Levitikɔs 16
16
Mpata Da
1Na Aaron ne mbabanyin beenu no hɔn wu a wɔtwee bɛɛn EWURADZE enyim, na wowuwui no ekyir no, EWURADZE kasaa kyerɛɛ Moses; 2#Heb 6.19 na EWURADZE see Moses dɛ, Kasa kyerɛ wo nua Aaron dɛ, Mma ɔnnhɛn bea krɔnkrɔn no mu nnkɔ ntwamutam no mu, wɔ mbɔbɔrhu egua no a ɔwɔ adaka no do no enyim aber nyinara; amma woeennwuwu: na mununkum no mu na mibeyi moho akyerɛ wɔ mbɔbɔrhu egua no do. 3#Heb 9.7 Iyi na Aaron mfa mbɛhɛn bea krɔnkrɔn no: ɔnantwisaa eburwa a wɔdze bɔbɔ bɔn ho afɔr, nye oguannyin a wɔdze bɔbɔ ɔhyew afɔr. 4Ɔnhyɛ ndwera sortar krɔnkrɔn no, na ndwera ntwontwo no nkata no ho, na ndwera abɔyamu no mbɔ do, na ɔnhyɛ ndwera asɔfokyɛw no: ntar krɔnkrɔn no nye no; onguar no honam wɔ nsu mu, na ɔnhyɛ. 5Na ɔngye Israelmba mboanofo no hɔ mpɔnkyenyin ebien mfa mbɔ bɔn ho afɔr, na oguannyin kor mfa mbɔ ɔhyew afɔr. 6Na Aaron mfa bɔn ho afɔr nantwisaa no a ɔyɛ nankasa nedze no, mbra, na ɔmfa mpata mma nankasa noho nye ne fie. 7Na ɔmfa mpɔnkye ebien no mbegyina EWURADZE enyim wɔ ehyiadzibuw no n’abowano. 8Na Aaron ntwe mpɔnkye ebien no ho tonto; tonto kor nyɛ EWURADZE dze, na tonto kor so nyɛ Azazel#16.8 AZAZEL: Wotum dze gyina hɔ ma apɔnkyenyin a wɔdze no eyi mbusu na woegyaa no ma ɔnenam haban mu anaadɛ beebi a apɔnkyenyin a woehue mbusu egu no do no rokɔ no. dze. 9Na Aaron mfa apɔnkye a EWURADZE tonto bɔɔ no no mbra, na ɔmfa mbɔbɔ bɔn ho afɔr. 10Apɔnkye a Azazel tonto bɔɔ no no dze, ɔmfa no enyikan mbegyina EWURADZE enyim, mfa mpata mma no, dɛ wokegyaa no ma Azazel ma ɔkɔ sar no do. 11Na Aaron mfa bɔn ho afɔr nantwisaa no a ɔyɛ nankasa nedze no mbra, ma ɔmfa mpata mma nankasa noho, nye ne fi, na onku bɔn ho afɔr nantwisaa no a ɔyɛ nankasa nedze no: 12na ɔmfa eduhuamsɛn gyabiriw mfi afɔrmbukyia no do wɔ EWURADZE enyim, na eduhuam a woesiw no mokomoko ne nsa ma, na ɔmfa mbra ntwamutam no mu: 13na ɔmfa eduhuam no ngu gya no do wɔ EWURADZE enyim, ama eduhuam no no wusiw aakata mbɔbɔrhu egua no a ɔwɔ dase no do no ho, ma oeennwu: 14na ɔmfa nantwisaa no ho bɔgyaa bi, na ɔmfa ne nsatseaba nka mpetse mbɔbɔrhu egua no do wɔ boka afamu; na ɔmfa ne nsatseaba nka bɔgya no bi mpetse mbɔbɔrhu egua no enyim mpɛn esuon. 15#Heb 9.12 Nkyii onku bɔn ho afɔr apɔnkye no a ɔyɛ ɔman no dze no, na ɔmfa no bɔgyaa no mbra ntwamutam no mu, na ɔmfa no bɔgyaa no nyɛ dɛ mbrɛ ɔdze nantwisaa no no bɔgyaa yɛe no, na ɔmfa mpetse mbɔbɔrhu egua no do, na mbɔbɔrhu egua no enyim: 16na ɔmfa mpata mma bea krɔnkrɔn no, wɔ Israelmba hɔn efifidze, nye hɔn mbrato ntsi, mekyerɛ hɔn bɔn nyinara ho; na dɛm na ɔnyɛ mma ehyiadzibuw no a osi hɔn mu no ɔnam hɔn efifidze no ntsi. 17Na mma nyimpa biara nntsena ehyiadzibuw no mu aber a ɔrokɔ mu akɛpata wɔ bea krɔnkrɔn no araa nkodu dɛ obefir edzi, na ɔapata ama nankasa noho, nye ne fifo, nye Israel bagua no nyinara. 18Na omfir edzi nkɔ afɔrmbukyia no a ɔwɔ EWURADZE enyim no ho, na ɔmpata mma no; na ɔmfa nantwisaa no no bɔgyaa no bi, nye apɔnkye no no bɔgyaa no bi na ɔmfa nkeka afɔrmbukyia no ne mmbɛn ho nhyia. 19Na ɔmfa ne nsatseaba nka bɔgya no bi mpetse do mpɛn esuon, na ɔntsew ho, na ɔnyɛ no krɔnkrɔn mfi Israelmba hɔn efifidze no mu. 20Na sɛ owie mpata ma bea krɔnkrɔn no, nye ehyiadzibuw no, nye afɔrmbukyia no a, ɔmfa apɔnkye nyikan no mbra: 21na Aaron mfa ne nsa ebien nyinara ngu apɔnkye nyikan no etsifi, na ɔnka Israelmba hɔn emumuyɛ nyinara, nye hɔn mbrato nyinara, mekyerɛ hɔn bɔn nyinara, ngu apɔnkye no etsifi, na ɔmfa no nhyɛ ɔbanyin a woeyi no esi hɔ no nsa ma onkegyaa no ma ɔnkɔ sar no do: 22na apɔnkye no nsoa hɔn emumuyɛ nyinara mfa nkɔ. 23#Eze 44.19 Na Aaron mbra ehyiadzibuw no mu, na onyi ndwera ntar no a ɔhyɛe kɔr bea krɔnkrɔn no, na ongyaa no wɔ hɔ: 24na onguar wɔ nsu mu wɔ beebi a ɔyɛ krɔnkrɔn, na ɔnhyɛ ne ntar, na omfir edzi, na ɔnkɔbɔ ne hyew afɔr nye ɔman no hɔn hyew afɔr no, na ɔmpata mma nankasa noho, nye ɔman no. 25Na bɔn ho afɔr seradze no ɔnhyew no wɔ afɔrmbukyia no do. 26Na nyia okegyaa apɔnkye no ma Azazel no ɔnhor ne ntar, na onguar no honam wɔ nsu mu, na n’ekyir no ɔmbra nseraban no mu. 27#Heb 13.11 Na bɔn ho afɔr nantwisaa no, nye bɔn ho afɔr apɔnkye a wɔdze hɔn bɔgyaa baa bɛpataa wɔ bea krɔnkrɔn no, wɔmfa nkɔ nseraban no ekyir; na wɔnhyew hɔn nwoma, nye hɔn nam, nye hɔn egyanan wɔ gya mu. 28Na nyia ɔhyew no no nhor ne ntar, na onguar wɔ nsu mu, na n’ekyir no ɔmbra nseraban no mu.
29 #
Lev 23.26-32; Nka 29.7-11 Na ɔyɛ daa ahyɛdze ma hom: bosoom a otsia esuon no mu no, bosoom no ne da a otsia du no, hom mbrɛ homho adze, na mma wɔnnyɛ edwuma biara, okuromnyi o, ɔhɔho a ɔbɔsoɛ hom mu o, 30na da yi mu na wɔmpata mma hom, mfa ntsew homho; ama hom ho aatsew efi hom bɔn nyinara mu wɔ EWURADZE enyim. 31Ɔyɛ ahomgye mu ahomgye afe ma hom, na hom mbrɛ homho adze; ɔyɛ daa ahyɛdze. 32Na ɔsɔfo a wɔasera no ngo a woetu no esi nkyɛn dɛ ondzi sɔfo n’egya n’ananmu no mpata, na ɔnhyɛ ndwera ntar no, mekyerɛ ntar krɔnkrɔn no; 33na ɔmpata mma ahotseweebea krɔnkrɔn no, na ɔmpata mma ehyiadzibuw no nye afɔrmbukyia no, na ɔmpata mma ɔsɔfo no nye ɔman baguafo no nyinara. 34Na iyi nyɛ daa ahyɛdze mma hom, mfa mpata mma Israelmba wɔ hɔn bɔn nyinara ntsi prɛko wɔ afrenhyia mu. Na ɔyɛɛ dɛ mbrɛ EWURADZE hyɛɛ Moses no.
Currently Selected:
Levitikɔs 16: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Levitikɔs 16
16
Mpata Da
1Na Aaron ne mbabanyin beenu no hɔn wu a wɔtwee bɛɛn EWURADZE enyim, na wowuwui no ekyir no, EWURADZE kasaa kyerɛɛ Moses; 2#Heb 6.19 na EWURADZE see Moses dɛ, Kasa kyerɛ wo nua Aaron dɛ, Mma ɔnnhɛn bea krɔnkrɔn no mu nnkɔ ntwamutam no mu, wɔ mbɔbɔrhu egua no a ɔwɔ adaka no do no enyim aber nyinara; amma woeennwuwu: na mununkum no mu na mibeyi moho akyerɛ wɔ mbɔbɔrhu egua no do. 3#Heb 9.7 Iyi na Aaron mfa mbɛhɛn bea krɔnkrɔn no: ɔnantwisaa eburwa a wɔdze bɔbɔ bɔn ho afɔr, nye oguannyin a wɔdze bɔbɔ ɔhyew afɔr. 4Ɔnhyɛ ndwera sortar krɔnkrɔn no, na ndwera ntwontwo no nkata no ho, na ndwera abɔyamu no mbɔ do, na ɔnhyɛ ndwera asɔfokyɛw no: ntar krɔnkrɔn no nye no; onguar no honam wɔ nsu mu, na ɔnhyɛ. 5Na ɔngye Israelmba mboanofo no hɔ mpɔnkyenyin ebien mfa mbɔ bɔn ho afɔr, na oguannyin kor mfa mbɔ ɔhyew afɔr. 6Na Aaron mfa bɔn ho afɔr nantwisaa no a ɔyɛ nankasa nedze no, mbra, na ɔmfa mpata mma nankasa noho nye ne fie. 7Na ɔmfa mpɔnkye ebien no mbegyina EWURADZE enyim wɔ ehyiadzibuw no n’abowano. 8Na Aaron ntwe mpɔnkye ebien no ho tonto; tonto kor nyɛ EWURADZE dze, na tonto kor so nyɛ Azazel#16.8 AZAZEL: Wotum dze gyina hɔ ma apɔnkyenyin a wɔdze no eyi mbusu na woegyaa no ma ɔnenam haban mu anaadɛ beebi a apɔnkyenyin a woehue mbusu egu no do no rokɔ no. dze. 9Na Aaron mfa apɔnkye a EWURADZE tonto bɔɔ no no mbra, na ɔmfa mbɔbɔ bɔn ho afɔr. 10Apɔnkye a Azazel tonto bɔɔ no no dze, ɔmfa no enyikan mbegyina EWURADZE enyim, mfa mpata mma no, dɛ wokegyaa no ma Azazel ma ɔkɔ sar no do. 11Na Aaron mfa bɔn ho afɔr nantwisaa no a ɔyɛ nankasa nedze no mbra, ma ɔmfa mpata mma nankasa noho, nye ne fi, na onku bɔn ho afɔr nantwisaa no a ɔyɛ nankasa nedze no: 12na ɔmfa eduhuamsɛn gyabiriw mfi afɔrmbukyia no do wɔ EWURADZE enyim, na eduhuam a woesiw no mokomoko ne nsa ma, na ɔmfa mbra ntwamutam no mu: 13na ɔmfa eduhuam no ngu gya no do wɔ EWURADZE enyim, ama eduhuam no no wusiw aakata mbɔbɔrhu egua no a ɔwɔ dase no do no ho, ma oeennwu: 14na ɔmfa nantwisaa no ho bɔgyaa bi, na ɔmfa ne nsatseaba nka mpetse mbɔbɔrhu egua no do wɔ boka afamu; na ɔmfa ne nsatseaba nka bɔgya no bi mpetse mbɔbɔrhu egua no enyim mpɛn esuon. 15#Heb 9.12 Nkyii onku bɔn ho afɔr apɔnkye no a ɔyɛ ɔman no dze no, na ɔmfa no bɔgyaa no mbra ntwamutam no mu, na ɔmfa no bɔgyaa no nyɛ dɛ mbrɛ ɔdze nantwisaa no no bɔgyaa yɛe no, na ɔmfa mpetse mbɔbɔrhu egua no do, na mbɔbɔrhu egua no enyim: 16na ɔmfa mpata mma bea krɔnkrɔn no, wɔ Israelmba hɔn efifidze, nye hɔn mbrato ntsi, mekyerɛ hɔn bɔn nyinara ho; na dɛm na ɔnyɛ mma ehyiadzibuw no a osi hɔn mu no ɔnam hɔn efifidze no ntsi. 17Na mma nyimpa biara nntsena ehyiadzibuw no mu aber a ɔrokɔ mu akɛpata wɔ bea krɔnkrɔn no araa nkodu dɛ obefir edzi, na ɔapata ama nankasa noho, nye ne fifo, nye Israel bagua no nyinara. 18Na omfir edzi nkɔ afɔrmbukyia no a ɔwɔ EWURADZE enyim no ho, na ɔmpata mma no; na ɔmfa nantwisaa no no bɔgyaa no bi, nye apɔnkye no no bɔgyaa no bi na ɔmfa nkeka afɔrmbukyia no ne mmbɛn ho nhyia. 19Na ɔmfa ne nsatseaba nka bɔgya no bi mpetse do mpɛn esuon, na ɔntsew ho, na ɔnyɛ no krɔnkrɔn mfi Israelmba hɔn efifidze no mu. 20Na sɛ owie mpata ma bea krɔnkrɔn no, nye ehyiadzibuw no, nye afɔrmbukyia no a, ɔmfa apɔnkye nyikan no mbra: 21na Aaron mfa ne nsa ebien nyinara ngu apɔnkye nyikan no etsifi, na ɔnka Israelmba hɔn emumuyɛ nyinara, nye hɔn mbrato nyinara, mekyerɛ hɔn bɔn nyinara, ngu apɔnkye no etsifi, na ɔmfa no nhyɛ ɔbanyin a woeyi no esi hɔ no nsa ma onkegyaa no ma ɔnkɔ sar no do: 22na apɔnkye no nsoa hɔn emumuyɛ nyinara mfa nkɔ. 23#Eze 44.19 Na Aaron mbra ehyiadzibuw no mu, na onyi ndwera ntar no a ɔhyɛe kɔr bea krɔnkrɔn no, na ongyaa no wɔ hɔ: 24na onguar wɔ nsu mu wɔ beebi a ɔyɛ krɔnkrɔn, na ɔnhyɛ ne ntar, na omfir edzi, na ɔnkɔbɔ ne hyew afɔr nye ɔman no hɔn hyew afɔr no, na ɔmpata mma nankasa noho, nye ɔman no. 25Na bɔn ho afɔr seradze no ɔnhyew no wɔ afɔrmbukyia no do. 26Na nyia okegyaa apɔnkye no ma Azazel no ɔnhor ne ntar, na onguar no honam wɔ nsu mu, na n’ekyir no ɔmbra nseraban no mu. 27#Heb 13.11 Na bɔn ho afɔr nantwisaa no, nye bɔn ho afɔr apɔnkye a wɔdze hɔn bɔgyaa baa bɛpataa wɔ bea krɔnkrɔn no, wɔmfa nkɔ nseraban no ekyir; na wɔnhyew hɔn nwoma, nye hɔn nam, nye hɔn egyanan wɔ gya mu. 28Na nyia ɔhyew no no nhor ne ntar, na onguar wɔ nsu mu, na n’ekyir no ɔmbra nseraban no mu.
29 #
Lev 23.26-32; Nka 29.7-11 Na ɔyɛ daa ahyɛdze ma hom: bosoom a otsia esuon no mu no, bosoom no ne da a otsia du no, hom mbrɛ homho adze, na mma wɔnnyɛ edwuma biara, okuromnyi o, ɔhɔho a ɔbɔsoɛ hom mu o, 30na da yi mu na wɔmpata mma hom, mfa ntsew homho; ama hom ho aatsew efi hom bɔn nyinara mu wɔ EWURADZE enyim. 31Ɔyɛ ahomgye mu ahomgye afe ma hom, na hom mbrɛ homho adze; ɔyɛ daa ahyɛdze. 32Na ɔsɔfo a wɔasera no ngo a woetu no esi nkyɛn dɛ ondzi sɔfo n’egya n’ananmu no mpata, na ɔnhyɛ ndwera ntar no, mekyerɛ ntar krɔnkrɔn no; 33na ɔmpata mma ahotseweebea krɔnkrɔn no, na ɔmpata mma ehyiadzibuw no nye afɔrmbukyia no, na ɔmpata mma ɔsɔfo no nye ɔman baguafo no nyinara. 34Na iyi nyɛ daa ahyɛdze mma hom, mfa mpata mma Israelmba wɔ hɔn bɔn nyinara ntsi prɛko wɔ afrenhyia mu. Na ɔyɛɛ dɛ mbrɛ EWURADZE hyɛɛ Moses no.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.