ no no, ɔafa no dada wɔ n’akoma mu. 29#Mat 18.9; Mar 9.47 Na sɛ w’enyiwa nyimfa to wo fintsidua a, tu na tow fi woho kyen: na oye ma wo dɛ wo nyimpadua ne fa kor bɛsɛɛ na wɔammfa wo nyimpadua nyina annkɔto amandzehu kurow mu. 30#Mat 18.8; Mar 9.43 Na sɛ wo nsa nyimfa to wo fintsidua a, twa na tow fi woho kyen: na oye ma wo dɛ ebɔhwer wo nyimpadua ho beebi na wo nyimpadua nyina nnkɔkɔ amandzehu kurow mu.
Awargu ho Nkyerɛkyerɛ
(Matthew 19.9; Mark 10.11, 12; Luke 16.18)
31 #
Deut 24.1-4; Mat 19.7; Mar 10.4 Wɔkae so dɛ, Obiara a obegyaa ne yer awar no, ma ɔmma no awargu no ho krataa; 32#Mat 19.9; Mar 10.11, 12; Luk 16.18; 1 Kor 7.10, 11 naaso emi dze, mese hom dɛ, Obiara a obegyaa ne yer, ber a basia no mmbɔɔ edwaman no, ɔma basia no to awar; na obiara a ɔbɔwar nyia woegyaa no no, ɔto awar.
Ntanka ho Nkyerɛkyerɛ
33 #
Lev 19.12; Nka 30.2; Deut 23.21 Bio hom atse dɛ wɔkaa kyerɛɛ tsetsefo no dɛ, Mma nnka ntanhun, na fa w’atanyi ma Ewuradze; 34#Jas 5.12; Isa 66.1; Mat 23.22 na emi dze, mese hom dɛ, Mma hom nnka ntam koraa: mma hom nnka ɔsor, osiandɛ ɔyɛ Nyankopɔn n’ahengua; 35mma hom nnka asaase, osiandɛ ɔyɛ n’ananadzegua; mma hom nnka Jerusalɛm, osiandɛ ɔyɛ ɔhen kɛse no kurow. 36Eso mma mmfa wo tsir nnka ntam, osiandɛ irunntum nnyɛ nhwi kor fufuw anaa tuntum. 37Na hom mma hom Nyew, nyɛ Nyew; na hom Oho, nnyɛ Oho; osiandɛ biribi a ɔkyɛn yinom fi bɔn mu.
Awerdzi ho Nkyerɛkyerɛ
(Luke 6.29, 30)
38 #
Eks 21.24; Lev 24.20; Deut 19.21 Hom atse dɛ wɔkaa dɛ, Enyiwa nsi enyiwa ananmu, na ese nsi ese ananmu; 39naaso emi dze, mese hom dɛ, Mma hom nye ɔbɔnfo no nndzi esi; mbom sɛ obi bɔ wo sotɔr wɔ w’enyimfa a, dan bankum no so ma no; 40na sɛ obi pɛ dɛ ɔnye wo dzi asɛm, na ɔgye w’asetar a, ma ɔmfa wo nkatado no so; 41na obiara a ɔbɛhyɛ wo dɛ enye no nkɔ ɔkwansin kor no, enye no nkɔ ebien. 42Nyia ɔserɛ wo no, ma no; nyia ɔpɛ dɛ ɔfɛm wɔ wo hɔ no, mma nndan woho mmfi no ho.
Dɔ W’atamfo
(Luke 6.27, 28, 32-36)
43 Hom atse dɛ wɔkaa dɛ, Dɔ wo nyɛnko na tan wo tamfo; 44naaso emi dze, mese hom dɛ, Hom ndɔ hom atamfo, na hom nsɔr mma hɔn a wɔhaw hom; 45ama hom aayɛ hom Egya a ɔwɔ sor no ne mba: na ɔma n’ewia fir wɔ nyimpa bɔn nye nyimpa pa do, na ɔtɔ nsu gu hɔn a wɔtsen nye hɔn a wɔnntsen do. 46Na sɛ hom dɔ hɔn a wɔdɔ hom a, ebɛn akatua na hom nya? Ana atowgyefo no so nnyɛ dɛmara? 47Na sɛ hom kyia hom nuanom nko a, ebɛnadze na hom ayɛ abor do? Ana amanamamfo no so nnyɛ dɛmara? 48#Lev 19.2; Deut 18.13 Dɛm ntsi hom ndzi mu, dɛ mbrɛ hom sor Egya no dzi mu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.