Matthew 27
27
Wɔdze Jesus Kɔ Pilate Enyim
(Mark 15.1; Luke 23.1, 2; John 18.28-32)
1Na adze kyee no, asɔfompanyin nye ɔman mpanyimfo no nyina faa Jesus ho apam dɛ woboku no. 2Na wɔkyekyeer no dze no kɔree kɛhyɛɛ ambrado Pilate nsa.
Judas no Wu
(Ndwuma 1.18, 19)
3 #
Ndwu 1.18, 19 Nna Judas a oyii no mae no, ohun dɛ woebu no fɔ no, onuu no ho, na ɔdze ndwetɛbona eduasa no brɛɛ asɔfompanyin nye mpanyimfo no dɛ, 4Mayɛ bɔn dɛ meyi bɔgya a onndzi fɔ ama. Na wobuaa dɛ, Ɔfa hɛn ho bɛn? Woara w’asɛm a. 5Na ɔtoow ndwetɛbona no guu asɔrdan no mu, na osii mu kɔree kɛsɛɛn ne men. 6Na asɔfompanyin no faa ndwetɛbona no na wɔsee dɛ, Ɔmmfa mbra mu dɛ wɔdze to ayɛyɛdze adaka no mu, osiandɛ ɔyɛ bɔgya ho sika. 7Na wɔfaa apam, na wɔdze kɛgyee ɔwemfo asaase no, ama woeesie ahɔho wɔ mu. 8Dɛm ntsi asaase no, wɔfrɛ no bɔgya asaase dze bodu ndɛ. 9#Zek 11.12, 13 Nna dza nkɔnhyɛnyi Jeremia kae no baa mu dɛ, Na wɔfaa ndwetɛbona eduasa no, nyia wodzii ne tsir bo no no bo a Israelmba mu binom twae no, 10na wɔdze gyee ɔwemfo asaase no, dɛ mbrɛ Ewuradze hyɛɛ me no.
Pilate Bisabisa Jesus Nsɛm
(Mark 15.2-5; Luke 23.3-5; John 18.33-38)
11Na Jesus gyinaa ambrado no enyim; na ambrado no bisaa no dɛ, Ana Jewfo Hen nye wo a? Na Jesus see no dɛ, Aka. 12Na asɔfompanyin nye mpanyimfo no toatoaa no, naaso oemmbua hwee. 13Nna Pilate see no dɛ, Ana enntse ndzɛmba pii a woridzi ho dase tsia wo yi? 14Naaso oemmbua no wɔ asɛm kor mpo ho, ma ɔyɛɛ ambrado no nwanwa kɛse.
Wobu Jesus Kumfɔ
(Mark 15.6-15; Luke 23.13-25; John 18.39—19.16)
15Nna afahyɛ du a, ambrado no tɔ dɛ ogyaa daduanyi kor a wɔpɛ ma nyimpadodow no. 16Nna wɔwɔ daduanyi bi wɔ hɔ a wɔfrɛ no Barabbas. 17Dɛm ntsi wobehyiae no, Pilate bisaa hɔn dɛ, Woana na hom pɛ dɛ migyaa no ma hom? Barabbas anaa Jesus a wɔfrɛ no Kraest no a? 18Nna onyim dɛ enyitan ntsi na woyii no mae. 19Na ɔtse atsɛmbu egua do no, ne yer somaa obi wɔ ne nkyɛn dɛ, Mma ennye nyimpa tsenenee no nndzi asɛm bi, na ɔno ntsi mehu amandze pii wɔ adaaso mu ndɛ. 20Na asɔfompanyin nye mpanyimfo no wee guu nyimpadodow no aso mu dɛ wombisa Barabbas, na wonku Jesus. 21Na ambrado no bisaa hɔn dɛ, Hɔn beenu yi mu woana na hom pɛ dɛ migyaa no ma hom? Wɔsee dɛ, Barabbas a. 22Pilate see hɔn dɛ, Na Jesus a wɔfrɛ no Kraest no, menyɛ no dɛn? Hɔn nyina see dɛ, Ma wɔmbɔ no mbeamudua mu. 23Na ɔsee dɛ, Ebɛn bɔn na ɔayɛ? Na wɔtseatseaa mu mbordo dɛ, Ma wɔmbɔ no mbeamudua mu. 24#Deut 21.6-9 Na Pilate hun dɛ onntum nnyɛ ho hwee, na mbom wentwiwentwi reba no, ɔfaa nsu hohoor ne nsa ho wɔ nyimpadodow no enyim see dɛ, Minndzi so wɔ nyimpa tsenenee yi no bɔgyaa ho: homara hom asɛm. 25Na ɔman no nyina buae see dɛ, No bɔgyaa ngu hɛn nye hɛn mba etsifi. 26Nna ogyaa Barabbas maa hɔn, na Jesus dze, ɔkaa no mpire no, oyii no mae dɛ wɔnkɔbɔ no mbeamudua mu.
Nsordaafo no Si Jesus Atwetwe
(Mark 15.16-20; John 19.2, 3)
27Nna ambrado no no nsordaafo no faa Jesus kɔr ambrado aban mu hɔ, na wohyiahyiaa nsordaafokuw no nyina baa ne nkyɛn. 28Na wɔpɔɔr n’atar, na wɔdze atar memen hyɛɛ no, 29na wɔween nsoɛ katraka dze hyɛɛ ne tsir, na wɔdze ndzɛmbir hyɛɛ ne nsa nyimfa mu, na wobuu ntwɛr wɔ n’enyim, na wosii no atwetwe dɛ, Jewfo Hen, o! 30Wohinahinaa ntafi guu no do, na wɔgyee ndzɛmbir no na wɔdze bɔɔ n’etsifi. 31Na wowiee no atwetwe si no, wɔpɔɔr atar no wɔ no ho, na wɔdze nankasa n’atar hyɛɛ no, na wɔdze no kɔree dɛ wɔrokɔbɔ no mbeamudua mu.
Wɔbɔ Jesus Mbeamudua mu
(Mark 15.21-32; Luke 23.26-43; John 19.17-27)
32Na worupue akɔ no, wohun Sirenenyi bi a ne dzin dze Simon: ɔno na wɔhyɛɛ no dɛ ɔnsoa ne mbeamudua no nye hɔn nkɔ. 33Na wokodur beebi a wɔfrɛ hɔ Golgota, ɔnye dɛ Tsikwankora Bea no, 34#Dwom 69.21 wɔmaa no wenyin a wɔdze bɔwema afora mu dɛ ɔnnom; na ɔkaa n’ano no ɔammpɛ dɛ ɔnom. 35#Dwom 22.18 Na wɔbɔɔ no mbeamudua mu no, wɔtwee tonto kyɛɛ n’atar; (ama dza nkɔnhyɛnyi no kae no aba mu dɛ, Na wɔkyɛɛ m’atar mu maa hɔn ho, na wɔtwee me ntar ho tonto.)#27.35 Tsetse Akyerɛwfo no binom mmfa dza ɔhyɛ nkatomdze mu yi mmba. 36na wɔtsenatsenaa ase weɔɔn no wɔ hɔ. 37Na wɔdze n’ewusi a wɔkyerɛwee no faam n’etsifi dɛ, OYI NYE JESUS JEWFO HEN NO. 38Na wɔbɔɔ edwotwafo beenu mbeamudua mu kaa no ho, ɔbaako wɔ n’enyimfa, ɔbaako wɔ n’abankum. 39#Dwom 22.7; 109.25 Na hɔn a worutwa mu no dzii no nsɛmbɔn, na wɔwosowosoow hɔn tsir 40#Mat 26.61; Joh 2.19 see dɛ, Ɔwo a idwuruw asɔrdan no na isi no ndaansa, gye woho; sɛ eyɛ Nyankopɔn Ba no a, fi mbeamudua ho si famu ɛ! 41Dɛmara so na asɔfompanyin no nye kyerɛwfo nye mpanyimfo no sii no atwetwe see dɛ, 42Oyi gyee binom: naaso onntum nngye nankasa noho. Ɔno nye Israel Hen no: wɔmma omfi mbeamudua no ho nsi famu, na yɛbɛgye no edzi. 43#Dwom 22 Nyew, ɔdze noho atwer Nyankopɔn: sɛ Nyankopɔn pɛ a, wɔmma ɔngye no, osiandɛ ɔnoara see dɛ, Nyankopɔn Ba nye me. 44Dɛmara na edwotwafo no a wɔbɔɔ hɔn nye no mbeamudua mu no so yaaw no.
Jesus no Wu
(Mark 15.33-41; Luke 23.44-49; John 19.28-30)
45Na ofi bɛyɛ ewiaber duebien ber no, sum hyɛɛ asaase nyina do kesii ndɔnebiasa ber no. 46#Dwom 22.1 Na bɛyɛ ndɔnebiasa no, Jesus dze ndze kɛse kaa mu dɛ, Eli, Eli, lama sabaktani? Ɔno nye dɛ, Me Nyankopɔn, me Nyankopɔn, ɔyɛ dɛn na apa me yi? 47Na hɔn a wogyinaa hɔ binom tsee no, wɔsee dɛ, Oyi refrɛ Elija. 48#Dwom 69.21 Na ntsɛmara hɔn mu baako tuu mbirika kɛfaa posaa dze kɔbɔɔ wenyin yerɛyerɛw mu, na ɔdze tuaa ndzɛmbir ano maa no dɛ ɔnnom. 49Na nkaa no see dɛ, Gyaa ma yɛnhwɛ dɛ Elija bɛba abɛgye no anaa. 50Na Jesus dze ndze kɛse kaa mu bio no, ogyaa no sunsum mu. 51#Eks 26.31-33 Na hwɛ, asɔrdan no mu ntwamutam no tseew ebien fi sor besii ase, na asaase wosowee, na abotan paapaae, 52na ahotseweefo a wɔadeda dodowara hɔn efun nyanyanee, 53na wofi nda no mu puepuei wɔ ne nyan no ekyir no, wɔkɔr kurow krɔnkrɔn no mu keyii hɔnho kyerɛɛ dodowara. 54Na ɔhamupanyin no nye hɔn a wɔka no ho roweɔn Jesus no hun asaasewosow no nye ndzɛmba a ɔyɛe no, wosuroo pii na wɔsee dɛ, Ampaara, Nyankopɔn Ba nye yi.
55 #
Luk 8.2, 3 Na mbaa dodowara wɔ hɔ a wogyinaa ekyir hwɛe, woyinom na wɔkaa Jesus do fiir Galilii na wɔsoom no; 56na Mary Magdalene, nye James nye Joses hɔn na Mary, nye Zebedee mba no hɔn na ka hɔn ho.
Jesus ne Nsiei
(Mark 15.42-47; Luke 23.50-56; John 19.38-42)
57Na odur ewimbir no, ɔhonyanyi bi a ofi Arimatea a wɔfrɛ no Josef a noara so yɛ Jesus no suanyi bae; 58ɔno na ɔkɔr Pilate hɔ kɛserɛɛ Jesus no fun. Nna Pilate hyɛɛ dɛ wɔmfa mma no. 59Na Josef faa fun no dze bobɔɔw ndwera a n’enyi tsew mu, 60Na ɔdze too nankasa ne nda fofor a otwaa no ɔbotan mu no mu, na opireew ɔbo kɛse hiin nda no ano, na ɔkɔree. 61Nna Mary Magdalene nye Mary baako no so wɔ hɔ, na wɔtsenatsena nda no enyim.
Nda no do Aweɔmfo no
62Na adze kyee a ɔyɛ da a odzi Ahosiesieda no ekyir no, asɔfompanyin nye Farisiifo no behyiae wɔ Pilate nkyɛn 63#Mat 16.21; 17.23; 20.19; Mar 8.31; 9.31; 10.33, 34; Luk 9.22; 18.31-33 bɛsee dɛ, Hɛn wura, yɛkaa dɛ ɔdaadaafo no tse ase no, ɔkaa dɛ, Ndaansa ekyir mibenyan. 64Dɛm ntsi ka ma wɔnkɛhyɛ nda no nsew nkodu da a otsia ebiasa no, amma n’esuafo aammba emmbowia no, na wɔaannse ɔman no dɛ, Oenyan efi ewufo mu; ɔno ekyir nsɛmansɛma no bɛsen kan dze no koraa. 65Pilate see hɔn dɛ, Hom wɔ aweɔmfo: hom nkɔ nkɛhyɛ no nsew dɛ mbrɛ hom botum. 66Na wɔkɔree, na wɔkɛhyɛɛ nda no nsew: wɔsɔɔw ɔbo no ano, nna aweɔmfo no ka hɔn ho.
Currently Selected:
Matthew 27: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Matthew 27
27
Wɔdze Jesus Kɔ Pilate Enyim
(Mark 15.1; Luke 23.1, 2; John 18.28-32)
1Na adze kyee no, asɔfompanyin nye ɔman mpanyimfo no nyina faa Jesus ho apam dɛ woboku no. 2Na wɔkyekyeer no dze no kɔree kɛhyɛɛ ambrado Pilate nsa.
Judas no Wu
(Ndwuma 1.18, 19)
3 #
Ndwu 1.18, 19 Nna Judas a oyii no mae no, ohun dɛ woebu no fɔ no, onuu no ho, na ɔdze ndwetɛbona eduasa no brɛɛ asɔfompanyin nye mpanyimfo no dɛ, 4Mayɛ bɔn dɛ meyi bɔgya a onndzi fɔ ama. Na wobuaa dɛ, Ɔfa hɛn ho bɛn? Woara w’asɛm a. 5Na ɔtoow ndwetɛbona no guu asɔrdan no mu, na osii mu kɔree kɛsɛɛn ne men. 6Na asɔfompanyin no faa ndwetɛbona no na wɔsee dɛ, Ɔmmfa mbra mu dɛ wɔdze to ayɛyɛdze adaka no mu, osiandɛ ɔyɛ bɔgya ho sika. 7Na wɔfaa apam, na wɔdze kɛgyee ɔwemfo asaase no, ama woeesie ahɔho wɔ mu. 8Dɛm ntsi asaase no, wɔfrɛ no bɔgya asaase dze bodu ndɛ. 9#Zek 11.12, 13 Nna dza nkɔnhyɛnyi Jeremia kae no baa mu dɛ, Na wɔfaa ndwetɛbona eduasa no, nyia wodzii ne tsir bo no no bo a Israelmba mu binom twae no, 10na wɔdze gyee ɔwemfo asaase no, dɛ mbrɛ Ewuradze hyɛɛ me no.
Pilate Bisabisa Jesus Nsɛm
(Mark 15.2-5; Luke 23.3-5; John 18.33-38)
11Na Jesus gyinaa ambrado no enyim; na ambrado no bisaa no dɛ, Ana Jewfo Hen nye wo a? Na Jesus see no dɛ, Aka. 12Na asɔfompanyin nye mpanyimfo no toatoaa no, naaso oemmbua hwee. 13Nna Pilate see no dɛ, Ana enntse ndzɛmba pii a woridzi ho dase tsia wo yi? 14Naaso oemmbua no wɔ asɛm kor mpo ho, ma ɔyɛɛ ambrado no nwanwa kɛse.
Wobu Jesus Kumfɔ
(Mark 15.6-15; Luke 23.13-25; John 18.39—19.16)
15Nna afahyɛ du a, ambrado no tɔ dɛ ogyaa daduanyi kor a wɔpɛ ma nyimpadodow no. 16Nna wɔwɔ daduanyi bi wɔ hɔ a wɔfrɛ no Barabbas. 17Dɛm ntsi wobehyiae no, Pilate bisaa hɔn dɛ, Woana na hom pɛ dɛ migyaa no ma hom? Barabbas anaa Jesus a wɔfrɛ no Kraest no a? 18Nna onyim dɛ enyitan ntsi na woyii no mae. 19Na ɔtse atsɛmbu egua do no, ne yer somaa obi wɔ ne nkyɛn dɛ, Mma ennye nyimpa tsenenee no nndzi asɛm bi, na ɔno ntsi mehu amandze pii wɔ adaaso mu ndɛ. 20Na asɔfompanyin nye mpanyimfo no wee guu nyimpadodow no aso mu dɛ wombisa Barabbas, na wonku Jesus. 21Na ambrado no bisaa hɔn dɛ, Hɔn beenu yi mu woana na hom pɛ dɛ migyaa no ma hom? Wɔsee dɛ, Barabbas a. 22Pilate see hɔn dɛ, Na Jesus a wɔfrɛ no Kraest no, menyɛ no dɛn? Hɔn nyina see dɛ, Ma wɔmbɔ no mbeamudua mu. 23Na ɔsee dɛ, Ebɛn bɔn na ɔayɛ? Na wɔtseatseaa mu mbordo dɛ, Ma wɔmbɔ no mbeamudua mu. 24#Deut 21.6-9 Na Pilate hun dɛ onntum nnyɛ ho hwee, na mbom wentwiwentwi reba no, ɔfaa nsu hohoor ne nsa ho wɔ nyimpadodow no enyim see dɛ, Minndzi so wɔ nyimpa tsenenee yi no bɔgyaa ho: homara hom asɛm. 25Na ɔman no nyina buae see dɛ, No bɔgyaa ngu hɛn nye hɛn mba etsifi. 26Nna ogyaa Barabbas maa hɔn, na Jesus dze, ɔkaa no mpire no, oyii no mae dɛ wɔnkɔbɔ no mbeamudua mu.
Nsordaafo no Si Jesus Atwetwe
(Mark 15.16-20; John 19.2, 3)
27Nna ambrado no no nsordaafo no faa Jesus kɔr ambrado aban mu hɔ, na wohyiahyiaa nsordaafokuw no nyina baa ne nkyɛn. 28Na wɔpɔɔr n’atar, na wɔdze atar memen hyɛɛ no, 29na wɔween nsoɛ katraka dze hyɛɛ ne tsir, na wɔdze ndzɛmbir hyɛɛ ne nsa nyimfa mu, na wobuu ntwɛr wɔ n’enyim, na wosii no atwetwe dɛ, Jewfo Hen, o! 30Wohinahinaa ntafi guu no do, na wɔgyee ndzɛmbir no na wɔdze bɔɔ n’etsifi. 31Na wowiee no atwetwe si no, wɔpɔɔr atar no wɔ no ho, na wɔdze nankasa n’atar hyɛɛ no, na wɔdze no kɔree dɛ wɔrokɔbɔ no mbeamudua mu.
Wɔbɔ Jesus Mbeamudua mu
(Mark 15.21-32; Luke 23.26-43; John 19.17-27)
32Na worupue akɔ no, wohun Sirenenyi bi a ne dzin dze Simon: ɔno na wɔhyɛɛ no dɛ ɔnsoa ne mbeamudua no nye hɔn nkɔ. 33Na wokodur beebi a wɔfrɛ hɔ Golgota, ɔnye dɛ Tsikwankora Bea no, 34#Dwom 69.21 wɔmaa no wenyin a wɔdze bɔwema afora mu dɛ ɔnnom; na ɔkaa n’ano no ɔammpɛ dɛ ɔnom. 35#Dwom 22.18 Na wɔbɔɔ no mbeamudua mu no, wɔtwee tonto kyɛɛ n’atar; (ama dza nkɔnhyɛnyi no kae no aba mu dɛ, Na wɔkyɛɛ m’atar mu maa hɔn ho, na wɔtwee me ntar ho tonto.)#27.35 Tsetse Akyerɛwfo no binom mmfa dza ɔhyɛ nkatomdze mu yi mmba. 36na wɔtsenatsenaa ase weɔɔn no wɔ hɔ. 37Na wɔdze n’ewusi a wɔkyerɛwee no faam n’etsifi dɛ, OYI NYE JESUS JEWFO HEN NO. 38Na wɔbɔɔ edwotwafo beenu mbeamudua mu kaa no ho, ɔbaako wɔ n’enyimfa, ɔbaako wɔ n’abankum. 39#Dwom 22.7; 109.25 Na hɔn a worutwa mu no dzii no nsɛmbɔn, na wɔwosowosoow hɔn tsir 40#Mat 26.61; Joh 2.19 see dɛ, Ɔwo a idwuruw asɔrdan no na isi no ndaansa, gye woho; sɛ eyɛ Nyankopɔn Ba no a, fi mbeamudua ho si famu ɛ! 41Dɛmara so na asɔfompanyin no nye kyerɛwfo nye mpanyimfo no sii no atwetwe see dɛ, 42Oyi gyee binom: naaso onntum nngye nankasa noho. Ɔno nye Israel Hen no: wɔmma omfi mbeamudua no ho nsi famu, na yɛbɛgye no edzi. 43#Dwom 22 Nyew, ɔdze noho atwer Nyankopɔn: sɛ Nyankopɔn pɛ a, wɔmma ɔngye no, osiandɛ ɔnoara see dɛ, Nyankopɔn Ba nye me. 44Dɛmara na edwotwafo no a wɔbɔɔ hɔn nye no mbeamudua mu no so yaaw no.
Jesus no Wu
(Mark 15.33-41; Luke 23.44-49; John 19.28-30)
45Na ofi bɛyɛ ewiaber duebien ber no, sum hyɛɛ asaase nyina do kesii ndɔnebiasa ber no. 46#Dwom 22.1 Na bɛyɛ ndɔnebiasa no, Jesus dze ndze kɛse kaa mu dɛ, Eli, Eli, lama sabaktani? Ɔno nye dɛ, Me Nyankopɔn, me Nyankopɔn, ɔyɛ dɛn na apa me yi? 47Na hɔn a wogyinaa hɔ binom tsee no, wɔsee dɛ, Oyi refrɛ Elija. 48#Dwom 69.21 Na ntsɛmara hɔn mu baako tuu mbirika kɛfaa posaa dze kɔbɔɔ wenyin yerɛyerɛw mu, na ɔdze tuaa ndzɛmbir ano maa no dɛ ɔnnom. 49Na nkaa no see dɛ, Gyaa ma yɛnhwɛ dɛ Elija bɛba abɛgye no anaa. 50Na Jesus dze ndze kɛse kaa mu bio no, ogyaa no sunsum mu. 51#Eks 26.31-33 Na hwɛ, asɔrdan no mu ntwamutam no tseew ebien fi sor besii ase, na asaase wosowee, na abotan paapaae, 52na ahotseweefo a wɔadeda dodowara hɔn efun nyanyanee, 53na wofi nda no mu puepuei wɔ ne nyan no ekyir no, wɔkɔr kurow krɔnkrɔn no mu keyii hɔnho kyerɛɛ dodowara. 54Na ɔhamupanyin no nye hɔn a wɔka no ho roweɔn Jesus no hun asaasewosow no nye ndzɛmba a ɔyɛe no, wosuroo pii na wɔsee dɛ, Ampaara, Nyankopɔn Ba nye yi.
55 #
Luk 8.2, 3 Na mbaa dodowara wɔ hɔ a wogyinaa ekyir hwɛe, woyinom na wɔkaa Jesus do fiir Galilii na wɔsoom no; 56na Mary Magdalene, nye James nye Joses hɔn na Mary, nye Zebedee mba no hɔn na ka hɔn ho.
Jesus ne Nsiei
(Mark 15.42-47; Luke 23.50-56; John 19.38-42)
57Na odur ewimbir no, ɔhonyanyi bi a ofi Arimatea a wɔfrɛ no Josef a noara so yɛ Jesus no suanyi bae; 58ɔno na ɔkɔr Pilate hɔ kɛserɛɛ Jesus no fun. Nna Pilate hyɛɛ dɛ wɔmfa mma no. 59Na Josef faa fun no dze bobɔɔw ndwera a n’enyi tsew mu, 60Na ɔdze too nankasa ne nda fofor a otwaa no ɔbotan mu no mu, na opireew ɔbo kɛse hiin nda no ano, na ɔkɔree. 61Nna Mary Magdalene nye Mary baako no so wɔ hɔ, na wɔtsenatsena nda no enyim.
Nda no do Aweɔmfo no
62Na adze kyee a ɔyɛ da a odzi Ahosiesieda no ekyir no, asɔfompanyin nye Farisiifo no behyiae wɔ Pilate nkyɛn 63#Mat 16.21; 17.23; 20.19; Mar 8.31; 9.31; 10.33, 34; Luk 9.22; 18.31-33 bɛsee dɛ, Hɛn wura, yɛkaa dɛ ɔdaadaafo no tse ase no, ɔkaa dɛ, Ndaansa ekyir mibenyan. 64Dɛm ntsi ka ma wɔnkɛhyɛ nda no nsew nkodu da a otsia ebiasa no, amma n’esuafo aammba emmbowia no, na wɔaannse ɔman no dɛ, Oenyan efi ewufo mu; ɔno ekyir nsɛmansɛma no bɛsen kan dze no koraa. 65Pilate see hɔn dɛ, Hom wɔ aweɔmfo: hom nkɔ nkɛhyɛ no nsew dɛ mbrɛ hom botum. 66Na wɔkɔree, na wɔkɛhyɛɛ nda no nsew: wɔsɔɔw ɔbo no ano, nna aweɔmfo no ka hɔn ho.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.