Levitikɔs 7
7
Asodzi Ho Afɔrbɔ (Nsɔwdo)
1Na iyi nye asodzi ho afɔr ho mbra: ɔyɛ krɔnkrɔndze mu adzekrɔnkrɔn. 2Beebi mbrɛ woku ɔhyew afɔr abowa no, hɔ ara so na wonku asodzi ho afɔr abowa no; na ɔmfa no bɔgyaa mpetse afɔrmbukyia no ho nhyia. 3Na onyi ne seradze nyinara mbra, seradze dua no, nye seradze a ɔkata ayamudze no ho no, 4nye nsɛbɛ ebien no, nye seradze a ɔwɔ ho wɔ sisiw mu no, nye berɛbo do ntentan no, nye nsɛbɛ no, onyi mfi hɔ: 5na ɔsɔfo no nhyew no wɔ afɔrmbukyia do nyɛ ogya afɔr mma EWURADZE: ɔyɛ asodzi ho afɔr. 6Asɔfo ebusuakuw no mu ɔbanyin biara ndzi bi: wondzi no wɔ mbrɛ ɔyɛ krɔnkrɔn: ɔyɛ krɔnkrɔndze mu adzekrɔnkrɔn. 7Dɛ mbrɛ bɔn ho afɔr tse no, dɛmara na asodzi ho afɔr tse: mbra kor na ɔda ho: ɔsɔfo no a ɔdze pata no, na ɔnyɛ nedze. 8Na ɔsɔfo a ɔbɔ nyimpa biara ne hyew afɔr no, ɔhyew afɔr a ɔabɔ no no nwoma no nyɛ ɔsɔfo no dze. 9Na edziban afɔr biara a wɔto wɔ fononoo mu, nye dza wɔyɛ no wɔ kyesɛn mu, nye ɔtosɛn mu nyina, nyɛ ɔsɔfo a ɔdze ba no dze. 10Na edziban afɔr biara a wɔdze ngo afrɔw, anaa wesee no, nyɛ Aaron ne mbabanyin nyinara dze, baako nya dɛ mbrɛ baako so nya.
Asomdwee Afɔr
11Na iyi nye asomdwee afɔr a obi bɔ ma EWURADZE no ho mbra. 12Sɛ ɔyɛ no aseda afɔr dze ba a, ɔno, aseda afɔr a ɔdze ba no nyɛ epitsi tatar a wɔdze ngo afrɔw. 13Mbɔrkaw boodoo tatar na ɔmfa nka n’ayɛyɛdze nye n’asomdwee afɔr ho mbra mbɛyɛ aseda. 14Na ɔmfa ayɛyɛdze biara mu kor mbrɛ mbɛyɛ ɔmado afɔr mma EWURADZE; ɔsɔfo a ɔdze asomdwee afɔr bɔgyaa petse no na ɔnyɛ nedze. 15Na n’aseda asomdwee afɔr no nam no wondzi no wɔ n’ayɛyɛdze da no ara; mma onngya mu bi ma onnkodu adzekyee. 16Mbom sɛ n’ayɛyɛdze yɛ anohoba, anaa ayamuyi afɔr a, wondzi no da no ara a ɔbɔ n’afɔr no: na no mu dza ɔka ma adze kye do no wondzi: 17na mbom afɔr no ne nam a ɔbɛka ekodu da a otsia ebiasa no, wɔmfa gya nhyew no. 18Na sɛ wodzi n’asomdwee afɔr no ne nam biara da a otsia ebiasa no a, wɔremmpen do, nkyii so worummbu mma nyia ɔdze ba no: ɔyɛ ekyiwadze, na ɔkra a obedzi bi no bɔsoa no mbusu. 19Na nam a aka biribiara a no ho nntsew no, mma wonndzi; wɔmfa ogya nhyew no. Na nam no dze, obiara a no ho tsew ndzi bi: 20na ɔkra a odzi asomdwee afɔr a ɔyɛ EWURADZE dze no ne nam bi, na n’efifidze wɔ no ho no, ɔkra no wobotwa no efi ne man mu akyen. 21Na sɛ nyimpa biara ka biribiara a no ho nntsew nyimpa n’efifidze, anaa abowa a no ho nntsew, anaa ekyiwadze biara a no ho nntsew, na odzi asomdwee afɔr a ɔyɛ EWURADZE dze no ne nam bi no, ɔkra no wobotwa no efi ne man mu akyen.
Bɔgya Na Nam Seradze Ho Ekyiwadze
22Na EWURADZE kasaa kyerɛɛ Moses dɛ, 23Kasa kyerɛ Israelmba dɛ, Ɔnantwi, anaa ɔkɔsɔw, anaa apɔnkye seradze no, mma hom nndzi. 24Na dza noara ewu ne seradze, nye dza abowa atsetsew no ne seradze no, wɔmfa nyɛ edwuma biara: mbom dzi na mma hom nndzi bi. 25Na obiara a odzi abowa a adasa dze bi bɔ ogya afɔr ma EWURADZE no ne seradze bi no, mekyerɛ ɔkra a odzi no wobotwa no efi ne man mu akyen. 26#Gye 9.4; Lev 17.10-14; 19.26; Deut 12.16, 23; 15.23 Na mma hom nndzi bɔgya biara, anoma anaa aketsebowa dze, wɔ hom tsenabew biara, 27Obiara a odzi bɔgya biara no, no wobotwa no efi ne man mu akyen.
Asɔfo No Kyɛfa
28Na EWURADZE kasaa kyerɛɛ Moses dɛ, 29Kasa kyerɛ Israelmba dɛ, Nyia ɔbɔ n’asomdwee afɔr ma EWURADZE no ɔmfa n’asomdwee afɔr no mu ayɛyɛdze mbrɛ EWURADZE: 30ɔmfa noara ne nsa mfa EWURADZE gya afɔr no mbra: seradze no nye nyan no na ɔmfa mbra, ama nyan no wɔaatow no ayɛ ɔtow afɔr wɔ EWURADZE enyim. 31Na ɔsɔfo no nhyew seradze no wɔ afɔrmbukyia no do: na nyan no nyɛ Aaron nye ne mbabanyin dze. 32Na aserɛ nyimfa no hom mfa nyɛ hom asomdwee afɔr mu ɔmado afɔr mma ɔsɔfo no. 33Aaron ne mbabanyin mu nyia ɔdze asomdwee afɔr no bɔgyaa, nye seradze ba no, nye aserɛ nyimfa no nyɛ ne kyɛfa. 34Na ɔtow nyan no nye ɔmado serɛ no mafa wɔ Israelmba hɔn asomdwee afɔr no mu, na medze mama ɔsɔfo Aaron nye ne mbabanyin dɛ daa ahyɛdze a ofi Israelmba hɔ.
35Iyi nye Aaron no ngosera kyɛfa, nye ne mbabanyin hɔn ngosera kyɛfa a ofi EWURADZE ogya afɔr mu, wɔ da a ɔdze hɔn bae dɛ wombedzi EWURADZE asɔfoe no a. 36EWURADZE hyɛɛ dɛ wɔmfa mma hɔn wɔ da a ɔseraa hɔn ngo fii Israelmba mu no. Ɔyɛ daa ahyɛdze wɔ hɔn ebusuasantsen mu. 37Iyi nye mbra a ɔda hɔ ma ɔhyew afɔr, edziban afɔr, nye bɔn ho afɔr, nye asodzi ho afɔr, nye etuhoakyɛ afɔr, nye asomdwee afɔr a 38EWURADZE hyɛɛ Moses wɔ bepɔw Sinai do, wɔ da a ɔhyɛɛ Israelmba dɛ wɔmfa hɔn ayɛyɛdze mbrɛ EWURADZE, wɔ Sinai sar do no.
Currently Selected:
Levitikɔs 7: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Levitikɔs 7
7
Asodzi Ho Afɔrbɔ (Nsɔwdo)
1Na iyi nye asodzi ho afɔr ho mbra: ɔyɛ krɔnkrɔndze mu adzekrɔnkrɔn. 2Beebi mbrɛ woku ɔhyew afɔr abowa no, hɔ ara so na wonku asodzi ho afɔr abowa no; na ɔmfa no bɔgyaa mpetse afɔrmbukyia no ho nhyia. 3Na onyi ne seradze nyinara mbra, seradze dua no, nye seradze a ɔkata ayamudze no ho no, 4nye nsɛbɛ ebien no, nye seradze a ɔwɔ ho wɔ sisiw mu no, nye berɛbo do ntentan no, nye nsɛbɛ no, onyi mfi hɔ: 5na ɔsɔfo no nhyew no wɔ afɔrmbukyia do nyɛ ogya afɔr mma EWURADZE: ɔyɛ asodzi ho afɔr. 6Asɔfo ebusuakuw no mu ɔbanyin biara ndzi bi: wondzi no wɔ mbrɛ ɔyɛ krɔnkrɔn: ɔyɛ krɔnkrɔndze mu adzekrɔnkrɔn. 7Dɛ mbrɛ bɔn ho afɔr tse no, dɛmara na asodzi ho afɔr tse: mbra kor na ɔda ho: ɔsɔfo no a ɔdze pata no, na ɔnyɛ nedze. 8Na ɔsɔfo a ɔbɔ nyimpa biara ne hyew afɔr no, ɔhyew afɔr a ɔabɔ no no nwoma no nyɛ ɔsɔfo no dze. 9Na edziban afɔr biara a wɔto wɔ fononoo mu, nye dza wɔyɛ no wɔ kyesɛn mu, nye ɔtosɛn mu nyina, nyɛ ɔsɔfo a ɔdze ba no dze. 10Na edziban afɔr biara a wɔdze ngo afrɔw, anaa wesee no, nyɛ Aaron ne mbabanyin nyinara dze, baako nya dɛ mbrɛ baako so nya.
Asomdwee Afɔr
11Na iyi nye asomdwee afɔr a obi bɔ ma EWURADZE no ho mbra. 12Sɛ ɔyɛ no aseda afɔr dze ba a, ɔno, aseda afɔr a ɔdze ba no nyɛ epitsi tatar a wɔdze ngo afrɔw. 13Mbɔrkaw boodoo tatar na ɔmfa nka n’ayɛyɛdze nye n’asomdwee afɔr ho mbra mbɛyɛ aseda. 14Na ɔmfa ayɛyɛdze biara mu kor mbrɛ mbɛyɛ ɔmado afɔr mma EWURADZE; ɔsɔfo a ɔdze asomdwee afɔr bɔgyaa petse no na ɔnyɛ nedze. 15Na n’aseda asomdwee afɔr no nam no wondzi no wɔ n’ayɛyɛdze da no ara; mma onngya mu bi ma onnkodu adzekyee. 16Mbom sɛ n’ayɛyɛdze yɛ anohoba, anaa ayamuyi afɔr a, wondzi no da no ara a ɔbɔ n’afɔr no: na no mu dza ɔka ma adze kye do no wondzi: 17na mbom afɔr no ne nam a ɔbɛka ekodu da a otsia ebiasa no, wɔmfa gya nhyew no. 18Na sɛ wodzi n’asomdwee afɔr no ne nam biara da a otsia ebiasa no a, wɔremmpen do, nkyii so worummbu mma nyia ɔdze ba no: ɔyɛ ekyiwadze, na ɔkra a obedzi bi no bɔsoa no mbusu. 19Na nam a aka biribiara a no ho nntsew no, mma wonndzi; wɔmfa ogya nhyew no. Na nam no dze, obiara a no ho tsew ndzi bi: 20na ɔkra a odzi asomdwee afɔr a ɔyɛ EWURADZE dze no ne nam bi, na n’efifidze wɔ no ho no, ɔkra no wobotwa no efi ne man mu akyen. 21Na sɛ nyimpa biara ka biribiara a no ho nntsew nyimpa n’efifidze, anaa abowa a no ho nntsew, anaa ekyiwadze biara a no ho nntsew, na odzi asomdwee afɔr a ɔyɛ EWURADZE dze no ne nam bi no, ɔkra no wobotwa no efi ne man mu akyen.
Bɔgya Na Nam Seradze Ho Ekyiwadze
22Na EWURADZE kasaa kyerɛɛ Moses dɛ, 23Kasa kyerɛ Israelmba dɛ, Ɔnantwi, anaa ɔkɔsɔw, anaa apɔnkye seradze no, mma hom nndzi. 24Na dza noara ewu ne seradze, nye dza abowa atsetsew no ne seradze no, wɔmfa nyɛ edwuma biara: mbom dzi na mma hom nndzi bi. 25Na obiara a odzi abowa a adasa dze bi bɔ ogya afɔr ma EWURADZE no ne seradze bi no, mekyerɛ ɔkra a odzi no wobotwa no efi ne man mu akyen. 26#Gye 9.4; Lev 17.10-14; 19.26; Deut 12.16, 23; 15.23 Na mma hom nndzi bɔgya biara, anoma anaa aketsebowa dze, wɔ hom tsenabew biara, 27Obiara a odzi bɔgya biara no, no wobotwa no efi ne man mu akyen.
Asɔfo No Kyɛfa
28Na EWURADZE kasaa kyerɛɛ Moses dɛ, 29Kasa kyerɛ Israelmba dɛ, Nyia ɔbɔ n’asomdwee afɔr ma EWURADZE no ɔmfa n’asomdwee afɔr no mu ayɛyɛdze mbrɛ EWURADZE: 30ɔmfa noara ne nsa mfa EWURADZE gya afɔr no mbra: seradze no nye nyan no na ɔmfa mbra, ama nyan no wɔaatow no ayɛ ɔtow afɔr wɔ EWURADZE enyim. 31Na ɔsɔfo no nhyew seradze no wɔ afɔrmbukyia no do: na nyan no nyɛ Aaron nye ne mbabanyin dze. 32Na aserɛ nyimfa no hom mfa nyɛ hom asomdwee afɔr mu ɔmado afɔr mma ɔsɔfo no. 33Aaron ne mbabanyin mu nyia ɔdze asomdwee afɔr no bɔgyaa, nye seradze ba no, nye aserɛ nyimfa no nyɛ ne kyɛfa. 34Na ɔtow nyan no nye ɔmado serɛ no mafa wɔ Israelmba hɔn asomdwee afɔr no mu, na medze mama ɔsɔfo Aaron nye ne mbabanyin dɛ daa ahyɛdze a ofi Israelmba hɔ.
35Iyi nye Aaron no ngosera kyɛfa, nye ne mbabanyin hɔn ngosera kyɛfa a ofi EWURADZE ogya afɔr mu, wɔ da a ɔdze hɔn bae dɛ wombedzi EWURADZE asɔfoe no a. 36EWURADZE hyɛɛ dɛ wɔmfa mma hɔn wɔ da a ɔseraa hɔn ngo fii Israelmba mu no. Ɔyɛ daa ahyɛdze wɔ hɔn ebusuasantsen mu. 37Iyi nye mbra a ɔda hɔ ma ɔhyew afɔr, edziban afɔr, nye bɔn ho afɔr, nye asodzi ho afɔr, nye etuhoakyɛ afɔr, nye asomdwee afɔr a 38EWURADZE hyɛɛ Moses wɔ bepɔw Sinai do, wɔ da a ɔhyɛɛ Israelmba dɛ wɔmfa hɔn ayɛyɛdze mbrɛ EWURADZE, wɔ Sinai sar do no.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.