Levitikɔs 14
14
Honamenyi Yarba Ho Ahosan
1Na EWURADZE kasaa kyerɛɛ Moses dɛ, 2#Mat 8.4; Mar 1.44; Luk 5.14; 17.14 Iyi nye mbra a ɔwɔ hɔ ma ɔkwatanyi wɔ n’ahotsewee da no mu: wɔmfa no mbra ɔsɔfo no: 3na ɔsɔfo no mfir edzi nkɔ nseraban no ekyir: na ɔsɔfo no nhwɛ, na, hwɛ, sɛ kwata ntsetsewee no asa wɔ ɔkwatanyi no mu a; 4ɔno ɔsɔfo no nhyɛ ma wɔmfa nnoma enyikan a hɔn ho tsew ebien, nye kyindur dua, nye serdaa, nye odwonhataw mma nyia wɔrebɛtsew no ho no mbra: 5na ɔsɔfo no nhyɛ mma wonku nnoma no mu kor wɔ dɛtsesɛn bi mu wɔ mbasu do: 6anoma nyikan no dze, ɔmfa ɔno, nye kyindur dua no, nye serdaa no, nye odwonhataw no, na ɔmfa ne nyinara nye anoma nyikan no mbɔ anoma a wokum no wɔ mbasu do no no bɔgyaa mu: 7na ɔmfa mpetse nyia wɔrebɛtsew no ho efi kwata ho no do mpɛn esuon, na ɔnka dɛ no ho atsew, na ongyaa anoma nyikan no ma ɔnkɔ haban mu. 8Na nyia wɔrebɛtsew no ho no, nhor ne ntar, na onyi no nhwi nyinara, na onguar nsu mu, na no ho aatsew: na n’ekyir no ɔmbra nseraban no mu dze, na ɔntsena no buw ekyir nda esuon. 9Na ɔmbra dɛ da a otsia esuon no, na onyi no nhwi nyinara wɔ n’etsifi nye n’abɔdwesa nye no ntɔn, mekyerɛ no nhwi nyinara na onyi: na ɔnhor ne ntar, na onguar no honam wɔ nsu mu, na no ho aatsew. 10Na da a otsia awɔtwe no ɔmfa nguambaanyin ebien a wonndzii dzɛm, nye nguambaaber kor a oedzi afrenhyia a onndzii dzɛm, na edziban afɔr isiam pa efa ebupɛn du mu ebiasa a wɔdze ngo aforɔw, na ngo toa kor, mbra. 11Na ɔsɔfo no a ɔtsew no ho no mfa ɔbanyin a wɔrebɛtsew no ho no, nye ndzɛmba no, mbegyina EWURADZE enyim, wɔ ehyiadzibuw no n’abowano: 12na ɔsɔfo no mfa nguambaanyin no mu kor, na ɔmfa no mbra dɛ asodzi ho afɔr, nye ngo toa no, na ɔntow no ɔtow afɔr wɔ EWURADZE enyim: 13na onku eguambaanyin no wɔ beebi mbrɛ woku bɔn ho afɔr nye ɔhyew afɔr abowa no, wɔ ahotseweebea no do hɔ: na dɛ mbrɛ bɔn ho afɔr no yɛ ɔsɔfo no dze no, dɛmara na asodzi ho afɔr no so: ɔyɛ krɔnkrɔndze mu adzekrɔnkrɔn: 14na ɔsɔfo no mfa asodzi ho afɔr bɔgyaa no bi, na ɔsɔfo no mfa nkeka nyia wɔrebɛtsew no ho no n’aso nyimfa ano, nye ne nsa nyimfa kokrobetsir, nye ne nan nyimfa kokonyin ano: 15na ɔsɔfo no mfa ngo toa no, na onhue bi ngu nankasa ne nsa bankum mu: 16na ɔsɔfo no mfa ne nsatseaba nyimfa mbɔ ngo no a ɔwɔ ne nsa bankum mu no mu, na ɔmfa ne nsatseaba mpetse ngo no bi mpɛn esuon wɔ EWURADZE enyim: 17na ngo no nkaa no a ɔwɔ ne nsamu no ɔsɔfo no mfa bi nkeka nyia wɔrebɛtsew no ho no n’aso nyimfa ano, nye ne nsa nyimfa kokrobetsir, nye ne nan nyimfa kokonyin ano, wɔ asodzi ho afɔr bɔgyaa no do: 18na ngo nkaa no a ɔwɔ ɔsɔfo ne nsamu no ɔmfa ngu nyia wɔrebɛtsew no ho no etsifi: na ɔsɔfo mpata mma no wɔ EWURADZE enyim. 19Na ɔsɔfo no mbɔ bɔn ho afɔr no, na ɔmpata mma nyia wɔrebɛtsew no ho wɔ n’ahoɔfi ntsi; na n’ekyir no onku hyew afɔr abowa no: 20na ɔsɔfo no mbɔ hyew afɔr no nye edziban afɔr no wɔ afɔrmbukyia no do: na ɔsɔfo no mpata mma no, na no ho ntsew.
21Na sɛ odzi hia, na onnkotum enya no dodow dɛm a, ɔno ɔmfa eguambaanyin kor mbɛyɛ asodzi ho afɔr mma wɔntow mfa mpata mma no, na edziban afɔr isiam pa efa ebupɛn du mu kor a wɔdze ngo aforɔw, na ngo toa; 22na ntamram ebien, anaa mborɔnoma mba ebien, dɛ mbrɛ ne nsa bɔso do ara; na kor nyɛ bɔn ho afɔr, na kor so, nyɛ ɔhyew afɔr. 23Na da a otsia awɔtwe no ɔmfa mbrɛ ɔsɔfo no, wɔ ehyiadzibuw no n’abowano, wɔ EWURADZE enyim, wɔ n’ahoguar ntsi. 24Na ɔsɔfo no mfa asodzi ho afɔr eguambaa no, nye ngo toa no, na ɔsɔfo no ntow no nyɛ ɔtow afɔr wɔ EWURADZE enyim: 25na onku asodzi ho afɔr eguambaa no, na ɔsɔfo no mfa asodzi no afɔr bɔgyaa no bi, na ɔmfa nkeka nyia wɔrebɛtsew no ho no n’aso nyimfa ano, nye ne nsa nyimfa kokrobetsir, nye ne nan nyimfa kokonyin ano: 26na ɔsɔfo no nhue ngo no bi ngu nankasa ne nsa bankum mu: 27na ɔsɔfo no mfa ne nsatseaba nyimfa mfa ngo no a ɔwɔ ne nsa bankum mu no bi mpetse mpɛn esuon wɔ EWURADZE enyim: 28na ɔsɔfo no mfa ngo no a ɔwɔ ne nsamu no bi nkeka nyia wɔrebɛtsew no ho no n’aso nyimfa ano, nye ne nsa nyimfa kokrobetsir, nye ne nan nyimfa kokonyin ano wɔ mbrɛ asodzi ho afɔr bɔgyaa no wɔ no: 29na ngo no ne nkaa no a ɔwɔ ɔsɔfo no nsamu no ɔmfa ngu nyia wɔrebɛtsew no ho no etsifi, mfa nyɛ mpata mma no wɔ EWURADZE enyim. 30Na ɔmfa ntamram anaa mborɔnomamba no mu kor, dɛ mbrɛ ne nsa bɔso do no ara mbra; 31mekyerɛ dɛ mbrɛ ne nsa bɔso do no ara, kor nyɛ bɔn ho afɔr, na kor so nyɛ ɔhyew afɔr nka edziban afɔr no ho: na ɔsɔfo no mpata nyia wɔrebɛtsew no ho no wɔ EWURADZE enyim. 32Iyi nye mbra a ɔwɔ hɔ ma nyia kwata ntsetsewee aka no a ne nsa nnso n’ahoguar adze do no.
Adan A Ifi Aka
33Na EWURADZE kasaa kyerɛɛ Moses nye Aaron dɛ, 34Sɛ hom du Keenan asaase a medze rema hom dɛ enyadze no do, na sɛ medze kwata ntsetsewee mobɔto hom enyadze asaase do fie bi mu a; 35ɔno fie no wura no mbra, na ɔmbɛka nkyerɛ ɔsɔfo no dɛ, Ɔyɛ me dɛ biribi tse dɛ ntsetsewee bi esi fie no mu hɔ: 36na ɔsɔfo no nhyɛ ma wonyi fie no mu ndzɛmba nyinara, ansaana ɔsɔfo no akɔ mu akɔhwɛ ntsetsewee no, amma dza ɔwɔ fie no mu nyinara ho eenngu fi: na n’ekyir no ɔsɔfo no nkɔ mu nkɔhwɛ fie no: 37na ɔnhwɛ ntsetsewee no, na, hwɛ, sɛ ntsetsewee no wɔ fie no ne fadum ho ntokurntokur mu nkekaa ebunebun anaa mberberee, na n’enyi atotɔ mu asen ɔfadum no a; 38ɔno ɔsɔfo no mfi fie no mu mpue fie no n’abowano, na ɔntow fie no mu nda esuon: 39na da a otsia esuon no ɔsɔfo no mbra bio, na ɔmbɔhwɛ: na, hwɛ, sɛ ntsetsewee no atserɛw wɔ fie no ne fadum ho a; 40ɔno ɔsɔfo no nhyɛ ma wonyiyi abo a ntsetsewee no wɔ ho no, na wɔnkɔtow ngu kurow no n’ekyir mbrɛ hɔ nntsew: 41na ɔmma wɔntwerɛw fie no mu nhyia, na wɔmfa dɛtse a wɔatwerɛw no nkogu kurow no ekyir mbrɛ hɔ nntsew: 42na wɔmfa abo fofor na wɔmfa nhyehyɛ abo no n’ananmu; na ɔmfa dɛtse fofor, na ɔmfa ntetar fie no ho. 43Na oetutu abo no ekyir, na ɔatwerɛw fie no mu ekyir, na ɔatetar ekyir no, na sɛ ntsetsewee no ba bio, na opue wɔ fie no mu a; 44ɔno ɔsɔfo no mbra mbɔhwɛ, na hwɛ, sɛ ntsetsewee no atserɛw wɔ fie no mu a, ɔyɛ kwata nwewee wɔ fie no mu: no ho nntsew. 45Na ondwuruw fie no ngu famu, n’abo, nye no mpuna, nye fie no ne dɛtse nyinara; na ɔnsoa mfi kurow no mu mpue nkogu mbrɛ hɔ nntsew. 46Afei so nyia ɔbɔkɔ fie no mu wɔ aber a wɔatow mu no nyinara mu no, no ho nntsew araa kodu ewimbir. 47Na nyia ɔda wɔ fie no mu no nhor ne ntar. 48Na sɛ wɔatetar fie no n’ekyir no, ɔsɔfo no ba, na ɔbɔhwɛ, na, hwɛ, ntsetsewee no nntserɛw wɔ fie no mu a; ɔno ɔsɔfo no nka dɛ fie no ho tsew, osiandɛ ntsetsewee no asa. 49Na ɔmfa nnoma ebien, nye kyindur dua, nye serdaa, nye odwonhataw ntsew fie no ho: 50na onku nnoma no mu kor wɔ dɛtsesɛn mu wɔ mbasu do: 51na ɔmfa kyindur dua no, nye odwonhataw no, nye serdaa no, nye anoma nyikan no, na ɔmfa anoma a woeku no no no bɔgyaa mu, nye mbasu no mu, na ɔmfa mpetse fie no do mpɛn esuon: 52na ɔmfa anoma no no bɔgyaa, nye mbasu no, nye anoma nyikan no, nye kyindur dua no, nye odwonhataw no, nye serdaa no, ntsew fie no ho: 53mbom ongyaa anoma nyikan no ma omfi kurow no mu nkɔ haban hantann no mu: ma ɔmpata mma fie no: na no ho ntsew.
54Iyi nye mbra a ɔwɔ hɔ ma kwata ntsetsewee ahorow nyinara, nye ntutui; 55nye ntar nye fie ho kwata; 56na soaa, nye ntwintwamee, nye ntokowa ntokowa: 57ma wɔdze akyerɛkyerɛ aber a adze ho nntsew, nye aber a adze ho tsew: iyi nye kwata ho mbra.
Currently Selected:
Levitikɔs 14: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Levitikɔs 14
14
Honamenyi Yarba Ho Ahosan
1Na EWURADZE kasaa kyerɛɛ Moses dɛ, 2#Mat 8.4; Mar 1.44; Luk 5.14; 17.14 Iyi nye mbra a ɔwɔ hɔ ma ɔkwatanyi wɔ n’ahotsewee da no mu: wɔmfa no mbra ɔsɔfo no: 3na ɔsɔfo no mfir edzi nkɔ nseraban no ekyir: na ɔsɔfo no nhwɛ, na, hwɛ, sɛ kwata ntsetsewee no asa wɔ ɔkwatanyi no mu a; 4ɔno ɔsɔfo no nhyɛ ma wɔmfa nnoma enyikan a hɔn ho tsew ebien, nye kyindur dua, nye serdaa, nye odwonhataw mma nyia wɔrebɛtsew no ho no mbra: 5na ɔsɔfo no nhyɛ mma wonku nnoma no mu kor wɔ dɛtsesɛn bi mu wɔ mbasu do: 6anoma nyikan no dze, ɔmfa ɔno, nye kyindur dua no, nye serdaa no, nye odwonhataw no, na ɔmfa ne nyinara nye anoma nyikan no mbɔ anoma a wokum no wɔ mbasu do no no bɔgyaa mu: 7na ɔmfa mpetse nyia wɔrebɛtsew no ho efi kwata ho no do mpɛn esuon, na ɔnka dɛ no ho atsew, na ongyaa anoma nyikan no ma ɔnkɔ haban mu. 8Na nyia wɔrebɛtsew no ho no, nhor ne ntar, na onyi no nhwi nyinara, na onguar nsu mu, na no ho aatsew: na n’ekyir no ɔmbra nseraban no mu dze, na ɔntsena no buw ekyir nda esuon. 9Na ɔmbra dɛ da a otsia esuon no, na onyi no nhwi nyinara wɔ n’etsifi nye n’abɔdwesa nye no ntɔn, mekyerɛ no nhwi nyinara na onyi: na ɔnhor ne ntar, na onguar no honam wɔ nsu mu, na no ho aatsew. 10Na da a otsia awɔtwe no ɔmfa nguambaanyin ebien a wonndzii dzɛm, nye nguambaaber kor a oedzi afrenhyia a onndzii dzɛm, na edziban afɔr isiam pa efa ebupɛn du mu ebiasa a wɔdze ngo aforɔw, na ngo toa kor, mbra. 11Na ɔsɔfo no a ɔtsew no ho no mfa ɔbanyin a wɔrebɛtsew no ho no, nye ndzɛmba no, mbegyina EWURADZE enyim, wɔ ehyiadzibuw no n’abowano: 12na ɔsɔfo no mfa nguambaanyin no mu kor, na ɔmfa no mbra dɛ asodzi ho afɔr, nye ngo toa no, na ɔntow no ɔtow afɔr wɔ EWURADZE enyim: 13na onku eguambaanyin no wɔ beebi mbrɛ woku bɔn ho afɔr nye ɔhyew afɔr abowa no, wɔ ahotseweebea no do hɔ: na dɛ mbrɛ bɔn ho afɔr no yɛ ɔsɔfo no dze no, dɛmara na asodzi ho afɔr no so: ɔyɛ krɔnkrɔndze mu adzekrɔnkrɔn: 14na ɔsɔfo no mfa asodzi ho afɔr bɔgyaa no bi, na ɔsɔfo no mfa nkeka nyia wɔrebɛtsew no ho no n’aso nyimfa ano, nye ne nsa nyimfa kokrobetsir, nye ne nan nyimfa kokonyin ano: 15na ɔsɔfo no mfa ngo toa no, na onhue bi ngu nankasa ne nsa bankum mu: 16na ɔsɔfo no mfa ne nsatseaba nyimfa mbɔ ngo no a ɔwɔ ne nsa bankum mu no mu, na ɔmfa ne nsatseaba mpetse ngo no bi mpɛn esuon wɔ EWURADZE enyim: 17na ngo no nkaa no a ɔwɔ ne nsamu no ɔsɔfo no mfa bi nkeka nyia wɔrebɛtsew no ho no n’aso nyimfa ano, nye ne nsa nyimfa kokrobetsir, nye ne nan nyimfa kokonyin ano, wɔ asodzi ho afɔr bɔgyaa no do: 18na ngo nkaa no a ɔwɔ ɔsɔfo ne nsamu no ɔmfa ngu nyia wɔrebɛtsew no ho no etsifi: na ɔsɔfo mpata mma no wɔ EWURADZE enyim. 19Na ɔsɔfo no mbɔ bɔn ho afɔr no, na ɔmpata mma nyia wɔrebɛtsew no ho wɔ n’ahoɔfi ntsi; na n’ekyir no onku hyew afɔr abowa no: 20na ɔsɔfo no mbɔ hyew afɔr no nye edziban afɔr no wɔ afɔrmbukyia no do: na ɔsɔfo no mpata mma no, na no ho ntsew.
21Na sɛ odzi hia, na onnkotum enya no dodow dɛm a, ɔno ɔmfa eguambaanyin kor mbɛyɛ asodzi ho afɔr mma wɔntow mfa mpata mma no, na edziban afɔr isiam pa efa ebupɛn du mu kor a wɔdze ngo aforɔw, na ngo toa; 22na ntamram ebien, anaa mborɔnoma mba ebien, dɛ mbrɛ ne nsa bɔso do ara; na kor nyɛ bɔn ho afɔr, na kor so, nyɛ ɔhyew afɔr. 23Na da a otsia awɔtwe no ɔmfa mbrɛ ɔsɔfo no, wɔ ehyiadzibuw no n’abowano, wɔ EWURADZE enyim, wɔ n’ahoguar ntsi. 24Na ɔsɔfo no mfa asodzi ho afɔr eguambaa no, nye ngo toa no, na ɔsɔfo no ntow no nyɛ ɔtow afɔr wɔ EWURADZE enyim: 25na onku asodzi ho afɔr eguambaa no, na ɔsɔfo no mfa asodzi no afɔr bɔgyaa no bi, na ɔmfa nkeka nyia wɔrebɛtsew no ho no n’aso nyimfa ano, nye ne nsa nyimfa kokrobetsir, nye ne nan nyimfa kokonyin ano: 26na ɔsɔfo no nhue ngo no bi ngu nankasa ne nsa bankum mu: 27na ɔsɔfo no mfa ne nsatseaba nyimfa mfa ngo no a ɔwɔ ne nsa bankum mu no bi mpetse mpɛn esuon wɔ EWURADZE enyim: 28na ɔsɔfo no mfa ngo no a ɔwɔ ne nsamu no bi nkeka nyia wɔrebɛtsew no ho no n’aso nyimfa ano, nye ne nsa nyimfa kokrobetsir, nye ne nan nyimfa kokonyin ano wɔ mbrɛ asodzi ho afɔr bɔgyaa no wɔ no: 29na ngo no ne nkaa no a ɔwɔ ɔsɔfo no nsamu no ɔmfa ngu nyia wɔrebɛtsew no ho no etsifi, mfa nyɛ mpata mma no wɔ EWURADZE enyim. 30Na ɔmfa ntamram anaa mborɔnomamba no mu kor, dɛ mbrɛ ne nsa bɔso do no ara mbra; 31mekyerɛ dɛ mbrɛ ne nsa bɔso do no ara, kor nyɛ bɔn ho afɔr, na kor so nyɛ ɔhyew afɔr nka edziban afɔr no ho: na ɔsɔfo no mpata nyia wɔrebɛtsew no ho no wɔ EWURADZE enyim. 32Iyi nye mbra a ɔwɔ hɔ ma nyia kwata ntsetsewee aka no a ne nsa nnso n’ahoguar adze do no.
Adan A Ifi Aka
33Na EWURADZE kasaa kyerɛɛ Moses nye Aaron dɛ, 34Sɛ hom du Keenan asaase a medze rema hom dɛ enyadze no do, na sɛ medze kwata ntsetsewee mobɔto hom enyadze asaase do fie bi mu a; 35ɔno fie no wura no mbra, na ɔmbɛka nkyerɛ ɔsɔfo no dɛ, Ɔyɛ me dɛ biribi tse dɛ ntsetsewee bi esi fie no mu hɔ: 36na ɔsɔfo no nhyɛ ma wonyi fie no mu ndzɛmba nyinara, ansaana ɔsɔfo no akɔ mu akɔhwɛ ntsetsewee no, amma dza ɔwɔ fie no mu nyinara ho eenngu fi: na n’ekyir no ɔsɔfo no nkɔ mu nkɔhwɛ fie no: 37na ɔnhwɛ ntsetsewee no, na, hwɛ, sɛ ntsetsewee no wɔ fie no ne fadum ho ntokurntokur mu nkekaa ebunebun anaa mberberee, na n’enyi atotɔ mu asen ɔfadum no a; 38ɔno ɔsɔfo no mfi fie no mu mpue fie no n’abowano, na ɔntow fie no mu nda esuon: 39na da a otsia esuon no ɔsɔfo no mbra bio, na ɔmbɔhwɛ: na, hwɛ, sɛ ntsetsewee no atserɛw wɔ fie no ne fadum ho a; 40ɔno ɔsɔfo no nhyɛ ma wonyiyi abo a ntsetsewee no wɔ ho no, na wɔnkɔtow ngu kurow no n’ekyir mbrɛ hɔ nntsew: 41na ɔmma wɔntwerɛw fie no mu nhyia, na wɔmfa dɛtse a wɔatwerɛw no nkogu kurow no ekyir mbrɛ hɔ nntsew: 42na wɔmfa abo fofor na wɔmfa nhyehyɛ abo no n’ananmu; na ɔmfa dɛtse fofor, na ɔmfa ntetar fie no ho. 43Na oetutu abo no ekyir, na ɔatwerɛw fie no mu ekyir, na ɔatetar ekyir no, na sɛ ntsetsewee no ba bio, na opue wɔ fie no mu a; 44ɔno ɔsɔfo no mbra mbɔhwɛ, na hwɛ, sɛ ntsetsewee no atserɛw wɔ fie no mu a, ɔyɛ kwata nwewee wɔ fie no mu: no ho nntsew. 45Na ondwuruw fie no ngu famu, n’abo, nye no mpuna, nye fie no ne dɛtse nyinara; na ɔnsoa mfi kurow no mu mpue nkogu mbrɛ hɔ nntsew. 46Afei so nyia ɔbɔkɔ fie no mu wɔ aber a wɔatow mu no nyinara mu no, no ho nntsew araa kodu ewimbir. 47Na nyia ɔda wɔ fie no mu no nhor ne ntar. 48Na sɛ wɔatetar fie no n’ekyir no, ɔsɔfo no ba, na ɔbɔhwɛ, na, hwɛ, ntsetsewee no nntserɛw wɔ fie no mu a; ɔno ɔsɔfo no nka dɛ fie no ho tsew, osiandɛ ntsetsewee no asa. 49Na ɔmfa nnoma ebien, nye kyindur dua, nye serdaa, nye odwonhataw ntsew fie no ho: 50na onku nnoma no mu kor wɔ dɛtsesɛn mu wɔ mbasu do: 51na ɔmfa kyindur dua no, nye odwonhataw no, nye serdaa no, nye anoma nyikan no, na ɔmfa anoma a woeku no no no bɔgyaa mu, nye mbasu no mu, na ɔmfa mpetse fie no do mpɛn esuon: 52na ɔmfa anoma no no bɔgyaa, nye mbasu no, nye anoma nyikan no, nye kyindur dua no, nye odwonhataw no, nye serdaa no, ntsew fie no ho: 53mbom ongyaa anoma nyikan no ma omfi kurow no mu nkɔ haban hantann no mu: ma ɔmpata mma fie no: na no ho ntsew.
54Iyi nye mbra a ɔwɔ hɔ ma kwata ntsetsewee ahorow nyinara, nye ntutui; 55nye ntar nye fie ho kwata; 56na soaa, nye ntwintwamee, nye ntokowa ntokowa: 57ma wɔdze akyerɛkyerɛ aber a adze ho nntsew, nye aber a adze ho tsew: iyi nye kwata ho mbra.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.