Levitikɔs 4
4
Bɔn Ho Afɔrbɔ
1Na EWURADZE kasaa kyerɛɛ Moses dɛ, 2Kasa kyerɛ Israelmba, dɛ, Sɛ nyimpa biara yɛ bɔn a ɔnndze enyidaho wɔ ndzɛmba biara a EWURADZE ahyɛ ho mbra dɛ mma wɔnnyɛ no mu, na ɔkɛyɛ no mu kor biara a, dza wɔnyɛ nye iyi: 3sɛ ɔsɔfo a wɔasera no no kɛyɛ bɔn ma ɔdze asodzi ba ɔman no do a: ɔno no bɔn a ɔayɛ no ntsi, ma ɔmfa ɔnantwisaa eburwa a onndzii dzɛm mbrɛ EWURADZE mfa nyɛ bɔn ho afɔr. 4Na ɔmfa nantwisaa no mbra ehyiadzibuw no n’abowano wɔ EWURADZE enyim; na ɔmfa ne nsa nto nantwisaa no n’etsifi, na onku no wɔ EWURADZE enyim. 5Na ɔsɔfo a wɔasera no no mfa nantwisaa no no bɔgyaa no bi, na ɔmfa mbra ehyiadzibuw no mu: 6na ɔsɔfo no mfa ne nsatseaba mbɔ bɔgya no mu, na ɔmfa bɔgya no bi mpetse mpɛn esuon wɔ EWURADZE enyim, wɔ krɔnkrɔnbea no no ntwamutam no enyim. 7Na ɔsɔfo no mfa bɔgya no bi nkeka eduhuamhyew afɔrmbukyia no a ɔwɔ EWURADZE enyim no a ɔwɔ ehyiadzibuw no mu no ne mbɛn no ho; na onhue nantwisaa no no bɔgyaa nyinara ngu ɔhyew afɔr afɔrmbukyia no a ɔwɔ ehyiadzibuw no n’abowano no ase. 8Na onyi bɔn ho afɔr nantwisaa no ne seradze no nyinara mfi no ho; seradze a ɔkata ayamudze no ho no, nye ayamudze no ho seradze no nyinara, 9nye nsɛbɛ ebien no, nye no do seradze no a ɔwɔ sisiw mu no, nye berɛbo do ntentan no, onyi mfi hɔ, 10dɛ mbrɛ woyi fi asomdwee afɔr ayɛyɛdze nantwinyin ho: na ɔsɔfo no nhyew no wɔ ɔhyew afɔr afɔrmbukyia no do. 11Na nantwisaa no no nwoma, nye ne nam nyinara, nye ne tsir, no ntwɛr, n’ayamudze, nye n’egyanan, 12mekyerɛ ɔnantwisaa mu no nyinara na ɔnsoa nkɔ nseraban no ekyir beebi a hɔ tsew, mbrɛ wohue nso gu no, na ɔmfa ogya nhyew no nyena do. Beebi a wohue nso gu no ara na wɔnhyew no.
Nyimpakuw No Hɔn Bɔn
13Na sɛ Israel mboanofo nyinara fom, a wɔammfa enyidaho annyɛ, na wɔyɛ ndzɛmba a EWURADZE ahyɛ ho mbra dɛ mma wɔnnyɛ no mu bi, na wodzi so; 14na ekyir yi wohu bɔn a wɔafom wɔ mu no a, ɔno bagua no mfa nantwisaa eburwa mbra mbɛyɛ bɔn ho afɔr, na wɔmfa no mbra ehyiadzibuw no enyim. 15Na mboanofo no mu mpanyimfo no mfa hɔn nsa ngu nantwisaa no n’etsifi na wonku nantwisaa no wɔ EWURADZE enyim. 16Na ɔsɔfo a wɔasera no no mfa nantwisaa no no bɔgyaa no bi mbra ehyiadzibuw no mu. 17Na ɔsɔfo no mfa ne nsatseaba mbɔ bɔgya no mu, na ɔmfa mpetse mpɛn esuon wɔ EWURADZE enyim wɔ ntwamutam no enyim. 18Na ɔmfa bɔgya no bi nkeka afɔrmbukyia no a ɔwɔ EWURADZE enyim no a ɔwɔ ehyiadzibuw no mu no ne mbɛn ho, na onhue bɔgya no nyinara ngu ɔhyew afɔr afɔrmbukyia no a ɔwɔ ehyiadzibuw no n’abowano ho ase. 19Na onyi ne seradze no nyinara mfi ho, na ɔnhyew no wɔ afɔrmbukyia no do. 20Dɛ mbrɛ ɔyɛɛ bɔn ho afɔr nantwisaa no, dɛmara so na ɔnyɛ iyi na ɔsɔfo no mpata mma hɔn, na wɔdze bɛkyɛ hɔn. 21Na ɔmfa nantwisaa no mfir edzi nkɔ nseraban no ekyir, na ɔnhyew no dɛ mbrɛ ɔhyeew asɔpɔn nantwisaa no. Iyi yɛ bagua no hɔn bɔn ho afɔr.
Ɔman No Mu Akandzifo No Hɔn Bɔn
22Sɛ otsitsir bi ammfa enyidaho na ɔyɛ bɔn, na ɔyɛ EWURADZE ne Nyankopɔn ndzɛmba nyinara a wɔahyɛ dɛ mma wɔnnyɛ no mu kor bi ma odzi so; 23na sɛ wɔma ohu no bɔn a ɔafom wɔ mu no a, ɔmfa n’ayɛyɛdze a ɔyɛ apɔnkye mbra, onyin a onndzii dzɛm; 24na ɔmfa ne nsa nto apɔnkye no n’etsifi, na onku no wɔ beebi mbrɛ woku ɔhyew afɔr no wɔ EWURADZE enyim no. Iyi yɛ bɔn ho afɔr. 25Na ɔsɔfo no mfa ne nsatseaba mfa bɔn ho afɔr bɔgyaa no bi, na ɔmfa nkeka ɔhyew afɔr afɔrmbukyia no ne mmbɛn ho, na onhue no bɔgyaa no ngu ɔhyew afɔr afɔrmbukyia no ase. 26Na ɔnhyew ne seradze no nyinara wɔ afɔrmbukyia no do, dɛ asomdwee afɔr ayɛyɛdze seradze no: na ɔsɔfo no mpata mma no wɔ no bɔn no ho, na wɔdze bɛkyɛ no.
Ankorankor No Hɔn Bɔn
27 #
Nka 15.27, 28 Na sɛ ɔman mba no bi ammfa enyidaho na ɔyɛ bɔn wɔ ndzɛmba nyinara a EWURADZE ahyɛ ho mbra dɛ mma wɔnnyɛ no mu biara a, odzi so. 28Sɛ wɔma ohu no bɔn a ɔafom no a ɔno ɔmfa n’ayɛyɛdze, apɔnkyeber a onndzii dzɛm, mbra mbɛma, wɔ no bɔn a ɔayɛ no ntsi. 29Na ɔmfa ne nsa nto bɔn ho afɔr no n’etsifi, na onku bɔn ho afɔr no wɔ ɔhyew afɔr bea no do. 30Na ɔsɔfo no mfa ne nsatseaba mfa bɔgya no bi, na ɔmfa nkeka ɔhyew afɔr afɔrmbukyia no ne mmbɛn ho, na onhue no bɔgyaa no nyinara ngu afɔrmbukyia no ase. 31Na onyi ne seradze no nyinara, dɛ mbrɛ woyi asomdwee afɔr seradze no fi ho no; na ɔsɔfo no nhyew no wɔ afɔrmbukyia no do ma onyi nka huanhuam mma EWURADZE; na ɔsɔfo no mpata mma no, na wɔdze bɛkyɛ no.
32Na sɛ ɔdze eguambaa ba dɛ n’ayɛyɛdze wɔ bɔn ho afɔr ntsi a, ɔmfa ɔber a onndzii dzɛm mbra. 33Na ɔmfa ne nsa nto bɔn no afɔr abowa no n’etsifi, na onku no bɔn ho afɔr wɔ beebi mbrɛ woku ɔhyew afɔr no. 34Na ɔsɔfo no mfa ne nsatseaba mfa bɔn ho afɔr bɔgyaa no bi, na ɔmfa nkeka ɔhyew afɔr afɔrmbukyia no ne mbɛn ho, na onhue no bɔgyaa no nyinara ngu afɔrmbukyia no ase: 35na onyi ne seradze no nyinara, dɛ mbrɛ woyi asomdwee afɔr eguambaa seradze no fi ho no; na ɔsɔfo no nhyew no wɔ afɔrmbukyia no do, wɔ EWURADZE ogya afɔr no do: na ɔsɔfo no mpata mma no wɔ no bɔn a ɔayɛ no ho, na wɔdze bɛkyɛ no.
Currently Selected:
Levitikɔs 4: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Levitikɔs 4
4
Bɔn Ho Afɔrbɔ
1Na EWURADZE kasaa kyerɛɛ Moses dɛ, 2Kasa kyerɛ Israelmba, dɛ, Sɛ nyimpa biara yɛ bɔn a ɔnndze enyidaho wɔ ndzɛmba biara a EWURADZE ahyɛ ho mbra dɛ mma wɔnnyɛ no mu, na ɔkɛyɛ no mu kor biara a, dza wɔnyɛ nye iyi: 3sɛ ɔsɔfo a wɔasera no no kɛyɛ bɔn ma ɔdze asodzi ba ɔman no do a: ɔno no bɔn a ɔayɛ no ntsi, ma ɔmfa ɔnantwisaa eburwa a onndzii dzɛm mbrɛ EWURADZE mfa nyɛ bɔn ho afɔr. 4Na ɔmfa nantwisaa no mbra ehyiadzibuw no n’abowano wɔ EWURADZE enyim; na ɔmfa ne nsa nto nantwisaa no n’etsifi, na onku no wɔ EWURADZE enyim. 5Na ɔsɔfo a wɔasera no no mfa nantwisaa no no bɔgyaa no bi, na ɔmfa mbra ehyiadzibuw no mu: 6na ɔsɔfo no mfa ne nsatseaba mbɔ bɔgya no mu, na ɔmfa bɔgya no bi mpetse mpɛn esuon wɔ EWURADZE enyim, wɔ krɔnkrɔnbea no no ntwamutam no enyim. 7Na ɔsɔfo no mfa bɔgya no bi nkeka eduhuamhyew afɔrmbukyia no a ɔwɔ EWURADZE enyim no a ɔwɔ ehyiadzibuw no mu no ne mbɛn no ho; na onhue nantwisaa no no bɔgyaa nyinara ngu ɔhyew afɔr afɔrmbukyia no a ɔwɔ ehyiadzibuw no n’abowano no ase. 8Na onyi bɔn ho afɔr nantwisaa no ne seradze no nyinara mfi no ho; seradze a ɔkata ayamudze no ho no, nye ayamudze no ho seradze no nyinara, 9nye nsɛbɛ ebien no, nye no do seradze no a ɔwɔ sisiw mu no, nye berɛbo do ntentan no, onyi mfi hɔ, 10dɛ mbrɛ woyi fi asomdwee afɔr ayɛyɛdze nantwinyin ho: na ɔsɔfo no nhyew no wɔ ɔhyew afɔr afɔrmbukyia no do. 11Na nantwisaa no no nwoma, nye ne nam nyinara, nye ne tsir, no ntwɛr, n’ayamudze, nye n’egyanan, 12mekyerɛ ɔnantwisaa mu no nyinara na ɔnsoa nkɔ nseraban no ekyir beebi a hɔ tsew, mbrɛ wohue nso gu no, na ɔmfa ogya nhyew no nyena do. Beebi a wohue nso gu no ara na wɔnhyew no.
Nyimpakuw No Hɔn Bɔn
13Na sɛ Israel mboanofo nyinara fom, a wɔammfa enyidaho annyɛ, na wɔyɛ ndzɛmba a EWURADZE ahyɛ ho mbra dɛ mma wɔnnyɛ no mu bi, na wodzi so; 14na ekyir yi wohu bɔn a wɔafom wɔ mu no a, ɔno bagua no mfa nantwisaa eburwa mbra mbɛyɛ bɔn ho afɔr, na wɔmfa no mbra ehyiadzibuw no enyim. 15Na mboanofo no mu mpanyimfo no mfa hɔn nsa ngu nantwisaa no n’etsifi na wonku nantwisaa no wɔ EWURADZE enyim. 16Na ɔsɔfo a wɔasera no no mfa nantwisaa no no bɔgyaa no bi mbra ehyiadzibuw no mu. 17Na ɔsɔfo no mfa ne nsatseaba mbɔ bɔgya no mu, na ɔmfa mpetse mpɛn esuon wɔ EWURADZE enyim wɔ ntwamutam no enyim. 18Na ɔmfa bɔgya no bi nkeka afɔrmbukyia no a ɔwɔ EWURADZE enyim no a ɔwɔ ehyiadzibuw no mu no ne mbɛn ho, na onhue bɔgya no nyinara ngu ɔhyew afɔr afɔrmbukyia no a ɔwɔ ehyiadzibuw no n’abowano ho ase. 19Na onyi ne seradze no nyinara mfi ho, na ɔnhyew no wɔ afɔrmbukyia no do. 20Dɛ mbrɛ ɔyɛɛ bɔn ho afɔr nantwisaa no, dɛmara so na ɔnyɛ iyi na ɔsɔfo no mpata mma hɔn, na wɔdze bɛkyɛ hɔn. 21Na ɔmfa nantwisaa no mfir edzi nkɔ nseraban no ekyir, na ɔnhyew no dɛ mbrɛ ɔhyeew asɔpɔn nantwisaa no. Iyi yɛ bagua no hɔn bɔn ho afɔr.
Ɔman No Mu Akandzifo No Hɔn Bɔn
22Sɛ otsitsir bi ammfa enyidaho na ɔyɛ bɔn, na ɔyɛ EWURADZE ne Nyankopɔn ndzɛmba nyinara a wɔahyɛ dɛ mma wɔnnyɛ no mu kor bi ma odzi so; 23na sɛ wɔma ohu no bɔn a ɔafom wɔ mu no a, ɔmfa n’ayɛyɛdze a ɔyɛ apɔnkye mbra, onyin a onndzii dzɛm; 24na ɔmfa ne nsa nto apɔnkye no n’etsifi, na onku no wɔ beebi mbrɛ woku ɔhyew afɔr no wɔ EWURADZE enyim no. Iyi yɛ bɔn ho afɔr. 25Na ɔsɔfo no mfa ne nsatseaba mfa bɔn ho afɔr bɔgyaa no bi, na ɔmfa nkeka ɔhyew afɔr afɔrmbukyia no ne mmbɛn ho, na onhue no bɔgyaa no ngu ɔhyew afɔr afɔrmbukyia no ase. 26Na ɔnhyew ne seradze no nyinara wɔ afɔrmbukyia no do, dɛ asomdwee afɔr ayɛyɛdze seradze no: na ɔsɔfo no mpata mma no wɔ no bɔn no ho, na wɔdze bɛkyɛ no.
Ankorankor No Hɔn Bɔn
27 #
Nka 15.27, 28 Na sɛ ɔman mba no bi ammfa enyidaho na ɔyɛ bɔn wɔ ndzɛmba nyinara a EWURADZE ahyɛ ho mbra dɛ mma wɔnnyɛ no mu biara a, odzi so. 28Sɛ wɔma ohu no bɔn a ɔafom no a ɔno ɔmfa n’ayɛyɛdze, apɔnkyeber a onndzii dzɛm, mbra mbɛma, wɔ no bɔn a ɔayɛ no ntsi. 29Na ɔmfa ne nsa nto bɔn ho afɔr no n’etsifi, na onku bɔn ho afɔr no wɔ ɔhyew afɔr bea no do. 30Na ɔsɔfo no mfa ne nsatseaba mfa bɔgya no bi, na ɔmfa nkeka ɔhyew afɔr afɔrmbukyia no ne mmbɛn ho, na onhue no bɔgyaa no nyinara ngu afɔrmbukyia no ase. 31Na onyi ne seradze no nyinara, dɛ mbrɛ woyi asomdwee afɔr seradze no fi ho no; na ɔsɔfo no nhyew no wɔ afɔrmbukyia no do ma onyi nka huanhuam mma EWURADZE; na ɔsɔfo no mpata mma no, na wɔdze bɛkyɛ no.
32Na sɛ ɔdze eguambaa ba dɛ n’ayɛyɛdze wɔ bɔn ho afɔr ntsi a, ɔmfa ɔber a onndzii dzɛm mbra. 33Na ɔmfa ne nsa nto bɔn no afɔr abowa no n’etsifi, na onku no bɔn ho afɔr wɔ beebi mbrɛ woku ɔhyew afɔr no. 34Na ɔsɔfo no mfa ne nsatseaba mfa bɔn ho afɔr bɔgyaa no bi, na ɔmfa nkeka ɔhyew afɔr afɔrmbukyia no ne mbɛn ho, na onhue no bɔgyaa no nyinara ngu afɔrmbukyia no ase: 35na onyi ne seradze no nyinara, dɛ mbrɛ woyi asomdwee afɔr eguambaa seradze no fi ho no; na ɔsɔfo no nhyew no wɔ afɔrmbukyia no do, wɔ EWURADZE ogya afɔr no do: na ɔsɔfo no mpata mma no wɔ no bɔn a ɔayɛ no ho, na wɔdze bɛkyɛ no.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.